اللي ولدت قيصريه بالشهر السادس تتفضل مشكوره

[سمراء كويتية]

الله يطمنج عليه حبيبتي ويرزقج الحمل السليم يارب

 

[ام جي جي الحلوه]

الله يطمنج على الياهل ويقوم بالسلامه وتفرحين بشوفته سليم معافى

 

[عالم المسك]

حبيبتي ربي يطمن قلبج على البيبي

 

[مدرسة مستقبلا]

حبيبتي انا نفسج ولدت اخر السادس قيصرية 26 اسبوع

وبنتي كان وزنها 850 جرام

وكانت حالتي النفسية جدااا تعبانة نزيف بالمخ وامعاء مو مكتملة وبلاوي قالولي

بس استغفرت ربي وصرت ادعي لبنتي واتصددددق لها كل ما اروح ازورها بالمستشفى بنية شفائها على كل من اشوفة هنود واللي يكون

والحمدلله طلعت من الحضانة بفضل ربي عقب ما كانت حيل تعبانة وخلي ايمانج بربج قوووي



وكلامج عدل نفسه قالولي اياه والمهم بالموضوع مو تولدين طبيعي القيصرية والطبيعي مو مهم كثر

ما يكمل الطفل 9 شهور كاملة هذا الاهم

وانصحج لا تحملين الا بعد سنه ونص اقل شي علشان يبرى الجرح عدل هذا كلام دكتوري

وانشااالله تكملين التاسع كل ما تطولين كل ما يكون احسن

وانا قعدت سنة و 8 شهور والحين حامل بالشهر الخامس

وادعيييلي ربي يتممه لي 9 شهور ويرزقني بطفل سليييم عافي يااااااارب​

 

[حبيبي مالكني]

حبيبتي صبري لا تستعيلين على الحمال
ريحي نفسج
وخلي جرحج يطيب من داخل عشان
تولدين طبيعي
المرة الياية

 

[تبطي عظم!]

قصتج بالضبط نفس قصة زميله لي بالدوام

جابت ولدها بالسادس وبعمليه قيصيريه وقعد بالحضانه 5 شهور

والحين عمره 7 سنوات يهبل الله يخليه لها ومافيه اي شيء



الله يطمن قلبج على ولييدج يارب بس المشكله مااقدر افييدج لان كان حملها الثاني والاول جابته قيصري بعد

 

[ام بيان]

انا حماتي والده في الشهر السادس نفسج
في الاسبوع 25 و الحمدالله ولدها اشحلاته
الله يخلي لج ولدج و يطلعج بسلامه

انا ولدت في بدايه الشهر السابع الاسبوع 30
ولادة قيصريه بس عادي ماقالت لي الدكتورة
اذا بولد قيصريه او طبيعي كل شي بيد الله
بس اختي دامج قيصريه انتظري لا تحملين
وان شاء الله يطلع ولدج بسلامه

 

[حوريه ...]

اول مره اسمع عن ولاده مبكره وعمليه ؟؟؟

سبحان الله العظيم

بس اقولج لاتعتمدين ع كلام الدكاتره

توكلي ع ربج سبحانه


وماله شغل

وترا صار كله واحد عمليه والا طبيعي

والله يخلي لج مارزقج يارب ويقر عيونج بشوفته سليم معافى