السلام عليكم بنات
اللهم صل على محمد وآل محمد
العمر 19
الجنسية سعودية
انا عندي مشكلااات اولا انا اكره نفسي واكره العالم من حولي
مااحب احد انعزالية منذ اكثر من خمس سنوات
سماتي الشخصية كانت هادئة حساسة واحب اهتم بنفسي واحب الحياة والتعامل مع الناس ودائما بشوشة واحب الدين والله سبحانه طيب هذا كان زمان
الآن انا مختلفه كليا ذكريات الماضي السلبيه مأثره علي
طبعا تربيتي خاطئة كانت امي تربيني على التركيز على الدراسة وترك كل شيء اهم شيء الدراسة واذا اتكلم مع الحريم او مع الناس امي اذا جيت البيت تعصب علي تقول لا تكلمين احد وفيه مواقف كثيره يعني مااقدر اخذ راحتي بالكلام اذا كانت امي جنبي كله تقولي سكتي لا تتتكلمين فشلتينا ماتعرفين تتكلمين همجيه ماعندج اسلوب
يعني امي شخصيتها متسلطة وانا شخصيتي ضعيفه وابغى ارضيها فمن يجون ناس وكذا انطرم عشان مااسوي شيء غلط . والآن مااقدر اعبر عن نفسي احس احط رابط لساني اخاف اتكلم واحد يجرحني فطوول الوقت اسكت واحس قلبي بينفجر ضيقه موب طبيعيه
احط لي خلطات وكريمات سوالف بنات واسوي اشياء تقلب الدنيا وسختينا الله يغربلك ان شاء الله تجيبين عيال اردى منك والكلام الجارح والتحطيم وتقول حق عماتي وعماتي ينصحوني لا تسوين خلطات
ماكو خصوصية وعشان الأذية قمت ماأسوي خلطات ولا أهتم بنفسي عشان مايسون لي سالفة.
والآن خلااص طموحي مقتول ماأسوي شيء أخاف أحد يعصب علي والله أرجف إذا ابي اسوي خلطه أو حنه أخاف احد يشوفني وكذا :eh_s(2):
سابقا يوم كنت جميلة وكذا كانوا خطاب كثار يجون لي بس امي ترفض وانا اقولها يمه مايصلح من ترضون دينه وخلقه فزوجوه وكذا امي تقول لا مايدخلون بعايلتنا وكذا وانا ماأحب هالكلام لأني كنت مؤمنه وعادي وخلاص اسكت ومرة انخطبت ووافقوا وجا الخاطب نظرة شرعية وجلست أطالعه أبغى اشوف عاد يوم خلصت النظرة أمي عصبت ياقليلة الأدب شلون تطالعين مبققه عيونج وتقول لأخواني وخواتي فشلتنا المهم بعدين ماتمت الخطبه بسبب ان الولد طلع مريض وماخبرونا من البداية عاد أبوي كله يقول أكيد من بنتج أكيد مسوين لهم شيء ولا ليه راحوا واهم عائلة كويسة بعد طلع الرجال مريض يقول أبوي لااا أهم يبون يفسخون الخطبة وقالوا أنه مريض ولا أكيد إن أنتوا مسوين لهم شيء \
ومرة ثانية بعد جوو ناس وهم نظرة شرعيه عاد انا هنا خفت اتكلم ولا أطالع وأمي تعصب ظليت منطرمة ولا أشوف عشان بعدين ماتعصب عاد هالناس خلاص قالوا مايبون لأني أعتقد مايحبون الشخصية اللي كذا والصراحة أحسن أنهم راحوا عشان مايبتلشون فيني
ويوجد في بيتنا تفرقة في التعامل بين الاولاد والبناااات الاولاد افضل طبعا وماكو طلعات كله 24 ساعة حبسة بالبيت وعلاقتنا ببعض مو كويسة يعني اختي ماتكلم اخوي من سنين واخواني مايكلمون بعض من سنين وانا مااكلم خواتي يعني علاقتنا رسمية بس ومايوجد بينا احترام بيتنا كبيت العنكبووت ودائما تعليقات وكلام محبط وانتقادات قاتله جعلتني بهذا الحال
والوالد كان دائما بالعمل ولا يجي الا خميس وجمعه وماكانت لي علاقه به بس اهمزه ويعطيني مصروف للمدرسة وبس .
والدي بخيل يعني شلون الفلوس ماتطلع الا بالحنه مع انه متوسط الحال كل ماأطلبه يرفض فخلااص قمت ماأطلبه وبقلبي أحط أختي تحن ويشتري لهاا اللي تبيه انا لا مااقول أسكت واضم بقلبي والحين زي الفقيرة ماعندي هدوم عدله ولا جوال عدل ولا عباية عدله والمواقف مع الوالد كثيره يعني يحترم بنات عمي اللي كبري وأنا لا مايحترمني كذا يعني يفششلني قدام الناس ويعصب علي وابوي اشوفه يحب راس خواتي بس انا ولا عمره حب راسي ويمدح فيهم وانا لا المهم انا انقهر بس ماأبين وتربيتي كانت اني اقل من الناس والناس احسن مني
ماعمرنا سافرنا ولا شفنا الدنيا كله في البيت ماعندنا طلعات زي العوائل الثانيه انا لمن ادخل مجمع استحي من نفسي احس المجمع ششيء عظيم
تربيت على اني ماستحق شيء بالحياة فقط اطيع الاوامر وانا ساكته
سابقا كانت عندي مواهب وهوايات ومع النقد والكلام الجارح وعدم التشجيع دفنت هالمواهب
جاا وقت تخرجي من الثانوية وبمعدل عالي واختبرت القدرات والتحصيلي والحمد لله معدل يرفع الراس كنت اصب همومي بالدراسة واقول ابغى اطلع من البيت وابتدي حياة جديدة الى ان قبلت بكل الجامعات واخترت جامعة بعيدة عن البيت لاسكن مع طالبات وادرس طب لكن اللي حدث اني اول كمن شهر كنت تمام وبعدين خلاص انقلبت قمت ماأكل تخيلووو 5 شهور ماأكل شيء شعري طاااح كله وقصيته ولد والحين فراغات براسي مااحب ادرس كل شيء احسه صعب كل يوم اصيييح
صلاة مااصلي عدل والله قرآن سنه يمكن ماقريت الله مااعرفه والاسلام هم مااعرفه احس زهقانه
فيتامين دال عندي نازل 14 ونصف مااقدر اسوي شيء كله اخاف اتكلم مع البنات اللي معاي واخاف اهتم بنفسي وكله على اعصابي واحس اني فاشله عاد رحت الطب النفسي ومن شافتني الدكتورة قالت انتي لازم تتنومين عندنا بالقسم ونمت عندهم وحسيت براحة لكن بعدين طلعت وجيت لأهلي وتركت الجامعه وانا الحين في البيت وصار لي شهر كلش مااحب اكل وماعندي شهيه لاي اي شيء بالحياة حيييييييييييييل زهقانه كله في البيت واذا قالوا بيطلعون زواره انا مااحب اروح مااحب احد يشوفني وانا على هالحال وانا احب اعذب نفسي لو تشوفوني تعطوني عمر 60 سنه مااحب اهتم بنفسي كلش ولا احب اي شيء ومن اشوف اهلي اكرهههم حييل
شسوي نصحوني تقديري لذاتي منخفض ولا احس اني استاهل شيء وكله افكار سلبيه تجيني عن نفسي بالاضافه الى شكلي قبيح لدرجة لا تتصورونها خدودي نازله وجسمي نحيف وصفراء وشعري حات طولي 160 ووزني 44 فطورر غداء عشاء هذا مو موجود بقاموس حياتي
احس شيء يمنعني اسوي شيء مفيد لنفسي
اللهم صل على محمد وآل محمد
العمر 19
الجنسية سعودية
انا عندي مشكلااات اولا انا اكره نفسي واكره العالم من حولي
مااحب احد انعزالية منذ اكثر من خمس سنوات
سماتي الشخصية كانت هادئة حساسة واحب اهتم بنفسي واحب الحياة والتعامل مع الناس ودائما بشوشة واحب الدين والله سبحانه طيب هذا كان زمان
الآن انا مختلفه كليا ذكريات الماضي السلبيه مأثره علي
طبعا تربيتي خاطئة كانت امي تربيني على التركيز على الدراسة وترك كل شيء اهم شيء الدراسة واذا اتكلم مع الحريم او مع الناس امي اذا جيت البيت تعصب علي تقول لا تكلمين احد وفيه مواقف كثيره يعني مااقدر اخذ راحتي بالكلام اذا كانت امي جنبي كله تقولي سكتي لا تتتكلمين فشلتينا ماتعرفين تتكلمين همجيه ماعندج اسلوب
يعني امي شخصيتها متسلطة وانا شخصيتي ضعيفه وابغى ارضيها فمن يجون ناس وكذا انطرم عشان مااسوي شيء غلط . والآن مااقدر اعبر عن نفسي احس احط رابط لساني اخاف اتكلم واحد يجرحني فطوول الوقت اسكت واحس قلبي بينفجر ضيقه موب طبيعيه
احط لي خلطات وكريمات سوالف بنات واسوي اشياء تقلب الدنيا وسختينا الله يغربلك ان شاء الله تجيبين عيال اردى منك والكلام الجارح والتحطيم وتقول حق عماتي وعماتي ينصحوني لا تسوين خلطات
ماكو خصوصية وعشان الأذية قمت ماأسوي خلطات ولا أهتم بنفسي عشان مايسون لي سالفة.
والآن خلااص طموحي مقتول ماأسوي شيء أخاف أحد يعصب علي والله أرجف إذا ابي اسوي خلطه أو حنه أخاف احد يشوفني وكذا :eh_s(2):
سابقا يوم كنت جميلة وكذا كانوا خطاب كثار يجون لي بس امي ترفض وانا اقولها يمه مايصلح من ترضون دينه وخلقه فزوجوه وكذا امي تقول لا مايدخلون بعايلتنا وكذا وانا ماأحب هالكلام لأني كنت مؤمنه وعادي وخلاص اسكت ومرة انخطبت ووافقوا وجا الخاطب نظرة شرعية وجلست أطالعه أبغى اشوف عاد يوم خلصت النظرة أمي عصبت ياقليلة الأدب شلون تطالعين مبققه عيونج وتقول لأخواني وخواتي فشلتنا المهم بعدين ماتمت الخطبه بسبب ان الولد طلع مريض وماخبرونا من البداية عاد أبوي كله يقول أكيد من بنتج أكيد مسوين لهم شيء ولا ليه راحوا واهم عائلة كويسة بعد طلع الرجال مريض يقول أبوي لااا أهم يبون يفسخون الخطبة وقالوا أنه مريض ولا أكيد إن أنتوا مسوين لهم شيء \
ومرة ثانية بعد جوو ناس وهم نظرة شرعيه عاد انا هنا خفت اتكلم ولا أطالع وأمي تعصب ظليت منطرمة ولا أشوف عشان بعدين ماتعصب عاد هالناس خلاص قالوا مايبون لأني أعتقد مايحبون الشخصية اللي كذا والصراحة أحسن أنهم راحوا عشان مايبتلشون فيني
ويوجد في بيتنا تفرقة في التعامل بين الاولاد والبناااات الاولاد افضل طبعا وماكو طلعات كله 24 ساعة حبسة بالبيت وعلاقتنا ببعض مو كويسة يعني اختي ماتكلم اخوي من سنين واخواني مايكلمون بعض من سنين وانا مااكلم خواتي يعني علاقتنا رسمية بس ومايوجد بينا احترام بيتنا كبيت العنكبووت ودائما تعليقات وكلام محبط وانتقادات قاتله جعلتني بهذا الحال
والوالد كان دائما بالعمل ولا يجي الا خميس وجمعه وماكانت لي علاقه به بس اهمزه ويعطيني مصروف للمدرسة وبس .
والدي بخيل يعني شلون الفلوس ماتطلع الا بالحنه مع انه متوسط الحال كل ماأطلبه يرفض فخلااص قمت ماأطلبه وبقلبي أحط أختي تحن ويشتري لهاا اللي تبيه انا لا مااقول أسكت واضم بقلبي والحين زي الفقيرة ماعندي هدوم عدله ولا جوال عدل ولا عباية عدله والمواقف مع الوالد كثيره يعني يحترم بنات عمي اللي كبري وأنا لا مايحترمني كذا يعني يفششلني قدام الناس ويعصب علي وابوي اشوفه يحب راس خواتي بس انا ولا عمره حب راسي ويمدح فيهم وانا لا المهم انا انقهر بس ماأبين وتربيتي كانت اني اقل من الناس والناس احسن مني
ماعمرنا سافرنا ولا شفنا الدنيا كله في البيت ماعندنا طلعات زي العوائل الثانيه انا لمن ادخل مجمع استحي من نفسي احس المجمع ششيء عظيم
تربيت على اني ماستحق شيء بالحياة فقط اطيع الاوامر وانا ساكته
سابقا كانت عندي مواهب وهوايات ومع النقد والكلام الجارح وعدم التشجيع دفنت هالمواهب
جاا وقت تخرجي من الثانوية وبمعدل عالي واختبرت القدرات والتحصيلي والحمد لله معدل يرفع الراس كنت اصب همومي بالدراسة واقول ابغى اطلع من البيت وابتدي حياة جديدة الى ان قبلت بكل الجامعات واخترت جامعة بعيدة عن البيت لاسكن مع طالبات وادرس طب لكن اللي حدث اني اول كمن شهر كنت تمام وبعدين خلاص انقلبت قمت ماأكل تخيلووو 5 شهور ماأكل شيء شعري طاااح كله وقصيته ولد والحين فراغات براسي مااحب ادرس كل شيء احسه صعب كل يوم اصيييح
صلاة مااصلي عدل والله قرآن سنه يمكن ماقريت الله مااعرفه والاسلام هم مااعرفه احس زهقانه
فيتامين دال عندي نازل 14 ونصف مااقدر اسوي شيء كله اخاف اتكلم مع البنات اللي معاي واخاف اهتم بنفسي وكله على اعصابي واحس اني فاشله عاد رحت الطب النفسي ومن شافتني الدكتورة قالت انتي لازم تتنومين عندنا بالقسم ونمت عندهم وحسيت براحة لكن بعدين طلعت وجيت لأهلي وتركت الجامعه وانا الحين في البيت وصار لي شهر كلش مااحب اكل وماعندي شهيه لاي اي شيء بالحياة حيييييييييييييل زهقانه كله في البيت واذا قالوا بيطلعون زواره انا مااحب اروح مااحب احد يشوفني وانا على هالحال وانا احب اعذب نفسي لو تشوفوني تعطوني عمر 60 سنه مااحب اهتم بنفسي كلش ولا احب اي شيء ومن اشوف اهلي اكرهههم حييل
شسوي نصحوني تقديري لذاتي منخفض ولا احس اني استاهل شيء وكله افكار سلبيه تجيني عن نفسي بالاضافه الى شكلي قبيح لدرجة لا تتصورونها خدودي نازله وجسمي نحيف وصفراء وشعري حات طولي 160 ووزني 44 فطورر غداء عشاء هذا مو موجود بقاموس حياتي
احس شيء يمنعني اسوي شيء مفيد لنفسي
