اللي ما عندها خدامه ... حياها خل ندردش ......

[@الياسمين@]

السلام عليكم
شلونكم شخباركم
طبعا موضوعي واضح .... اذا ما عندج خدامه ... وعندج عيال او ما عندج عيال....... طالبه,, او موظفه,, او ربة منزل ......
شتسوين ؟؟؟؟؟؟؟؟
يعني تدرون البيت وحوسته ... تنظيف وترتيب وغسيل هدوم وغسيل مواعين
ووووووووو ............ شغل البيت اللي ما يخلص
شتسويييييييييييييييييييين


انا وحده ما عندي خدامه
وما عندي عيال
وللحين ما اشتغل ,,,, يعني ربة منزل
وشغلي الصراحه وايد مو شويه لان انا احس فيني هوس نظافه
بس مسويتلي برنامج ... كل يوم شي له يوم شـــــــــــــــاركــــــــــــــــــــوا خل نستفيد من خبراتكم

تــــحـــــــــــــــــيــــ @الياسمين@ـــــــــاتــــــــي

 

[سفرجل]

[frame="1 50"]انا كل مااطلب خدامه يا انها مريضه او موزينه فاالحين بدون خدامه وصارلي 5 اشهر بس راح اتيي خدامتي بعد اسبوع ان شاء الله مع اني كنت بدون خدامه من تزوجت وييبت ولدي وكبرته لي سنه ونص وحملت في بنتي لي شهر الخامس يالله اقتنعت في الخدم بس والله انا بدونهم مرتاحه يوم ماعندي يهال بس الحين احتاج لهم لانه اليهال كل اشوي تعالي غيري ملابسهم وكل شوي يوصخون عاد انا بطبيعتي نقطه في ملابسهم اغيرلهم على طووول
المهم وغسال الماعين ولمن ارد من الدوام ايي تعبانه مالي خلق انظف بس بطاريتي خنست بس الله يعين الجميع عموما راح تحتاجين لها لمن الله يرزقج بالعيال[/frame]

 

[منارو]

انا متزوجه وموضفه وحامل بالخامس ولي الحين ما عندي خدامة ولا طلبت لي حدي مالي خلق ومحتارة اي جنسية اطلب
والصراحة مع انه شقتي صغيرة بس سبحان الله من تخلينها يوم من غير تنظيف تعالي شوفي الحوسة انا الي يذبحني الغبار الي ما ادري من وين ايي ((من التكييف اكيد)) على كثر ما امسح ارد واشوف الغبار متيمع مر ثانيه
والله تعبانة ارد من الدوام هلكانه من الحر والزحمه واحس الوقت يمر بسرعه ما يمديني اسوي شي والحمل بعد امتعبني والصراحة اخاف انظف واشيل واحط ويصير فيني لاسمح الله شي
بداية زواجي كنت اشحلاتي وشقتي على طول مرتبه وانا من النوع الي احب الاكسسوارات والشموع والفازات وكنت على طول اغير الديكور
واشتري مفارش يديدة واتفنن
والحين الله يعين ساعات والله احس بالذنب وافتشل من زوجي اذا ما قدرت ارتب او انظف وتدرون بعد في اشياء لازم يوميا تتنظف مثل عزكم الله الحمامات والمطبخ والمواعين
الله يعيني والله تعبانه من الحمل ومن شغل البيت الي ما يخلص واحس اني متشتته ماني عارفه شسوي

 

[أغلى حبيبه]

[frame="8 50"]انا قعدت بدون خدامه شهرين
كنت لما ينامون اليهال اسوي شغلي
كل شي عندي عادي الا الاوتييييي

وبما اني مااشتغل فكنت اسهر وانظف

والحمدالله توه يتني الخدامه ومعاها اول باول[/frame]

 

[irresistible]

و الله صار لي 6 سنين متزوجة عمري ما يبت خدامة دايما لما اتهاوش مع ريلي اقولة اذا مو عاجبك سفرني خو انا سيلانيتك يايبني خدامة بس تعودت لان هني ما كو خدم اصلا بس اكثر شي اكرهه الاوتي و غسيل المواعين بس اشوه الحين عندي غسالة صحون باقي نشوف الاوتي يعني ليمتى

 

[منارو]

الله يعينج توته والله ضحكتيني على سافرة التسفير
بس شنو قصدج هني ماكو خدم ما فهمت
ونصيحتي اذا بتكوين الملابس حطي لج كرسي وقعدي عليه اريح لج وانتي تكوين

 

[أم@الحلوين]

عيل أنا مااواطن شي اسمه خدم عندي ياهلين وتوني طالبه وحمدالله لمن ينامون أخلص شغلي مع اني 7مرات باليوم اخم هههه وريلي يحن علي بس أنا رافضه شي اسمه خدامه قطيعه الواحد ماياخذ راحته بشقته اتحسين ان عيونها على طول عليج مبققه ومشكوووره حبيبتي اختي على طرح موضوع الخدم

 

[منارو]

ما شاء الله تبارك الله عيني عليكم باردة الي ما عندكم خدم الله يوفقكم ويعطيكم الصحه والعافية

ماشاء الله شلون ترتبون وقتكم وخاصة الي عندها يهال .. يعني الياهل ماله اوقات معينه ولا تقدرين تلزمينه في جدول يعني متى نام نام.. متى ما بغى ياكل ياكل.. وغسيلهم وتسبحهم ولبسهم ؟؟ فيدوني جزاكم الله خير .. خل نستفيد منكم

 

[@الياسمين@]

سفرجل
منارو
أغلى حبيبه
tota in indiana
ام@الحلوين

thanks حبيباتي عالردود
صج ان الخدم صاروا شر لابد منه ,,, بس بدونهم راحة باااال
وعلى طاري الاوتي افففففففففف اكره شي عندي

منارو..... على طاري الغبار .... احنا غبارنا شي عجيب من كل مكان يدش مو بس من التكييف

 

[د.شريفة]

انا صارلي شهرين ماعندي خدامه
تعب وعوار راس غسيل المواعين اكرهه وغسيل الملابس اكثر والاوتي اكثر واكثر
بس تصدقووون من غير خادمه وايد اريحلي بال وتاخذين راحتج بكل شي في بيتج
بدشتج وطلعتج وفي لبسج وشغلج واغراضج ومشترواتج
يالله بس شر لابد منه
وانا بانتظار وصولها خادمتي المسعده
بس خلاص عيالي صغار ووراي دوام

 

[ام حنونة]

مثلكم وعلى نهجكم ما عندي خدامة ...ما احب ولاشئ من شغل البيت ..بس مجبورة ماأحب الخدم يحوسون معاي في البيت علشان كذي أبي خدامة نص دوام...من اسبوع زافتني خدامة أمي قلت لها شيلي القطعة اللي بالنص في الصالة وخمي تبي تخم من فوقه وتمشي كان تزفني وأنا من النوع اللي ما أعرف أزف سكت عنها بس الى اليوم بموت منها من القهر ..ماني شارية لها ملابس للعيد....من حرتي...

 

[Bent Texas]

هي هي هي <<< ابجي .. والله انا ما عندي خدامه تعرفون غربه ممنوع نييب خدم ولا جان نتحسف على اليوم اللي يبناها فيه ........... اكره شي الأوتي وتغير الحفاظات وغير الطبخ ...... الحمدلله على كل حال ......... نعمه

 

[@الياسمين@]

بييييي بنات الموضوع كان ميت
رديتوله الحياة
عاشوا الشقرديات اللي ما يحبون الخدم صج والله ترى ما وراهم الا عوار القلب
لا وفوق هذا تتقيدين في بيتج ما تقدرين تاخذين في ولا شي

 

[روزالكويت]

ماشالله عليكم الله يعطيكم الصحه والعافيه ويقدركم على مسؤولياتكم
زين تسوون مامنهم غير المشاكل الحسد
الخدامه كأنج تحطين عدوه لج بالبيت اعوذ بالله منهم الله يكفينا شرهم يارب..

 

[قرقاشة]

واااي ذكرتيني بهالايام التعيسة كنت توني متزوجة ولا عندي خدامة ولا عمات عين
فكنت اول الايام حدي متوهقة ماني عارفة شسوي يعني غسيل الماعين وغسيل الهدوم وكويهم وتنظيف البيت وغسيل الحمامات ياااربي قمة الحيرةكنت توني عروس يعني ما الحق يا انظف ا اجابل المعرس الحلو
وكنت طالبة يعني يالله يالله اجابل دراستي

بعد شهرين مادري 3 قمت سويت جدول حق التنظيف يعني 3 ايام بالاسبوع اغسل الملابس اليومية مالوت النوم او البيت والملابس الغالية بوقتها وقمت اقتصد بالمواعين يعني ما اطلع الاولي والتالي وكل يومين اييب خدامة خالتي تغسل الحمامات والمطبخ وتمسح الصالة وتسقي الزوع
وغرفة النوم انا كل يوم انظفها بس تعب بدون خدامة بعنب الواحد يحس انه بمعسكر ..

بس الحين الحمدلله يبت وحده يعني ماشي حالها ..

 

[بتبوتااا]

انا عندي خدامه بس بقول سالفتي قبل لا يصير عندي خدامه بس اونس طبعا من غيرها
اول بيت حمولتي عندي غرفه وصاله وانتو بكرامه حمام لازم يويما الحمام يتنظف ثلاث مرات والغرفه انظفها لما يكون ريلي
بالزام وطبعا الاوتي لازم كل يوم ما احب يتكود عندي ومن طلعت شقه يبت لي خدامه وبس

 

[@الياسمين@]

روز الكويت
اي والله زين مانسوي اريح بواايد
ولو ان شغل البيت يلوع الجبد
بس هم بدونهم رااااااااااحه

قرقاشه
كنتي حايسه عدل مسكينه عاد عروس وشغل بيت ! ما يصير لا ودراسه بعد
الله يكون بعونج
مأساااة صح؟

بتبوتا
اي والله بدون هالخدم العله وايد اريح
الله يعينج على غسيل الحمام 3 مرات

 

[أحلى عيون]

انا صار لي شهرين ما عندي خدامه من سافرت ما رجعت مع العلم انها قالت تبي ترجع بس والله متحسفه عليها اموت قهر اذا كانت عندج خدامه حلوه وتعرف لج وللبيت وللعيال يعني كل شي اوكي وبعدين تقولج ماما ابي اسافر وهذا انا قاعده والله تعبت من كثر التنظيف والغسيل مثل ما قالوا الاخوات اكره ما علي غسل الملابس والمواعين يالله والله بنات من كثر مااغسل المواعين طلعوااا بأديني طقات زرق وبريولي كانه واحد راقعني بوكـس

اما عاد اليهال اموت قهر اذا عدلت غرفة عيالي وسنعتها وبعد خمس دقايق ما تقعدين الا لقيتي الغرفه معتفسه مره ثانيه والله مره قلت حق زوجي ابي خدامه يقولي ليما اشوفج تشتغلين بالبيت انا استانس تاخذين أجر اي اجر الله يعافيه وانا بموت من التعب


عاد ولدي الصغير والله اربع خمس مرات ابدل له ملابسه ولي رحت لبيت اهلي اذا تكرمون وصخ وانتي بعز سالفتج تعالي شوفي اتعابل معاه ولا رحنا طلعه حديقه ولا العاب مع خواتي اقعد ادور وراه وخدامات خواتي يتخبثون ولا وحده تشوفه معاها


ولي قلت لوحده منهم الله يخليج ماما سوي له رضاعه يقعدون ينحاشون

والله مره قعدت ابجي عند زوجي وكان والله حدنا ما عندنا فلوس تعرفون الثلاث شهور الي يجي معاش للمدرسين مره وحده وبعدين تسلف من امه ومن اخته وبعدها قلت له ابي خدامه قالي ما لي خلق افتر على المكاتب اقسم بالله جبت له السكينه ورفعتها عليه من الحره والله قعد يتشهد ويقولي ادري فيج مجنونه تذبحيني وقعد يقولي من رفع على مسلم وماادري شنو واخر شي خاف وقالي والله لروح زحف للمكاتب واجيب لج خادمه هههههههههه ما ينفع معاهم الا جذي مليت

طولت عليكم

على العموم اخر الحجي منو عندها خدامه خخخخخخخخخخخخخخ

 

[كشموووشه]

بالنسبه لي اشوف الخدامه ضروريه للي عنده عيال اما اللي نفسي ماعندها عيال فالحركه بركه
بس اللي يذبحني الكواي والله يخلي خدامة امي اتيي تكوي كل اسبوع مره

 

[منارو]

الله يعين الجميع والخدم شر لابد منه
بس الواحد يالله يساحلهم ويداريهم خوف من الله اول شي وثانيا لانك تامنيننها على بيتك واكلك والاهم عيالك
وااي ذكرتوني عندي هدوم اشكثر بغسلهم
خو بالعيد اخذت اجازة ما سويت شي
الحين شكلي عقب الغدا على طول بغسلهم
بس ان شاءالله ما تييني دوخة عقب الدوام والتعب
الله يعين