اللي يملجون من غير ما يشوفون بعض وخصوصا البدو..شنو شعورج اول ما تشوفين ريلج بالعرس؟؟

[عجزت القى اسم]

السلام عليكم ورحمة الله وبركاته

شلونكم كويتيات

ودي تجاوبون على السؤال لانة محيرني

شلون ما تشوفين ريلج الا بالعرس

ومو مكلمته

يالله ابي ردود من البنات وخصوصا البدو
وابي تجارب وقصص عن سلبيات هذا الزواج سواء بالانفصال اوغيرة
الله يبعد عنكم الطلاق ان شاء الله



وعسى الله يوفقكم في زواجكم قولو امين​

 

[البندري22]

خوش موضوع ووايد انسئل عنه


جوفي حبيبتي انا تزوجت جذيه وخواتي كلهم وبنات عمي


والحمد لله مستقرين بحياتنا


ومستانسين

صح ماشافني بس انا شفته



واه اهله يخطبوني له يعني ماراح يغشونه

والله اشكر اللي يبوسون روس امهاتهم ثاني يوم عشان اختارتله هالعروس


وصدقيني يرتاحون جذيه وتلاقينهم مستقرين بحياتهم وسعيدين لانهم تعودوا على جذيه وما مر علي حالة طلاق لهالسالفه اذا في طلاق فهو طلاق عادي مثل كل الناس م عشان هالسالفه

 

[هوى الدار]

صح لسانج البندري والتوفيق من الله مو من كلمته او شافنى وشفته .


ويسلمووووووووو

 

[البندري22]

حاضرين للطيبين:eh_s(9):

 

[عجزت القى اسم]

مشكورين بنات عالرد بس ما جاوبتو شنو شعوركم اول ما شفتي ريلج

وهو بعد شنو شعورة ؟؟؟

 

[أغصان]

انا تزوجت بهالطريقه وكل اهلنا وجماعتنا بعد
وانا اشوفها افضل من اني اشوفه ويشوفني او يكلمي واكلمه
وانا شفته قبل لا يتزوجني بحكم انه ولد عمي بس هو ماشافني بس يتذكرني وانا صغيره قبل لا اتغطى
مع انه قبل لا يتزوجني خطب بنت من قبيله ثانيه بس شرطوا انه يشوف العروس واهي تشوفه في الخطبه
وسبحان الله يقول لما شفتها رفضت اتزوجها ما ادري شنو السبب !!

وانا اشوف هالطريقه حلوه من غير مانشوف بعض علشان يتدبسون فينا ويرضى بالأمر الواقع ههههه

 

[البندري22]

لا شنو يتدبسون الا ياحظهم فينا



وشعوري شعور اي مواطن بيوم عرسه:eh_s(9):


والله يعتمد على القبول والقبول من الله


والحمد تم القبول بينا وعسى الله لايفرقنا:eh_s(21):

 

[منورة الكويتية]

صح انا دائما افكر شلون تنصدمون فيهم ليلة العرس

مهما كان صدمة اشوفه فجأه ليلة العرس

يعني الي ماخذه واحد من اهلهم وشايفته من قبل ماراح تنصدم مثل الي ماتعرفه

وانا سئلت كذا وحده من رفيجاتي البدو قالوالي في ناس عادي وفي ناس ينصدمون

وعموما التوفيق من الله

 

[مرت ريلي]

ولو اني مو بدوية وماخذه المحروس جوزي عن حب
بس شتسوون ببلاغة الشف ؟ هههههه

 

[بتبوتااا]

انا شعوري اول ما شفت ريلي قلبي يطقطق !!
بس مع فتره الملجه عرفته وعرفني عدل والحمدلله وعسى ربي لايفرقنا
وانا عندي رفيجتي تهبل ملكه جمال ماشالله عليها تزوجت من غير ما تشوفه ولا يشوفها الا بالصور !!
بس سبحان الله النصيب والحمدلله عسى الله لايفرقهم مرتاحين مع بعض وفي لا مايرتاحون او ينصدمون بالشكل او الاخلاق او اي شي ثاني وبالنسبه ارأيي انه لازم يشوفها وتشوفه وسلامتكم ..

 

[جنتي امي]

انا بس شفت صورته وهو بعد شاف صورتي والله يجمله بعيني ان شاء الله ويجملني بعينه ياااارب///

 

[فراااشة]

وعليكم السلام



بصراحه أنا ماشفته ولا شافني




كانت أول ليلية بالنسبة لنا أجمل الليالي


لدرجة إننا للحين نتذكرها يومياً(صار لنا سنه ونص)


هو كان يقول من كثر مأنا مومصدق ان القمر عندي ماأدري شنو أقول
وأنا كذلك


سهرنا للصبح وإحنا نسولف طبعاً هو اللي يسولف أنا ساكته واجاوب على قد السؤال



والله يوفق الجميع

 

[!.. رمش وأهداب ..!]

انا بقولكم سالفه تضحك وبنفس الوقت تعور القلب

قالتها لي وحده صارت مع خالها

تقول خالي مزيووووووووون شويه عليه وكشيخ وذرب

يبي له وحده بمستوى جماله المهم دورا لي والنصيب

جابه لوحده لما خطبوها يقولون تشبه صابرين وجمال وجسم

وطلب يشوف صورتها ورفضت و لما صار العرس تقول البنت انصدمنا حيل

فيها لا ذوووق ولا جمال ولا جسم وخفنا على خالي يصير فيه شي من الصدمه

وخذاها سيده للفندق وثاني يوم لما رجعوا دخلوا الغرفه شوي طلع واهله كلهم

متجمعين جان يخز وحده وحده فيهم جان وانتوا بكرامه يتفل عليهم كلهم

وقال (العن ابوكم لابو اللي جابها ) >> استغفر الله

تقول خفنا ان فيها شي ولما دخلت علينا الا هي مافيها ذرة جمال ..

وصارلهم 4 سنين متزوجين ولي يومكم هذا وهو يقول بعرف منو الحمار اللي مدليكم

عليها ؟<< وا عليه كسر خاطري

وكل يوم يقول تكفووون بتزوج اي وحده مزيونه شايفيني انا مزيون وطويل جايبين لي

وحده قصيره وجيكره هذا غير معاملته وطنازته عليها ...

واللي مصبره عليها يقول انها تصلي وامه وابوه يقولون اذا طلقتها لا نعرفك ولا تعرفنا ..

بس جد كاسر خاطري واحد مزيون وكشيخ ياخذ وحده عاديه ولا عرفت طريج

الكشخه حرام والله ..

هذا من عيوب هالزواج

مع اني ملجه اللحين ولا شفت زوجي الا لمحه والله يستر لا انصدم فيه هههههههههههههههههه

 

[جواهر23]

السلام عليكم

موضوع حلو ويستحق النقاش .

انا مملوج علي حاليا ولا شفت زوجي ولا شافني من ناحيتي بس للمحت زوله من الدريشه بس وضايق خلقي لاني ماشفته ولا اعرف شكله ولا ملامح شكله لو اشوفه بشارع ولا سوق ماراح اعرفه اصلن بس هو شاف صوره لي بعدين هو مايصير لي ولا من عايلتنا

اهم شي التوفيق يابنات شافج او ماشافج كله راح يبين عقب العرس وهذي قسمة ونصيب . والمطلوب من كل وحده مثل وضعي وام غير وضعي انها تكثر من الدعاء بان الله يصخره لها ويطرح فيه البركة ويكون قرت عين لها وتكون غرت عين له ويرزقهم الذيه الصالحه اللهم امين..

والله يرزق كل البنات اللي ماتزوجو يارب العالمين

 

[dima]

مادري هالطريقه احسها صصصصصصصصصصصصعبه شلون مستحملينها؟! بس ما شاءالله كل شي على التعود

بس بسأل سؤال

ما تحسون مرات ودكم تغيرون هالشي ؟؟ يعني ما ودكم تشوفونه ايام الخطبه و الطلعات ايام الملجه عشان تتقربون اكثر ؟؟ ولا انتوا مرتاحين على هالطريقه؟؟

 

[*سوسو ستار*]

انا قبل كنت اقول اننا ليش مانشوف بعض قبل الملجه وليش مانكلم بعض وكنت احس اننا متخلفين ومعقدين بعد وكنت استحي اقول ان ماشفت زوجي ولاكلمته قبل الملجه كون هالشي حلال والرسول امرنا فيه طبعا بس الشوفه الشرعيه وكنت خايفه من ردة فعل زوجي او اني مااعجبه مع انه الحمدلله مو ناقصني شي كامله مكمله بسم الله علي

وكنت خايفه اني انصدم بالانسان اللي راح اعيش معاه طول عمري وخايفه من شغلات وايد بس الحمدلله بعد الزواج ارتحت لزوجي وحبيته واهو حبني وكل ماشاف امه او ابوه يبوس روسهم عشانهم خطبوني له وعرفت انه مولازم هالشوفه قبل الملجه واللي كاتبه الله بيصير ياما ناس شافوا بعض وكلموا بعض والحين صاروا مطلقين وكل واحد منهم بصوب مو ضروري هالشي واهم شي الاخلاق >>>شكو

 

[لميس]

كل الطرق تؤدي..........................









الى...........




غرفة النومممممممممممم!!

 

[ام ديما 2]

احم احم نحن هنا اشوف حاطين علي البدو اشفيهم البدو يهبلون وطريقتهم تهبل وعلي فكرة انا بدوية وشفت زوجي وكلمته وابوي الله يرحمه ما يغصب اي وحدة من خواتي لازم ياخذ راينا

 

[سبائك]

@@

داشه ابص بس

 

[dalprincess]

الصراحه احس السالفه صعبه وايد لان انا اخذت ريلي عن حب وكنت اعرفه يعني ماتخيل اخذ واحد ماشوفه الا يوم عرسي بس عموما وايد بنات اشوفهم تزوجوا جذيه ومرتاحين وايد ,,, والتوفيق من الله واهم شي الاخلاق