المانيا

[حور بنت علي]

شلونكم بنات أخيرا حجزت بس حق المانيا يعني ماكو الصين ولا ايطاليا ولا فرنسا بس حبيباتي مساعده صغيره أبي الأسواق واقدر اروح حق أي دوله من طريج ألمانيا وشاكره لكم تعبكم م
معاي
ملاحظه: ما في داعي حق التطنز يا بنات الواحد قاعد يسألكم ويتعلم من خبرتكم وبالأخير مشكورين وما قصرتوا

 

[Samurai]

هلا حور ..
يعتمد انتي راح تقعدين بأي منطقه في ألمانيا ؟

افضل المحلات كوف هوف جاليريا للعطور والمكياج والجناط و c&a للملابس بس ملابس عاديه
وفي كم اوتلت

 

[حور بنت علي]

حبوبه بنقعد بميونيخ ووووووووي يقولون برد وثلج هذا اللي أنا ما أحبه بس شنسوي حجزنا

 

[عبير-الشرق]

حبوووبه عندج زلمسي قريبه وسالزبورغ وعندج قارمش بره ميونخ وعند الاوت لت ومجمع ريماكادي بميونخ وسوق ماريا بلاتز يكون مفتوح وفيه كل المحلات وماكسيمليان ستريت للماركات والمحلات المناسبه اسعارها c&a

 

[ام مهاوش]

افا ماعاش اللي يطنز ويعيب عليج
لاوالله احنا موجودين عشان كل وحده اتفيد وتستفيد من الثانيه
انا رحت ميونيخ كلها سوق وعندهم اولمبيك بارك وايد حلوه وفيها العاب ولاصق فيها متحف البي ام دبليو تشوفين سياراتهم وفيه كافيهات
وعندج منطقه قارمش تبعد ساعه عن ميونيخ يمدحونه يقولون حلوه وروحي سالزبورغ بالنمسا الطريج ساعه ونص تقريبا ونصيحتي سكني فيها سوقها حلو وفيها رحلات حلوه البيت اللي صورو فيه فلم ذا ساوند اوف ميوزيك وعندج قلعه سالزبورغ وبيت موزات ومتحفه وعندج منطقة انسبروك قريبه من ميونيخ وااااااااااااااايد حلوه

 

[حور بنت علي]

ام مهاوش تسلمين يا الغاليه تطربين بالأسواق هذا الشي غرامي وانا بره الديره

 

[om_7sin]

حبيبتي ليش نطنز ولا مرة وحدة سالت اي سؤال واطنزنا عليها احنا هني نعين ونعاون�� روحي زلمسي وروحي سالسبورغ فيها اوت لت وروحي اوتلت بميونخ وشارع مارين بلاتز بميونخ كلا سوق وشارع ماكسمليان كلا ماركات

 

[ام محمد وسيف]

lما انصحج بالاماكن الريفيه في الشتا كئييييييييييييييييييبة بشكل

حلاتها في الصيف

خلج على المدن

واكثر الاماكمن السياحية مسكرة بسبت الثلوج

 

[zooQaa - 85]

مرحبا حبيت اسال 100 يورو شنو اتسوي ؟ يعني بالمطاعم العاديه جم يطلع ؟

 

[حقوقيه زوغه]

١٠٠ يورو يعني ٤٠ دينار تقريبا بس تقريبا حسب الاشخاص مطاعم مو رخيصه وعلى حسب المطعم في غالي وفي رخيص

 

[حور بنت علي]

هاي أنا رجعت بس حسافه قعدت أربعه أيام بنتي تعبت كان الجو دافي يهبل والأسواق حلوه بس صج بدون يهال أحلى