اللي مو متهياه و مو مستعده للزواج لاتزوج الكلام مو بس لكم لي انا بعد

[جلكسيه اس 3]

السلام عليكم اشلونكم خوااااتي شخباركم


بنات و الله صج الموضوع حاز بخاطري
الحين الطلاق صار موضه
اشكثرهم الي اسمع مطلقين
و كان زواجهم مده اطويله

شوفو الحين مطلقين و ناسين بعض

بنات انا اللي اثر بحياتي الزوجيه مشاكلي القديمه مع الاهل
هالشي خلاني اصير وايد عصبيه و عنيده
و بعد كنت بعيده عن ربي

الحين انا وايد تغيرت رجعت لربي و ماعندي اغلى من اهلي و اعيالي
بفضل من الله طبعا و و ايد مرتاحه
بس نبي نصايح من البنات السنعين. اشلون انهيا انفسنا للزواج

 

[مهندسسة]

اهم شي رضا الله وبعده كل شي بتم على خير

 

[yam_yam]

الله يعوضج خير يارب
و يرزقج

 

[انا لحبيبي .]

اشغلي نفسك بشي ينفعك دنيا واخرة ، شي تكوني انتي راضيه عنه تعمليه وانتي مرتاحه نفسيا.. عيشي اللحظة واستمتعي فيها لاتفكري بالماضي.. هيئي نفسك انه ممكن ما يصير في زواج ( من غير شر ) .. ان صار ( وان شاء الله يصير ) فلله الحمد وان لم يحدث فلله الحمد ما توقفي سعادتك على شي معين .. فالحياة اكبر من هيك بكتير .. خلي ظنك بالله جميل فهو اعلم منا بالاحسن النا لهالدنيا ..

الله يرزقك باحسن النصيب ويسعد البك يارب .

 

[غرأم]

الله يسعدج ان شاء الله

 

[iLLuMinaTion]

الله يرزقج

 

[sona87]

الله يسعدج
ويخلي لج اهلج

ويرزقج كل ماتنمنيه

عليج بالدعاء وكثرة الاستغفار

 

[simply unique]

أول شي صفي نيتج فهالدنيا ..
يعني ما تزعلين لو وحدة اصغر منج تزوجت قبلج ..
لان كل شي نصيب ..
وما تدرين كل تأخيرة فيها خيرة ..

ثاني شي اذا تبين تتهيئين عدل
حطي ببالج شي مهم ..
ان الزواج مسؤولية ومو رومانسية وبس ..
فيه انج تكونين قد هالمسؤولية اللي عليج وتحافظين على بيتج وريلج ..
وأي عقدة حاسة فيها من المشاكل اللي تقرينها تخيليها قرصة لج ..
يعني تحذرين تطيحين في مثل هالمشكلة لانج قريتي تجربة مماثلة

اتمنى اكون افدتج

 

[FeShinGoOo]

وعلى نياتكم ترزقون .. صفي نيتج وخلي قلبج ابيض وطيب وخلج دايما المظلومه مو الظالمه .. واهم شي اهم شي اسرار حياتج خليها لنفسج .. حتى لو ياج نصيب ان شاء الله لاتعلمين لين يتم موضوعج .. والله اغلب البنات للاسف تنعفس حياتهم بسبة العبين .. تكون مستانسه بزوجها .. زوجي دلعني .. زوجي وداني .. زوجي سفرني .. زوجي شرالي .. وماتدري ان الي جدامها ميته قهر وتاكل بروحها وعاد تعالي شوفي من غيرتها وحسدها اشلون تخرب على البنيه ..
اي شفطي فلوسه .. اي نشفي جيبه .. اي عطيه العين الحمرا .. اي غثيه اي عصبي عليه خيعرف عندج شخصيه .. اي طنشي فيه .. خيولي روحي عروس روحي نوادي روحي طلعي من ارفيجاتج مو كل وقتج حقه حتى لو مو راضي فرضي شخصيتج واتهاوشي معاه اهم شي وناستج لايدفنج باالحياااا << طبعا عقب ماتتطلق البنيه ويصير الي يبونه وتبرد قلوبهم ماتشوفهم جدامها وين الي كانو يشجعونج على مغثت زوجج ؟؟ كل وحده لاهيه بحياتها وعيالها وبيتها ومايدرون عنها الا وقت الي ماعندهم شغل وظايق خلقهم يقزرونها عليها واهي اخسرت زوجها وبيتها وعيالها عشان اوهام .. والله هالنصايح ماوراها غير خراب البيوت
اذا تبين النصيحه صج اخذيها من امج وبس حتى الخوات يصير بينهم حسد وغيره ..!!


ديري بالج وموفقه حبوبه

 

[ام الدرر]

مافهمت قصدج يعني المطلقة شلون تهيا نفسها لزواج ثاني
انا عندي نصايح عامة للعزابيات
اهم شي في الزواج
ان الوحدة تعرف ان حياة العزوبيه غير الزواج
يعني في بيت اهلج مدللله ومدلعه تطلعين وتدخلين
بالزواج اكيد غير
ولازم الوحده تصبر عالمشاكل والازمات
تعرف اطباع زوجها وتتحاشى اللي يزعله
تحاول تحل مشاكلها بروحها وماتدخل احد سواء من اهله او اهلها الا بالاشياء الجايدة
اذا زعلت تزعل في بيتها ماتروح لاهلها
تعامل اهله باللي يرضي رب العالمين وتمسك العصا من النص
لا تقط روحها حيل ولاتشيل نفسها مرة وحده
تصون اسرار بيتها وزجها حتى عن امها وخواتها وصديقاتها

وعسى ربي يسهل امرج ويرزقج الزوج الصالح اللي يعوض صبرج ​

 

[مولاي الفرج]

الله يرزقج حبيبتي ولا تحاتين وكثري دعاء والله كريم

 

[sweet-kamelia]

البنات ماقصروو ..

حاولي قد ماتقدرين مسكي اعصابج .. اي كلمه تسمعينها تنرفزتج طنشيها حطي مكانها كلمه ثانيه
العناد : انا ام العناد حاولت قد ما اقدر اتغلب على هالشغله في اني اذا صار تج او اختلاف في الراي بيني وبين شخص ثاني
دام وجة نظري انا مقتنعه فيها اقول له انا هذى اللي عاجبني وهذى نظرج وكل واحد حر بنفسه .

الزواااااااااج .. انا مقبلة ع الزواج الله يوورقفنا جمييع .
قريب كتب التعامل مع الزوج .. طبيعة الرجال ونوعيتهم .. اثقف نفسي
الثقافة الجنسية .. والحمدلله الحمدلله .. تسهل الامور دام متوكله على الله سبحانه وتعالى وعلى نياتج وارضيتي اللي حوالينج امج ابوج اخوانج

 

[وجـه البـدر]

الله يرزقج بالرجل الصالح اللي يسعدج وينسيج كل شي اللهم امين

 

[جلكسيه اس 3]

مشكوورين يا بنات
بالعكس انا لما اشوف وحده بتزوج
اقول بقلبي الله يهنيهم
مو عشان انا تطلقت احسدهم
بالعكس اكون سعيده ،،
بس تدرون الزواج ستر
انا كلش ما افكر بالموضوع
الحين انا بس افكر بعيالي

 

[mmloo7a]

اي من جذيه نشوف نسبه الطلاق عاليه


عفيه بنات كثروا من الحسد والغيره بليز نبي الطلاق يوصل 1000%

عشان بعدين تعرفون شلون الزواج نعمه وانتوا ترفسون النعمه

لي ياكم خوش ريال تطلعون فيه 60 عذروب
لكن لوطلع راعي خرابيط تقعد تتشكى


يازين الزواج

 

[al-musk]

اهم شي قناعتج ان الزوج جزء من حياتج وروتينج ومسؤولياتج وهواياتج ..لاتقصرين بشي بس لاتهملين نفسج وتبدين احد عليها ..

الله يوفقج واحلى شي ان الواحد يلقى نفسه بعد كل المشاكل والازمات ويثق فيها وهالشي هو اتلي سويتيه مع نفسج

 

[ميس المشاعر]

الله يعوضج خير انشاءالله
واللي اعرفة ان الزواج مسؤليه لا وكبيرة بعد
ولازم تعرفين كل شي قبل الزواج ( المصارحة والمكاشفة ) اهم شي
مو بعد الزواج تقولين كان في جذي لا خلج صريحة من البداية عشان ترتاحين
ولا تقصرين بشي
الله يوفقج

 

[queenbeeuty]

up up up

 

[bal8es]

أهم شي القنااااعه

(حزب الطمااشه)<< برا برا

 

[بشوريتا]

الله يفرج همج وهم كل امة محمد عليه الصلاة والسلام اجمعين
ويعينج على تربية عيالج
امين