اللي يربون ويحبون الهامستر بليز تعالو

[قطوه ورديه]

اي ماعليج امر ابي

كاهو قاعد يمي واقراله مواضيعكم يقولي تبين اطبقين علي يعني لووووول

 

[daloo3ah]

ههههههههههههه عادي عادي شكله شوي شوي راح يقتنع انتي بس كثري من المعلومات و تفلسفي عليه شوي يعني تعرفين كل شي عنهم و اهو بروحه بييبلج ياهم كككككككككك

خل اكووود لج رواابط و احطلج ياهم كلهم دفعه وحده ..

 

[AmOoNa-]

الحريم مسرع مايصدقون لووول
الحين اهو يقول اذا اهتميتي فالبيت اميه بالميه راح اشتريلج

يقول اهتمامج بالبيت 70 بلميه

بس صج بنات الهمستر فيه ريح خايسه ولالا

شوفي انا منزله مواضيع عن الهامستر قاعدين يمدجونهم بمضوع واحد مثبت فوق بالنسبه حق الريحه الروسي مافي رييحه كلش لوماتبدلين النشاره شهر يمكن لانه حجمه اصغر فمايوصخ كثر السوري اما السوري لازم اسبوعيا تبدلين النشاره

شنو النشاره؟ اهي نشاره خشب تنحط بالقفص عشان تمتص روائح الاكل والبول وانتي بكرامه تاخذينها بدينار تضل معاج حق 4 مرات يمكن كل اسبوع تشيلينها وحطي الهمسترات بقفص صغير في تراب لانه الهامستر فروته حساسه والماي موزينله فتشوفينه ياخذ شي يسمونه dust bath يفرك روحه بالتراب يصير نظيف ووالتراب يقتل الكتيريا الي تسوي ريحه بجسمه والقفص غسليه بصابون ونشفيه عدل وحطي النشاره او تقدرين تيبين كلنكس ديتول تمسحينه وخلاص ونصيحه لاتشترين القفص بوبايبات لانه مسبب رئيسي للريحه

 

[kikoo]

ربي كاسكو ولا بيبي متوه ايهبلون دام ريلج مو راض على الهمستر أو خلي أحد اييبهم لج هديه

أو ربي سلاحف

 

[sweet cake]

هههههههههههههههههههههههههههههههههههههههههه

كيكو تدرين هذا اللي مخططه عليه..
ابوي مو راضي واتفقت مع رفيجة اختي انها تجيبه لي بعد عطلة الربيع كأنه هديه بس مو لاقين مناسبه وبعدين تذكرت ان يوم ميلاد اختي راح يكون قريب واكتمل المخطط..
ننطر بعد العطله ونشوف وياااااااااااااااااااااربي ياااكريم استر على مخططنا وخله يكتمل ياااااااااارب

سوي هالخطه يمكن تضبط معاج

 

[daloo3ah]

خخخخخخخخخخخخ والله عباله عندكــــــم !!

 

[نونو ام كشة]

بنات شوقتوني وانا من زمان ناوية اشتري
بس بنات شفت مره بدريم مو هندي يبيع قطاوه وسمج هامستارز؟؟
بس ما ادري شنو نوعية الهامسترز؟؟ في احد ما خذ منه؟؟؟

 

[daloo3ah]

وين شفتيه ؟ مافهمت ككككككك

 

[classic2004]

بنات
متضايقة حدي ..
توني شاريه هامستر .. وكنت عند هلي بالويك اند ..
ورجعت لقيته يموت ..معنه الخدامة كانت تراعيه ..
متضايقة تهقون من البرد ولا لانه بروحه ؟

 

[daloo3ah]

شنو النوع الي عندج ؟؟ اذا السوري عادي ما يهمه يعيش بروحه .. بس حتى لو الروسي ما يمموووت من الوحده !!

يمكن من البرد ! او يمكن معطته شي من الحمضيات ( ليمون - برتقال ...الخ ) .. جيكي معاها بالظبط شنو معطته .. يمكن مكثره عليه الخضراوات !!

حرام والله

 

[fatosha]

انا صارلي جم يوم شاريتهوؤم

.
.

 

[jod.q8]

لووووووول

نفس المشكله

اقول لهم ابي هامستر يقولون مو زين تبين اي شئ ثاني اوكي بس الهامستر مستحيل

قعدت شهر و انا ابيه جان اروح اشتري بغبغاء << مليت و انا انطر جان اشتري بغبغاء

 

[sweet barbi]

حتى انا قررت اشترى معنه اخاف تلوع جيدى واتخيل انه فاااااااااار بس حدكم حدكم شوقتونى وخصوصا دلوعه بسميها خبيره الهامسترز انشالله بستشيرج لما بشترى بس على قولت البنات اخاف من ريحه :080402ask_prv:

 

[daloo3ah]

حتى انا قررت اشترى معنه اخاف تلوع جيدى واتخيل انه فاااااااااار بس حدكم حدكم شوقتونى وخصوصا دلوعه بسميها خبيره الهامسترز انشالله بستشيرج لما بشترى بس على قولت البنات اخاف من ريحه :080402ask_prv:

هههههههههههههه بعــد عمري .. تعالي سئلي وأي شي تبينه انا حاضره ^_^

لا تخافين ما راح تحسينه فار لأنه حركاته تهبل .. وتونسج معاه .. انا صايره ما اطلع من البيت والسبه اهمه .. اقعد اجابلهم 24 ساعه .. ولا تخافين من الريحه .. كل شي بالعنايه والاهتمام تروح ريحته وبيظل نظيف .. انشالله انتي بس اشتري .. وانا اقولج كل شي .. واذا تبين روابط تساعدج في التربيه و تاخذين معلومات اكثر عن الهامستر هم انا حاضره .. قوليلي واعطيج رابط شامل كل شي تحتاجينه موجود فيه .. صدقيني ماراح تتحسفين ان شريتي هامستر ..

وموفقه انشالله ...:hjy5jewf:​

 

[sweet barbi]

حبييييييييييبتى انتى ماتقصرييين فيج البركه وخلاص خو الحين دليتج وبصير دعله عاد انشالله اذا شريييييت ابيج تعلمينى بس بغيت اقولج

لازم اشترى هامسترين مايصير اجرب ابواحد وشنو اخذ ؟ واى عمر احسن شى ؟

 

[daloo3ah]

ههههههههههههه حيااااااااااج بأي وقت انا قاعده وما عندي شي ..

اذا تبين تشترين واحد .. فا الافضل انج تشتري النوع السوري لأنه مو اجتماعي ويقدر يعيش بروحه .. عندج الروسي يعيش بالطبيعه بجماعات واهوه اجتماعي عكس السوري

اخذيلج ذكر ولا نثيه سوري .. و انصحج باللي عمره توه شهر .. أو شهر ونص .. بجذي يسهل انه يتعود عليج بأسرع وقت .. لأنه توه صغير ..

 

[xXBountyXx]

حاولي فيه

عطي نفسج فتره عشان تقدرين تقنعينه

ومثل ما قالت اختي //دلوعه// اقري عن الهمسترات وانواعها

عشان تقدرين تفتحين معاه حوار وماتطلعين منه خسرانه


وثاني شي

ترى الطيور حلوين

وفي منهم انواع

اختاري اللي يناسب شخصيتج واسلوب حياتج

يعني انا صارلي 7 سنين اربي طيور

لي اليوم مامليت

وكل مره اعيش تجربه يديده وغريبه



والشي بالاخير يرجع لج

فكري وحاولي تقنعين ريلج

وشوفي شيصير معاج


تقبلي مروري

xXBountyXx