اللي ودها تشتري ((بيت ))واتأمن مستقبل اعيالها >>تعالوا انتعلم من بعض ونتوكل على الله

[um_yoyo]

رد: اللي ودها تشتري ((بيت ))واتأمن مستقبل اعيالها >>تعالوا انتعلم من بعض ونتوكل على ا

موضوعكم جدا شيق وحلو

عشان نوصل إلى 190 ألف

لو سويتي صالون متنقل مثلا وفي كل بيت اطلع منه بمبلغ 30 دك

احسبي معاي 30 دك ضرب 6 بيوت = 180 دك ضرب 30 يوم = 5400 دكضرب 12 =64800 دك خلال سنة واحدة من عاملة واحدة


64800 دك ضرب 15 سنة =972000 دك

مع تحياتي ...............................

خوش حسبه بس صعبه بالواقع

 

[نور-الكويت]

رد: اللي ودها تشتري ((بيت ))واتأمن مستقبل اعيالها >>تعالوا انتعلم من بعض ونتوكل على ا

اللهم انزلنا منزلا مباركا وانت خير المنزلين

 

[om yasafy]

رد: اللي ودها تشتري ((بيت ))واتأمن مستقبل اعيالها >>تعالوا انتعلم من بعض ونتوكل على ا

مادري بنات انا وايد اخاف من سالفة القرض......
مع ان في طريقة حلوة انج تشترين بيت عن طريق قرض او بيت التمويل ...
وتأجرينة كامل .... ومن فلوس الاجار تدفعين قسط القرض ....
واعرف واحد يصيرلي مسوي هالطريقة وماشاء الله حالته المادية اهو ومرته حيييل مرتاحة ....
مع ان قاعد في بيت اهلة بشقة صغيرة حييييل مادري شلون قاعد فيها اهو ومرته وعيالة ... الصراحة انا ماسويها
(غرفتين وحمام ومطبخ ... حتى ماكو صالة وعيالهم كبار يعني اكبر وحدة 13 سنة !!!!!
بس ماشاءالله كل سنة بالصيف يسافرون ... مو اي مكان بعد امريكا .. استراليا يمكن 3 مرات رايحين لها ....


مادري انا وزوجي مو متحمسين على هالطريقة ...

انتوا شرايكم ؟؟؟؟

 

[سراي اللواوين]

رد: اللي ودها تشتري ((بيت ))واتأمن مستقبل اعيالها >>تعالوا انتعلم من بعض ونتوكل على ا

انا اقول البيت مهم واللي يفكر فيه جد راح يستحمل ويك على نفسة

 

[om yasafy]

رد: اللي ودها تشتري ((بيت ))واتأمن مستقبل اعيالها >>تعالوا انتعلم من بعض ونتوكل على ا

اكيد مهم واللا جان ماصار حلم كل وحدة

 

[cawcaw]

رد: اللي ودها تشتري ((بيت ))واتأمن مستقبل اعيالها >>تعالوا انتعلم من بعض ونتوكل على ا

هاهاههاهاهاهاا والله كانه انا كاتبه الكلام و غلاة عيالي قريت ردج لريلي مات من الضحك يقولي اخاف هذي انتي بس ناسيه

الله كريم

القلوب شواهد وانا اختج <<<<<مادري عاد راكبه عالموضوع ولا مالها شغل
عاد والله متوقعه الحال هذا مع اغلب البنات لان الوضع مزري بصراحه.. والوحده تلقينها تدور بجميع الطرق والاتجاهات عشان لايأنبها ضميرها انها قاعده وناطره الفرج ييها.. الله كريم والحمدلله على كل حال

عموما الله يسهل على كل وحده بالها مشغول بالبيت وتدور الستر عليها وعلى عيالها بلا منة الناس..

بس عاد ها اذا حصلتي شي لاتنسيني لان ليلحين مالقيت شي زين وبالتوفيج للجميييع

 

[CHEESE CAKE1]

رد: اللي ودها تشتري ((بيت ))واتأمن مستقبل اعيالها >>تعالوا انتعلم من بعض ونتوكل على ا

منو ماوده يكون في بيته
هالايام البيوت غالية وايد
وقاعدين ننطر دورنا في مدينة جابر
قالولنا تقدرون الحين تاخذون بمدينة سعد وبمدينة صباح
بس انا مصره آخذ بجابر يمدحونها وايد
والله كريم

 

[دولفين]

رد: اللي ودها تشتري ((بيت ))واتأمن مستقبل اعيالها >>تعالوا انتعلم من بعض ونتوكل على ا

السلام عليكم


((اللهم انزلني منزلا مباركا وانت خير المنزلين ))


طبعا اعتقد مافي وحده ماودها ان يكووون عندها بيت اتأمن في مستقبلهم اهي وزوجها واعيالها

وتفتك من الاجارات والبهذله

وانا ولله الحمد امأجره عند حماتي ومرتاااااااااااااحه وبعد قلبي مووومقصره

بس الحين وايد افكر في البيت


لحد متىىىىىىىىى بس وايد لعبنا بالفلوووس وملينا سفرات واهدوووم وماركات وطلعات ومدارس يهال بالآآآآآآآآآآآآآآآآآآف نصرف ومانحس بنفسنا


بس الحين قلت حق نفسي استوووووووووووووووووووووووووووووووووووب :eh_s(1):


خلاص راح ابدي ادور لنا على بيت واشوف الاسعار والمناطق وانا ماااااحلم بشي واااااااااااااااايد

لا والله القناعه كنز لايفى انا احلم في بيت زين ومنطقه حلييييييوه نعيش فيها انا مع اعيالي وزوجي وانكون مرتااااحين



والحين هالموضوووع ابي منكم كل وحده تقولنا اشلوووووووون راح نتفق وانتكلم وانوفر علشان نشتري بيت

واتمنى من كل وحده بالاخص اختنا الرسااامه انها اتفيدنا في خبرتها في شراء البيت (الله يباركلج فيه يارب )

واللي اتعرف ارقام دلاللين هم بعد تعطينا الارقاااام


ونبي خبراااااااااااااااااااااااااااااااااااات يعني ترى انا ادمغغغغغغغه مااعرف شي بالمره

ابي اوفر ابي اعرف الاراضي ابي اعرف المناطق الزينه وايد اشياء ابي اعرف


ها منو معاااااااااااااااااااااي ويصير هالتجمع فاتحة خير علينا واندبر امورنا وانشتري بيوووووت

يالله انطر تفاعلكم معااااااااااااااااااااااي ​

أنا متزوجة و عمري الحين ( 35 ) بس أحس ان عمري 15 !! وعندي بنتين وولد واحد أعمارهم مابين 10-3 ..

أذكر أول مرة أنا وزوجي كنا ساكنين في شقة بالفحيحيل لأن احنا مانبي بيت حكومة ,, يعني شوفي عندي ثلاث يهال باجر بيت الحكومة ماراح يكفيهم , صح ؟

شلون وفرت:

أنا مُدرسة ومعاشي تقريبا 9000 وزوجي مهندس يشتغل بالبنك وفرنا من معاشاتنا لمدة 3 سنين وفتحنا مطعم بأحد أزقة حولي وزوجي كان يشغل الفلوس بالبورصة ومنها حصنا فلوس تكفي ان نشرتي بيت راقي في منطقة ( سلوى ) وكلفنا هذا البيت 330.000 دينار زمساحتة 500 متر ..


أنصحك بمناطق مثل : جنوب السرة

سلوى

القرين

الأندلس وباقي محافظات الجهراء

والفلوس عندما تستثمرينها أفضل من تخزينا في المنزل و البنك

 

[om yasafy]

رد: اللي ودها تشتري ((بيت ))واتأمن مستقبل اعيالها >>تعالوا انتعلم من بعض ونتوكل على ا

اي بس البورصة الحين طايحة ....
وكلنا نبي بالمناطق اللي يم بيوت اهلنا بس الله كريم

 

[آه يا زمن]

رد: اللي ودها تشتري ((بيت ))واتأمن مستقبل اعيالها >>تعالوا انتعلم من بعض ونتوكل على ا

للرفع للرفع للرفع

 

[الجادل الخشف]

رد: اللي ودها تشتري ((بيت ))واتأمن مستقبل اعيالها >>تعالوا انتعلم من بعض ونتوكل على ا

موضوع قديم بس جا عالجرح للحين افكر افتح مشروع عشان اوفر للبيت وانا كل ماجمعت فلس اروح اسافرودي اعرف بيت التمويل هل لازال يشتري البيوت ونقاسطهم

 

[om-7mody2012]

رد: اللي ودها تشتري ((بيت ))واتأمن مستقبل اعيالها >>تعالوا انتعلم من بعض ونتوكل على ا

والله الموضوع حساس وصار مو متوقف على المتزوجين صار يمس جميع أفراد الأسرة والجنسين..
انا الحين أخطط لهالشي إني يكون لي بيت الأحلام بس مو ضروري إني أكون متزوجة بس عشان أضمن بيت يستر علي وعلى ولدي ليوم الشدة مع إنا ساكنين مع أهلي بس بهالزمن ماكو شي مضمون.. أتمنى إن تكثر المواضيع عن شراء البيوت أو الشقق والسبل لتوفير المال لتحقيق أهدافنا وشاكرة لكل من فتح هالموضوع