اللي يبي يعرف شصار على مرت رفيج ريلي اللي باطه جبدي

[najdeya]

Patcholli حاسه بشعورج صدقيني ... الله يفكنا من هالاشكال

مشكورين بنات ما قصرتوا على وقفتكم معاي و دعواتكم الحلوه

عسى الله يسخر كل زوج حق مرته و عياله و يبعد بنات بليس عن كل البيوت

ريلي اليوم قالي بيكلم رفيجه بس الله يستر ما يندرى شراح يصير .... انا للحين فيني قهر ما بردت جبدي !!!!!

 

[أم الغزلان]

مادام زوجج عرف انها غلطانه..

وتفاهمتوا..صكري الموضوع..وحاولي ماتقعدون معاها..

والله يستر على بنات خلق الله,,
والله ينخاف من المتزوجه اكثر من المطلقه

 

[كلاسيكال]

ريلج معطيها ويه ،الغلط كم ريلج المفروض حاط حدووود من زمان / وماله داعي رفيجه يعزمه عن زوجته وين قاعدين؟!!!

اجانب ، اعوذ بالله ، واهي متماديه لانها لقت اللي يعطيها ويه ، وانتي لاتخلين ريلج بروحه ولاتقعدين عند اهلج يمكن يحس بالفراغ وبيشكي واهي تدق عليه ويقولها اللي صاااار

نصيحه حافظي علا ريلج وكسبيه وعطيه الثقه والله يهديه

 

[Patcholli]

نجديه انتي لا تتساهلين بهالموضوع حتى لو ريلج كاسر خاطرج وانتي واثقه انه مظلوم لاترخين خلج شاده عشان يدري ان هالسوالف خط احمر ولازم يحطلها حل .. وعقب مايحطلها حده عاد دلعيه وراضيه وقوليله انا ماسمح حق وحده تحاول او تفكر انها تشاركك فيني واحبك واللي يحب من قلب يغار ويسوي اي شي .. واكديله انج واثقه فيه بس خايفه من بنات الحرام وابليس شاطر .. واصلا وحده مثل هاذي عادي تتبلا على ريلج وتقول سوا معاي شي غلط اشوه ان ريلج خاش مسجاتها دليل عشان اذا صار اي شي يكون في دليل ان اهي الي تتحرش مو اهو ..

اهما كله جذي يعصبون وياخذونج بالصيحه اذا بينتيلهم غيرتج بس هذا حقج ولو اهو مكانج بيسوي اخس .. فانتي لا تسكتين عن حقج وخلج ثابته على موقفج

خل يكلم ارفيجه خل يقضب جليلة الحيا .. وانتي اتأكدي انه كلمه بعد اخاف يقولج بكلمه عشان يهديج ويراضيج ..

واي باطه جبدي كلساعه ادش موضوعج اقرى وانقهر ..!!


امانه قوليلنا شيصير معاج انا اليوم بسهر على موضوعج ان شاء الله تبشرينا برد يفرح القلب

 

[Um Tuki]

هذي غيرانة و تبي تخرب بينج و بين زوجج

في ناس فيها حسد و ايرة ماتحب اتجوف اثنين مرتاحين


تعوذي من ابليس و ردي بيتج سالفة ماتسوى انج تتركين بيتج حبيبتي و تشمتين العذال فيج و تعطينهم فرصة يفرحون انهم خربوا حياتج. او سببوا لج مشاكل

 

[انا_حلاوه]

قطييييييييييييييييييعه اتنرفزز صج غذره حسبي الله ونعم الوكيل على هالاشكال :rgewrg:


طمنينه الله يخليج عسى بس ماتقلب السالفه على ريلج :eh_s(2):

 

[Melazlaza]

حبيبتي هذا اخر الزمن والله الزوجة المسلمة عندها صديق تشتكيله
قوليله يقولها لا تتصل عليه نهائياً وختحل مشاكلها بروحها
واذا عقبها ردت تتصل خيقولها ترى باخذ التلفون بمكالماتج وبشتكي

السالفة مو صغيرة
معظم النار من مستصغر الشرر

 

[كويتية بروما]

حيوانه مبين تبي تخرب بيتج
لا تخسرين زوجج ع وحده ماتسوى
بس هو بعد غلطان من زمان ما كان يعطيها مجال بس خدته بالطيبه
اووووووووووف ودي افنقرها وبكسات حدها تنرفز

 

[فيونكـآ]

العن خيرها وقحه
خل يغير رقمه
وانتي هدديها اذا ردت دقت مره ثانيه قولي راح ادق ع زوجج و اعلمه او اوريه مسجاتج ي وصخه وانتي و زوجج نار تاكل حطبها ما اخرب علاقتي مع زوجي عشان وحده وصخه مثلج دامنج تسوين هالحركات مع اي رجال غريب يعني بكل الاحوال زوجج ع حق وانتي الي تخلقين المشاكل عشان تكلمين غيره وسسسسدي التلفون على طول ولا تخلينها تتكلم

 

[يمامة أيوب]

حاسه بقهرج اصلا من الاساس ها الطيبه ماله داعي يعني المره ماعندها صديقات ماعندها ام ماعندها اخت تشكيلها !!! اهي حاطه شي ببالها ولو ريلج ماعطاها الضوء الاخضر جان ماتمادت و خافت ...هل برضاها انج تضيق فيج الوسيعه تروحين توسيعين صدرج عند اي ريال يبه مو رفيجه مثلا حد من اهله اخوه ولد خاله و لد عمه حتى خاله !!!! ترا انتي صح وو خوفج صح و اهو عصبيته الاوفر وقت لمن تكلمتي كلششششششششششششششششششش مالها داعي كان المفروض يفهم انه الشغله و رده فعلج طبيعيه جدا و كان لازم يتعامل مع الامر بكل هدوء عصبيته الزايده فيه شي و اهو احساسه اصلا انه اللي يسوي غلط و اهو عارف ها الشي ومستمر فيه ع قولته لانه منحرج وها مه صورته جدام المره الثانيه وهي عارفه خوفه عليج و انه مايبي يخسرج و كلمتها النذله تبي تخرب عليج و تحسسج انه هو اللي يراكض وارها و يبي يسمع صوتها تبي تحرج و انتي ماتدرين شنو اللي كان يدور بينهم في المكالمات اللي يخليها بها الجراه و يمكن لانها عارفه اهو مايقدر يواجهها اويمنعها يمكن خايف منها تقول شي مني او مناك مادري
يعني معقوله وحده متزوجة ترد بجراه مو خايفه على بيتها!!! او خايفه ريلج يخرب بيتها و يروح يقول لريلها !! وترد عليج بجراه! اللي اعرفه الوحده تخاف من ريلها يوصله شي غلط منها يعني مادري مو منطق!! فيه شي مخليه جريئه

مادري انا ماقدر اقولج طنشي ماقدر انصحج بشي انا ماراح اطبقه لاني اعرف اني ماراح اطنش ولا راح اخلي السالفه بحالها حتى لو قلب علي مليون قلبه الغلطان يعرف نفسه انه غلطان ولاني اعرف انج كلش ماراخ ترتاحين حتى لو طنشيتي بتظلين مجروحه و تتسائلين ..

انا ادري انتي كلش ماراح تحسين براحة و ان قالج ريلج انا خلاص تركتها بتظلين تساللين نفسج ليش و متى وششن و اللي خلالها تقول جذي وووايد امور

انا من رايي و انتي حره الحل انج تقولين له انج مو قادره تتقبلين و تنسين و قبل لا يرد عليج قوليله ماله داعي العصبيه اللي بتخرب الامور و تكبرها و اللي تخليني اشك اكثر قوليله المفروض اول مااقولك شنو اللي صار كان مفروض عصبيتك تتطلع عليها اهي مو انا يعني مافكرت مثلا انت قاعد تساعدها تصلح بيتها تسوي فيها خير و تروح هي تتصرف بنذاله تخرب بيتك و هم ادافع عنها؟؟ قوليله منطقيا شنو تبيني افكر!! كانه بعصبيتك ادافع عنها و مارضيت عليها انك تقولها لا تتصلين و رضيتها علي انها تحرني وتجرحني بهذي الطريقه اللي اترك بيتي و عشان ارتاح ابتعد عنك قوليله هنت عليك انا عادي!! يعني يخسرج عادي و يخسر رفيجه و يحرج مرته مو عادي!! شرحيله كل شي بمنطق ولو سالج قالج شنو تبيني اسوي قوليله انته ما تبي تخرب بيت رفيجك اوكي لا تكلمه ولاتقوله شي لكن ...

بلحظتها قوليله جدامي لازززم جدامج قوليله دق عليها وسفل فيها ( اذا اهو ووااايد ذرب) خل يدق ويكلمها بحزم اكرر جدامج يدافع عنج ويوريها حجمها وانه انتي منو اهي منو وانه عطاها ويه وايد الليخلاها تجرات عليج و تبي تخرب بيته و انه الطيبه بها الزمن ماتنفع و انه خلاص اخر مره ادق عليه وله بيوصل لرفيجه بكل شي
جذي بترتاحين و مابتشكين انه ماقال لها شي احس لو صار ها الشي بتحسين انه ردلج اعتبارج و بتشوفين جدام عينج انها مو هامته ويحطها بمكانها


ولو مارضى يسوي جذي عشانج ( لو انا بمكانج ) والله ماخليها بخاطري ادق عليها و اسفل فيها و اوريها حجمها و اقولها لا ترد البيت احسن لانه كل مسجاتها وصلت ريلها..يعني ما اهددهها لا اقولها اني منفذه كل شي و احطها بحجمها عدل زين مازين و ابرد حرتي و اسد بويهها و لا اقول حق ريلي اي شي وبشوف لو اهو درا بعرف انه بينهم تواصل ولو ياه دافع عنها و كان معصب بقوله الطيور على اشكالها تقع مدام اهي خانت زوجها قاعده تكلمك و انت خنت زوجها هم قاعد تكلمها تسمعهاتعطيها ويه و بنفس الوقت خنتي عيل الخبيثون للخبيثات ...
الله يهدي سرج و يخفف عليكم

بنات ترا الرياييل اذكيا يلعبونن بكرت انا لو مو مسوي شي جان ماقتلج يعني كل شي يصير تحت عينج يعني لو باجر طرشتله مسج بتسالينه من منو بيقولج منها لكن لمن تسالينه بقراها شنو تقول بيرد عليج لا مايصير اسرار خاصه !! ياكثر اللي يسوون ها الحركات

و ترا ادري كلامي وااايد ويوحي انه فيه شي بينها و بين زوجج و انا مادري ويمكن كلامه كله صح و مجرد سوء تصرف منه في الامور لكن المفروض تنبهينه لسلوكياته وشلون تاثر على حياتكم ولازم يرتب اولوياته عدل شنو الاهم شنو المهم عنده متى لازم يتخذ موقف ويدافع عن بيته و اسرته و زوجته

 

[e7sasi]

الله يستر على بنات المسلمين الظاهر إنها موطبيعية وزوجج حلى بعينها ، بس حبيبتي لما تزعلين ماله داعي تطلعين برا البيت ترى هم ريلج تضايقه هالحركة وماينساها لج زعلي بس مو تهجرين البيت بكبره وبعدين على كلامج ريلج وايد يعز رفيجه وصداقة الرياييل غير عن الحريم وتدوم سنييييين وباين ان هو مو حاب يخرب علاقته بارفيجه ونفس الوقت انحرج من زوجته لما كلمته اول مرة ولا جان ماصارحج ..... الله يستر ويخلصكم من هالانسانة على خير.

 

[najdeya]

بنات ودي اشكر وحده وحده ردت على الموضوع و نصحتني او دعتلي

صج ما قصرتوا

ان للحين ما كلمته من طلع ،،،، قاعده بالبيت ادور اي شي الهي روحي فيه ... بس وايد منكم نبهوني

اذا رجع بشرط عليه ما راح اعدي السالفه على خير لما يدق عليها و يشرشحها

و يرجع لي كرامتي جدام هالللي ما تستحي !!! اقل من جذي ما راح ارضى

انا الحين كاسر خاطري رفيجه شلون عايش معاها اعوذ بالله

و مادري ليش للحين معصبه على ريلي ماني قادره اطوف السالفه للحين ما بردت جبدي

اول ما يصير شي راح اقولكم .... بس ادعولي الله يسهل علي اموري

 

[ạ7ạśêś ~]

:.



عندج وعندنا خير صار معاي نفس هل المواقف بسسسسس
حطييييييت له حدددد انا دخلت خالتي امي ريلي.ِ؟ والحمدالله خلصت من هل سالفه
من رايي يلج زين لا تخسسسسسرينه عشانها خليه يغير رقمه وفكي عمرج
وعسى الله يهدي هالقلوب ي رب.

 

[يمامة أيوب]

لانه بعد فيج حررررره صعبه لمن الريل يدافع عن مره ثانيه و اهو عارف انها اللي غلطت بحق زوجته و يصر على غلطته انتي محتاجة رد اعتبار وجدامها منه اهو اللي لازم ياخذ موقف حازم مو يعصب عليج و يقولج شنو يعني بتتحكمين فيني و بتمشين كلمتج علي لانه اتوقع يمكن يرد جذي انتي خلج صبوره قوليله المفروض كرامتي من كرامتك ..

اذا قررتي اطوفين عشان تمشي امورج صدقيني راح اتظل فيج الحره و الشك سنين و يمكن كل هوشه اتذكرينه بهاالسالفه و اللي سواه وشلون جرحج الافضل يتصكر هالباب للابد
.ان شالله ما يصير الا طيبه الخاطر

 

[تحت .. المطر]

ناس ماتستحي أول شي ردي بيتج لاا تخلين بنت ابليس تأخذ مكانج وانتي شفتي تيلفونه كلامه في شي غلط لما رد عليها؟؟؟؟ لاتظلمينه فكري بعقل مو بقلبج
خليه يدق عليهااا جدامج وبعدين يغير رقمه وقولي له انج واثقه فيه بس هالتصرف مايرضى فيه عاقل مهما كانت الظروف ومن هالسوالف بس لاتعصبين وعطيه وقت يتكلم فيه وقولي اخاف البنت تسوى بلوه وتقطهاااا برأسك وتوهقك مع رفيجك والدليل رقمك بتيلفونهااا وكثري استغفاااار والله يستر علينا وعلى بنات المسلمين

 

[تحت .. المطر]

الله يهديه لج ويبعده عن بناااات الحراااام

 

[أحلى البشر]

بنات اللي ينصحونها زوجها يغير رقمه فكروا شوي زوجها ورفيجه بيكون رقمه اليديد عنده وسهل تطلع الرقم من فونه يعني جنك يابو زيد ماغزيت واهوا مو ياهل مسوي مشكله وبينحاش منها يقوم يغير رقمه !
المشكله بس يبيلها ريال يحط للموضوع حد يزفها ويهددها ان لو دقت بيقول لزوجها عشان تخاف وتحترم نفسها < هذا الحل ومافي غيره

 

[لآلئ وردية]

بنات اللي ينصحونها زوجها يغير رقمه فكروا شوي زوجها ورفيجه بيكون رقمه اليديد عنده وسهل تطلع الرقم من فونه يعني جنك يابو زيد ماغزيت واهوا مو ياهل مسوي مشكله وبينحاش منها يقوم يغير رقمه !
المشكله بس يبيلها ريال يحط للموضوع حد يزفها ويهددها ان لو دقت بيقول لزوجها عشان تخاف وتحترم نفسها < هذا الحل ومافي غيره

معاهها

:rerrerek:

+ كثــري استغفـار

و عسى ربي يفرج همـج و همي و ييسر امرج و امري

 

[senioreta n7oola]

حسبي الله ونعم الوكيل

 

[عسل مرت قيمر]

قليلة ادب ووقحه

فوق شينها قوات عينها


مدام انها ماخافت يوم تكلمج وصكته بويهج وقلت ادبها عليج ماتستاهل تغطون عليها لازم ريلها يدري

اهيا الي يابت خراب بيتها لي عندها


انا مادري هلفئه دمهم من شنو


جد ماتستحي


ولازم ظروري ظروري ريلج يدق عليها ويردلج اعتبارج على الي قالته


الله يعينج ياقلبي


وبشرينا شيصير وياج