اللي مسحوره او تعرف احد مسحور و انفتح السحر تدخل ضروري ضروري

[>>مرووم<<]

الله يشافيهم ان شالله

 

[شراديه]

بنات فيدونا باسامي وأرقام المشايخ جزاكم الله كل خير

 

[ام العبايه]

اختى انا عندنا مسحور والسحر يتجدد وراح كل مكان شيوخ سحره شنو اقولج ما تصدقين لف الدنيا بس يقولج يحط حله باضعف خلقه والله وعن تجربه وبعدها رجع لعياله وزوجته ولامه لا وبعد ثلاثة ايام بس تبين تعرفين ...........

بقولج مره قريت بمنتدانا ان ماى البحر يفك السحر قمت الف بجوجل المختصر من هاللفه اننى لقيت ان الى يروح البحر يتسبح ثلاث ايام ويقرا ان الله سيبطله 100 مره يفك السحر ................................وقررت انى اجرب والله ما اجذب عليج اول يوم رحت معاه والله انه طلع من البحر قام يرجع وراح بعدها مع عياله مع انه كان مو طايقهم ... والله ان وزنه زاد بعد روحت البحر بشكل ملحوظ والكل يشهد يقول لما تسبحت حسيت بابر تغزز جسمى لا وبعد واحد ثانى عمتى قالت حق قريب لها عنده جار مسسحور وراح البحر نفس الكلام قاله يقول ابر تغزز ظهرى والله اعلم

 

[أم حمد =)]

الله يشافيهم ان شالله ..


بس لا يروحون حق شيخ خليهم اهمه يقرون على روحهم ..



والاخت الي قالت عن ماي البحر ..


انا سامعه من قبل عنه بس مافي ايه او حديث يثبت ان ماي البحر يفك السحر !







الله يشافي كل مسحور .. والله يلعن كل ساحر ..


​

 

["البتول"]

الله يشااافيه يااارب

 

[العنب]

بنات ماي البحر صج يفك السحر

 

[n00ni]

انا سامعه اللي ايمانه بالله قوي مايأثر فيه السحر
مااقدر غير اقولج خلي ايمانج بالله قوي حبيبتي

 

[خاشووقه]

لا حول ولا قوة الا بالله العلي العظيم
نفس ما قالوا البنات

 

[* الجليلة *]

على فكرة حتى الشيوخ الي قلتي عنهم الخرافي والحداد رقيتهم غير شرعية لان فيها تكسب بالقرآن ويبيعون الزيت والماي والعسل باسعار القصد من وراها التكسب وهذا لايجوز شرعا كل واحد يقرا علة نفسه ولا يتعب نفسه وياخذ هو الجر [/quote]


أختي اخالف بهالشي
يجوز اخذ اجره عالرقية الشرعية والدليل:
فى سنن ابى داواد باسناد صحيح عن خارجه بن الصلت عن عمه قال :
اتيت النبى (صلى الله عليه وسلم ) فاسلمت ثم رجعت فمررت على قوم عندهم رجل مجنون موثق بالحد يد،فقال اهله"انا حد ثنا ان صا حبك هذا قد جاء بخير فهل عندك شىء تداويه؟ فرقيته بفا تحه الكتاب فبرأ،فاعطونى مائه شاه فاتيت النبى (صلى الله عليه وسلم): فاخبر ته فقال"(هل الا هذا؟)وفى روايه"(هل قلتى غيرهذا ؟ قلت:لا"قال (فاخذه افلعم ىلمن اكل برقيه باطل ،لقداكلتى برقيه حق)
( سنن ابوداود باب كيف الر قيه،4/13بر قم2896،قال الجاحظ:حسن ،انظر الا ذكار للنووى ص181)

اما باجي كلامج صح واوافقج فيه

والله يشفي كل مريض

بالنسبة لصاحبة الموضوع
اختي كل شي يبيله وقت وصبر
في ناس ينفك عنهم السحر من مرة وحدة وي ناس يقعدون سنة واكثر
اهو ابتلاء ومتى ما الله كتب بينفك مع تقديم الاسباب
خلي اهل المسحور يودوه عمره وبالحرم فيه مشايخ يقرون عالمسحورين وعندهم دين وعلم خبرة

 

[Queen eldl3]

حبيبتي البنات ماشاء كفوا ووفوا

ومافي اقوى من القرآن

بس لازم يؤمنون بأن الله سبحانه راح يعافيهم ويفك السحر

 

[أمل 2009]

لاحوله ولاقوة إلا بالله


انا بقولج عن قصة وحده كانت خدامتها مشربتها شغله عشان تنام المعزبه ولا تدري عن بيتها
ولا حظت انها بس نايمه طبعا من كلام زوجها وعيالها
المهم شدت حيلها بقرآة القرأن + المسك الأسود تحط قطره صغيره منه في ماي وذوبه وتشربه استمرت ثلاث أيام بعدين رجعت تكرمون شئ اسود غريب طبعا ما لمسته بعدها الحمد الله سفرت الخدامه ورجعت لحلتها الطبيعيه
لله الحمد


اتمنى اني افتج

بالتوفيق يارب

 

[أجمل اقداري]

شوفي اختي بنت النور
امي انسحرت وفكيناه ولله الحمد

الطريقه
وراس امي الي يشم الهوا اني ماكذب عليك بحرف

اول شي الثقه بالله عزوجل ومافي قوي الا والله اقوى منه وسلمو امركم لله حنا بكينا ونجنينا حتى ابوي بكى لكن هذا واقع رضينا فيه والحمدلله انفك السحر عنها بثلاث اسابيع

ثاني شي البقره مانطفيها اربع وعشرين ساعه كل يوم وفوق راسها

ثالث شي ماي زمزم مقروء عليه او ماي عادي بس اقرو عليه الرقيه الشرعيه في كتاب اسمه ارق نفسك واهلك بنفسك حنا كنا نقرى عالمويا المتوسطه لان فيه الكبرى والمتوسطه والصغرى

رابع شي انتو حصنو المريض بأذكار الصباح والمساء

خامس شي يندهن جسم المريض بزيت زيتون مقري عليه الرقيه وبعد راسه احنا كنا ندهن امي بالصبح

سادس شي تأكلون المريض عسل وحبة البركه كل يوم ملعقة عسل وحبة البركه

سابع شي جيبو سدر وقبل واغلوه وصفوه وروشو المريض لمدة اسبوع سبع ايام

ثامن شي يعرف المسحور انه مسحور عشان يساعدكم على نفسه احنا امي ماقلنالها اول شي بس لمن ابوي سأل شيخ قاله لازم تعرف عشان تساعدكم طبعا هي مو بوعيها لكن عرفت

تاسع شي شي شغلو الرقيه الشرعيه مالت السحرhttp://audio.islamweb.net/audio/index.php?page=audioinfo&audioid=145165
وهذا رابط فيه رقيه شرعيه خلوها مشغله اربع وعشرين ساعه باختصار لا يخلو البيت من سورة البقره والرقيه امي كانت تصرخ تقول طفوها وحنا نطنش

عاشر شي الاستغفار الاستغفار الا ستغفاار والصلاه عالنيبي

اخر شي قيام الليل والدعاء بالحاح وكونو واثقين انه رح ينفك واثقين بالله الي رفع السما بدون عمد الي سوا المعجزات
الدعاء بأسماءه الحسنى طول اليوم والحو الحو باسم الرحيم الرحيم الرحيم القادر على كل شي

ونصيحه مني يالغاليه ابدا لاتيأسو وتقولو السحر قوي ومادري شنو لا ابدا الله قادر على كل شي الله قال
انا عند ظن عبدي بي فان رضي فله الرضا وان سخط فعليه السخط


نسيت لااقولك وربي الي خلقني انه السحر انقلب علي الي سحتر امي وربي طول ماامي مرميه بالفرشه هي مرميه بالفرشه قسما بجلال الله
من يوم ماامي طاحت هي طاحت معاها والله والله والله
الله يفك مسحوركم وجميع المسحورين ويرد كيد كل واحد يسحر بنحره ويقلبه عليه امييييييييييييين يارب



بزيدلك معلومه عشان ماتقولين السحر الي كان فيها بسيط لا مااكتفت الي ساحرتها حسبي الله ونعم الوكيل فيها بسحر باقذر شي لا وحجاب وبعد

قبل لا تروح لقينا علبة تايد فيها بودره بيضه ماادري يمكن سحر مرشوش ومرشوشه عالكنب اختي قالت حسبي اله عليها شنو هذا قلتلها لحظه ادق عالشيخ واسأله ولا مسكته ورمته من الشباك قلت لها لا الحين نأذي اهل العماره كلهم حسبي الله على ابليسك والله وراس امي وربي الي خلقني ماعدى على كلامي ربع ساعه
لان نيتنا طيبه ومامنأذي حد نزلت مطره قويه طهرت كل شيباذن ربي يالله وربي شفنا المعجزات وربي الله من ثقتنا فيه ورانا بعينا كيف انأذت مثل ماأذت امي

الحمدلله على كل حال

اتمنى اكون فدتك واي استفسار من عيوني يالغاليه

 

[بنت.المطيري]

حبيبتي السالفه سالفة توفيج من الله مو شي ثاني
وكل شي بينفع بإيد ربج
مو عند الناس
بس يمدحون رشيد بالخفجي والله العالم

 

[الحلوه المزيونه]

اول مر اسمع عن ماي البحر والمسك الاسود

 

[اسوووره]

الله يفك عوقكم يااااااارب ... والبنات ماقصرو ...

 

[ملح و سكر]

مااقول إلا حسبى الله ونعمه الوكيل ...انشالله يقلب السحر على صاحبه
اللهم امين ..امين ...امين ...
ولله باينات نصف الكويتيين مسحورين .....والله يبعدنا عنه ......

 

[غلاي امي]

...

 

[مروه2009]

اختي بارك الله فيج
انتبهي تلجأين لمشعوذ او ساحر عشان يفتح لج السحر وتخسرين بعدها دينج وآخرتج

هذي اختبار من الله سبحانه لصبرج وايمانج

صدقيني لو اقولج المشاكل اللي بحياتي ما راح تصدقين وفي مشاكل افظع صارت لأهلي وصديقاتي
يعني لاتحسين انج وحيده
الله سبحانه يفرج همنا وهمج وهم كل مؤمنه ومؤمن
اختي شغلي ليل نهار سورة البقرة
الشسيطان اهو اللي يخليج تكرهين العلاج بالقرآن

الشافي هو الله سبحانه
تعلقي بالله سبحانه
ما هو الراقي اللي يفك السحر

الله سبحانه يفك السحر
ناس انفك عنهم السحر بدعوة بقيام الليل
وابشرج
وحده تصدقت بنية الشفاء من السحر
راح عنها
لا راقي ولا شي
لان الشافي هو الله سبحانه
بس واجب بعد ان تلتزمين بالتقوى والحجاب الشرعي والبعد عن الأغاني لوكنتي تسوين هالأشيا

احنا كيف الله سبحانه يساعدنا وبمعاصي
الله يهدينا

اوصيج بسورة البقرة
واخذي لج دهن زيت زيتون اللي للطعام يستخدمونه
واقري عليه الرقية الشرعيه وتدهني فيه
اسمعي كل يوم سورة البقرة لو ماتقدرين تقرينها
ولازم بيحصل لج تعب
لان الساحر ما يبغيج تفكينه!
كوني اقوى بالله سبحانه
حافظي على الصلاة بوقتها
ادعي الله سبحانه لج وللكل
لان الدعوه بظهر الغيب مستجابه
ان يفك السحر عنج
عندج ليلة الجمعه وبكره من بعد العصر والسجود وبين الأذان والإقامه
كلها اوقات استجابه
قال رسول الله صلى الله عليه وسلم داوو مرضاكم بالصدقه
تصدقي دايما بنية التقرب لله سبحانه والتودد له ثم بنية الشفاء من السحر ودفع البلاء

 

[مروه2009]

ماء البحرنافع بإذن الله سبحانه وحده قالت لي وتقول صدق ينفع
بس اقرو عليه الرقية الشرعيه لو الفاتحة وآيه الكرسي وآيات ابطال السحر
وتسبحو فيه
بس ما دري هل يجوز تسكبونه بالحمام اولا
دايما شغلو سورة البقرة في البيت

المهم تقوى الله سبحانه والأستغفار والتصدق لان في بنات من بعد ما يروح السحر عنهم ارجعت تتخلع الحجاب وتسمع اغاني
تبعد عن الله سبحانه وما تبغي يرجع لها السحر!

 

[اميرة-الاحجار]

شوفي موقع الشيخ احمد البليهيد ارفيجتي تعالج عنده وفك السحر عنها اهو سعودي اذا عندج احد يقدر يوصله يكون خير على خير وعنده موقع رسمي تقدرين تراسلينه وتتواصلين معاه حبوبه