اللي ماعندها خدامه شلون تكوون ملابسكم

[سموالاميره]

لا بنات ثقيله وحيتها علي طاوله خشب قويه وعلي الكوي اي والله حييييييييييييييييل فوق عن العادي واخذتها ٨١ وشي من يوريكا وظفت عليها كفاله ٣ سنوات زياده وماخذتها من يوريكا

وسلامتكم

 

[زيتونه مرت باباي]

الله يعينج اختي ..
بقولج شغله .. احنا في بيتنااا نغسل الهدوم والكوي نوديهم المصبغه ..
كنااا نشترك مع المصبغه .. والله مرتااحين ..
وحتى الكفرات نوديهم المصبغه .. حدنااا مرتااحين ..

ترى عندنا خداامه .. بس مانعطيهااا اي شي تكويه ..


والموااعين بخاااطري اشتري غساله مواعين .. بس امي مو راااضيه ..

واذا تقدرين يبي خدامة بيت امج خل تنظفلج البيت ..

 

[ليليس]

انا اكوي ملابسي بنفسي

 

[كرستال 2008]

نصيحه اختي اشتريلج نشافه والله من يوم شريتها وانا مرتاحه لما اطلع الملابس ناشفه وحاره وكانها مكويه ماتحتاج
بس جنزات عيالي اللي اكويهم لان الجنز خامته ثقيله اما البجامات والملابس والاندروير اطلعهم واصفطهم على طول
جربي وادعيلي

 

[UniquẼ ♥ ώomaN]

رد : اللي ماعندها خدامه شلون تكوون ملابسكم

شووووقتووني عليهااا
برووح اشتريهااا عشان ارتاح من الاووتي

 

[q8tyah]

والله صادقه الخدم مشاكلهم اكثر منهم
اشتري ياقلبي المجفف الحراري
اول ماتطلعين الملابس من الغساله الاتوماتيك دخليها فيه ويطلعها ناااااشفه وحاااره
كل الملابس الا الثياب {الدشاديش }يخرب اللياقه
البطانيات الفوط كل شي العبايه على طول البسها
والله يوم شريته مدري وشلون كنت عايشه بدونه

سمسومه من وين شاريته وشنو نوعيته

 

[بواسم]

انا عندي اوتي البخار وايد حلو بس مالنا غناة عن الاوتي العادي

سؤال منو تعرف خادمه نص دوام او بالساعه اطرشلي على الخاص

لان خدامتي باجر بتسافر ومتوهقه .

 

[**سهام**]

انا من كثر ما اتوهق لما ألقى نفسي فجأة بدون خدامة
قمت شوي شوي أرتب أموري بحيث انه أقدر أمشي حالي على ما أحصل خدامة
أول شي سويته شريت غسالة اتوماتيك ونشافة
بعدين شريت جلاية مواعين وصراحة هذي اللي أكثر شئ ريحتني لاني اكره غسيل المواعين
طبعا بالفترة اللي ما يكون عندي فيها خدامة ما نكوي الا ملابس الطلعة
يعني ناخذ لنا جذي نص ساعة على ما نكوي ملابسنا قبل لا نطلع على كواية البخار واحيانا الاوتي العادي و ما اطلع من البيت الا وانا دايخة فكرهت هالشغلة لكن الحين قررت ان ملابس الطلعة كلهم راح أوديهم المصبغة نهاية كل اسبوع والملابس العادية اغسلهم في البيت وبس كوي في المصبغة واسوي اشتراك مثل ما قالوا الخوات
انزين الحين بقى شي مهم
الا وهو الغبار
انا عندي باب خارجي للمطبخ على الحوش كلا يدخل علي غبار وحشرات قمت قفلته مو ليه
وسكرته من تحت وباب المدخل وباب الديوانية باسكرهم ان شاءالله باسفنج اللي يتلزق علشان أقلل من دخول الغبار للبيت أما درايش بيتنا فالحمدلله من النوعية الزينة اللي ما تدخل غبار
شنو بعد انا من اسبوعين كنت مقررة امشي خدامتي فكرفتها كراف الفترة اللي طافت ونظفتلي البيت كله ورتبت المخزن وتخلصت من اشياء كثيرة ما لها داعي
وقللت اغراضي قدر الامكان يعني ما احتفظ الا بالشي اللي فعلا قاعده استعمله
وملابس عيالي حق البيت والاندرويرات كثرت منهم بحيث يكفونهم اسبوع واكثر
والمواعين ما خليت في متناول اليد الا الاشياء للاستخدام اليومي حتى الاكواب والصحون خشيتهم ما خليت الا عدد بسيط ... ليش ..لانه لو تخلينهم قراب من عيالج بيستخدمونهم كلهم وتدشين المطبخ مثلا تلقين عشرين كوب محتاجين غسيل لكن لو قللتيهم وخليتيهم خمسة فقط فاللي ما يلقى كوب نظيف يضطر يغسل واحد من الاكواب ويستعمله . وفيه فكرة ثانية وهي استخدام الاكواب البلاستيك استخدام مرة وحدة .
ونصيحة نصيحة تخلصوا من الاغراض الزايدة ودوهم الصدقات
وقللوا الملابس والاغراض قدر الامكان واحرصوا على التنظيم يعني كل شي له مكان محدد ينحط فيه
.
والله يعيني في الايام الجاية عقب ما تمشي خدامتي . ما أدري شكثر راح أصمد بدون خدامة
مشكلتي ان بيتي كبير غير لمن كنت بشقة تنظيفها ما ياخذ وقت .

 

[**سهام**]

واي شكثر قرقت
لا تلوموني
من كثر ما أحاتي والله

 

[Killer^Girl]

ملابس الطلعه اوتي البخار
ملابس البيت اول ماطلعهم من النشافة اسفطهم علطول يصيرون مرتبين

 

[أتراب]

وي اثقل شي عندي بس شسوي الواحد لازم نكوي
​

 

[bint_looda]

اخليهم وقت زياده بالنشافه واول مايخلصون سيييدا اعلقهم يصيرون جنهم مكويين ... هالطريثه تصلح لاغلب الخامات وهدوم البيت الباقي احس اريح شي البخار لهم علقيهم واكويهم وخلاص

 

[يويوو]

السلام خيتو اشلونج فديتج بقولج نصيحه واعتبريها من اختج الصغيره 

النصيحه انج تشتريين غساله صحون والللللله انها ريحتني حيل


انا صارلي سنه ونص متزوجه وزوجي ماشاء الله يحب اني اطبخ له وبصراحه تعبت من غسيل المواعين وقررت اشتري الغساله والله ماندمت بس اهم شي تكون الجدور ستيل انا خذيت ثلاث كبير ووسط وصغير


شريت غسالتي من لولو هايبر بأسواق القرين اخذي ماركه ارستون ب١٤٢ واي شي تبين قولي لي وابشري راح اعلمج عليها وصدقيني راح ترتاحين


والله يوفقج وصدقيني الخدم مافيهم نفعه خليج بدون خدامه على الأقل تاخذين راحتج في بيتج انتي وزوجج

 

[كاجـــو]

ياقلبي وربي الحياه بدون خدم شي مو طبيعي رااااحه:eh_s(15):...لو بيتي مبهذل بقدر عليه

شغل البيت صاير اسهل مع غسالة الصحون والمجفف والغساله الاوتوماتك

انا ماعندي ولا وحده منهم...وزوجي رافض الشغاله قطعيا:eh_s(11):<<يعني ما افكر مجرد تفكير

ما اقولك ان الشغل سهل..بس صدقيني اذا سهلتيها بتسهل

انا ما اكوي ..كل الغسيل
الملابس الداخليه ما اكويها...ملابس بناتي ..اذا فيه وقت ومو تعبانه..كويت ملابس الخرجات والجينزات والبلايز

واذا مافي وقت..ارتبها بالدولاب ..ووقت الخرجه ..او حمممتهم..اكوي لبسه على السريع

ملابسي ..اكوي الجنزات والبلايز..والباقي تساهيل

ملابس الدوام زوحي ..تنكوى جميعا للاسبوع كامل <<عشان مايبهذلني الصبح:krkrkr:

واكوي له ثوبين ثلاث<<ليش؟:eh_s(10):

لاني لو كويتها كلها..بيلبس ويفصخ<<راح تعبي

الله يأأأجرنا يارب<<تهقون لو تنقلب الادوار بيتعب عشاني كذا؟:krkrkr:​

 

[موجة ~ بحر]

مثل ماقالت الاخت اشتري نشافه اهيا تنشف الملابس وتكويهم

 

[سموالاميره]

الله يوفقكم علي كل من رد وجاوب علي سؤالي