اللي عيالهم يعانون من الصدر والربو

[~ الــــزيــــن ~]

رد: اللي عيالهم يعانون من الصدر والربو تعالوا (تجمع)

عيالي ثلاثتهم صدر

الكبير التهاب بالشعب الهوائيه والاصغر تنك حتى ينقص اكسجينه
واللي وراه صدر بداية خرفشه

وعلى طول انا عند الدكتور الاستشاري عبدالله الفرحان
والله انه خوش دكتور من تاخذين علاجه بتلاحظين الفرق

والله انا وحمواتي وكل جماعتنا دايم عنده

نصيحه روحيله وترا موغالي عيادته موجوده بالعقيله عند البيرق مجمع الدويخ الدور الثاني

 

[الرها]

أويسه فيها ربو من عمرها شهرين

والحين عمرها 5 سنين
وأعطيها بخاخات

وفيه واحد ثاني لونه برتقالي بس ماعرف اسمه

واعطيها شراب اكسلين للأطفال

 

[ناتشوو]

بس حبيت اوضح شغلة
ام عمر في بداية الموضوع قلت ان الاطبا غلطو مرة عطو ولدج فانتولين والمفروض اترفنت
انا سألت طبيبن
واحد بمستشفى الفروانية والثاني بمبارك
الاول قال الفنتولين اساس والاتروفنت مساعد محد يوصفون له الاتروفنت بروحه
واللي بمبارك قال لي مامنه فايدة كبيرة
الا لو استخدم اول ست ساعات من بداية النوبة

 

[monmoon85]

السلام عليكم
انا ولدي عمره 22يوم تقريبا واستمرض علي حراره وصدره . .
الحين الحمدلله حرارته راحت بس صدره وايد يكح واحس فيه قرقشه
للعلم انا وديته دار الشفاء عطاني بس ادول ومحلول الملحي القطره للخشم لان يقوول عمره صغير ماقدر اعطيه ادويه
مادري شسوي اوديه مرة ثانيه ولاشنوووووو?

 

[@رنوده@]

انا ولدي بدا معاه الصدر من اول ماولدته

ورحت فيه لمستشفي الجهرا والعرف وسعاد البصيري

كلهم نفس العلاج كمام وعلاجات كورتيزون وطبعا مثل حال عيالكم

الكمام كل ٦ ساعات حرام صغير تعذب بالكمام والعلاجات

لين وحده جزاها الله خير قالت عن الدكتور الشرقاوي

اول زياره ماحسيت بفرق حيل عطاني كمام اخذه بالعياده يومين وابره

وعطاني موعد بعد اسبوعين ولما رحت للمراجعه الثانيه صج حسيت بفرق بولدي

صار ما يشخر وهو نايم وقبل كان يتعرق حيل والحين الحمدلله

وعطاني علاجات وقائيه له وكل شهر اروح يشوفه والكمام اخذه اول ثلاث زيارات بعدها الحمدلله قالي مايحتاج

صارلي سنه اراجع عنده وولدي الحمدلله صدوه زين مع انه وراثه من ابوه

والحين يعطيني الدكتور مراجعه كل شهرين

نصيحه الدكتور اكثر من رووعه بس لازم تستمرون معاه مده

ورخيص مو غالي مثل باجي الدكاتره

 

[عيدي عيدين]

حبيبتي نودة ممكن رقم الشرقاوي وعنوانه

 

[عيدي عيدين]

انا بنتي عمرها ٥ سنوات والدكاترة مره يقولون ربو ومرة التهاب
صدر انا اراجع لها بمبارك عند د ثريا توه اليوم اول زيارة من بعد
ما دشت المستشفى علاجها الحين البلمكورت وحبوب مضغ
السنغولر بس في جم شغله ما ادري طبيعية والا لأ
تعرق بليل بالنوم ومرات يطلع من خشمها دم مو وايد
بس نادر ما ادري شنو تنصحوني

 

[العفاسيه]

الصدر وما ادراك مالصدر
انا اراجع بولدي عند ممدوح بالهادي طبعاكل اسبوعين
ورحت مازن العيسى كمام ومضاد وادويه ووقائي وجربت اعشاب و كلللل شي
اخر شي رحت حق حرمه تعالج عطتني شي اسمه سعوط وعلج مر والله مااقول صار زين ميه بالميه بس عالاقل اهون من قبل
والله يشفيهم يارب

 

[العفاسيه]

انا بنتي عمرها 5 سنوات والدكاترة مره يقولون ربو ومرة التهاب
صدر انا اراجع لها بمبارك عند د ثريا توه اليوم اول زيارة من بعد
ما دشت المستشفى علاجها الحين البلمكورت وحبوب مضغ
السنغولر بس في جم شغله ما ادري طبيعية والا لأ
تعرق بليل بالنوم ومرات يطلع من خشمها دم مو وايد
بس نادر ما ادري شنو تنصحوني

حبيبتي روحي حق دكتور مختص بامراض الصدر لاتروحين اي دكتور

 

[STILL G L A M ~]

انا بنتي فيا التهاب رئوي وبالعنايه الحين واايد صدرها تعبان لمن تتنفس تطلع صوت مثل الشهقه
والي يابلها التهاب رئوي تشخيص الاطباء الخاطئ كله يقولون زينه مافيها شي ليما صارت تكح وتختنق ولمن صارت تبجي بدون صوت اهني طيران على مبارك ونوممووها بالعنايه وصار عندها التهاب رئوي وعسى الله يشافيها يارب ويشافي عيالكم امين ..

نصيحه بس تشوفين البيبي متغير او كحه او بلغم على طول روحي راجعي فيه لان بعد التشخيصات من بعض
الدكاتره غلط وتخلي الحاله تتدهور .. وان شاء الله ناويه اروح لشرقاوي اذا طلعت بالسلامه من العنايه ...

والله انا ما انام وفوق هاذا بجري اول بيبي وحييل تعبانه نفسيااا بس الحمدلله ع كل حال

 

[عيدي عيدين]

الله يشافي عيالكم وعيالنا ياااااارب

 

[teen girl]

عليكم بورق الجوافه وحاولوا تبعدونهم من تكييف خلو مروحه هواء بس وبتشوفون الفرق

 

[كويتية سنافية]

رد: اللي عيالهم يعانون من الصدر والربو تعالوا (تجمع)

عيالي ثلاثتهم صدر

الكبير التهاب بالشعب الهوائيه والاصغر تنك حتى ينقص اكسجينه
واللي وراه صدر بداية خرفشه

وعلى طول انا عند الدكتور الاستشاري عبدالله الفرحان
والله انه خوش دكتور من تاخذين علاجه بتلاحظين الفرق

والله انا وحمواتي وكل جماعتنا دايم عنده

نصيحه روحيله وترا موغالي عيادته موجوده بالعقيله عند البيرق مجمع الدويخ الدور الثاني

اسمه الدكتور عبدالله فرحان عويد
استشاري طب الأطفال وأمراض الجهاز التنفسي
واحيانا يكتبون اسمه
الدكتور عبدالله فرحان العويد ​

 

[كويتية سنافية]

رد: اللي عيالهم يعانون من الصدر والربو تعالوا (تجمع)

عيالي ثلاثتهم صدر

الكبير التهاب بالشعب الهوائيه والاصغر تنك حتى ينقص اكسجينه
واللي وراه صدر بداية خرفشه

وعلى طول انا عند الدكتور الاستشاري عبدالله الفرحان
والله انه خوش دكتور من تاخذين علاجه بتلاحظين الفرق

والله انا وحمواتي وكل جماعتنا دايم عنده

نصيحه روحيله وترا موغالي عيادته موجوده بالعقيله عند البيرق مجمع الدويخ الدور الثاني

اسمه الدكتور عبدالله فرحان عويد
استشاري طب الأطفال وأمراض الجهاز التنفسي
واحيانا يكتبون اسمه
الدكتور عبدالله فرحان العويد ​

 

[@حوريه86@]

اب ال