اللي ولدت بالسادس يا ليت تدخل بليييز حبايبي محتاجتكم

[Betty 90]

السلام كروشات :eh_s(7):


حبايبي انا كنت حامل ويوم وصلت للشهر السادس بالاسبوع 25 جاني طلق و فتح رحمي بسرعه و ما كملت يوم الا وانا والده ...



طبعاً البيبي كان صغير فتوفى بعد ساعه .. الحمدلله على كل حال .. بس كان حملي سليم و ما فيني اي شي ...



الحمدلله الله رزقني الحين ودخلت الخامس و عنق الرحم سليم مو قصير بس سويت الربط احتياط لاني بصراحه قمت اوسوس خايفه ادخل السادس و يجيني طلق :eh_s(11): و الدكتوره عطتني مثبتات دافستون ..



ياليت و رجاء حار اللي مرت بنفس حالتي تكتب تجربتها و اللي عندها بعد الولاده المبكره تجربه ناجحه و كملت للتاسع تبشرني بهالشي ودي اتطمن .. وجزاها الله كل خير اللي ترد علي او ترفع الموضوع

 

[زين ودلال]

ان شاء الله يارب توصلين لي التاسع

اهم شي ارتاحي ولا تفكرين بهالشي واااايد حاولي ما توسوسين

 

[جود2008]

سلام عليكم

حبيبتي انا جبت بنتي في الاسبوع ٢٨

وقعدت في الحضانة شهرين

والحمدللة عقبها طلعت مافيها شي عقبها حملت

بولدي علي طول وكنت أخذ الدفستون وماسويت

ربط والحمدللة جبتة في الاسبوع

٣٧ وكأني الحين حامل ادعي لي ان اللة يثبتة

بس اهم شي عليج بالدعا وتصدقي عن نفسج

وكثري من الاستغفار واعلمي أنة اللة كاتبة لج
بيصير ووكلي امرج للربج راح ترتاحين
وسلامتج وماتشوفين شر

 

[*فرحة عمري*]

انا نفسج شهر واحد وصلت لي الاسبوع ٢٤ ولدت فجاه لان ماي البيبي كان مبطوط
وماتت بلحظتها سبحان الله و الحين رب لك الحمد حامل و بشوف سالفه الربط بعد بس و الله
قالي الدكتور ان مضارها اكثر من ايجابياتها

 

[جود2008]

بس حبيت اسالج انتي عند اي دكتورة تراجعين

 

[روح مووود]

الله يعوووضك حبيبتى بنت خالى نفسك ولدت بى السادس وماتت بنتها وبعدها حملت
وسوت ربط والحمدلله كاهى عندها بنت وجابت بعدها ولد بدوون ربط بس ابر تاخذها
انتى اتكلى على الله وشوفى الدكتور ايش يقوول

 

[shjoonaa]

الله يعوضج ان شاء الله

انا صار معاي نفسج ولدت بالشهر السادس وكان معاي توم وتوفوا بعد نص ساعه بعدها حملت وسويت ربط واخذت مثبتات وابر والله

رزقني بولد لا تحاتين الله يرزقج ويرزق كل محروومه

 

[اسيل الصمت]

لاحول الله ولاقوة الا بالله


ربي يرزقج ان شاء الله

الله يعوضج

حاولي تهدين شوي لاتفكرين وايد

 

[طيــــــــــــف]

بنت خالي نفسك بالظبط جابت ولد بالسادس وتوفى بنفس اليوم الي ولد فيه
وحملت بعد 3 سنوات والحمدلله معها بنت عمرها الحين سنتين ماشاء الله
بس انتي اهم شي ريحي عمرك واستودعيه رب العالمين وان شاء الله تولدين بالتاسع وتقومين بالسلامه انتي والبيبي

 

[عالية الغالية]

الله يثبت حملج يارب
وحده في العايله ولدت في السادس و و توفو عيالها بعد شهر
و الحين أنا حامل في الخامس و عندي وسواس الولادة المبكرة
بس ادعي لنفسي و أتصدق و اقول ما بربي الا بالتاسع
ع فكرة أنا بعد أخذ تثبيت
يارب تثبت حمل كل حامل و تهون عليها و تقر عينها بشوفة ضناها
و يارب ترزق كل متأخرة و تفرح قلبها

 

[امواج الكويت]

انا نفس حالتج بالضبط وان شاءالله موعدي الربط اول ١٢ ونفسج احاتي يارب يتمم علينا على خير ان شاءالله ونشوف عيالنا بحظنا

 

[عيون السعودية]

الله يثبت حملك وللاحتياط راجعي في نفس المستشفى اللي ولدت فيه لأن بملفك ولادة مبكره عشان تحط في بالك لو لاقدر الله جتك ولاده مبكره تكوني ماخذه ابرة اكتمال الرئة

 

[LaBella]

بيتي انا بعد ولادتي الاولى كانت باول السادس وعنق الرحم عندي زين مافيه شي بس الظاهر مايتحمل الثقل !

فسويت ربط احتياط وكنت حاطه ايدي على قلبي بس انطر اعدي السادس والحمدالله الحين انا بالثامن

ربي يتمم علينا ويقر عينا بشوفه عيالنا مشافين معافين


لا تحاتين وكثر ماتقدرين اقري عليه وادعي وتصدقين وربي بيكتب لنا اللي فيه الخير ان شاءالله

 

[english muffin]

انا ماعندي خبرة في هالامور لاني بجرية

بس بنت عمتي سوت انابيب و ولدت في السادس والياهل تم في المستشفى في الحضانة لين كمل ٩ شهور وصار وزنه كيلوين
وماشاء الله ااحين المفروض يكون عمره شهر ومافيه الا العافية ماشاء الله

 

[مواصله]

انا ب3حملات من ادخل السابع تجيني ولاده مبكره وينفتح الرحم

لكني اروح الاسعاف يعطوني ابر تثبيت بالمغذي لمدة اسبوع

غير ابرة الرئه للجنين الحمدلله ولدتهم بالتاسع

 

[دلوعت مودها]

انا نفسج ولدت بالاسبوع ال25توم وتوفو بعد يومين
والحين حامل بشهر السادس وحيل خايفه بس مو شرط الولاده المبكره بكل حمل الدكتور قالي
وعلى فكره انا سويت ربط والله يتمم علينا....
لاتفكرين وادعي ربج وتوكلي عليه...

 

[غلأأأأ مغليهأأأ]

اب اب

 

[miss_Ba6oOo6a]

انا يبت بنتي 6 شهور واسبوع
27 /28 اسبوع كان وزنها 900 وشوي غرام يعني كيلوو.
نفس الشي بدون سابق انذار وولاده نفس اليوم ماكو سبب قعدت 3 شهور ونص بالحضانه والحين عمرها 2 نص
والحين حامل والدكتور مارضا يسويلي ربط يقولي كل شي سليم وقوي الرحم ما اخاطر بنج وربط واهو يسوي التعابات احنا نبي نتحاشاها
علا الحبووب والتحاميل ثبيت ومن الخامس دوا يهدي الرحم اسمه بنتالين الحين انا اخر اسبوع بالسابع
الله يسهل *

 

[@ام يوسف@]

انا بجري ولاده مبكره نزل ماي البيبي وولدت وقعد بالحضانه شهرين وعقب جبت 3 بالتاسع

 

[ocean.emotion]

السلام عليكم miss-ba6oo6a
عند اي دكتور تراجعين و شلون عرف انج ما تحتاجين ربط مع ان عندج ولاده مبكره