اللي لبست كورسيه انور السحري بالنفاس ضروري تدش

[خوخة الكويت]

السلام عليكم

شلونكم حبايب قلبي ..


سؤالي واضح و اتمنى اجابة سريعه ...

منو لبست كورسيه انور السحري اللي سعره ب 29 اهو اي مثل الشورت لي تحت الصدر و عندالبطن كلبسات صغار و تالي سحاب ...

اللي لبست يايت تذكر تجربتها و هل ياب معاها نتيجة والا لا ؟! ومن اي يوم لبسته

انا ولادتي الاولى استخدمت الشماغ و الكشكول ما جاب نتيجة للاسف 


ناطرتكم 

 

[روزالكويت]

هذا نلبسه بالعروس ونموت تعب منه شلون بنتحمله بالنفاس كافي الم الخياط والبلاوي بالنفاس هم احكر بطني

 

[خوخة الكويت]

لا حياتي انا بلبسه عقب ما اشيل الخياط 

انا اذا رحت مراجعتي اللي تكون بعد ١٠ ايام اشيل الخياط *

 

[أخاف اجرح]

حبيبتي شلون شكله والله اذا يلم الكرش يبيله ماينفع معانا الا جذي اذا تعرفين تنزلين صورته نزليه انا كان عندي واحد من أنور اول شي كلبسات وبعدين سحب فضييييع بس الي ماعجبني أني البسه بالنفاس انه الشورت لازق في خفت عالخياط

 

[نوور]

احسن شي المشد الاندونيسي

 

[خوخة الكويت]

المشد الاندونيسي وايد متعب و لازم احد يلفه لج

انا حابه اجرب كورسيه انور السحري

اللي جربت ياريت تقولي

 

[kuwaitiya_84]

حبيبتي انا جربته بولادتي الثانيه صك على نفسي عدل وفي حديد من صوب البطن والظهر وتعطيج قياس نفس قياسج قبل الحمال تخيلي عاد كرهت نفسي فيه لبسته عشر ايام ومت رديت عالحزام الي استعملته بولادتي الاولى من الصيدليه صج كان خفيف بس كل يوم شده اكثر ومع الرضاعه رد بطني نفس قبل ومعروف الكورسيه مايدخل الكرش بالعكس يطيحها اكثر وتترهل

 

[خوخة الكويت]

واي شنو البس عيل ...

ناس تقول لازم شي يشد و يضب ماكو شي يضب كثر السحري

 

[روزالكويت]

استخدمي العادي المتعارف عليه الجكجك لعريض وخلاص مومرتاحه سوي طريقة الرداده تحطي كشكول لفيه بشماغ واربطي بطنج من تحت وفوقه الحزام العريض جك جك وان شاء الله تستفيدين

 

[خوخة الكويت]

روز حبيبتي سويت طريقة الكشكول و الشماغ ما
جاب نتيجة 

 

[kuwaitiya_84]

اخذي المشد من الصيدليه على قولة الاخت الي فوق جكجك هذا استعمله مطاطي وخفيف ولاتنسين انتي بفترة نفاس لاتضغطين على رحمج وااايد لي شهرين خلج لابسه المشد بعدها تبين كورسيه عادي المهم فترة الاربعين لاتخربين نفسج ورحمج وتاذين نفسج علشان كرشه لانه الجسم عندج لي ست شهور يرد طبيعي واهم شي الرضاااااااعه الطبيعيه من غير دخول حليب صناعي تشد البطن عدل

 

[رويال ديزاين]

من صجج

يحبس الدم

و يضر ما ينفع

هذا العروس ويالله نتحمله

حبيبتي الجك جك عاشق ومعشوق احسن شي انتي تلفينه على قياسج المطلوب و كل 3 ايام تشدين اكثر
وحطي خلطة زيوت اخذي كريم الزنجبيل الحار عالبطن يذوب الشحم و لاتنامين فيه
واذا لبستيه لاتشربين سوائل بارده شربي شاي اخضر دافي

و امشي ساعتين على الاقل و انتي رافعه ظهرج
ولاتاكلين وانتي لابسته

و خلي عندج سيطره على عضلات بطنج شديهم وانتي قاعده بدون كورسيه

و خلج عالشاي الاخضر و الزنجبيل و قشر القهوه تشيل الكرش

و ام شي الغازات ترا تنفخ البطن

شربي كمون كل يوم قبل النوم عشان تطلع غازاتج و انتي نايمه ما تدرين هههههه


صدقيني طبقي اللي اقوله وبتشوفين تغير كبير


دعوه ان الله يقوم اختي بالسلامه بولادتها

 

[خوخة الكويت]

حياتي رويال ديزاين مشكورة يا قلبي ...

بس وين احصله الجك جك ؟!

اخاف اجرح اسمحيلي توني اشوف ردج للاسف ما اعرف انزل صور و الكورسيه نفس ما قلتي معاه شورت

 

[شوارفسكيه حمره]

ما جربته للاسف

 

[غرام القمة]

تم وصول الخلطة اللي تردج بنت وعروس من جديد بنص ساعه تبين مفعولها
والغسول العشبي يبيض ويشد الترهل وينشف المياه ويعقم وطبيعي مية بالمية ومكعبات اللي يبيض المنطقة الحساسة والركب والاكواه خلال ساعه ومضمون باذن الله خلي من اي مواد ضاره للطلب 96697682[/quote

 

[خوخة الكويت]

اب

اب

اب

 

[موكا لاتيه]

لا موزين اول الايام توج والده لان حيييل يسك عالجسم

 

[نور التفاؤل]

اب اب اب

 

[خوخة الكويت]

يا ربي عيل شنو البس 

مابي الاندونيسي و لا الشماغ لاني جربته وما نفع

 

[Denya-3'areeba]

مااعتقد تقدرين تتحملينه انا لبسته بعرس اختي بغيت اموت لان الحدايد اللي فيه تضايق وايد ومو مريحة بالقعده كلش
يعني حق مناسبه ممكن الواحد يتحمل
عندي المشد الاندونيسي أو الحزام الحراري وايد ارحم