اللي مسويه حلقه او تعرف عنها تدخل

[احلى ورده]

بنات انا مفكره احط لي حلقه بس بعرفه في احد مسويها؟؟

وشنو نتايجها؟؟؟وشنو اضرارها؟؟

للعلم انا وزني 77 وطولي 158


ومنو احسن دكتور حق هالعمليه؟؟؟

 

[احلى ورده]

اشدعوه مافي وحده تعرف عن حقله المعده او اسمه التحزيم على مااعتقد؟؟؟

 

[Raveena]

ما عندي فكرة عن هالموضوع

بس دام وزنج 77 يعني في امل انج تنزلين برجيم و التحزيم حق اللي متان وااااايد

 

[احلى ورده]

الرجيم صعب((

بس مشكوره على ردج ياقلبي

 

[شندوخه]

ليش تخظعين نفسج لخطر البنج ترى البنج الكامل خطر وانتي وزنج قابل انه ينزل
عيل لو وزنج اميه وفوق شتسوين
نصيحه والله من اخت تحبج لله صكي حلجج احسن وانفع وكلش كلش اشتركي مع وحده من هالشركات اللى تنظم وجبات والتزمي

 

[فوفو التخينة]

فيه موضوع بالمنتدى عن الحلقة دخلي وشوفي تجارب البنات ومعاناتهم
في قسم السمنة والنحافة وهو من المواضيع المثبتة عنوانه " كل وحدو مسوية تحزيم تشاركني "
للأخت النية الصافية

بصراحة ما أنصحج تعب وعذاب

 

[احلى ورده]

ياربي صج مايبيلي وايد بس شسوي الرجيم صعب والاكل حلو ولذيذ (

وانا مشكلتي اكلي مووجبات رئيسيه لا كله كاكاو وبيبسي وبرد وهالسوالف(


بس بحاول والله كريم ادعوووولي اضعف


ومشكورين على ردودكم ياقلبي

 

[حبيبته آنا]

شوفي الدكتور محمد الهيفي واااايد ممتاز حق هالشغلات عمت رفيجتي مسويه عنده باي باس ولكن كان وزنها اووووفر وترا العمليات هذي متعبه في البدايه بس عقب شهرين او ثلاثه كل شي يصير طبيعي
ولكن نصيحه لاتسوينها ترا وزنج زين تقدرين تنزلين وزنج بطريقه امنه احسن من التعرض للعمليات والبنج والتعب والندم احسن شي سكري اسنانج ويبطلونهم لج كل مده للراحه ووزنج راح ينزل باذن الله

 

[شندوخه]

اذا اكلج كاكاو وبيبسي وبرد الحلقه ماراح تنفعج بشي وهذا من كلام البنات بالموضوع انا مابي احبطج بس حراااااام والله كاسره خاطري وزنج مو وايد وتبين تسوين تحزيم وتقظظين بطنج وبنج

 

[بنت الحزن]

والله انا رفيجتي سوتها و ما عليها شر بس لازم تسوينها عند واحد مضمون جدا

 

[احلى ورده]

مشكورين على رودودكم حبايبي... محمد الهيفي انا رحتله قبل جم شهر قالي مااسويلج حلقه لانه وزنج مو وايد قالي يسوييلي بالون بس قال ماكو فايده اذا اكلج بيبسي وبرد وكاكاو
وعلى تسكير الاسنان بيييه هذا سويته من زمان من اول ماطلع بس ماكو فايده كنت بروحي ابطلع لما ايووع وثاني يوم اروح ويسكرونلي اياه لوووول يعني ماسويت شي
ياربي حدي بطينيه مااقاوم الاكل

 

[ورده البنفسج]

احم احم اذا اكلج كاكاو وشيبس وبيبسي لاتعبين نفسج رفيجتي سوتها وكنت معاها لما راحت الدكتور واول شي قال لها شوفي اذا تحبين الكاكاو والبرد والخرابيط لاتسوينها
وبعدين ياقلبي الدكتور اصلاا ماراح يسويها لج مايرضي لان وزنج مايستدعي
خذي حبوب زين الاتات حيل يمدحونها رفيجتي نزلت عليها وبعد رداكتيل انا جربتها هم حلوه
واذا تقدرين علي الرجيم من غيرهم احلي واحلي
بالتوفيق

 

[احلى ورده]

اي والله انا هذه مشكلتي مادري شسوي بروحي
جربت حبوب زين الاتات مانفعو معاي بس حبوب سيبوترم ماشين معاي ويسدون الشهيه بس العيب فيني انا لانه اشتهي الاكل فماآكل الحبوب عشان اقدر اكل لوووووول
<---- اهي اللي تافخه روحها لووول
ادري بتقولون دام جذي تستاهل هالوزن واكثر بعد :\

 

[شوشوة1]

والله ماعني اي فكرة بس ما اتقع انهم يسون العمليه لشخص وزنه اقل من 100
والله يوفقج

 

[شندوخه]

عندي لج اقتراح بدال لاتقطين الف وشوي على عمليه كل شهر اشتركي ب 200 عند شركه من شركات التغذيه اللى يوصلون الاكل للبيت وتراجعين وتنزلين وزنج معاهم
وايد بنات حاطين تجاربهم وماشاء الله ماحرموهم من شي حلويات ككاوات اصناف تشوف ونزلت اوزانهم
محتره عليح والله