اللي مدخله ولدها روضه خاصه تدخل ابيهاآآآ

[––•(-• (تعـب قلبي) •-)•––]

السلام عليكم ورحمة الله وبركاته







يابنات ابيكم تساعدوني انا محتاره ، بدخل ولدي روضة خاصة

وابي روضه حلوه وزينه وعن تجربه بس ابيها تكون قريبه يعني بالفروانيه او خيطان

او الزهره هالمناطق يعني

عطوني المميزات والأسعار واكون شاكره لكم

والله يوفقها اللي ترد وتريحني

 

[زيزية سمره]

واللة ودي أفيدج... بس ولدي بمدرسة دسمان وأعتقد بعيدة عليج...

 

[ريماا]

تبين مدرسة خاصة.. ثنائية لغة
عندج اجيال ثنائية اللغة انجليزية لى الابتدائى تقريبا بالف ونص مكانها بالرقعى
وال abs امريكية بالفين الا اشوى لى الثانوى اعتقد مكانها بخيطان بس لازم يكون ولدج عندة خلفية بالانجليزى واذا نزل مستواة يعطونة انذار وبعدها ينطرد
والرواد ثنائية اللغة بالفروانية كنت مسجلة عيالى فيها بس زوجى رفض الان بعض المدرسات هنود ومااعجبة المكان كان يمهم مدرسة ثانوية شباب ماادرى بالضبط .. بالف ونص تقريبا
وفى الخليج الدولية هذى اللى استقريت عليها انجليزية مرتبة حيييييييل كل كلاس فى باثروم والمدرسات كلهم اجنبيات وملعبهم كبير وحلو فيها لى الابتدائى بس جديدة يعنى ماادرى عن قوة تعليمهم واصلن انا مااحب المدارس القوية حييل الانها تضغط عالطفل ويكرة الدراسه واساسا اهم شى التأسيس بالابتدائى واوردى اوهو راح يتأسس لى تخرج من الابتدائى حبة حبة مو بالضغط باول مرحلتين من عمرة
سعرها الروضة بالفين الا اشوى مو ذاكرة بالضبط
ونصيحة منى اذا اهو بيروح روضة ومو عارف شى الحين دخلى بالصيف تاسيس باى معهد الان المدارس الخاصة مايقبلون اللى ماعندة خلفة لو بالحضانة
وصج ترا غلب المدارس الخاصة صكرو التسجيل انا مقابلة عيالى بالخليج كانت يوم الخميس اللى فات وكان اخر يوم وقالولنا ترا خلاص اذا ماحضرتو ماراح نسويلكم موعد ثانى...
وبالتوفيق

 

[أ.س.م.ا.ء]

الفروانية مدرسة الرواد ثنائية اللغة
ت / 24766273 - 24711495
الروضة 1380 د.ك
الرقعي مدرسة اجيال
ت / 24802913
وفي بخيطان المدرسة الامريكية ثنائية اللغة الي صاحبتها فايزة الخرافي اعتقد تلقين موضوع عنها بالقسم
الرؤية بصباح السالم صاحبتها نسيبة المطوع
الحياة اعتقد يالسالمية

 

[––•(-• (تعـب قلبي) •-)•––]

واللة ودي أفيدج... بس ولدي بمدرسة دسمان وأعتقد بعيدة عليج...

مشكوره ياحياتي وجزاج الله خير

 

[––•(-• (تعـب قلبي) •-)•––]

ريما غنايم

مشكورين وماقصرتوا زين مدرسة الرواد يعني كلها كويتيين وزينه

صح انا مابي شي قوي على ولدي لان كلها روضه ابي شي معقول لاني مابيه يكره الدراسه والابتدائي ااسسه

 

[سيدة الكويت]

فى حضانه اسمها ريبون ....بالزهراء بريطانيه وكلها اجانب ....فيها اولى روضه شوفيها مريها شوفى اذا تناسبج
رسومها 1500

الله يوفجج اختى