المتزوجات...السنعات...العاقلات...ذوات الحكمة والاسلوب الراقي فقط يدشون هالموضوع

[انثى بحق]

الحمدلله على كل حال .. لكن بالنسبة لي ما اقدر استمر معاه .. الصلاة ثم الصلاة ثم الصلاة أهم شي ..
وربي يهديه ويشافيه من اللي فيه .. عليج بالصبر والدعاء يا اختي .. وربي يصلح ولدج لج .. ​

 

[ام كوثر2007]

بالنسبه للصلاه في وايد ريايييل ما يصلووون ,,, بس بعدين ربج هداااهم يعني مو معقوله بتطلقين منه عشان يعتبر كافر علي قولتهم ويمكن في مجال كبير انه يهتدي ويقوم يصلي ..

ثاني شي موضووع الحشيش والتدخين .. طبعا في فرق بينهم .. التدخين ما اشوفه مشكله اغلب الرياييل مدخنين وهالشي ما يعيبه ..

ولا لج حق انج تطالبين بالطلاق او الانفصاال عشانه يدخن .. تنصحينه تحاولين تعالجينه اي .. لكن انج تفرضين هالشي وتحطينه شرط للاستمرار معاه غلط ..

الحشيش هذا لابد من علاجه .. لانه هذا من المخدراات .


النظافه الشخصيه حبيبتي انتي قلتي انج جربتي كل الحلول معاه وما فاد

جربتي انج تدخلين معاه الحمام وتسبحينه انتي بنفسج ؟

جربتي انج تقوليله مثل ما انا اتسنع لك واتبخر واتعطر ابيك نفس الشي ...

حاولي كل ما تخلصوون من الفرااش تسحبينه سحااب للحمام ودشي معاه تسبحي وسبحيه


لين يتعود

فهميه انه لو ظل علي جنابته بكل خطوه يمشيها الملائكه يلعنونه ..


حاولي فيه دام انه يحبج ويبيج وانتي ما تبين الطلاق ..

 

[Pizza Queen]

اشفيكم بنات !!!!!!!!!!!!

قاعد تقول لكم يحشش

استغفرالله

ردي لهلج انتي واخذي ورقتج

هذي مشكلة المرا لاحبت وبكرا تعض اصابع الندم

 

[دلوعة صلوح]

لا حول ولا قوة الا بالله الله يعينج ويهدى لج يارب العالمين.

 

[dnyay_mll]

عن نفسي ماراح اصبـر ولا يوم واحد معاه
مع اني قويـه لكـن بشتري راحتي واتطلـق

 

[فراولة قلبها]

? الله يعينج حبيبتي ويهديه حقج

 

[tbola]

مادري بس لو انا ماراح اصبر اكثر عليه كفايه مايصلي ومايسبح ورا الجنااابه والله يهدي الجميع

 

[أنثى بلذة العسل]

لاحول ولا قوة الا بالله حبيبتي ريلج ( كافر ) لان الرسول عليه الصلاة والسلام يقول فيما معناه من ترك الصلاة اربعين يوما فقد كفر !! وايضا يقول العهد الذي بيننا وبينهم الصلاة فمن تركها فقد كفر !!!

والغريب انج تقولين اتحبينه !! واحد عاصي ربه وكل صفات الكفار اجتمعت فيه شلون تحبينه !! الله يهديج انتي وياه اذا مو قادره تصلحين من حاله اشحقه قاعده عنده ؟؟ اهي حاله من ثنتين يانج تأثرين عليه او يأثر عليج

 

[ام زهقانه]

محشش
وتارك صلاة. وديوث. مو منه من الحشيش
أش تبين فيه
ما منه فايده
موراضي يتعدل
أسمكي اشياء الثانيه تهون
عن التظافه والتدخين
رائج بيدك

 

[بــــدره]

لاحول ولا قوة الا بالله حبيبتي ريلج ( كافر ) لان الرسول عليه الصلاة والسلام يقول فيما معناه من ترك الصلاة اربعين يوما فقد كفر !! وايضا يقول العهد الذي بيننا وبينهم الصلاة فمن تركها فقد كفر !!!

والغريب انج تقولين اتحبينه !! واحد عاصي ربه وكل صفات الكفار اجتمعت فيه شلون تحبينه !! الله يهديج انتي وياه اذا مو قادره تصلحين من حاله اشحقه قاعده عنده ؟؟ اهي حاله من ثنتين يانج تأثرين عليه او يأثر عليج

لحظه لحظه !!
ستووووب
حبيبتي انثى بطعم العسل
حسيتج جاهل ام 15 سنه !


انتي بكيفج تكفرين الناس ؟؟
غلطانه حبيبتي
العلماء و المشايخ هم الي يعرفون بهالامور و اهم الي يحكمون اما انتي تجين و تقولين فلان كافر و حاطتلي جم حديث و خلاص يعني ؟؟
هالكلام ما ينقال بهالسهوله
استغفري ربج و توبي

ما يصير تقولين فلان كافر

كلش كلش اذا اضطريتي قولي التصرف الفلاني يؤدي الى الكفر و العياذ بالله

لكن ما يجوز تكفرين شخص بعينه
و اقري فتاوى العلماء بخصوص هالموضوع : حكم تكفير الانسان

التكفير مو لعبه هذه كلمه كبيره و عظيمه





و بالنسبه للأخت صاحبة الموضوع
بصراحه ضاق صدري لما قريت مشكلتج

مادري شلون انصحج لأن حالة زوجج صعبه

بس أغلى نصيحه ممكن اقدمها لج : الدعــــــاء
والله انا اعرف ناس تعرضوا لاكبر من مشكلتج و كان همهم بالدعاء سبحان الله و ربي حل مشاكلهم


ادعيله من قلب
ادعيله بالسجود
ادعيله بالثلث الأخير من الليل
فضفضي كل هموم لربج
احنا ما بيدنا غير نقترح عليج حلول و نساعدج
لكن الي يقدر يحل مشكلج فعلا هو الله سبحانه

لعل الله يهديه و يسخره لج
لأن صعبه جدا طفلج يتربى مع أبو بهالشكل صعبه حيييييل خصوصا انه ولد و يشوف ابوه مدمن مخدرات و مدخن يعني الابو بيكون قدوه سيئه للابن

الله يهدييييه يارب

 

[ياعوين الصابرين]

المشكلة الكبيرة اهي الحشيش
الحشيش مدخل من مداخل الشيطان عشان جذي ترك الصلاة والنظافة
حاولي معاه خل يتعالج

 

[**صاحبة السمو**]

لو اني منج ادق على الاصلاح الاسري في هناك دكاترة نفسيين رايح يفيدونج اكثر

ويتعاملون بسريه تاااااامه ​

 

[Beyoncee]

الله يعينج اختي
شوفي كل اللى قلتيه يصر بسبة الحشيش
ماراح يتغير الا لمن يصير شي جايد ينصدم فيه
الحين الامر متوقف عليج تقدرين تتحملين وتصبرين وتغيرينه
اذا شاريته حاولى ولا تيأسين انج تغيرينه ولج فيها أجر
الحين الداخليه عندهم خط للابلاغ عن المدمن
اب يبلغ عن ولده زوجه تبلغ عن زوجها ويعتبرونه ضحيه ويعالجونه
اللى يحشش صعب بكل شي وكل شوي له مزاج
يبيلج اعصاب حديد تتحملينه
حاولى تعرفين شنو المشكله اللى يعانى منها بهروبه للحشيش
مره هدديه انج بتتركينه مره خوفيه شنو العواقب اذا انصاد
بكل فرصه ذكريه بعواقب اللى قاعد يسويه
الحشيش يغيب العقل ويعيشه بعالم ثانى
والامور الثانيه انتى ساحليه يالله قوم بسبحك اروح معاك الحلاق انطرك
اذا ابوه موجود لا تسكتين دخليه بالموضوع بدون مايعرف انج انتى اللى قلتى
وياقلبي الحياه مو كلها ورديه واحلام حلوه والله الدنيا كلها بلاوي ومآسي
وصبرج عليه له اجر كبير عند الله سبحانه مو السكوت لا العلاج والاصلاح
الله يهديه لج ولولدج ويسخره لكم بما يرضاه الله
واكثري من الدعاء عند صلاة الفجر وقراءة القرآن ساعة الفجر ان قرآن الفجر كان مشهودا

 

[روان المطيري]

أهي حددت منو أللي تبيهم يردون ع مشكلتها العاقلات وذوي حكمه مو ذوي استهزاء

وهمن ذكرت لكم انها ما تبي تتطلق منه عشان ما تششت العايله ! تردون تقولون لها تطلقي !

الحين لو ولدج او اخوج ما يصلي بتتخلين عنه ! بتبتعدين عنه بتطردين ولدج من البيت بقطعين صلة الرحم بينج وبين اخوج أللي ما يصلي !! طبعاً لا
كل المشاكل اللي ذكرتيها لها حل وكل يعتمد عليج النظافه والتدخين والطبايع اللي فيه مو عاجبتج تتغير
والصلاه بمساعده وتعب وجهد منج راح يتغير انا اعرف وحده تزوجت وتدري ان زوجها ما يصلي ما يصوم المسجد ما يدل طريجه
الزقاره ما تطيح من ايده وسفيه مشكلجي وشوفيها مشااءالله عليهم الحين احسن منهم مافيه وعندهم ولد وحامل بعد اللي يتمم عليها
غيرته للاحسن مع انها مو ملتزمه ولا ذات دين اللي يخليها تسوي جذي لكن بشطارتها قدرت عليه أللي حتى اخوانه الكبار ماقدروا عليه
صبري مدامم يحبج ومحترمج لا تخلين الطلاق حل لانه راح يكسر ظهرج كل شي ممكن يمر علينا ونتعب منه و فتره وننساه بس صدقيني الا الطلاق
صج صج يكسر ظهرج راح تحسفين وبتقولين ياريت صبرت وغيرته للأحسن ولا ارد لبيت اهلي مطلقه وولدي يعيش بعيد عن ابوه
صبري حبيبتي الصبر مفتاح الفرج ربي ولدج احسن تربيه وشدي عليه وحطيه بين عيونج اهو اللي باجر بينفعج وبعوضج عن كل شي
والدعاآء والاستغفار وقيامم الليل ما اوصيج فيه والله يهديه لج ويوفقج ويريح بالج حبيبتي ;***

 

[نونو العصله]

هذه حياة وشراكه على الحلوه والمره
مو تعيش معاه بلسلم وتتخلى عنه بازمته
عشرة عمر وبينهم ياهل
الطلاق مو شي سهل


هو مريض و مخه متخدر
يبيله علاج

هذا ابتلاء و امتحان من رب العالمين
ولازم نصبر والفرج قرريب انشاء الله
ترا النفسيه تلعب دور كبير بلعلاج
لا تحسسينه انه عاله عليج و ثقيل
لج اجر انج متحملته

باجر بيتشاافى انشاء الله وبيرلج احسن من اول
ادعي الله يشافيه

ومثل ما قالت العضوه شوفي شنو اللي يخليه يحشش
اكيد في شي يضايقه
حاولي تتهتمين فيه
تخيلي انج انتي المريضه لا سمح الله
ترضين انه يتخلى عنج
محنا ملايكه
كلنا نغلط
هو غلط
واجبج كزوجه تساعدينه و توقفين معاه
الطلاق مو حل

 

[نونو العصله]

لو اقولج سالفتي ما تصدقين
والمصيبه ما اقدر اقولها عام


الله خلق الداء والدواء

 

[sosowaty]

اااااب

 

[مسائل]

تبين تكسبينه وتحافضين على نفسج والبيبي والأعظم تبين ترضين ربج
هذا اختبارج
انتي الي تقدررين تغيرينه
حاولي بكل الطرق
اكيد اهوه وده يتغير بس مدمن
ساعديه وعينيه على هالشئ
واصبري ولج الأجر

هذا افضل نصيحه اعطيها لج

 

[غدووور الكويت]

اي شي يخالف فيه الشرع وحرام اكلمه واذا ما فاد لازم ادخل واحد فاهم بالشرع وله كلمه عليه ينصحه ويتابعه وباجي المشاكل لازم انحلها بيننا

 

[اميره1980]

الحل بالصلاة
اذا ريلج يصلي كل الامور راح تتعدل
بالنسبه للتحشيش هذي اللي يبيلها صبر و طوله بال لازم يتعالج و بتشجيع من الزوجة و اصرار منها طبعا
المشكلة بالصبر مع السكوت و عدم تعديل الاوضاع لازم الزوجة تتحرك باسرع وقت ممكن
موفففففففففففقة