اللي ما يتزوجج مستحيل يكون يجبج.....

[الكروان]

سلام عليكم ... الف شكر على طرحج لهذا الموضوع وبصراحة طرحتي موضوع حساس جدا وياليت يستفيدون بناتنا وحتى شبابنا ,, اذا البنت ما تخاف على شرفها وسمعتها ان شاء الله الشاب يطلع ولد حلال وما يتحرش في بنات الناس ولا يلعب عليهم ,,,, ما اقول الا الله يستر على بناتنا وحتى شبابنا يارب ويحفظهم ان شاء الله

 

[بنت الحزن]

كلامج بنسبه 88% صح مو شرط في ناس تزوجزا عن حب و ما فيهم الي العافيه ...

 

[**Jumana**]

صاجه الله يكبر عقول هالبنات اللي عيشن بالوهم

مادرت انه هاللي مجابلها بالتلفون يكلم 10000000000 وحده غيرها ؟؟ عسى بيتزوجهم كلهم؟

الله يهديهم بس

 

[جوك احلى جو]

اوافقج بكل كلمه قلتيها مشكووووره حبيبتي والله يهدي الناس

 

[أميره بأخلاقها]

مشكووووووووره اختي على النصاايح


والله يحفظ بنـــاات ديرتناا برووحه ما شاء الله سمعتهم بين الجيراان مو مقصره

ترى الحجي مو للكل لاحد يزعل

 

[كريستال ليدي]

في وايد ناس كانوا على علاقة و تزوجوا بعدها .... ما نقدر نعمم هالكلام

 

[Lemon Juice]

في علاقات تكون جدّيه .. وعلاقات أشكره ما لها معنى

على سبيل المثال شخصين شافوا بعض في محيط العمل وحبوا بعض وصارت علاقه بينهم .. وتزوجوا من بعدها

هل هذا يعتبر لعب وخرابيط وعلاقه غلط ؟

ياما وياما ناس أعرفهم خذوا بعض عن حب عن طريق الدوام أو الجامعه

هذي النقطه ما أشوفها سلبيه أو غلط بغلط .. واللي معارض كلامي يا ليت يقولي ليش


أما العلاقات اللي تكون سخفيه وما لها صحّه من بدايتها .. مواقف الترقيم بالمجمعات والملاحق بالشوارع

والخليج والحب ومادري شنهو


النقطه اللي أبي اوصل لها باختصار انه في علاقات حب تكون ناجحه ومستمره بفضل ربي أول شي من ثم بتفاهم الطرفين وحبهم لـ بعض

وفي علاقات تكون سايبه وغلط مثل اللي ذكرته فوق


أخيرا ً

يا بنات خافوا الله .. ولا تهدمون أنفسكم بيدكم .. ولا تمشون في طريج التهكله

ربي يمهل ولا يهمل .. لاتضنين انه بكثرة العلاقات بييلج نصيبج , لا غلطانه

النصيب ممكن إيي بأي لحظه وأي مكان

وإن شاء الله اللي تمشي بالطريج الصح بتلاقي يزاها عند رب العالميــن

 

[bint_looda]

رد: مشاركة: اللي ما يتزوجج مستحيل يكون يجبج.....

.
.

مو شرط كل علاقة حب ما تنتهي بالزواج

انا شخصيا أعرف واايد تزوجوا عن حب وكونوا اسره سعيده وحياتهم ماشيه على أكمل وجه

عندي نقطه أو نصيحه صغيره وبسيطه لكنها كبيره في معناها ومضمونها

البنت اللي تعيش قصة وعلاقة حب , يجب أن تضع حدود وحواجز لهذه العلاقه , اذا كل بنت تحب شخص وحطت هالحدود والحواجز وأصرت على موقفها ورايها وأصبحت ثابته , صدقوني ماراح تقع بالغلط , صحيح انه الشيطان موجود بينهم , لكن حدودها وحواجزها راح تردع الشيطان


وعلاقات الحب الصادقه ان شاء الله تنتهي بالزواج , اذا كان كلا الطرفين متصارحين وعندهم مصداقيه قويه وجادين في علاقتهم ومشوا على هذه الحدود والحواجز


موضوع رائع يطول النقاش فيه

يعطيكم العافيه

وما قصرتوا

تحياتي
حصوونه

.
.

عدل كلامج

 

[zain-alq8]

اي حبيبتي رفييج اخووي يتعرف على البنات علا اسلوب انه اهو يخاف علييها وانه قال الله وقال الرسوول واهو خرطي يبييها تتعلق فييه واخر شي تخضع لاوامره ..وبعديين اغلب الي خذو عن حب ماخربط معاها يعني مالمسها او راحت معاه شقه وسوت بلاوي ....مستحيييييييييل يتزوجها لو اهي شنو كانت ..صدقوني فييه حب نظييف وح بوصخ وينبني عالشهوه واشباع رغبه عند طرف او كلا الطرفيين ؟؟؟؟الله يستر علا بنات المسلميين ويبعد عنهم عيال الحرام امييييييييين .

 

[zain-alq8]

البنت الي تبي تتزوج مو عن طرييق انها تدور على شاب تحبه لا بنات اللي صج تبي الستر لاتروح بهلطرييج ..عندها الله يسمعها ادعوني استجب لكم ..صلو قيموا الليل اقروا قران تصدقوا كل هذي امور تسهل علييج وان شالله تتزوجيين من كان مع الله كان الله معه ...كل شي نصييب بهلدنيا الله يسهل اموركم يارب ...

 

[بنت جنيف]

سمعتوا يابنات بعدوا عن هالطريج عشان الله يرزقج بولد الحلال الي اييج لي باب بيتكم ويكون شاريج موانتي تروحين تركضين وراه واتقطين عليه هالنغزات يعني تعال تزوجني اصحوا

 

[حمام شاقني فنه]

في نضر الولد :هي خانت اهلها عشاني ومن خان لجلك يخونك

كلمتني الحين بكره بتكلم غيري مثل ما ضحكت على اهلها
هذا شي معرووف عند كل الشباب
اما البنات الله يهديهم ويرد لهم عقولهم الي طارت

 

[*بسبوسه*]

كلامج صحيح

بس ما تنكرين ان لكل قاعده شواذ وفي بنات واجد تزوجو عن حب وقصص تعور القلب

 

[بنت جنيف]

سمعتوا يابنات تعلموا

 

[قشطه بالعسل]

شوفي اختي الفاضلة كلامج صحيح

لكن في الواقع اذا كانت البنت محترمه وعلاقتهم بحدود والقصد بينهم واضح مثلا يقولها يخلص دراسته وهي بعد ويتزوجون .

ممكن يكون الولد صادق ما يلعب وكل شي متروك للقسمه والنصيب وهم في خلال هالمرحلة يكونون يحبون بعض لكن بدون مكالمات ولا لقاءات حب عفيف .

هذي الفئة تلقينها حريصه على الارتباط --- اما الحب ابو تلفونات ولقاءات وكلام مباح هو الي تقصدينهم من الشباب اللعوب الي يتجرا ويتعمق بالعلاقة عند وبعد الخطوط الحمراء اعتبر ي ان العلاقة لعب والضحيه البنت مشكورة على هالنصيحة بارك الله فيك .

 

[مسك الغلا]

عدل كلامج اللي مايتزوجج ما يحبج

في ناس يحبون و يتزوجون على طول اللي حبوهم بلا خرابيط بلا غيره

اما اللي يكلم عالفاضي و يتوعد بالزوااج هذا يبي مصلحته و مايحبج

و الله عدل كلامج و الله يستر علينا يارب و يبعدنا عن عيال الحراام و يرزق كل وحده الزوج الصالح اللي يحبها و يدللها و يدلعهاا

 

[Moon_night]

مو شرط صح

بس بالمقابل البنت لازم تحط حواجز بينهم ممنوعه

 

[*رتوووووجة*]

شوفي اختي الفاضلة كلامج صحيح

لكن في الواقع اذا كانت البنت محترمه وعلاقتهم بحدود والقصد بينهم واضح مثلا يقولها يخلص دراسته وهي بعد ويتزوجون .

ممكن يكون الولد صادق ما يلعب وكل شي متروك للقسمه والنصيب وهم في خلال هالمرحلة يكونون يحبون بعض لكن بدون مكالمات ولا لقاءات حب عفيف .

هذي الفئة تلقينها حريصه على الارتباط --- اما الحب ابو تلفونات ولقاءات وكلام مباح هو الي تقصدينهم من الشباب اللعوب الي يتجرا ويتعمق بالعلاقة عند وبعد الخطوط الحمراء اعتبر ي ان العلاقة لعب والضحيه البنت مشكورة على هالنصيحة بارك الله فيك .

صح لسانج حبيبتي



وهم بعد مو شرط انه اللى مايتزوجج يعني مايحبج


بالنهايه كل شي قسمه ونصيب


مرات اهوه يكون يحبج وشاريج ويكلم اهله ويتقدم لج بس الله مايكتب انه تكونون حق بعض​

 

[فساتين فخمه]

اي والله اقلها بيعايرهااااااااااااا وبيقول داخل نفسه خانت اهلها اكيد بتخوني وهي نفس الشي بتعيش بقلق

وحده كلمت واحد وهو اخو زوج اختها وخطبها وتزوجها وصار يعايرها يقول انتي اللي مكلمتني (لابد من ارضاء الغرور عند الشباااااااب

 

[bent_nadia]

انا معاج بكل كلمه قلتيها يا "" امنياتي ""