اللي مسويه فينير خل تتفضل

[Q8 EL 5ajolah Q8]

السلام عليكم


اللي مسوين فينير حابه اسألكم جم سؤال

1- هل يسبب الحساسيه للاسنان؟

2- هل يتغير لونه مع الوقت؟

3- ويطيح مع الوقت ولا ثابت طول العمر؟

4- ويطلع ريحه؟

5- اشلون طلع اخر شي حلو ومثل ماتبونه ولا لا؟

6- اشلون طريقه تركيبه ويعور ولا عادي؟


ادري طولت عليكم بس والله حدي خايفه ومحتاره لاني ناويه اسوي فينير حق ضروسي الاماميه

واشرايكم بعياده فرجينيا للاسنان واشلون شغلهم؟


ويعطيكم الف عافيه ومشكووووورين مقدما:tek:

 

[سعودية عسل]

اب حتى انا ابغى ردود على اسالتك

بس انا سمعت انو يصلح للبنات اللي اسنانهم داخله داخل لانه يبرز الاسنان

اما اللي اسنانهم عريضه ومقدمه شوي يطلع مو حلو

 

[الـفجـر]

رفع

 

[بنات كيوت]

رد : اللي مسويه فينير خل تتفضل

حبيبتي انا وخواتي مسوين اختى صار لها سنه من سوته طبعا انا كنت حييييييييييييييييييييل مترده اني اسوي اسناني بس نما شفت نتيجه اختى وااااااااااااااااااااااااايد روعه ومبين انها طبيعيه حيييييييييييييييييييييييييييل والناس يعتقدون انها مسويه زووووووووووم والحين انا قاعده اعالج اسناني سويت الي تحت وان شاء الله هالاسبوع الي فوق واسناني الي تحت طلعت تينن والله مااجذب عليج اما عن اسالتج راح اجاوبج عن كل سؤال تبينه ان شاء الله ... اول شي لا والله ماحسيت ان سوالي حساسيه بالاسنان ولا حتى خواتي ... انا شفت اختى الي صارها سنه والله ماتغير لونه بالعكس وايد حلو انا بسألج انتي حطيتي سراميك بالبيت يتغير لونه ؟؟؟؟ هو عباره عن قشرة سيراميك يعني ماراح يتغير ان شاء الله..... لا هو مايطيح بالعكس ثاااااااااااااابت لان ع كلام الدكتور يقول نما يحطه مايقدر يشيله نهائيا ينكسر اي ممكن حاله حال السن الطبيعي اشلون ينكسر.... والله ماحسيت انه طلع ريحه جنه اسنانج طبيعية ماتحسين بشي نهائيا هو مو مثل التركيب هو عباره عن قشره يعني مثل عدسة العين خفيفه وتبين ان الاسنان حييييل طبيعيه......... والله انا شفته ع خواتي واااااااااااااايد حلو نما يتكلمون بس اطالع اسنانهم وانا عن نفسي الي تحت والله راضيه كل الرضى والله يتمم علي الي فوق.... طريقة التركيب عاديه اول شي طبعا ماراح يبلش فنير الا نما تخلصين علاج اسنانج كلها بعدين يحف من الاسنان اشوي يأخذ قياسات بعدين تتختارين الوان الي تبينه بعدين بعد 8 ايام تين وتركبينه بعدين جلسه ثانيه يضبط الشكل النهائي يعني يخلي فراغات بالاسنان علشان تصير اسنانج طبيعية وتقدرين تنظفينهم بالخيط عادي مو مثل الجسر الي يصير الاسنان متلاصقه يم بعض.... لا تخافين سوي مثل ماسويت استخيري وتوكلي ع الله وانا والله نفسج كنت خايفه ولحد الحين خايفه وكل اشوي اكلم دكتوري وكلامة واااايد يريحني والحمدالله الي مطمني انا شايفه النتيجه ع خواتي ... والله انا اعالج في عيادة الشعب التخصصي عند دكتور عارف العمر دكتور والله يهبل وشاطر سوالي زراعه من غير مايشق اللثه والله انصحج تروحيله شغله واااااااااااااايد نظيف ويريح ومايخليج تحسين بالالم وهذا اهم شي كان عندي ... والله يوفقج ياااااارب