المانع الطبيعي؟؟؟؟؟؟؟؟؟؟؟؟

[sha!o0oma]

السلام عليكم ورحمه الله


بنات بسألكم رفيجتي تقول هل المانع الطبيعي في بدايه الزواج لمدة سنتين ونص يؤخر الانجاب بعدين

يعني هما كانو متزوجين من زمااااااان وماكانو مستعدين للانحاب والحين قرروا ينجبون الحين لها 3 اشهر ماحملت

تسأل هل ان هى فيها شي او المانع يوخر بعدين مع ان المانع طبيعي يعني ماخذت حبوب ولا شي

 

[كويتيه مذهله 87]

لا حبيبتي اذا طبيعي ما يأُثر


اذا ماخذت حبوب ترتااح

بس اذا تبي تتأكد اكثر تروح تسوي جميع التحاليل

 

[&رعبوووبه&]

لا ماله شغل ما يأثر بس خليها من اول يومم دوره تعد 14 يوم وتروح للدكتورة تسوي سونار داخلي

تشوف تبويضها شلونه + انهها تسوي التحاليل اللازمه

بس انا اقول خل تصبر شوي 6 شهر احسن لها

 

[sha!o0oma]

مشكورين بنات

شنو التحاليل يعني غير فحص بويضاتها

 

[لوكي 22]

الطبيعي مايأثر ان شاءالله
وعسى الله يرزقها

 

[عزالعوازم]

اي تار العزل اياخر في الحمل

لازم تاخذ كلوميد او عسل طبيعي

 

[mosta7eel]

مشكورين بنات

شنو التحاليل يعني غير فحص بويضاتها

حبيبتي في وايد التحاليل بس اهي خل تنطر جم شهر دام ان بس 3 شهور محاولاتهم واذا على التحاليل
زوجها يسوي حق السائل المنوي واهي تسوي ثاني يوم دورة تحليل هرمونات غده وهرمون حليب وهرمون ذكورة
وتبويض واليوم 21 من الدورة او 22 تسوي تحليل تبويض يبين النسبة وبايام التبويض نسوي سونار داخلي يتابعون تبويضها وحجم البويضات واذا تحتاج منشطات
وهذا شرح وااافي لووول ان شاءالله اكون فدتج وطبعا لا تنسى الدعاء والاستغفار هذا اهم شي

 

[mememoon]

اي تار العزل اياخر في الحمل

لازم تاخذ كلوميد او عسل طبيعي

ليش العزل ياخر مدام مافي ادوية تأثر على الهرمونات ؟؟؟ داشة عرض لوووول :eh_s(6): بس صج ليش؟