اللي يحجزون فنادق بالنت .. دشوا بليز

[أميرة-]

أبي احجز فندق لدبي .. شنو المواقع اللي تستخدمون .. سمعت booking.com يحط سعر الغرفة بدون الضريبة فيكون السعر بالموقع غير عن السعر الصجي :eh_s(10):

واذا عايله 3 اشخاص ما معاهم اطفال .. شلون اعرف اذا يوفرون سرير ثالث بالغرفة او لا .. ترا ماعمري حجزت بالنت مابي اتورط :eh_s(16):

 

[ملامح بريئة]

لا بوكنج مضبوط يمكن اوروبا اللي يوهقون والا الموقع مضبوط

 

[عيون مبارك]

انا فعلا صادفتني المشكله في دبي بس يمكن كانت غلطتي ما قريت عدل

 

[أم شيــ@وخة]

حبيبتي أنا أحجز من booking
الموقع مضبوط ويحط لج كل المعلومات عن الفندق ويكتب اذا السعر يشمل ضريبة المدينة او لَا وغير هذا يحطلج جم الضريبة
عشان تسويه حسابج بالفلوس
اما عن٣ أشخاص لازم تحطين أنتو جم شخص اول ما أدخلين التواريخ عشان يطلعلج الغرف الثلاثية
وبعدين اذا معاج يأهل كتبي بالملاحظة عشان يوفرون له سرير أطفال

 

[مارون جلاسيه]

لاتفكرين تحجزين بموقع غير بوكنج حيا مضمون ومضبوط....

 

[<miss botamba>]

انا جربت بوكنغ واكسبيديا

كلهم مضمونين بس لازم تقرين السياسه مالت كل فندق عدل عدل عدل

وكل شي بالحجز عادي تحطينه

يعني انا احط جم سرير ابي والغرفه باي دور واذا كان في تعليق محطوط مو حلو عن الفندق ارد واقولهم واطرش ايميلات علشان الشغل كله يكون تمام

 

[حنانك سر حبي]

نفس السؤال دايما اتوهق اذا ابي غرفه لثلاث كبار

لان اذا حطيت خيارات احنا ثلاث كبار يطلعلولي فنادق مو حلووة ويكون ابالي فندق بس مايطلع من ضمن الخيارات

واخاف اتوهق واحجز غرفه لشخصين واكتب ان ابي سرير زياده بس اخاف مايصير او مايسوون او مايرضون

وايد اواجه مشكله بالعدد

 

[b8b8lover]

هي بس انتي اتصلي بالفندق قبل عطيهم رقم الحجز و قوليلهم نبا سرير ثالث حق هالغرفه و كيف احجز انا قالي اذا تبين سويت بو غرفه و تبين نفرين زياده في الغرفه لازم تراسلينا على الايميل و ناخذ معلومات الحجز منج

 

[أحلى همبه كويتية]

انا مجربة موقع بوكينق وايد
مضمون واهم شي تحجزين الغاء مجاني عشان يكون عندك فرصة اذا بغيتي تلغين او تغيرين الحجز بدون لا يخصمون منك

والاهم عندك بطاقة فيزا صالحة وتكونين من ضمن المسافرين لان فيه فنادق يطلبون البطاقة عند الوصول


اذا انتوا 3 حطي بالحجز اثنين واختاري الفندق اللي تبين
وبخطوات الحجز فيه مربع تكتبين فيه طلبات خاصة
حطي فيه سرير اضافي
ونوع الغرفة مثلا مطله ع البحر او تبيها بالادوار العليا

اتمني تكون الصورة اوضحت
واي مساعدة حاضرين

بالتوفيق

 

[أحلى همبه كويتية]

بالنسبة للضريبة والخدمة تكون مذكورة حسبيها انت بناءا ع النسبة المذكورة من قيمة الغرفه
لان كل دوله تختلف

وبعدين ضيفيها ع مبلغ الغرفة يطلع لج الناتج القيمة الكلية مع الضريبة

 

[Wissal.84]

اب اب اب

 

[المزيــونه]

انا موقعي المفضل booking

وحجزي فيه وانتي مغمضه وخاصه دبي ان شاء الله ماكو مشاكل

بس ساعات اتصير مشاكل في بعض دول الاوربيه