اللي فيه سكر النوع الأول أو الثاني .. يدخل ضروووري .

[almulla_11]

السلام عليكم ...

اتمنى الشفاء للجميع الصغار والكبار من هذا المرض ، انا ولدي عمره 10 سنوات الله ابتلاه بهذا المرض من سنة والصراحة كأي أم ابحث عن علاج مقنع بعيد عن الدجل والغش ...

المهم وانا ابحث لقيت دكتور بألمانيا يعالج بالخلايا الجذعية (علاج جديد متقدم جدا ) ولكن يأخذ الخلايا من الحيوانات وينشط البنكرياس ولازم كل سنة أو سنتين أراجعه للفحص وتنشيط البنكرياس من جديد مع الاستغناء عن الأبر ...

بس الأحسن الكتورة الهندية في مستشفى نيودلهي رائدة العلاج بالخلايا الجذعية ... ولها عمليات ناجحة في هذا المجال ... وكلمتها شخصيا .. وراسلتها على ايميلها الشخصي وبعثت تقرير ولدي وتحاليله وحددت موعد لبدء العلاج اللي يكون بأخذ خلايا من جسمه وعلاج نهائي للتخلص من ابر السكر ... بس ردت علي عقب اسبوعين تقول ان الحكومة ما عطوها تصريح لان ولدي صغير بس من +18 .

اذا تبين الايميل والتلفون انا حاضرة واللة يشافي الجميع يارب

لا تنسون ولدي بدر من دعائكم .

 

[almulla_11]

مرحبا :

الايميل هو
[email protected]

هاتف رقم :

00919810061275

ليكن لي نصيب من دعائكم

 

[*فالنتينو*]

يحياتي كسر خاطري بعد عمري عسى ربي يشفيه ويخفف عنه، الحمدلله على كل حال، نفس بنت خالي عيالها اثنين البنت عمرها 10 وولدها 4 فيهم سكر كلهم،
بس انتي حبيبتي شلون عرفتي ان فيه سكر يعني جاه من الأكل او النفسية؟
تكفين طمنيني لأني قاعدة أحاتي ولدي الصغير عمره سنتين وشاكة فيه الله يستر؟؟

 

[فروووحه]

حبيبتي الله يجزاج خير وعسى الله يشفي ولدج


وترى السكر مرض العصر ...وتكنلوجيا الطب الحين كلها تتنافس لعلاج للسكر


وبصراحه انقذتيني بالأيميل والرقم.....


انتي تكلمينها بالانجليزي او لازم عندج مترجم هندي عشان يفهم؟


وبأي مستشفى بالضبط.... لاني ان شاء الله بسأل عنها وبروح لها

 

[اسوووره]

حبيبتي ربي يشافيه يا رب العلمين .... و ولدج كبر ولدي و هم الله يشافيهم فيه سكر بس ولدي ياله من قبل 9 سنين يعني من كان عمره 11 شهر و انا سمعت هالشي اللي انتي قلتي عنه بس لمن دريت ان حق اللي فوق 18 قلت يله خيره و الله يعينج على الابر كل يوم و المحاتات و ايدج على قلبج وين ما يروح .....
ربي يشافيهم و يشافي كل مريض يارب العالمين ....

 

[almulla_11]

الحمد لله ...

اتمنى الشفاء للجميع يارب...
بالنسبة لولدي التشخيص كان بعد مافقد 8 كيلو بأسبوع واحد وحسيته وايد كسلان مو نشيط على عكس العادة وبعدين بس يشرب ماي ودايت كولا وماله نفس للاكل وويهه أصفر وكأنه فيه انفلونزا !!!

المهم والحمد لله كان لما يروح الحمام وانتوا بكرامة ...ريحه (البول) وايد قوية حتى بعد الغسيل تظل ؟ ؟ شكيت بعدها فحصنا بالمختبر وقالوا لازم دخول مستشفى السكر كان وايد مرتفع جدا تقريبا كان 450 أي يعادل 25!!!! ...

وبعد التحاليل والفحوصات .... قالوا انه السكر هذا مو وراثة النوع الأول المعتمد على الابر لتعطل البنكرياس ... يببه من الفايروسات تسبب خلل في مناعة الجسم فالجسم نفسه يقاوم ويدمر خلايا الانسولين (بيتا) .. ويقل افراز الانسولين لي حد ما تتعطل نهائيا ....سبحان الله

والعلاج الوحيد أبر لتعويض الاتسولين ....

الحمد لله ... الله يشافي الجميع ويحمي عيالكم يارب .

 

[almulla_11]

السلام

كلمت الدكتورة بالتلفون بالانجليزي طبعا ... دقيت عليها وردت ، وأرسلت لها ايميل _ ترد بسرعة على الاستفسارات .

اهي بمستشفى نيودلهي .

اذا سويتي بقوقل بحث عنها راح تطلعلج نتائج حلوة عنها .



الله يشافي ويعافي كل المسلمين يارب .