اللي ماعندها خدامه شلون تكوون ملابسكم

[سموالاميره]

بنات انا كل ماجبت خدامه اكتشفت مصيبه من وراها وربي يرحمني لما اكشفهم من باجر ينحاشون

وانا كل شي اتحمله الا الاوتي اكرهااااااااااااا:eh_s(16): ماادري شنو الحل لاتقولون مصبغه لان مو معقوله بودي بجاماتي وبجامات عيالي للمصبغه او ملابس المدرسه ابي حل احسن من چذيه اذا في:yaaaaaarb: وبيني وبينكم قاعده افكر بغسالة الاواني واحس عمري عفت الخدم وبلاويهم


همتكم

 

[غلاتي الكويت]

رد : اللي ماعندها خدامه شلون تكوون ملابسكم

الله يكووون بعونج

ان شا الله البنات يفيدونج

 

[سمسومه الحبوبه]

والله صادقه الخدم مشاكلهم اكثر منهم
اشتري ياقلبي المجفف الحراري
اول ماتطلعين الملابس من الغساله الاتوماتيك دخليها فيه ويطلعها ناااااشفه وحاااره
كل الملابس الا الثياب {الدشاديش }يخرب اللياقه
البطانيات الفوط كل شي العبايه على طول البسها
والله يوم شريته مدري وشلون كنت عايشه بدونه

 

[العنونة]

حبيبتي حاسة فيج أنا مثلج تقريبا صار لي سنة بدون شغالة :krkrkr:وأحسن شي اشتري نشافة يكون فيها درجات بدون حرارة _ حرارة خفيفة - وسط - حرارة عالية وعلى حسب نوع ملابسج تحطينها وبالنهاية تطلع كأنها مكوية :ggdw::eh_s(9)::eh_s(9)::eh_s(9):

 

[Strawberry Flower]

الخدم من كثر مشاكلهم طلعولي قروون
انا مع الاخت اكره شي الاوتي وغسيل المواعين ياريت البنات يفيدونا بشي يساعدنا فيهم

وبالنسبه للاخت اللي اذكرت المجفف الحراري هذا من وين واسمه المجفف الحراري ولا تقصدين نشافه

 

[كلنا عشاق لكن]

رد : اللي ماعندها خدامه شلون تكوون ملابسكم

طبعا النوع الأزلي إتعب
خصوصا لما الغسيل والكوي يوم بالإسبوع مو يوميا
بس إختاري اللي تريحج سواء تعلقينهم بالكبت وتكوين أو الكبس
لأنة صعب تستعملين شي مو مريحج لشغل البيت فلازم تشترين الأشيا اللي تحبينها حتى لونوعين مرة هذي ومرة هذي





​

 

[قمة الألم]

الله يعينج افتكي منهم احسن

شوفي انا اخذ خدامة الاهل يوم اخليها ترتب البيت مرات اجيب وحده من هاللي يشتغلون بروحهم يعني يشتغلون مدرسه الصبح وبعدها يشتغلون لحسابهم اذا اتعرفين احد بمدرسه خليها تكلم لج وحده حليوه

او سوي اشتراك بعض المغاسل تسوي اشتراك يعني تشتركين بخمسه تغسلين بعشره وهكذا كل ما تزيد الاشتراك يزيد المجاني

غسلي بالبيت والكوي عندهم فقط ملابس المدرسه والاشياء المهمه واللي ما تقدرين عليها مثل الديباجات

والباقي وحده من الثنتين اما ما تركزين حيل يعني صفطيهم وكان الله غفور رحيم او اقعدي اكويهم على رواء وقت الفراغ

لكن بسألج بصراحه شلون النومه مو تنامين مرتاحه دام مافيه عله بالبيت

وفقج الله ويسر امرج

 

[سموالاميره]

واااااااو اقسم بالله انكم ونعم الخوات

اختي قمة الالم ،،،، اقسم بالله انج دستي علالوتر الحساس اقسم بالله انج صاجه احلي نومه وهم مو موجودين غير ان الغرفه مالتي صارت مبطله مااقفلها وغير ان بوكي محذوف اربع وعشرين ساعه يعني اماااااااااااااان

وامااانه ادعولي ان الله يعطيني الصبر والقوه علشان افتك منهم بالمره لان بيتي كبيررررر

 

[a woman on top]

واااااااو اقسم بالله انكم ونعم الخوات

اختي قمة الالم ،،،، اقسم بالله انج دستي علالوتر الحساس اقسم بالله انج صاجه احلي نومه وهم مو موجودين غير ان الغرفه مالتي صارت مبطله مااقفلها وغير ان بوكي محذوف اربع وعشرين ساعه يعني اماااااااااااااان

وامااانه ادعولي ان الله يعطيني الصبر والقوه علشان افتك منهم بالمره لان بيتي كبيررررر

------------------------------------------------------------------------------

:eh_s(7):




الله يصبرج و ييسر امورج والفال لي ان شاء الله

 

[سموالاميره]

الفال لج بشنو

 

[الكويت حياتي]

انه معاج اختي شهر 9 بتروح مالتي وبدون رجعه بلاويهم وايد بالنسبه حق صوره طاوله الاوتي الصوره الثانيه حلوه كانها مالت المصبغه بس بجم يمكن غاليه حيل بنات فيدونا وبالنسبه لغساله الصحون حلوه ترا سمعت ما جربت بنات اكو قطاعه للخضار اعجبتني وايد ب15 دينا شفتها عند يوريكا اختي جربتها تقول قمه حق مرق حق تقصص خضار وفيها سرعات

 

[سموالاميره]

اي يختج الوتي اللي نفس مالت المصبغه شريتها امس من يوريكا رووووووووووووعه تبارك الخالق فعلا شي يريح انصحج فيه اخذتها بزياده كفاله بواحد وثمانين وشي بس تستاهل وبنسبه للقطاعه شسمها

 

[الكويت حياتي]

قطاع الخضار اسمها صغيره بيضا سعرها 14 او 15 موجوده بالغانم تحفه بس تقطيعها مو مرتب قتلج حق مرق او دياي فرن باخذها اذا اذلفت مالتي اي تصلح حق بصل الحشو او طماط تسوين الدقوس


اقصد الصوره الثاله الطاوله امبيه رخيصه توقت سعرها 400

 

[الأميرة جوري]

الله يعينج بس نصيحه خلي شغلج كله بليل وعيالج نايمين اذا ماداومين علشان تقومين كل شيء مرتب بس عليج الطباخ

 

[نور مغليها]

رد : اللي ماعندها خدامه شلون تكوون ملابسكم

اشتري كواية بخار وفكي عمرج تعلقين الملآبس الي تبين تكوينهم وبمشين عليهم احسن من الكوايه العاديه وإيدج تعورج وتلفين من وراج ومن جدام ومَادري شنوو ...

وبَالنسبه للغسيل غساله مواعين ‘ اسرع واسهَل دام ماعندج خدامه وتبين بسرعه بسرعه
واذا ماقدرتي تلحقين ع الوقت او في ايام تكونين تعبَانه جيبي خدآمه نص دوآم
او جيبي وحده تشتغل باليوم يكون دينارين ...

 

[نورعيني أنا]

رد : اللي ماعندها خدامه شلون تكوون ملابسكم

الله يتمم عليج ويفكج منهم ومن بلاويهم انا الحين بكمل3سنين بدونهم وعندي عيال بس بيتج صار لج بروحج مافيه احد يشاركج بشي وتعب جسدي بس راحه نفسيه مومتوقعه نفسي عقب 3سنين راحه اجيب خدامه الله يصبرنا بدونهم

 

[نورعيني أنا]

رد : اللي ماعندها خدامه شلون تكوون ملابسكم

واذا على الشغل وانتي موموظفه خلي كل شغلج بليل بس تقومين على حزة الغدا تسوينه واشتري غساله ملابس ومواعين اريح لج وحطي بكل حمام بروش وعلبه صغيره مغطيه فيها صابون وبخاخ فيه ديتول مخفف بالماي عشان يصير عليج التنظيف اسهل كل مادشيتي نظفتي وعقمتي والكوي مصيبه بس لازم تحبينه عشان مايصير هم عليج

 

[سموالاميره]

الحمدلله يابنات شريت الاوتي اللي نفس مالت المصبغه والحمدلله احسن مليوووووون مره من الاوتي العدي واوتي البخار

وسالفة الشغل بالليل هذي حيييييييل حلوه بجربها وامانه منو تعرق قطاعة خظره زينه ومجربه

 

[نورعيني أنا]

رد : اللي ماعندها خدامه شلون تكوون ملابسكم

انزين تحسين فرق كبير بينها وبين الاوتي العادي وتكوي البدل والا بس حق الداخليه وبجم ومن وين خذيتيها انا اتحمل كل شي الا الكوي يغثني 0000000وبالتوفيق حبيبتي

 

[eng^^zozo]

رد : اللي ماعندها خدامه شلون تكوون ملابسكم

حده عجبتني اوتي مالت المصبغه عفيه فيديني شلون تطلعين الملابس من النشافه و عقب تكوينهم بهذي ولا شلون تشتغل يعني تحطين الملابس فيها وتطلع مكويه
وبجم اخذتيها ومن وين ؟
وتقدرين تشيلينها لاي مكان ولا ثقيله ؟


انا بعد الاوتي يغثني مااتحمله