اللي مثلي تحتاج حق طـــــــبيـــــبه نفســـــــــــــيـــــــــه ؟

[miss_nana]

السلام شلونكم بنات منتدانا كويتات..
انا عندي مشكله نفسيه معقدتني من صغري ومو لاقيتلها حل
واستحي اقولها حق رفيجاتي او اللي يمونون علي اخاف يقولون معقده !!
والله قمت افكر اروح دكتوره نفسيه
تكفووون ساعدوووني:0bee2e8d89: واللي تساعدني بدعيلها ليل نهــاااااااااااار
انا لو تشوفوني انا بنت طبيعيه عاديه وشكلي طبيعي
بس مشكلتي اني ماعندي ثقه بنفسي كللللللش وماعرف فن الحوار ومو جريئه
يعني مثلا بالدوام (انا توني متوظفه) ماعرف اسولف مع اللي معاي او ارد على سوالفهم رد مقنع وحتى مع رفيجاتي اسولف وعادي بس في مواقف ماعرف ارد وحتى لما اسولف صوتي ياله ينسمع امي اتقول لي لأنج مو جريئه !!!!!
واحس اني وااايد طيبه لدرجة الغباء يعني حتى اللي اصغر مني يتهاوشون معاي !!!
تكفوون ساعدوني قولولي شنو الحل برايكم ؟ واللي تساعدني انشاااااااااالله الله يحقق لها اللي ابااااااااااااااالهااا ااامين

 

[Shiny Star]

بسم الله عليك لا مو معقدة ولا شي هذا بس لأنك وايد حساسة ورقيقة ومو متعودة على الصراخ والصوت العالي ويمكن ما اختلطتي مع الناس وايد عشان جذي ما تعرفين تردين على اللي يكلمك

بس دام أنك توك متوظفة ( هذا يعني أول احتكاك لك مع الناس ) شوي شوي راح تتعلمين منهم شلون تتفاعلين وشنو لازم تقولين ،وصدقيني مو لازم الإنسان دايما يتكلم ويرد ومثل ما قال المثل ( إذا كان الكلام من فضة فالسكوت من ذهب) ، وتذكري إن أكثر أهل النار من النساء والسبب الرئيسي هو ( اللسان) ، يعني أنتي والله مليون مرة أحسن من اللي لسانها منفلت وما تقدر تمسك نفسها تلقينها عندها زلات وايد وتغلط وايد من كثر الكلام .

بس اللي لازم تتعلمينه متى لازم تتكلمين وتعبرين عن مشاعرك الحقيقية عشان الناس ما ياكلون حقك وأنتي ساكته وهذا المهم ، أنا أول كنت مثلك ما أعرف أتكلم وأرد بس مع الأيام تعلمت أدافع عن حقوقي شوي شوي ، عندك بالمنتدى البنات ما قصروا منزلين مواضيع وايد عن تعزيز الثقة بالنفس وتطوير الشخصية

والله يوفقك حبوبة

 

[يابختي]

انا احس فيج خجل..مو شي جايد..اذا تحبين روحي طبيب..مو عشان عندج مشكله... عشان تزيد الثقة...ويعطيج حافز وايد زين...

ترى مافيها شي...

يمكن طبعج خجول ومتواضعة....


بس الحافز لازم يكون من نفسج بالمقام الاول... اقتنعي ان عندج ثقة بنفسج..وراح تلقينها

 

[miss_nana]

شدعوه بنات وييييييينكم ماكو الا ثنتين اللي عطوني رايهم بمشكلتي !!!
ابي وااايد ااراء تكفون
والله ابي مسااااااعده ابي اسمع حلولكم ترا احس اني في كربه
وتذكرو من نفس عن مسلم كربه نفس الله عنه كربه من كرب يوم القيامه
ولكم مني دعوه خالصه

 

[xtina-90]

اهو شي عادي بس اذا انتي حيل هامج ومتعبتج هالمشكله روحي الطبيب بعد زين على زين

 

[0(مـــســـ(مطير)ــــــك)0]

حبيبتي لامشكله ولاعقده ولاشي (

مافيج الا العافيه شكثر بنات جذيه .. وهذا من حيا البنت بس يمكن بزياده يعني انتي خجووووووله حييييل بطبعج

فعشان جذيه تستحين تردين (موماتعرفين )!!!!!!!!!!

وحاولي انج تتكلمين جدام المنظره وبصوت عالي (بس لاحد يسمعج ههههههه) وشوفي نفسج وانتي قاعد تردين على الناس اللي قاعد يغلطون عليج

مع تكرار هالشي راح تقتنعين بنفسج انج قادره على الرد عليهم ...وراح تردين ..

والموضوع يحتاج اراااااااااااااااااااااده وزيادة ثقه بالنفس فقط لاغير

وموفقه حبيبتي ..

 

[camilia]

يمكن لان تقدريج وثقتج بنفسج منخفضة ؟ او فيج خجل زايد ؟ او شخصيتج مهزوزة ؟ عشان تدورين الحل لازم تعرفين المشكله وين بالضبط ! شوفي انتي لاتعطين ايحاء حق اللي جدامج بانج غبيه او ضعيفه , يعني مثلا لو واحد او وحدة بدوامج طلبت منج تسوين شغله لاتقولين لها ويه عاد انا مو ذاك الزود وشغلي خرابيط ! كلش لايطلع منج هالحجي لانج جذي بتوهمين غيرج بانج صحيح فاشله حتى لو بالصج انتي مو جذي بس انتي اللي سمحتي لهم يفكرون فيج بهالطريقه , شي ثاني , شكلج والتعابير اللي على ويهج تعطي للناس انطباع اولي عنج , فليش ما تخلين نظراتج حادة نظرات وحده واثقه حيل من روحها ومايهمها احد؟ لبسي هالقناع ترى ينفع ولو مؤقتا , بالنسبة حق اللي معاج بالدوام , شنو قصدج مو قادرة تعطينهم رد مقنع ؟ قصدج رد يعجبهم ويرضيهم ؟ اول شي حطي ببالج ان آرائج المفروض تكون صادقه وما تقولينها لمجرد اثارة اعجاب شخص ما , ثاني شي حتى لو ما عجبهم هذا رايج وانتي حرة , وانتي بعد راح تسمعين اراء ماراح تعجبج من ربعج فعشان جذي لاتضغطين على عمرج وايد بهالموضوع , خلج relax دايما ابتسمي الابتسامه ترخي اعصابج وتعطي غيرج ايحاء طيب عنج , انصحج بعد تقرين كتب بخصوص المشاكل اللي تعانين منها سواء عدم ثقه او خجل , فيه كتب صج مفيدة واذا مفكرة عطيني خبر اعطيج عناوين احسن كتب بهالخصوص.

 

[كويتيه متغربه]

الاحتكاك اختي بينفعج ان شاءالله ولاتعطين نفسج ايحاءات سلبيه مع الوقت تأثر عليج أنا أحس ان شخصيتج طبيعيه ومافيج الا العافيه بس حاولي تكلمين نفسج بايجابيه

 

[السكرة المعسولة]

لا شنووو معقدة عادي هاذي طبيعتج و لازم نأقلبين معاها
انا عندي لج حل : ابدي مع الي معاج بالدوام بسوالف تكون عندج خلفية كبيرة عندها
أو أوقفي جدام المنظرة و تكلم بصوت عالي و حالوي تتجرئين

 

[رووز q8]

بس مشكلتي اني ماعندي ثقه بنفسي كللللللش وماعرف فن الحوار ومو جريئه
يعني مثلا بالدوام (انا توني متوظفه) ماعرف اسولف مع اللي معاي او ارد على سوالفهم رد مقنع وحتى مع رفيجاتي اسولف وعادي بس في مواقف ماعرف ارد وحتى لما اسولف صوتي ياله ينسمع امي اتقول لي لأنج مو جريئه !!!!!

سيم سيـم

هالشغله مخليتنـي انطوائيه بشكل مخيـف ،لدرجه صرت اعشق الوحده من هالمشكلـه

وحتن لما اقعد مع رفيجاتي ما اسولف ابد واذا تكلمت اضحك بسس او اعلق تعليق بسيط مثل ( من صجج ، وي شلون جذي ..)

ودي اكون مثلهم اسولف ولا اغلط بالحجي او اقط بدليات من الخرعـه بس ما اقدر

ان شالله يساعدونا حبيباتـي البنـات ويا ليت لو يكون شي مجرب

 

[رووز q8]

up up

للفايدهـ

 

[Ice CreaMa]

قولي انا واثقه من نفسي وبقول رايي
واذا غلطتي او حسيتي انج غلطتي بكلمة او شي او مبادره
لا تكبير الموضوع
ولا تشوفين الى صغائر الامور فكل الامور صغائر

ولا تحطين ابالج انج افكار عنج تحبطج

كوني ايجابيه وسعيده

 

[الله يخليني]

لي رجعة عزيزتي ....

 

[Q8female]

مو معقده ولا مرض نفسي
اللي فيج شي طبيعي وراح يتغير مع الوقت
بالدوام راح تعاشرين ناس وتقعدين معاهم وتتعلمين شلون تتكلمين وتاخذين وتعطين
اللي فيج شي عادي يمرون فيه وايد بنات

دوامج مختلط ولا بس بنات ؟؟

 

[vogue grl]

يمكن لان تقدريج وثقتج بنفسج منخفضة ؟ او فيج خجل زايد ؟ او شخصيتج مهزوزة ؟ عشان تدورين الحل لازم تعرفين المشكله وين بالضبط ! شوفي انتي لاتعطين ايحاء حق اللي جدامج بانج غبيه او ضعيفه , يعني مثلا لو واحد او وحدة بدوامج طلبت منج تسوين شغله لاتقولين لها ويه عاد انا مو ذاك الزود وشغلي خرابيط ! كلش لايطلع منج هالحجي لانج جذي بتوهمين غيرج بانج صحيح فاشله حتى لو بالصج انتي مو جذي بس انتي اللي سمحتي لهم يفكرون فيج بهالطريقه , شي ثاني , شكلج والتعابير اللي على ويهج تعطي للناس انطباع اولي عنج , فليش ما تخلين نظراتج حادة نظرات وحده واثقه حيل من روحها ومايهمها احد؟ لبسي هالقناع ترى ينفع ولو مؤقتا , بالنسبة حق اللي معاج بالدوام , شنو قصدج مو قادرة تعطينهم رد مقنع ؟ قصدج رد يعجبهم ويرضيهم ؟ اول شي حطي ببالج ان آرائج المفروض تكون صادقه وما تقولينها لمجرد اثارة اعجاب شخص ما , ثاني شي حتى لو ما عجبهم هذا رايج وانتي حرة , وانتي بعد راح تسمعين اراء ماراح تعجبج من ربعج فعشان جذي لاتضغطين على عمرج وايد بهالموضوع , خلج relax دايما ابتسمي الابتسامه ترخي اعصابج وتعطي غيرج ايحاء طيب عنج , انصحج بعد تقرين كتب بخصوص المشاكل اللي تعانين منها سواء عدم ثقه او خجل , فيه كتب صج مفيدة واذا مفكرة عطيني خبر اعطيج عناوين احسن كتب بهالخصوص.

مشكور انا صراحه استفدت من كلامج حلوو يسلموو

 

[vogue grl]

انتي مشكلتج بلحوار انا صراحه مااعندي شي افيدج فيه بس وحده من عضوات قالت جابلي المنظره وتكلمي شوفي نفسج وسمعي حوارج ومعاها زيدي من نبرة صوتج شوي وبعدها زيدي لين توصلين لينبرة صوت الي تشوفينها زينه وحاولي تسولفين مع نفسج وتشوفين تعابير ويهج وندمجي وبعد تقدرين تطلعين من قوقل عن فن الحوار يمكن تلقين معلومات تفيدج.اتمنى اني افدتج ولو بلقليل وسموحه

 

[قلب راشد]

حبيبتي مو مشكله ولا شي

بس يبي لج تزيدين من ثقتج .. بانجازاتج



كل ما سويتي شي صاارخي وقولي الله وناااااااااسه

زيدي من ثقتك بمكافئتج من نفسج بالأول

قعدي مع الناس اللي تمونين عليهم

وسولفي معاهم وديري القعده وبعدين مع رفيجات امج بعدين مع الدوام رفيجاات الدواام وشوي شوي راح تلاقين نفسج غيير

ونصيحتي لج .. دشي دورات علشان تتعلمين فن الحوار وزيادة الثقه بالنفس

وأي شي انا بالخدمه

 

[الله يخليني]

حبيبتي .. بداية لابد أن نرجع إلى الماضي قليلاً حتى نعرف موضع الخلل الذي سبب لك عدم الثقة بالنفس إما أنه كان هناك انتقاد من الوالدين أو أحدهما ، أو عدم وجود حميمة منهما تجاهك ( فاقدة حنانهم ) ، أو العقاب القاسي (سواء النفسي أو جسدي ) ، أو عدم استقرار أسرتك ( مشاكل بين الأبوين ) ، أو عندما كونتِ صداقات أول مرة ما حسيتي بالقبول في المجموعة ، أو انتقادات صديقاتك وجائز أن يكون السبب الرئيسي هو فكرتك السلبية عن ذاتك .. افتراضات من مخيلتي لعلك تجدين السبب أو يكون باب لوصولك إلى السبب الرئيسي لانعدام ثقتك بنفسك .. قعدي مع نفسك وهاتي ورقة وقلم وسألي نفسك ليش ما أثق في نفسي ؟؟ راح تردين على نفسك وأي شيء يخطر في بالك اكتبيه بالورقة لا تهملين أي فكرة أو كلام يتردد في بالك عن هذا الموضوع ... وراح تكون هني نقطة البداية ... وبالنسبة إلى الحوار والسوالف راح تكون عندك بمجرد ما تسترد ثقتك عافيتها
وأي استفسار أو مساعدة أنا حاضرة وبالشوفه ...​

 

[رووز q8]

يا حبايبـي يا كويتيات

جد استفدت من كلام كل وحده فيكم

وان شالله تكون راعيه الموضوع استفادت بعد

 

[om MaRyooM]

الحياء حلو ومهم ونادرا مانلاقيه هالايام . .

انا اقول ان انتي حياوية زائد خجوولة ومواجتماعية

بس انتي حبيبتي مكبرة السالفة حبتين،،شنو دكتورة وشنو معقدة
أكبر غلط الواحد يقلل من قدر نفسه

صدقيني اخذيها قاعدة: نفس ماانتي تشوفين نفسج الناس بيشوفونج
خلاصة الكلام .. حاولي تكونين واثقة من نفسج وتكلمي وقت اللزوم
موشرط الواحد يكون ثرثار ويرد على كل شي .. بالعكس الهدوء حلو والكلام مو بكل وقت يكون زين

واذا شخصيتج موعاجبتج وتبين تكونين جريئة أكثر حاولي تختلطين ببنات الدوام أكثر..وتقربي من وحدة حبيتيها مثلا
وانصحج تقرين كتب عن فن الحوار او التاثير بالناس وهالسوالف...تلقينها بمكتبة جرير


و الله يوفقج