اللي ولدوو برويال حياة

[um 3li]

عن تجربة انا ولدت مرتين هناك

القاعه سواء الجوري او الجاردينيا ما يشملها العرض او خصومات الوزارات والشركات

والحين اسعار القاعتين ارتفعوا عن اول

الجوري صارت 500 باليوم

والجاردينيا صارت 800 باليوم

والبنات ما قصروا قالوا شنو شامله القاعه ..

عندج غرفة الليلي عليها عرض اصلا فما ينفع الخصم الي عندج دام ان عليها عرض

بس اذا تبين تاخذين غرف من الياسمين و فوق ينفع خصمج معاهم

الليلي ب 450 الولادة + يومين اقامه بدون اتعاب الدكتورة وابرة الظهر والطلق الصناعي والأدوية

واذا لاسمح الله مضاعفات او شفط الياهل او ولادة قيصرية

يعني يطلع عليج تقريبا 800 دينار بدون القاعه

الكاميليا هم عليها عرض 700 دينار الولادة + اقامه يومين

انتي اذا رحتي المستشفى و شفتي الغرف راح يعطونج ورقة فيها كل الأسعار حق كل الغرف و شنو داش بالحسبة وشنو لأ

انا اول مرة ولدت هناك أخذت الليلي و سويت استقبالي بالجاردينيا .. أيامها كانت الجاردينيا ب 500 يدنار

طلعت علي الولادة الليلي والجاردينيا ب 1300

وثاني مرة خذيت الكاميليا وسويت استقبال بسيط فيها و طلبت السيرفيس والمعجنات والشاي والقهوة بالغرفة طلع علي 1400

وتقدرين تأجرين كراسي من عندهم بعد

وسلامتج

وان شاء الله اكون أفدتج بخصوص هالموضوع

وللعلم مستشفى رويال حياة مو حق الي حالتهم مو ذاك الزود !!!!!!!!!!!!

في مستشفيات على 250 و 350 مع الدكتورة

ودار الشفا الجناح الامبراطوري ب 1200

الظاهر اهي قاعده ايام زيادة او والده قيصرية

وانتي روحي بروحج شوفي الغرف والمستشفى وحكمي

شوفي النظام والنظافة والعناية والمستوى

كافي الدلع الي يدلعونج اياه والمساج الي عقب الولادة

 

[#ريما#]

رد : اللي ولدوو برويال حياة

شكراااااااااااا شكرااا شكرااااا للكل فدييتكم ماقصرتووو ^_^


و الف شكـــر لـ أم علي حبيبتي



الي بعرفه الحين العرررض لي متى ؟؟؟

يعني على شهر 10 بيكون موجوود ؟؟؟

 

[نملة زقرتية]

حبيبتي قبل فترة زادو الاسعار عن قبل وشملو معاهم اتعاب الدكتور
وبالنسبة حق الولادة القيصرية (نفس حالتي) كان 4 ليالي والحين سووهم 3 بس

وترى رويال حياة مستواهم رااااااااااااااااااااااااقي
كافي الدلع والغرف اللي جنج داشة فندق مو مستشفى

اما دار الشفا انا من اللي شافو معاملتهم حق مرضاهم
لان اختي والدة هناك
ومن زماااااااااااااااان حطيت عليه اكس كبييييير

 

[فروبتشينو]

رويال حياة ماكو مقارنه مه دار الشفااا ويع من شاف نطرة الاصنصير؟!!!!

حبييتي روحي رويال وشوفي بعينج احسن وساليهم انتي اضمن لج وعلشان تعرفين ميزانيتج

انا توني والده شهر 6 وكل شي اكثر من روعه

وعلا الطاري عندي كفر استقبال راقي وقمه في الذرابه اذا انتي نوعج نفسي ماتحبين الكشاكش والخبه
السيت مالي معاه مفارش طاولات يعني بيصير كامل وحده ستايل اذا ماجهزتي راسليني عالخاص

 

[#ريما#]

رد : اللي ولدوو برويال حياة

نمله و فوربتشينووو

ميررررسي ياحبايبي ماقصرتووو

وان شاءالله بروح بنفسي رويال حياة

مشكوووره فوربتشينووو انا ستايلي نااعم حيل و الحمدالله شريت كفر راقي من دبي ^_^

 

[دلوعة المطران]

البناااااااااااااااات ماقصرواااااااا

 

[..ليالي..]

الله يسهل عليج ولادتج ويهون طلقج يارب

والله ماعندي خبره بهالمستشفى

وصراحه صدمتني الاسعار

انا عيالي كلهم بالهادي بنفس الغرفه يا حليلهم
اخذ دايما في اي بي

الغرفه كبيره وشرحه

اخر ولاده كلفت علي تقريبا بحدود 700 يومين قعدت بس

وانا دايما استقبالي اسويه بالبيت

يا حلات الراحه بالبيت

اهلج حواليج

والبيبي يمج

وتطلبين حلوج وموالحج اللي تحبين

وفلبينيتين خدمه وكان الله غفور رحيم

<<ايام اول يازينها

 

[السحر؛؛؛الحلال]

كنت متوقعة إن وحده من البنات بتنط وتدافع عن المستشفى جنه ملكها بالنسبه للإخت pure حبيبتي هذا رأيي وهذه أسعاره صحيحه ومستشفى دار الشفاء الجديد ماطلع ولا نزل عندي لأنه موملك أبوي وفوق هذا دكتورتي كانت دلال السالم يعني مودكاترة المستشفى وأنا ألحين حامل وإنشاء الله بولد بالهادي بجناح بسيط لأني مليت من الحريم إللي مايعجبهم العجب وبالنسبه لرويال هذا إللي نعرفه إنه حده بسيط وكلن يروحله وصاحبة الموضوع الله يقومها بالسلامة ويهون عليها طلبت راينا وكل وحدة لها رايها فيا إختي pure خلي صدرج وسيع لكل وحده تقول تجربتها ورايها .... وشكرا.