اللي ما يتزوجج مستحيل يكون يجبج.....

[حبيبة أهلها]

مشاركة: اللي ما يتزوجج مستحيل يكون يجبج.....

يعطيك العافية

 

[حلاوه الإيمان]

مشاركة: اللي ما يتزوجج مستحيل يكون يجبج.....

موضوع اكثر من رائع .. تسلمين عزيزتي عليه ..

 

[LaSt WoMeN]

مشاركة: اللي ما يتزوجج مستحيل يكون يجبج.....

صح .. بس التمثيل وارد في كل الحالتين .. و انا انصح بأن الخطبة تطول .. و بو طبيع ما ييوز عن طبعه في أشياء تبين مهما حاول الانسان يخفيها ... لازم تصير مواقف و لو بسيطة تبين شنو هالإنسان اللي جدامج ..
مثلا يبين اذا كان بخيل , او ثقيل دم , او دلوع الماما ,,,,

بس شنو .... يبيلها فطانة من البنت و قوة ملاحظة لتصرفات خطيبها ... و قبل هذا كله توكل على الله..

 

[MissDior_77]

مشاركة: اللي ما يتزوجج مستحيل يكون يجبج.....

بصراحة

هاليومين حتى الزواج صار لعبة

وااايد ناس

يتزوجون اسبوعين و الا ثلاث

و بعدها يتطلقون !!!!!!!!!!!!!!!!!!

و النتيجة نفسها

بنت مكسورة !!!!!!!!!

انا من مؤيدين الحب قبل الزواج

ضروري جدا جدا جدا اجدا !!!

في كل الأوقات

الزوج ماراح يثق ان كان مهزوز

ولا راح يحبج ان كان يحب غيرج !!

و لا يتفاهم معاج لو بعد 100 سنة

لو مافهم من الأول !!!


و هاليومين
نادر ما تلاقين شاب
يبي يتزوج عن طريق الأهل
و ان سوى هالشي
تلاقينه مو مخلي بنت مو مكلمها
و هذا حتى زوجته راح يأذيها !!!!!!!!!!!
انا عشت مواقف مثل هذي واايد !


لكن في كل الأحوال

الحب نعمة من الله

بس احنا اللي فسقنا فيها
و خربناها

!!!!!!!!!!!!!!!!!!!!!!!!!!!!!

 

[منايرq8]

مشاركة: اللي ما يتزوجج مستحيل يكون يجبج.....

صح كلام حصووونه ياكثر اللي تزوجوا عن حب ونجحوا بحياتهم لكن تقدروون تقولون ان هالعلاقه تعتمد ع البنت والشاب نفسه وان بهالعلاقه كل شي له حدود وكوني ذيبه مابتاكلك الذياب ع قوله اخواننا السورين

 

[أميرة الورد]

مشاركة: اللي ما يتزوجج مستحيل يكون يجبج.....

صح لسانكم بنات مس ديور قلتي وجهة نظري بالظببببط

 

[نملة^فاصلة]

مو مقياس


اذا الله سبحانه كتب للاثنين ياخذون بعض يسير بلمح البصر لكن اذا الله ما كتب لهم نطلع العيوب بمنو كل شي بالدنيا قسمه ونصيب

 

[LaSt WoMeN]

والله ما يسوى على البنت تحط روحها بأيد ريال ما تدري شلون يفكر و شنو اهله .. اكثر البنات عاطفيات و ( مقصة ) بعد .. و شباب وايد يرفضون يتزوجون البنت اللي يكلمونها .. زين يعني البنت كلمت واحد و ما عجبتها شخصيته .. يعني تغيره بهالحالة و تتعرف على غيره ؟
زين .. ما عجبها الثاني هم بتغيره و تكلم غيره ؟
الثاني مذهبه مختلف عنها .. بعد بتغيره ؟؟؟؟؟
بس سمعتها جذي راحت فيها .. و محد بياخذها ..

الفرق بين اللي تاخذ هن حب و اللي ما تعرفه ..
ان اللي تاخذه عن حب تقبل فيه بكل عيوبه .. مو مكمل تعليمه .. ميخالف .. مستواه المادي ما يناسب اهلها .. ميخالف .. ظروفه الاجتماعية و غيره و غيره .. امور البنت تحسبها تافة و مو مهمة و لما تتزوج و تروح سكرة الحب .. تعيد التفكير ..

اللي ما تعرفه .. تشوف الأمور بحقائقها المجردة .. ظروفه المادية .. الاجتماعية .. شخصيته .. اهله .. و كل هالأمور الأساسية .. و بناء على هالأمر تاخذ قرارها .. و لا تقولون ما تعرف شخصيته .. خلتقعد معاه و تكلمه بالتلفون قبل الملجة على الأقل ضامنة هدفه و اهلج يدرون مو بالخش و الدس ..

 

[كاكاوة سايحة]

هو صح كلامج بس أصابع الإيد مو سوى ...يعني آنا ولد عمي كان يحب وحدة و الكل يدري إنه يحبها (حتى ساعات يطلع معاها ..آنا ما أشجع هالشي ولا أرضى فيه بس كان يطلع معاها) حتى بعد ما شفته معاها بالسيارة قلت هذا كله لعب بلعب ولا يمكن يتزوجها... و كانت حتى أشكره تزور بيت عمي و الكل يعرفها مع إن ما بينهم لا زواج ولا خطوبة ...بس آخر شي تزوجها و ألحين عندهم 4 يهال و الله يتمم عليهم.بس طبعاً هذا مو مقياس ولا أشجع على هالشي ولا أنصح أي بنت إنها تحط مستقبلها وشرفها بكف المجهول... بس حبيت أبين لج إن في شباب إذا وعدوا البنت يكونون قد كلمتهم وهذا مثال على إلي موجود بعايلتي بعد في عندي ولد عم ثاني حب وحدة من بنات عمامي لمدة 13 سنة و تزوجوا و ألحين عندهم 5من العيال البجر ألحين بالجامعة ما شاء الله.

 

[كاكاوة سايحة]

رد: مشاركة: اللي ما يتزوجج مستحيل يكون يجبج.....

صح .. بس التمثيل وارد في كل الحالتين .. و انا انصح بأن الخطبة تطول .. و بو طبيع ما ييوز عن طبعه في أشياء تبين مهما حاول الانسان يخفيها ... لازم تصير مواقف و لو بسيطة تبين شنو هالإنسان اللي جدامج ..
مثلا يبين اذا كان بخيل , او ثقيل دم , او دلوع الماما ,,,,

بس شنو .... يبيلها فطانة من البنت و قوة ملاحظة لتصرفات خطيبها ... و قبل هذا كله توكل على الله..

صح لسانج

 

[كويتية صغيرة]

والله ما يسوى على البنت تحط روحها بأيد ريال ما تدري شلون يفكر و شنو اهله .. اكثر البنات عاطفيات و ( مقصة ) بعد .. و شباب وايد يرفضون يتزوجون البنت اللي يكلمونها .. زين يعني البنت كلمت واحد و ما عجبتها شخصيته .. يعني تغيره بهالحالة و تتعرف على غيره ؟
زين .. ما عجبها الثاني هم بتغيره و تكلم غيره ؟
الثاني مذهبه مختلف عنها .. بعد بتغيره ؟؟؟؟؟
بس سمعتها جذي راحت فيها .. و محد بياخذها ..

الفرق بين اللي تاخذ هن حب و اللي ما تعرفه ..
ان اللي تاخذه عن حب تقبل فيه بكل عيوبه .. مو مكمل تعليمه .. ميخالف .. مستواه المادي ما يناسب اهلها .. ميخالف .. ظروفه الاجتماعية و غيره و غيره .. امور البنت تحسبها تافة و مو مهمة و لما تتزوج و تروح سكرة الحب .. تعيد التفكير ..

اللي ما تعرفه .. تشوف الأمور بحقائقها المجردة .. ظروفه المادية .. الاجتماعية .. شخصيته .. اهله .. و كل هالأمور الأساسية .. و بناء على هالأمر تاخذ قرارها .. و لا تقولون ما تعرف شخصيته .. خلتقعد معاه و تكلمه بالتلفون قبل الملجة على الأقل ضامنة هدفه و اهلج يدرون مو بالخش و الدس ..

ماشاء الله عليك و على تفكيرك
و الله كلامك عين العقل
و قلتى اللي ابي اقوله
احنا مانقول الكل جذيه بس 80% من اللي يتزوجون عن حب تلقينها خذت معاه آثام كثر شعر راسها طالعة معاه و تلفونات و نظرات و يمكن خلوة بالسيارة و .... و ... و الا شنو يعنى عن حب ؟ (اكيد شايفته و قاعدة معاه و طالعة معاه و الا متى امداهم يحبها و تحبه) فتلقينها لانها تحبه ماتفكر بعقلها تفكر بقلبها، و بعد الزواج يتضح كل شي . و قليل (20%) اللي زواجاتهم ناجحة، احنا مانقول الكل بس نسبة قليلة اللي زواجهم ناجح.

النقطة الثانية اذا عن طريق الاهل تفكيرك شوي يكون عقلانى اكثر، تفكرين بالوظيفة ، الاهل ، المستوى الاجتماعي و المعيشي و التكافؤ.

اما الاخوات اللي قالوا ان الرجل ايام الملجة غير و بعد الزواج غير ..... ترى هذا كل الرجال جذيه سواء زواج عائلي او عن حب كل الرجال قبل الزواج غير و لما تعاشرينه انتى وياه بغرفة وحدة و بيت واحد تتغير امور وايد و يبين معدنه و تربيته و مدى احساسه بالمسئولية.

الحب شيء حلو بس في زمننا هذا الاغلبية ماخذينه لعب ووناسة و قليل اللي تفكيره جدي. انا تدرون شنو اللي فعلا يعجبنى لما يتقدم شخص لوحدة مثلا هو شايفها بالدوام او بالجامعة و عاجبته و على طول تقدم لها من غير لف و دوران هنيه تحسين ان هالرجال سيدا و يبيك على سنة الله و رسوله و يبي يحافظ عليك و على سمعتك مو يطلع وياك و يشبع اللي بمخه و انتى ماتدرين شنو داخل قلبه وشنو مصير هالعلاقة يمكن يتزوجك و يمكن يلف و يدور لما يشبع منك و الرجال شطار بهالسوالف.

على قولة فوزية الدريع:
اللي يطلع معاك ......................... مستحيل يتزوجك
و اللي يكلمك بالتلفون ...................... يمكن يتزوجك
فأنتى على طول خللك واضحة .... تبينى تعال اخطبنى.

 

[Om_RayooMa]

:eh_s(21): انا وحده تعرفت على زوجي والحمدلله حبينا بعض وتزوجني والحين عندي منه بنت
مافيها شي الحب قبل الزواج بس عاد انتي لاتصيرين هبله واى شي يقولج تسوينه طبعا لازم تحافظين على نفسج
وااااااااي ياحلات ايام المغازل:eh_s(21):

 

[بنوته كيوووت]

انا أيييدج حبيبتي كلامج كله صح


ومشكوووووووووووورة على المعلومات الحلوة


ولا تحرمينا من مواضيعج الحلوة

 

[Harmony]

شكراً لكي اختي الكريمه على هذا المشاركة

 

[الريشة]

مو شرط إذا الواحد تعرف على وحدة و كلمها يعني ما راح يتزوجها ، ترى اهو على حسب شخصية الريال و تفكيره ، فيه رياييل تفكيرهم غلط و بس يبون يتسلون و فيه رياييل بالعكس اذا حب وحدة يحبها من صجه و من أول ما يعجب فيها و قبل لا يكلمها يكون هدفه الزواج مو شيء ثاني...يعني على حسب التربية.
اعرف وايد ناس تزوجوا عن حب و ليما الحين حياتهم مستمرة ، من بينهم: اخوي - اختي - حمواني كلهم - بنت عمتي - ولد عمتي .....الخ و أخيراً انا :eh_s(4):
بس الصراحة المفروض الوحدة ما تعطي الريال فرصة يكلمها على شان ما تاخذ آثام ، اذا اهو قالها من البداية انا معجب فيك .. على طول تقوله روح اخطبني من اهلي ، و اذا خطبها و اهيه خايفة تستعجل بالملجة خل تخلي فترة خطوبة على شان تتعرف عليه اكثر و تكون على الأقل قاعدة تكلمه بالحلال ، انا صج تزوجت عن حب بس احس اني خذيت آثام قبل الزواج ....مهما يكون حتى لو يكون قصدكم شريف همن ما يجوز الوحدة تكلم ..و اذا صار و الوحدة حبت واحد ..خل يصير فيه حدود و لازم تكون رسمية جدا مع الشخص اللي تحبه و ما ترضى تطلع معاه مهما يكون.
و كل وحدة و إحساسها :eh_s(21):

 

[warda55]

بس في ناس الظروف اهيه اللي ما سمحت انهم يرتبطون مع انه الحب يكون قوي وصادق ويتمنون انه ينتهي بالزواج بس ساعات الظروف تكون ضد الحب و ما ينتهي بزواج و يروح كل واحد بطريج غصبن عليه :eh_s(21):

 

[(بنت النور)]

ترى الحين التفكير تغير
اكثر الشباب يتزوجون عن حب
سالفة اكلمها خلاص ما اتزوجها هالفكره قذره وقليل اللي يفكرون فيها
والبنيه تبين اهيا شنوووو

ويا حلاة الحب

وعاد ربي اذا ماكتب نصيب هذا مو معناته ان ما يحبها هذا اللي مكتوب واذا ما يحبها يبين..!! كل شي يبين ...محد يقدر يقص على الثاني​

 

[شاي اخضر]

الله يهدي الجميع ويستر علينا ومشكوووووووووووووره

 

[^^ جـنـونـيـه ^^]

مشكورة حبيبتي على هذا الطرح المهم و اتمنى ان بناتنا يستوعبون هذا الكلام لان اولا و اخيرا اهي الخسراااااااااانه
و تسلميييييين يالغاليه ما قصرتي​

 

[نوارة الكويت]

وليش البنت تحط نفسها بمواقف بايخة... يعني جم واحد تبي تكلم علشان تحصل على الزواج...