الماضي سبب فشلي

[جداويه وافتخر]

بصراحه كل شي يصيرلك انتي السبب فيه يعني لوو قلتي كل اللي في خاطرك لي اهلك او طلبتي شي منهم حتي لو هاوشوكي عااادي

اهم شي انك قلتي اللي في خاطرك وبعدين لهم حق اهلك ماينفذون اي شي لك ببساطه لانك ماعندك شخصيه اي شي يقولون لك لا

ويريحون عمرهم يعرفونك بترضين ياشيخه اتكلمي حاولي تاخذي وتعطي معهم حتي اخوانك تقربي منهم >>وفي النهايه انتي بيدك

تقدرين يكون عندك راي وشخصيه وكل شي اقري كتب طوري نفسسك وحل انك لا تاكلين ولا تشربين وتقولين خلاص ع ايش ومااشتهي

بتظلمين نفسك ياخي اقل شي قولي راح اكل واشرب عشان اقدر اقوم واصلي واعبد ربي >>>غيري حياتك وعيشتك حبي نفسك ... صلي الصلوات في وقتها واستغفري ربك وربي بترتاحين

 

[جداويه وافتخر]

ايه في شغله انا الحين عمري 19 سنه يعني في عمرك حرااام احلي سنوات حياتك تضيع والسبب انتي ..جاتك فرصه تطلعين من البيت وتدرسين احلي تخصص وساكنه في سكن طالبات يعني شخصيتك بتتغير بتتغير سبتي كل هالاشياء علشان اشياء تافهه ايفوون والتدريس مو ذاك الزود بس مومشكله ع السنه الجديده اقنعي اهلك بتبدين من ثاني وابدي حياتك من الاول وجديد

 

[مرتبة]

حبيبتي كليه الطب. واجد ما مشوا فيها وأولهم ولد خالي
بس حول لكليه ثانيه وكمل
الحياه ما توقف علي للدراسه
وأما الطلعات والسفرات اذا بتطلعيين مع اهلك ابصم انها بتطلع مو حلوه

€€€€€€€€€€
الحل
طهري قلبك والتمسي العذرلاهلج
يعني امج لما تهاوشج دوريعن اي عذر يخليها كذا وحتي اهلج
اهم. شيء التماس الاعذار
وهذا واجب المسلم


ثانيا المؤمن القوي أخير من المؤمن الضعيف
لازم تصيرين قويه واقوي من ظروفج
واشدعوه احنا نسافر والا نطلع والا ملابسنا تهبل
كلنا نفس الحال
ومن صبر قدر
باكرا تتوظفيين وتنبسطين
انا الكمبيوتر ما شريته الا بعد الوظيفه

وركزي بصلاتج وقرانج. ولا تخلي وسخ الدنيا يخرب اخرتج

 

[مرتبة]

ملاحظه الماضي سبب. فضلي
عباره مو في محلها
اول شيء انتي المسوؤؤله عن حياتج
ثاني شيء القدر الله كاتبه

احمدي ربح بعض البنات مصايبهم اكبر منج

 

[بكيزة هانم]

الله يكون بعونج

 

[Dr.Nouf]

لا حول ولا قوة الا بالله!

الله يكون بعونج .. حاولي تقرين قرآن

 

[مزيونة الخبر]

ياحبيبت قلبي وربي دمعت عيني من كلامج وعورني قلبي عليج انتي شكلج من السعودية من اي منطقة بقولج شي وحطية في بالج كل انسان يطلع من بطن امة لحالة ويموت لحالة والايام تركض ومافي شي يبقى على حالة شي حلو انج متفوقة يعني بكرة راح يكون مستقبلج كبير اسمعي الكلام الي بقولة لج ونفذية انا اكبر منج وشفت بهدنيا ان الاهل قاسين او يفرقون شكثر ناس كذا انتي حاولي تقولين لهم لية تسون معاي كذا انا بنتكم من لحمكم ودمكم وانا احبكم حيل اعدلو بيني وبين خواتي خلو بينا محبة طالبي بحقوقج حسيتي انه بتصير مشكلة ماكو تفاهم قولي خلاص سو الي يريحكم اللة يسامحكم واشتغلي على نفسج ترى الانسان اذا صار لة مكانه وشي كبير يحترمونه عكس هو انسان فاشل احنا بزمن لاقويا بس حاسة فيج لانج بنت وحساسة وصغيرة ونفسج تعيشين حياتج مثل البنات والرسول لما قال رفقا بالقوارير ماجا من فراق لانهم ارق مشاعر من الرجل ودايما يحتاجون للعطف لاتخلين الماديات تزعلج انا نفسج كنت ماخذ كل شي والان موظفه وكل شي عندي خلي عقلج كبير بكرة براتبج تجبين كل شي وتتزوجين وتربين عيالج احسن تربية واحسن عيشة وبكرة اهلج يعرفون قيمتج محد يختار اهلة ولا احد يختار ظروفه هاذي اقدار عايض القرني يقول التفكير والحزن على الماضي جنون اقرى كتب في تقوية الذات وبناء الشخصية ناس كانت تعيش في بورة الفقر والعوز والمعاناه اصحبت ناس ناجحه بالحياة خلي معاملت اهلج تكون دافع تبينين انج اقوى بليز ارجعي لدراسة الطب مهما كانت الظروف ومهما كانت حاجتج ادرى انا احنا بزمن المظاهر لكن خلي اقوى من كل شي واستعيني بالصبر والصلاة واخليج بنت حديدية تواجه كل شي بشجاعه وموفقه ان شاء الله

 

[e7sasi]

ياحبيبت قلبي وربي دمعت عيني من كلامج وعورني قلبي عليج انتي شكلج من السعودية من اي منطقة بقولج شي وحطية في بالج كل انسان يطلع من بطن امة لحالة ويموت لحالة والايام تركض ومافي شي يبقى على حالة شي حلو انج متفوقة يعني بكرة راح يكون مستقبلج كبير اسمعي الكلام الي بقولة لج ونفذية انا اكبر منج وشفت بهدنيا ان الاهل قاسين او يفرقون شكثر ناس كذا انتي حاولي تقولين لهم لية تسون معاي كذا انا بنتكم من لحمكم ودمكم وانا احبكم حيل اعدلو بيني وبين خواتي خلو بينا محبة طالبي بحقوقج حسيتي انه بتصير مشكلة ماكو تفاهم قولي خلاص سو الي يريحكم اللة يسامحكم واشتغلي على نفسج ترى الانسان اذا صار لة مكانه وشي كبير يحترمونه عكس هو انسان فاشل احنا بزمن لاقويا بس حاسة فيج لانج بنت وحساسة وصغيرة ونفسج تعيشين حياتج مثل البنات والرسول لما قال رفقا بالقوارير ماجا من فراق لانهم ارق مشاعر من الرجل ودايما يحتاجون للعطف لاتخلين الماديات تزعلج انا نفسج كنت ماخذ كل شي والان موظفه وكل شي عندي خلي عقلج كبير بكرة براتبج تجبين كل شي وتتزوجين وتربين عيالج احسن تربية واحسن عيشة وبكرة اهلج يعرفون قيمتج محد يختار اهلة ولا احد يختار ظروفه هاذي اقدار عايض القرني يقول التفكير والحزن على الماضي جنون اقرى كتب في تقوية الذات وبناء الشخصية ناس كانت تعيش في بورة الفقر والعوز والمعاناه اصحبت ناس ناجحه بالحياة خلي معاملت اهلج تكون دافع تبينين انج اقوى بليز ارجعي لدراسة الطب مهما كانت الظروف ومهما كانت حاجتج ادرى انا احنا بزمن المظاهر لكن خلي اقوى من كل شي واستعيني بالصبر والصلاة واخليج بنت حديدية تواجه كل شي بشجاعه وموفقه ان شاء الله

أؤيد كلام مزيونة جزاها الله خير ، للأسف مشكلة العرب الكتمان العاطفي والأم هي عمود البيت وحسب كلامج والدتج قاسية وقسوتها خلتكم إنتوا الأخوان مجتمعين بمكان واحد بس قلوبكم متفرقة وهالتقصير ربج بيحاسب عليه ونبهي أمج على هالشيء كلكم راعٍ وكلكم مسئول عن رعيته خليها تتقي الله فيكم وتحاول تعاملكم بالحسنى وحاولي لو مرة بس تحضنينها وحبيها على راسها أدري الجفاء إلي بينكم مو سهل بس لو مرة صدقيني مهما كان امج بشر وأكيد بتلين لو لحظة ، إنتي تحت الضغط الكبير والنقد المستمر لغيتي شخصيتج وكيانج وصرتي بدون هوية وإلي إنتي فيه اليوم أكبر دليل إنج فاقدة نفسج مع إن جت لج فرصة تتحررين وتعيشين كإنسانة مستقلة لها روحها وأفكارها وتجاربها بعيدآ عن سيطرة الأهل بس فضلتي تعيشين بنفس جو البيت إلي مالقيتي فيه إلا النقد والإهانة ، شيء واحد أفهمه ومقتنعة فيه مهما كانت ظروف الإنسان وتربيته قاتلة للطموح أو محبطة .. القوة تكون داخل و التغيير من داخل مو بكلام ونصيحة أحد و مو بدكتورة تقعدين جدامها كم جلسة وتعطيج حبوب لا لا إنتي محتاجة تقفلين على روحج الباب ومعاج ورقة وقلم أو تقعدين جدام المنظرة وتتحاورين مع نفسج بكل صراحة كتبي مميزاااااااااتج قبل كللللل شييييي عطي نفسج قدرها وكلمي نفسج بأكثر الكلمات المشجعة يعني قولي أنا ذكية طموحة صبورة مبدعة و احضني نفسج ولاطفيها ولاتستغربين كلامي ترى كله كلام أطباء ومعالجيين نفسيين صدقيني إحنا شعوب محرومة من التعبير عن العاطفة ومافي أحد يحضن أحد إلا بالمناسبات الكبيرة إلا من رحم ربي ، احنا بشر والحضن هذا يغير فيسيولجية الإنسان ويؤثر على أعصابه فلا تستخفين بهالمعلومة احضني نفسج وامسحي على جسمج وقولي له إنج تحبينه وإنج مميزة لأنج تمتلكينه وبعد ماتكتبين مميزاتج بلشي كتبي بالصفحة الثانية الأمور إلي محتاجة تعالجينها ولاتسمينها عيوب خلج إيجابية حتى باختيار كلماتج ... و أهم شيء ثقفي نفسج وإقرئي ، العلم والمعرفة نشأت عليها أمم فمابالج بحياتج الشخصية صدقيني نظرتج للحياة ولكثير أمور بتتغير ، أنا من الناس إلي لازلت أحاول أستعيد إلي فقدته من شخصيتي مرحلة المراهقة وأشوف نفسي كل يوم أقوى من إلي قبله وما أنتظر تشجيع أحد أنا أزرع لذاتي وقاعدة أحصده بلحظته ... إنتي عايشة بكل الأحوال في الحياة ، شاللي يمنع تعيشينها مثل ماتبين؟! ليش تخلين الناس ترسم لج مسارج؟ لا تدعين الضعف لأنج ذكية وواعية لحالج بس مرات الإنسان في لحظة يأس يلغي كل شي حلوو ويشوف الدنيا بعدسة سودة ، صدقيني ماودي بس أسطر جمل مثالية يمكن ماتفيدج بس إنج تكونين إنسانة ذات وجود فعال محتاج لكفاح ونفس طووويل لأن هالدنيا مافيها شيء يجيج بسهولة ، أنا مستعدة أنصحج بكم كتاب غيروا لي تفكيري وفعلا لما تبدين تطبقين إلي فيه الكل بيلاحظ هالشي وأهم شخص لازم يحس بالتغيير " إنتي" ..... أنا متأكدة إنها أزمة وكل محنة تحمل في داخلها " منحة" ،بس قرري وربج مايخذل المؤمنين =):eh_s(17):

 

[ربي سامحني]

منجد شكراا على الردود
جزاكم الله خير
مدري شقول اثلجت صدري مشاركاتكم
واحساسي عطيني اسماء هذه الكتب
ويابنات اللي كومة افكار سلبية وتشاؤم مثل حضرتي شلون تعبت اتخلص منها لانها مترسخه
والشكر لله

 

[e7sasi]

عزيزتي هذي الكتب إلي قريتها وبإذن الله تفيدج الأهم إنج تطبقين إلي تقرينه :
1) أيقظ قواك الخفية - أنتوني روبينز >> من أروع وأجمل ما قرأت في مجال التنمية الذاتية
2) انجح من أجل نفسك - ريتشارد ديني
3) قوة الذات - المرحوم إبراهيم الفقي >> نصيحة نزلي مقاطعه من النت ماقدر أوصف لج شنو يعني إنسان تحت التراب ممكن يطلعج إنتي إلي فوق التراب من حالة الحزن والانكسار للتفاؤل والأمل ... عجيب إلي أحسه لما أسمع لهالإنسان رحمة الله عليه
4) بوصلة الشخصية - دايان تيرنر
5) العقل القوي - توني بوزان

أغلب إلي ذكرتهم موجودين كنسخة إلكترونية دوري في موقع 4shared أكيد بتلاقينهم =)

 

[الحسن كله]

حبيبتي دام انج كتبتي الموضوع معناته لج نيه تتغيرين .. وصدقيني المستقبل راااح يكون مختلف وافضل اذا انتي بغيتي تخلينه افضل ..كوني نفسج بنفسج ولا تخلين الناس مهما يكونون او مهما يسوون يزعزعون ثقتج بنفسج ..اذكر سالفه قديمه لولد من اهلنا كانت مرة ابوه حاطته بغرفه بالحوش وكانت الله يهداها كله تزفه وابوه يطقه يكسر الخاطر وملابسه قديمه هو يغسلها ويلبسها ومقطعه تفشل وكان ماهمه شي شخصيته تبارك الله قويه ..درس وجاب نسبه ودخل طب وكمل وابوه توفا وخوانه اللي كانو من ابوه كل واحد تزوج وهدو امهم واللحين اهو مسكن مرت ابوه اللي كانت تطقه عنده وهي ليل نهار تدعيله ومتحسفه على اللي سوته فيه يقولها يكفي انج خليتيني في بيتج وامي راحت تزوجت وخلتني ..يعني اهو برمج نفسه على الايجابيه ويطالع الامور الايجابيه بحياته وترك الماضي التعيس وكمل حياته بطموحه واهدافه وخلا كلام اهله وتكسيرهم له ..والله اتذكر لمن كان يدرس وحاط كتبه يجي اخوه من ابوه ويكب عصير السانكست على راسه وكتبه واهو يمسحه راسه وكتبه ويرد يدرس .. اتمنى تنظرين للمستقبل واهدافج وتتجاهلين الماضي والناس اللي حولج سواء اهلج او رفيجاتج ..لان بالمستقبل ماينفعج الا دراستج مو الناس ..

 

[أإلع ـشق دلع ـهـأإ]

بكون صريحه معاااج


انتي جبتي كل هذا لنفسسسسج

انتي كنتي ماشيه صح يوم شديتي حيلج ودخلتي تخصص قوي ودخلتي جااامعه غيرج يتمنى يدخلها واهله رافضييين

لييش طلعتي من الجامعهة؟؟؟ تدرين ان الجامعه كانت تقدر تغير شخصيييتج !!! راح تخليج تعتمدين ع نفسسج وتحسين بالمسؤوليه وتحبين الحياه لانه بتعرفين ع ناس جديده ..

بعرف شلي خلاج ماتتحملين علشان عندهم ايفون !! لهدرجه تفكييرج

لانهم كانوا يطلعون !! شنو يعني مو كلنا طلعنا احنا ماكنا نطلع الا زوارات عاديه شنو صار ماصار لنا شي كنا بنجي عند اهلنا نبي نطلع ونروح ماطلعونا !!

مااثر ع نفسيتنا ولا على دراستنا ولا على علاقتنا بالناس

انتي مافييج شي انتي الي جبتي كل هذا لنفسج لانج تحبين تكونين حزيينه يعني تقعدين وتفكرين وتقولين ليش وليش وساكته وعشتي جو الحزن !!

تبين شي روحي قولي يبه ابي جذي وجذي !! انا بنتك محتاجه اغراض !! عادي تكلمي

ولا تتكلمين بصوت واطي ومحزون ومنزله راسج !!! بتعيشين جو المظلومه لاااااا

هذا ابووووج وهذي امجج ماراح يكرهونج تراهم يحبونج بس تعودوا انج جذي شخصيتج صدقيني

خلج فرفوشه حبي الحياه العمر مره وحده

قومي الحين الحين الحين تعوذي من الشيطان وتوضي وصلي وادعي ربج

واقري البقره كل يوم

وروحي وقولي لامج انا بداوم بالكليه وروحي دشي منتديات ابحثي عن خلطات اهتمام للشعر والبشره وخلطات للتسميين

اكلي واكلي وغذي نفسسسج

انتي حلوه وطموحه وشطوره ولا شلون اخذتي طب وشلون خطبوج

فكري حبيبتي روحي قعدي مع خواتج اضحكي وسولفي مو كله حزن بحزن لي متى ؟؟؟؟؟؟؟

روحي عند اخوانج قولي تبون اكل اسوي لكم شي

روحي سوي الساي والقهوه والحلا العصر وقعدي مع اهلج واحلى سوالف وعلوم قولي مواقف صارت لكم

جمعيهم هذولا اهلللج

افتحي الدريشه واخذي نفس قوي شهييق وزفير وابتسمي وقولي الحياه حلوه

قولي باجر راح انخرج واتوظف واصير احلا دكتوره وكل الي ابيه بشتريه بحسابي

روحي جامعتج ومن فلوس الاعانه الي يعطونج الجامعه اشتري منها عبايه بدله حلوه حصلي واشتري لج تلفون اذا تبين

شدي حيلج واستانسي بالجامعه وكوني لج صداقات قعدي معاهم وسولفي



ترا والله انتي جبتي كل هذا لنفسسسسسسج