اللي يربون ويحبون الهامستر بليز تعالو

[قطوه ورديه]

السلام عليكم ورحمة الله وبركاته

اشلونكم بنات انشالله بخير

انا صارلي مده افتر بالمنتديات

واشوف مواضيع الهمستر وقمت احبه

ولا مره ربيت حيوان اليف ودي اربي هامستر

بس زوجي مو راضي خايف على اليهال

ويقول ماكو شغل ادخل فار في بيت

اقوله عاجبني وصج صج ودي اربيه

اصلا اهو نضيف ويونس والفار وعععع يلوع الجبد

بس مو راضي يقتنع

يقولي حيوانات لا اذا تبين تربين ربي طيور

مابي طيور

اقوله انزين مدام انك خايف على اليهال احطهم بغرفه فوق بالسطح

صج حدي متشوقه بس شسوي الحين اهو يقول اعناد ماكو حيوانات

:0bee2e8d89:


قلولي شسوي معاه اشلون اقنعه

http://www.youtube.com/watch?v=xMTu3Urtj54

 

[Whisper ~]

ههههههههههههههه
ذكرتيني بالهمسترات اللي عندنا
آخر الليل يسوون فيها بريزن بريك وينحاشون من القفص ويقعدون يتمشون في البيت
ياكثر ما يدشون غرفتي ويتعبثون فيها لا زهقوا طلعوا وحولوا ع الغرفه اللي جنبها
عآد قبل أمس واحد منهم دش وانا ما احاتيه لأني قاعده ع السرير .. مستحيل يوصلي
المهم وهو تحت السرير مدري شيحورف فيه : \ اسمعه يخرفش
ماوعيت الا شي يمسك ظهرررري !! هههههههههه
اثاريه الحيوان متسلق ع الخشب عشان يوصلي
هههههههههههههه

كل هذا عشان اقولج انهم يجننون وونيسين :$
وكلششششش مامنهم وساخه ولا أذيه ولالهم صوووت
بس يسوون بريزن بريك ههههه
احنا يوم شريناهم جا معاهم مثل ورقه صغيره فيها كيفية العنايه بالهامستر
وهم الأكل والقفص تقدرين تشترينهم
يعني مايلعوزون
وطمني رجلج ترى مايسببون أمراض
لأن على حسب اللي سمعته مناعة الهامستر مو قويه
لا صار فيه مرض على طول يموت المسيكين : (
وهذا هم صارلهم عندنا شهوووور ومامرضنا ولاشي

 

[AmOoNa-]

حبيبتي مايسببون امراض ولا شي وبالعكس شكلهم حلو وكاني انا جدامج ربيتهم اكثر من مره والحمدالله ماصارلي اي شي بس وسبر اعجبتني بريزن بريك موتيني ضحك

 

[قطوه ورديه]

مشكوريين بنات انا قايلتله هالكلام بس شكله ماكو فايده

 

[غلاي غير]

شتبين بالحيوانات بالبيت

ما تدرين شنو فيهم من امراض وبسرعه يلقطون المرض والقمل

 

[قطوه ورديه]

حبيبتي اهوا بسرعه يموت فمايمديه ينقل امراض

 

[daloo3ah]

سوي سيرج بالنت و وري ريلج في وايد مواقع تثبت انه الهامستر ما يسبب امراض و مو من فصيله الفيران .. واذا مالقيتي.. تعاليلي عالخاص واعطيج مجموعه مواقع

 

[AmOoNa-]

غلاي غير بالعكس الحيوانات روعه بالبيت يونسون ويعطون جو وماينقلون امراض والمثل يقول اسال مجرب ولاتسال طبيب انا ربيت قطاوه وهمسترات وقنافذ وسناجب ودياي صخول خرفان ماربيت جلاب بالبيت بس احتكيت فيهم بشكل موطبيعي وباوقات متواصله والحمدالله كاني حدامج مافيني اااااااي شي واهم شي انج تهتمين بالحيوان ونظافته ومواعيدة الطبيه وكل شي بيكون تماام اما اذا بتشترين قطوه مثلا وتخلينها تهيت بالسكه اكيد بتلقط قمل وفطريات وامراض

 

[قطوه ورديه]

دلوعه ادري حاولت اوريه المواقع هذي بس مو راضي حتى يشوف

امونه مومخليه شي مو مجربته انتي لووووووووول

اهو رافض يكلمني بهالسالفه كلش

 

[BlueGirl]

ربيه من غير لا يدري لوول
انا ايام اول اربيهم امبيه اشكثرهم عندي محد درا عنهم اللهم صوت الـ Wheel المزعج يشكك بالوضع هههههههه
انشالله يقتنع

 

[قطوه ورديه]

اتصدقين ودي اشتري من غير لايدري وحطهم بغرفة اخوه ولا بغرفه فوق بالسطح ولا من درا ولا من شاف لول

انا سالته قتله اذا سويتها مفاجئه قال اجحتهم لوووول جان اقوله عادي اشتري غيرهم

متازمه ( ابي اربي حيوان اليف وظريف
ليش كل العناد هذا ماادري

 

[AmOoNa-]

حني عليه قوليله خروح سوق الحمام نطق فره يمكن يحب شي

 

[قطوه ورديه]

لووووووووور راح يشتري اهو ويخليني

 

[daloo3ah]

ههههههههههه قنعيه وييبيله هدايا ودلعيه بس لا تحنين ترا الريااييل مايحبون الحنه p:
انا ابوي كان راااااااااااافض فكرتهم كلللش وكان عباله انه يسببون عقم لان رفيجات امي لما يو بيتنا ألفو على مخ امي !! وصدقت امي وراحت قالت حق اببوووي !!
عقب سنـــه تخيلي @@ !! .. لما قتله انا قاعده اقرا وايد عن الهامسترز وكل يوم اقوله معلومه و اوريه صور .. لين بروحه عقب الجامعه قالي تعالي انروح سوق الحمام .. قتله فبالك شي ؟؟ قالي بشتريلج الشي الي تحبينه ككككككككككك .. خليه والله راح يقـــتنع انشالله

 

[قطوه ورديه]

الحريم مسرع مايصدقون لووول
الحين اهو يقول اذا اهتميتي فالبيت اميه بالميه راح اشتريلج

يقول اهتمامج بالبيت 70 بلميه

بس صج بنات الهمستر فيه ريح خايسه ولالا

 

[أمواج البحر]

انتي مثلي من كثر ما اسمع عن الهامستر حديييي متشوقه اربيه

وان شاء الله بشتريلي

سوي مثلي اول شي قلت لزوجي ابي اشتري هامستر قالي لأأأأ

قلت له ذيج المره قلت لي عادي :tomato2: خخخخخخخخخخ قالي صج :eh_s(12):

قلت له اييييييي و عقب سكت عن الكلام المباح :dddds:

 

[قطوه ورديه]

انشالله يشريلج ويشتريلي لوووووول شكو مادري

انا مايندرا متا بشتري

 

[daloo3ah]

بس صج بنات الهمستر فيه ريح خايسه ولالا

والله مافيهم ريحه كلش .. اذا اهتميتي فيهم وبالقفص ما يطلع ريحه كلش
لازم تبدلين النشاره كل اسبوع مره .. انا كل اثنين ابدل النشاره .. و القفص كله ابطله وامسحه بفوطه ماي وبعدين فوطه ناشفه .. حتى المواسير اذا قالولج يبول فيهم تكرمين .. انا الي عندي 24 ساعه شغالين على المواسير .. كل يوم ابطله واغسله بماي حار عشان يقتل الجراثيم .. وبس .. والله كلش كلش ما اشم فيهم ريحه بالعكس وايد نظاف .. وحتى انا قفصي بو دورين .. الدور الاول فيه بيت والي تحت فيه بيت .. الي فوق حطيت لهم فيه رمل من البحر يبته .. وكل يوم اشوفهم يروحون وينظفون نفسهم فيه حتى ينامون على ظهرهم ويفركون جسمهم .. وااايد نظااف والله ..

بس نصيحه لا تشترين السوري .. لان يوميا لازم تبدلين النشاره وتنظفين القفص .. بس الروسي مره بالاسبوع وانشالله راح اييب لج مواضيع وايد مهمه حق نظافة الهامستر من منتديات ثانيه ..

 

[daloo3ah]

ثامناً: نظافة الهمستر
• يمنع منعا باتاً تحميم الهمستر بالماء فالأهم أن يتم تنظيف مكانه و هو سينظف نفسه.
• الفرشة المفضلة عبارة عن نشارة خشب خشنة(يمنع الناعمة) أو ورق مقطع.
• في الأقفاص البلاستيكية يستخدم منظفات الكلور اما في السلك يستخدم مركبات الفينيكphenol compound

النظافة الشخصية وبند الصحة
الهامستر حيوان نظيف جداً ويمكن انك لا تعمل له شي فهو يعتني بنظافته الشخصية بنفسه.
الفراء
الهامستر ليست بحاجة إلى عناية خاصة لفرائها لكنهم يحبون أن تنظف لهم فرائهم بفرشاة ناعمة خاصة بالقوارض.
الاستحمام
حيوان الهامستر صحراوي لذلك يجب عدم تحميمه بالماء وإنما وضع له رمل نظيف ليأخذ حمام رمل.
النظافة في قفص الهامستر
يجب تنظيف قفص الهامستر من الأوساخ دائماً بالليل عندما يكون مستيقظ.
طاسات الماء والغذاء يجب أن تنظف بالماء الدافئ فقط.
داخل ارض القفص يجب أن يمسح بمنشفه مبللة مرة كل أسبوع والنشارة أو القشة يجب أن تستبدل أيضا.
مرة كل شهر يجب تنظيف كامل القفص ويتضمن ذلك الحانات يجب أن يغسل بالماء الدافئ فقط.(كاتبلج مره بالشهر .. انا اسويه تقريبا شبه يومي )
لا تستعمل أي منظفات منزلية أو كيمائية للتنظيف.
جهز أكل الهامستر بانتظام وأزل الأكل الفاسد لأنه يؤذي الهامستر.

واذا تبين بعد قوليلي لان وااااااااااااايد في مواقع وروابط حق الهامستر .. بس انتي عـــــــــزمي _03ba:

 

[قطوه ورديه]

عادي انضفها كل يوم

بس موفاهمه شنو اهي النشاره لوووول
مشكورين بنات وادعولي اشتريه

من اشوي قلتله خل انروح سوق الحمام بشتري
سلاحف وبحطهم بقفهم الصغير
يقول يطلعون ريحه بيذبحني هذا كل شي عنده يطلع ريحه
جان يقول ليش ماتشترين حوض جان اقوله اخلص نص معاشي
عشان حوض فيهم سلحفتين
جان اقوله اللفار مع قفصه ارخص ؟نغزه لوووووول
بس سوا نفسه ماسمع