اللي يدشون بس بنات العلوم الاجتماعية

[وردة الخميلة]

السلاااام عليكم ..


بناات العلوم الاجتماعية .. عفية انا محتاره بين كليتكم والعلوم الادارية وقاعده اسوي مقارنات
بس انا الاجتماعية ما اعرف عنها شي .. ودي اعرف التخصصات اللي فيها .. واذا تخرجت وين اتوظف
الاماكن يعني ... والدراسة فيها صعبه ولا سهله .. وجم نسبة القبول فيها لاني بقدم ع الكورس الثاني
... وشنو تحتاج قدرات وشلون نظاام التمهيدي فيها ,, ؟ ... عفييييه بناات كل اللي تعرفونه عن الكلية اكتبووه اهني .. وووبس ..

 

[وردة الخميلة]

رد : اللي يدشون بس بنات العلوم الاجتماعية

شدعووووووه بنااات ويييينكم .. انا مالي غيررركم ..؟

 

[نــوره]

حبيبتي نسبة القبول 81% ومو مهم امتحان القدرات اذا مانجحتي فيه تاخذينه تمهيدي عادي يعني وسهل ان شاء الله بيكون ..
والتخصصات : علم نفس / علم اجتماع / علوم سياسيه / جغرافيا / خدمة اجتماعيه .. ومادري اذا فيه بعد ! ..<< مستجده =)
وتقدرين تشتغلين اخصائيه بالمدارس أو في الشؤون ..إلخ
وصرآآآحه بالنسبه لي احس العلوم الاداريه مستقبلها اقوووى بكثير من الاجتماعيه .. ومووفقه

 

[أم منيـرة]

على حسب ،

إنتي علمي ولا أدبي ..

اذا علمـي قدمي على العلوم الإداريه وإنتي مغمضـه ..

مستقبل أقـوى .. وتتوظفين بأغلب قطاعات الدوله

،

اما الإجتماعيه سهله ، دراستها بالعربي والأماكن ممكن مـدارس وزارات .. إلخ

،

بالتوفيق

 

[وردة الخميلة]

رد : اللي يدشون بس بنات العلوم الاجتماعية

نوره وام منيرة لاهنتو ع المروور ...


بناات تكفوون ردواا بتفصيل أكثثررر .. بلييييييييييييييييز

 

[وردة الخميلة]

رد : اللي يدشون بس بنات العلوم الاجتماعية

ااااب

 

[جامعيه محتاره]

رد : اللي يدشون بس بنات العلوم الاجتماعية

علوم اداريه طبعا طبعا

 

[FoFa stylish]

رد : اللي يدشون بس بنات العلوم الاجتماعية

هلا حبيبتي انا مو بعلوم اجتماعية و لا ادارية بس بقولج كل اللي اعرفه

العلوم الاجتماعية : كلية حلوة و كل تخصصاتها لها شروط

تخصصاتها بالتفصيل :
1. علوم الساسية : كونج بنت بعدي عنه لانه تخصص فرص العمل الأولية للشباب و ماله مستقبل
و تدرسين العلاقات بين الدول و تطورها و كل شي عن الدول من الناحية السياسية

شروط هذا التخصص :
1. اجتياز مقرر مقدمة علوم سياسية ( 101 ) بتقدير ( c ) .
2. ألا يقل عدد الوحدات عن ( 15 ) وحدة دراسية ولا تزيد (60) وحدة دراسية .
3. أن يكون معدل الطالب ( 2.67 )
4. يقبل الطالب على أساس المعدل العام .

مجالات العمل :
الديوان الأميري ، ديوان ولي العهد ، مجلس الوزراء ، مجلس الأمة ، وزارة الخارجية ، وزارة الإعلام ، وكالة الأنباء الكويتية " كونا "، الصحافة ، أقسام العلاقات الخارجية بالوزارات المختلفة إضافة إلى فرص العمل في مؤسسات القطاع



الجغرافيا : جغرافيا اذا ادبي تعرفين شنو يعني جغرافيا و عن شنو يتكلم

تدرسين اذا تبين تخصص جغرافيا يخيرونج بين تخصصين :
جغرافيا التخطيط الحضري ونظم المعلومات الجغرافية .
جغرافيا الدراسات الطبيعية والبيئة


شروطه :
1- اجتياز مقرر (104 ) مدخل الى علم الجغرافيا بتقدير c
2- في حالة عدم اجتياز مقرر مدخل الى علم الجغرافيا ، يمكن اجتياز مقرر بديل كالإنسان والبيئة ، أو جغرافية مناخية .
3- ألا تقل الوحدات المجتازة عن 15 وحدة ولا تزيد عن 30 وحدة دراسية .
4- تكون الأفضلية حسب المعدل العام للمتقدمين .

مجالات العمل :
بلدية الكويت – وزارة التربية – وزارو الخارجية – وزارة المالية – مطار الكويت (محطة الأرصاد الجوية) – وزارة التخطيط.

خدمة اجتماعية : من نظري احسن التخصصات ( اكرر من وجه نظري )
تخصص حلو و سهل

مجالات العمل : طبعا اخصائية اجتماعية
في المدارس والمستشفيات والمؤسسات الاجتماعية مثل دور الرعاية

شروط التخصص :
لا تقل عدد الوحدات المجتازة عن 15 وحدة.
اجتياز مقرر مدخل رعاية اجتماعية والعمل الاجتماعي (111) بتقدير لا يقل عن (c).
لا يقل المعدل العام عن 2.33
اجتياز المقابلة الشخصية.


تخصص علم نفس :
تخصص حلوو للي متولع و يبحب علم نفس ........مو انا اكيد

شروطه :
لا تقل عدد الوحدات المجتازة عن 15 وحدة.
اجتياز مقرر مدخل إلى علم النفس (101) بتقدير لا يقل عن b-.
لا يقل المعدل العام عن 2.00
اجتياز اختبار القبول.


مجالات العمل :
المدارس ، المستشفيات
اي مكان يهتم بالصحة النفسية وايد اماكن في




سامحينا على القصور هذا اللي اعرفه​