اللي مفكرة تولد بالهادي...تعالي اكيد بتغيرين رايج :(

[om MaRyooM]

السلااام




الحمدلله ولدت بفضل من الله سبحانه ويبت احلى ريم فديتها



المهم

موضوعي عن مستشفى الهادي :eh_s(14):




ولادتي الاولى من 3سنوات كانت ايضا بالهادي ..

كانت اوكي زوينة .. والسسترات حليواات حدهم
يعني باختصار ماكو ملاحظات على الولادة




اما ولادتي هذي فعلا تحسفت قد شعر راسي اني ولدت بهالمستشفى اللي تفشل:bbbiu:

بقولكم اللي صار معاي وانتو حكمو بنفسكم



وانا قلت انبه اللي ناوية تولد فيها .. (وما على الرسول الا البلاغ)
لأن احنا حرام قاعدين نقط شي وشويات واخر شي على هالمستوا ؟؟؟؟؟؟؟؟؟؟؟؟؟؟




*قبل لاااولد سالتهم قتلهم ابي الغرفة الفلانية
وبما اني قيصري يعني اليوم محدد اوردي

قالولي تعالي قبلها بكم يوم ونحجزلج الغرفة

رحتلهم قبلها ب3ايام قتلهم ابي الغرفة رقم جذي .. قالولي تم

يوم الولادة ييت الساعة 7ونص الصبح عشان عمليتي
قالولي الغرفة محجوزة !!
شلون محجوزة وانا حاجزتها ؟؟؟؟؟؟؟؟

المهم طنشنا وريلي قالي خل نشوف غرفة ثانية
لأن احنا نبي من الغرف اللي مجددينها

المهم ماحصلنا

جان اخذ غرفة سويت اللي ليلتها 95 واثاثها من الف وحطبة :eh_s(1):
والخشب رايح لونه
والقنفات حدث ولا حرج



*يوم دشينا الغرفة ولمدة يوم كاامل المكيف خرفاان
ساعة يتبطل وعشرة يوقف .. والزوار عرقو
امبي حدة فشلة صراحة وريلي راح جم مرة تكلم :eh_s(1):











* النقطة الثانية


اللي ينظفون الغرف يمكن كل عشر دقايق داشين

زعجوني حييل . .يدشون ويبطلون ليتات الغرفة

وتييج الوحدة وتخزج وتخز الموجودين . . يعني تكفون عطوني

وصادف جم مرة امي ووزوجي يعطون نفس الاشخاص ويردون يدخلون ويطالعون بنظرة طرارة
استغفرالله ربي العظيم









* النقطة الثالثة

يوم اطلب اشوف بنتي

اول مرة قالولي لحظة الدكتور رح ايي ويجيك عالبيبيات
نطرت اكثر من ساعة وطنشو .. بعدييييييين يابوها لي

ثاني يوم طلبتها ونفس القصة .. دكتور الاطفال بيمر
قتلهم لاتعطونها حليب .. انا ابي ارضعها قالولي اوكي

يوم وصلت بعد جم ساعة ولا معطينها حليب

ولا اشوفها فديتها ترجع والمخدة اللي حاطينها موصخة لونها بني !!!!


والعصر تكررت نفس الحالة
يوم دقيت جان وحدة تقولي( ماما بي بي اوكي جين انتي شنو يبي ؟؟ )
:eh_s(14):
:eh_s(14):
قتلها يعني شنو ابي .. بشوفها وبعطيها حليب

يابوها لي موصخة فديتها .. ليش ان اول يوم نسيت اعطيهم غيار ثاني قالولي ماقلتليلنا عندج هدوم حقها

صوب الجم في دم مالت سحب الدم .. والكبوس كله ترجيع !!!!!!!!!!!!!!

واي ماساة حسبي الله عليهم

ماكو اهتمام ولا نظافة للياهل









* النقطة الرابعة

للاسف مع اني احب دكتوري (عصام) واثق فيه ..
قالي رح يمر علي كل يوم
ماشفته الا بعد العملية بجم ساعة وعقبها اتوسلهم ثاني وثالث يوم كلموووووه ابيه يشوفني
وبساله عن جم شغلة

جان تقولي السستر في دكتورة رح تمر .. د.عصام مايصعد كل مرة !!!!:eh_s(1):
قتلها طلبووه انا ابي ..

طبعا لي يومكم ماشفته








* السسترات

كانو اوكي معاي ..
خصوصا الفلبينياات .. بس الهنديات لا يحووووووشك
كنت اذا اتالم اذا بقووم او شي يخزون بويهي جنه اول وحدة تتعور من العملية !!
ومايعجبهم اذا طلبت منهم شي








* بالنسبة لغرفة المواليد
عقب ماطلعت امي تقولي شفت اهماال من السسترات اللي عند البيبيات بس ماحبيت اخرعج

تقول وانا رايحة اشوف بنتج .. لمحت السسترات مايراقبون اليهال عدل

وحدة كانت تسووولف وتقرق شايلة الياهل وبيدها رضاعة الحليب .. واهو بعد عمري يدور يدور واهيا تسولف مو منتبهه له

وتقول شافت ياهل حاطينه على بطنه ويفرفر براسه يدور يبي يتنفس واهما طنااااش

جان اطق عليهم الزجاج حيل واشرتلها عالياهل تقول ركظ راحت عدلته
:eh_s(16):








*نفس يوم الخروج

طبعا قالولي دتكوري رح ايي ويوقعلي عالخرروج ويعطيني تعليمات
ولا تيي د.عبير المصرية قالتلي عاوزة تخرجي ؟؟؟ قتلها اكيد شرايج دام مافيني شي الحمدلله
جان تغيرلي الجرح وبس

لاعطوني تعليمات ولا شنو اسوي ولااااااشي !!! بس انا اللي اسال واهيا ترد
وقالولي عقب 10ايام ايي عشان يشيلون السيخ

وووبس

ماصدقت على الله طلعت من المستشفى ورحت البيت والحمدلله التساهيل من الله

بس حبيت اذكرلكم تجربتي مع هالمستشفى الشبه فاشلة

 

[بربيره]

انا من الله اكره هالمستشفا ولله الحمد خخخخخ

 

[بربيره]

وصج الحمدلله على سلامتج و زين سويتي كتبتي التفاصيل خل البنات يستفيدون

 

[ام عفاف الكويت]

من يبت عفاف وانا قايله
لو مليون دينار مارجع اولد فيه
الحمدلله على السلامه وغدا الشر ان شاء الله
والله يخلي لج مريومه وريومه يارب

 

[@سيدة نفسي@]

انا والدة فيه وقيصرية بعد من 4 سنين كان روووووووووووووووووعة

لكن دوام الحال من المحال ,, الحين الوحدة تولد ببيتها أبرك دام الحكومة

والخاص من سيء لأسوأ ,, الله المستعاااان

 

[مس لوتس]

اهم شي حمدلله ع السلامه والهادي معرووووف وسسسخ ماكو نظافه

 

[om MaRyooM]

العفو بنات


وشاكرة مروركم

 

[المـــــها]

يمااااااااه
عاد بنت خالتي تمدحه 3 ولادات فيه عند عصام !!
الحمدلله نزلتي تجربتج

 

[المسكـ]

الهادي اذا تروحينلهم وانتي مريضه ما يهتمون فيج ومره رحت لهم وحرارة ولدي 40 يعني المفروض دكتوور الطوارئ يشوفه اول واحد لان صار لونه ازرق وقام يتشنج وانا اصرخ مادري شسوي وطبعا اهما حطوني بغرفه مادروا عنه االا لمن وصل دووره يعني الانسان يموت ويحيا يالله يشوفونه لا ولمن رحت للدكتور كانت نازله حرارته جان يقول بكل برود حرارته عاديه انا شووووووووي واطقه يعني لو ريلي مو يمي جان مكوفنته يعني انا اجذب مثلا بصراحه قلت حق ريلي والله ماروح الهادي خيولون

وبعد يوم ولادتي رحت اولد عند بهواني وقالتلي تعالي اولدج بطلق صناعي لاني كنت تعبانه حيل والبيبي تعبان دورت بالغرف ولا ماكو الا الحجال الضال قتله لو اموت ما اولد بغرفه عاديه ودني الشفا ورحت الشفا وشفت الامبراطوري 4 فاضيين طبعا الحجي قبل 4 سنين الحين الشفا هم زحمه
وولدت عندهم روعه بصراحه ولادتهم حتى السسترات كل شوي ايون ويبهللون

 

[miss_whitemocha]

الحمدلله على سلامتج وسلامة ريوووومة يا حبيبتي..
انا شكلي بولد بروحي في البيت دام لا المستشفى الخاص ولا الحكومي فيهم خير..​

 

[^_^يالي احبه^_^]

شكلي بغير راي انزين اشرايكم بدار الشفا واحسن دكتوره هناك ومشكوره

 

[سويت فانيلا]

مبروك على الورده تتربى بعز-ج

 

[anooma_86]

الهادي خلاص اخترب صارو مهملين و وصخين و زححححححمه الله يهديهم.. المهم الحمدلله على سلامتج وسلامة بنتج*

 

[om MaRyooM]

العفو حبايبي


شاكرة مروركم

 

[عضـــــوه]

الحمدلله علي سلاااااااااااااامتج وسلامة العروووووسه

الهادي ما احبه زحمه ولوووووووووعه

السلام ودار الشفااااا والمواساة بسسسسسسسس

ام مريوم شنو سييييييخ شكوو لييييييش 

 

[<<لمار>>]

الحمد الله علي سلامتج ومبروك عليكم الافي

 

[بخـــارى]

من زمان فاشل

 

[الأماكن]

اصلا مستشفى الهادي من عمر الدنيا وصخ و ازعاااااج و زحمة ... سبحان الله ما دش مزاجي ... على كثر المدح

و البنات اللي يتولدون فيه

ماكو احسن من المواساة و السلام

شرح ووسيع و هدووووء

ع العمووووم حمدلله ع السلامة و الف مبروك البنوتة

ان شاء الله تشوفينهم عراااايس ... و متخرجين من الجامعة

و جزاج الله خير ... نبهتي البنات

 

[فجر@@]

وااااااي خرعتونيي ناويه اولد هناك
انا قيصري ودكتورتي دلال السالم

اشلون الحيين

 

[كويتيه مذهله 87]

مرت اخوي ولدت فيه من اسبوعين بس الحمام السيفون اخترب وبسرعه غيروا غرفتها بس الي ذكرتيهم علي البيبي واي بالغصب ايبوونه لنا