اللي عيالهم يعانون من الصدر والربو

[ام عمر11]

جوري يعطيج العافيه على المعلومات لان صاجه بعض الجهال ينفع معاااهم

وانا شايفه بعيني شفتي هالاعشاب

ولد خالتي فيه صدر وعطته امه وصار زين

بس انا اقولج اهو صدره من البلغم مو ربو يعني

اذا عندج اعشاب زينه او اشياء وطرق تخفف البلغم والكحه عطينا الله يخليلج عيالج __________________

بنات اذا الجاهل صدر تحسين بلغم حييل

شربي ماااي دااافي كثر ما تقدرين وسويله مسااج بظهره

واخذي فوطه وحطي ماي داافي مايل للحراره وحطيها على صدره وخليه يستنشقها


وانشاالله يذوب البغلم

 

[ام عمر11]

وينكم يا امهات

 

[دلوعة حمني]

الله المستعان....انا عالي ثلاثتهم صدرهم حيييل تعبان ... و خصوصا الصغير عمره خمس شهور... و طبعا الكمام صار صديق الاسرة!
اعطيه بلمكورت و اتروفين و دكتورهم مصدق هواش اللي بالشفا فعلا ممتاز

 

[بروق مطير]

السلام عليكم ورحمة الله وبركاته

يعطيج العافيه على الموضوع ..

انا بنتي عمرهاا 11 شهر .. وتستخدم البلمكور مرتين باليوم وسنقولير مره

طبعا بدا معاها من عمر 5 اشهر ومن بعدها كل 3 اسابيع تتازم حالتها وينقص الاكسجين وتتنوم ..

وعطوني العلاج الوقائي بس احسه ما يسوي شي <<== لان ترد تطيح ومعاه السنقولير

و تحاميل الي تنزل البلبغم استخدمتها المره ونقص الاكسجين عندها حيييييل لي درجة انها ما تحرك طايحه <<== ومن بعدها ما وصفها لي

ورحت لدكتور استشاري " عبدلله العويد " بس ما سوا شي عطاني ادويه مالها حكر وقال شوفيها يمكن من الحليب يتجمع بصدرهااا وهو السبب <<== وردت طاحت ما سوت شي الادويه حسيت بس يبي يتمطط بالعلاج



احس تعبت وانا اشوف حالتها جذي

قالت لي وحده عطيها زيت السمسم ودهني صدرها في بالليل وبتحسن 3 ايام <<== خايفه اعطيها الزيت لان صغيره واخاف يضرها
وهم الحلبه احطها برضاعتها << ؟؟؟؟؟؟؟؟؟؟؟



مدحو لي دكتوره عفاف الرومي <<== الي سمع عنها ياليت يفيدني ...


الاخت جوري ...
بنسبه زيت الخزامي عادي اعطيه لبنتي عمرها 11 شهر <<==

 

[أم لطووف]

رد: اللي عيالهم يعانون من الصدر والربو تعالوا (تجمع)

ربي يشافي عيالكم ويعافيهم
أنا ولدي عمره 5 أشهر وجم مره يختنج بالبلغم..
علاجه الوحيد الكمام(فانتولين+بالماكورت+محلول الملح)..وبس..
جربت الادويه الشراب تطلع البلغم مع الترجيع بس المشكله إنه برد يبلعه مره ثانيه

وأحسن دكاتره عندي 3 الدكتور خالد السعيد مع الدكتور فالح المصري في البراء كلينك بالجابريه شطار ماشاء الله عليهم..
والثالث الدكتور حسن هيكل بمستشفى السلام هم ماشاء الله عليه وايد زين..

 

[فساتين فخمه]

بنات جربو زيت السمسم ملعقتين باليوم من تجارب بنات في منتدى ثاني يقولون كانو عيالهم على اجهزة البخار ومن بعدها طيبين

 

[ام عمر11]

السلام عليكم ورحمة الله وبركاته

يعطيج العافيه على الموضوع ..

انا بنتي عمرهاا 11 شهر .. وتستخدم البلمكور مرتين باليوم وسنقولير مره

طبعا بدا معاها من عمر 5 اشهر ومن بعدها كل 3 اسابيع تتازم حالتها وينقص الاكسجين وتتنوم ..

وعطوني العلاج الوقائي بس احسه ما يسوي شي <<== لان ترد تطيح ومعاه السنقولير

و تحاميل الي تنزل البلبغم استخدمتها المره ونقص الاكسجين عندها حيييييل لي درجة انها ما تحرك طايحه <<== ومن بعدها ما وصفها لي

ورحت لدكتور استشاري " عبدلله العويد " بس ما سوا شي عطاني ادويه مالها حكر وقال شوفيها يمكن من الحليب يتجمع بصدرهااا وهو السبب <<== وردت طاحت ما سوت شي الادويه حسيت بس يبي يتمطط بالعلاج



احس تعبت وانا اشوف حالتها جذي

قالت لي وحده عطيها زيت السمسم ودهني صدرها في بالليل وبتحسن 3 ايام <<== خايفه اعطيها الزيت لان صغيره واخاف يضرها
وهم الحلبه احطها برضاعتها << ؟؟؟؟؟؟؟؟؟؟؟



مدحو لي دكتوره عفاف الرومي <<== الي سمع عنها ياليت يفيدني ...


الاخت جوري ...
بنسبه زيت الخزامي عادي اعطيه لبنتي عمرها 11 شهر <<==

الله يشافيها والله مشكله الصدر انا بعد ولدي ساعات واهو نايم يختنق من البلغم ومره تشنج قدامي بقيت اموووت
صار لونه كحلي وعيونه بيض اختنقف بالبلغم وماقدر يرد النفس لمى اختي طقت على ظهره ونزلت راسه جان يكت بلغم الدنيا وعقب شهق شهقه تخرع وردت روحه من عقبها 3 ايام ما اتكلم من الخرعه الله سترر الحمدلله

زيت السمسم اول مره اسمع عنه بس مو زين تعطيهم زيوت والله انا جربت زيت الزيتون بس لعب بمعدته صارت ثقيله وبس يرجع

 

[شوق الجازي]

الله يشفى جميع عيالكم

انا ولدي عمره شهرين 17يوم ومن جبته وهو تعبان من صدره
بس كل ماايشوفه دكتور يقول لي حساسيه صدر وسببها خشمه وكله كمام
وحالياا الكحه تعبته حييل ووصف لي ديكادرون

والله يكسر الخاطر لقعد يكح وهو يدور على الهواء

مدري شنو اسوي وخاصة ان خواته الحمدلله ماعنده هالمشكله وهم صغار بس هو؟

 

[ام عمر11]

شوق الجازي
الله يشافي وليدج وانشاالله مايكون ربو باذن الله

شوفي جيكي اذا فيه لحميه او لوز ترا تسبب هالشي

وغيري الحليب يمكن ما ناسبه

تحسين صدره صوت بلغم ولا صفير تنك

 

[شوق الجازي]

ام عمر يسلمج ربي من كل شر

الصوت احسه بلغم مو صفير

 

[عروسة]

البلميكورت والفنتولين احسن واامن علاج للصدر والكحه
الا في حال وصل الصدر درجة التهاب لازم مضاد واللي ذكرته بخار ...
بالنسبه للبخار البلميكورت مرتين يوميا صباح وليل كل 12 ساعه لمده 20 يوم او 15 يوم لو 14 يوم ياخذه الططفل مافي نتيجه اقل شيء 15 يوم..
انا بنتي الله يحفظها الصدر دمار بس بنات نصيحه استمروا عالبلميكورت اول ماتلاحظون الطفل بدا يخرخش صدره..
الله يشفيهم ويحميهم..

 

[أم لطووف]

بنات جنه صدر ولدي زاد
أسمع فيه خرشه بزياده والبلغم يطلعه ويرد يبلعه ..ياربي شسوي

 

[سموالاميره]

الوقائي للي فيهم ربو

شخباركم بنات

انا ولدي عمره عشر شهور حييييييل تأذيت معاه كل شوي تعبان لدرجة مره حطوله بالمستشفى 3كمامات ورابعض بينهم عشر دقايق وعقبها نصحني الدكتور الله يوفقه بالوقائي ورحت المستوصف اخذت موعد بالعياده الخارجيه وفحص عليه الطبيب وقالي راح اعطيه دوا عباره عن كيس اخلطه مع قفشة روب( انتبهووووووو مايصير شي سائل مثل عصير وغيره هذا ماراح ينفعه لااااازم روب علشان ينخلط عدل) وقالي لازم استمر علي الدوا لمدة ثلاث شهور واستمر عليه حتي لو تشافى يعنيً كورس ولازم اكمله اذا ابي ولدي تخف عنه النوبات والمد لله خلصت3 شهور ورحت لطبيب وقالي تحسن عن اول بواااااااجد وانا والحمدلله لاحظة هذا الشي وقالي بعد لازم شهرين بعد واذا رديتله بيشوف نقطع ولا اقلل او اكمل


اقسم بالله بس كنت بنصحكم وماابي الا دعوتكم ان الله يطول بعمري وعمر زوجي علشان اربي عيالي وازوجهم:eh_s(2): هذا اللي اتمناه وسلاااامتكم يالغاليات

 

[جوري الزبير]

السلام عليكم [
الاخت جوري ...
بنسبه زيت الخزامي عادي اعطيه لبنتي عمرها 11 شهر <<==

حبوبه تقدرين تقطرين كم قطره على مخدتها قبل لا تنام عشان يهدء الصدر ويخليها تنام براحه ان شاءء الله .. الي عرفته عن الخزامي مهدء للاعصاب وساحب للبروده والرطوبه من الجسم من جذي يوصفونه حق اصحاب الروماتيزم الله يكافيكم الشر

والاهم انه يقتل عث الفراش والجراثيم الي ما تروح بالغسيل بالفراش ومعروف الي صدورهم تعبانه يتاثرون بعث الفراش والخزامي يقتله .. عسى ربي يشفيها لج ويعافيها يارب




ام عمر 11 مشكوره حبوبه على الموضوع المفيد والاكثر من رائع وبالنسبه للبلغم استخدمت له ورق الجوافه حددده يزيل البلغم بس يبيله صبر .. ولا تعطون العيال اي شي فيه مواد مخاطيه مثل الباميه او الملوخيه وهو تعبان عشان لا يزيد الامر عنده وعسى ربي يشفيهم ويعافيهم

 

[ام عمر11]

ام الجازي البلغم امره هين انشاالله حاولي تكثرين له من شرب السوتئل الدافيه غير الحليب

مثل الماي الدافي كثري منه والاعشاب يانسون وحبه حلوه لان طعمهم حالي راح يتقبلهم انشاالله

_______
عروس الله يشافي بنتج واكيد كل الادويه لازم نهتم فيها ومانهملهم بس ترا النتايج تختلف من طفل لطفل يعني بعضهم يبين عليه بسرعه وبعضهم يطووول على حسب تقبل جسمه

____________
ام لطوف

اسم الله على وليدج وديه الطبيب والبلغم ماعليج اذا بلعه يكون احسن وترا لمى يكح تحسين البلغم يتكسر ويبلعه احسسسن عشان ينزل المعده ويطلع مع خروجه وانتي بكرامه كثري له ماي داافي
_________________
الاميره ياهلا ومرحبا
وشنو اسم الدوا اللي ينخلط مع الاكل اكيد تقصدين السنقولير اذا هو عادي تخلطيه مع الحليب انا ولدي حطيته مع الاكل ما تقبله كلش كلمت الدكتور قال عادي خلطيه مع الحليب
قوليلي شسم الدوا
ومثل ما قلت جسم طفل عن طفل ثاني يختلف مدى تقبل وسرعة العلاج

___________

جوري يعطيج العافيه على المعلومه
بس سؤال زيت الخزامي اخاف بعضهم مغشوش وتصير النتيجه عكسيه
وين القى الاصلي الزيت العضوي ؟

 

[ام عمر11]

بنات معلومات ما ادري عن صحتها بسص انتوا شرايكم شوفوا

1- دم الضب : يقولون تذبحين ضب وتصبين دمه بقلاص وتشربينه الجاهل بس يقولون فوق السنتين

مااادري صح ولا غلط مراات ودي اجربها على ولدي بس اخاف

2- حليب الماعز : يقولون زييين للصدر تشربينه يوميا ويكون فرش يعني لازم يكون عندج مااعز هههههههههه شكلي بجربه بعد

مسكين ولدي فار تجارب صار الله يشافيه

شراايككم؟

 

[جوري الزبير]

جوري يعطيج العافيه على المعلومه
بس سؤال زيت الخزامي اخاف بعضهم مغشوش وتصير النتيجه عكسيه
وين القى الاصلي الزيت العضوي ؟[/color][/QUOTE]



حبوبه انا اخذ المركز العلبه الصغيره من شركة عبد الرحمن محمد حراز ( شيخ العطارين)

تلاقينه عند اغلب الحواجين بس اتاكدي من الاسم على الكرتون العلبه او الغطاء

 

[جوري الزبير]

حبيبتي ام عمر 11 دم الضب يعطونه حق الي يعانون ربو بس بعمر المراهقه ثقيل على الطفل .. اخوي استخدمه فتره وماقدر يكمل تلوع جبده ومايقدر يشربه بس ما لاحظنه تغير الا طفييييف ومعاناة شرب الدم ولوعه وسوالف وايد


حليب الماعز مادري والله .. بس سمعت حليب النوق ( انثى الجمل) ينصحون فيه حق الي صدورهم تعبانه

 

[سموالاميره]

اي اختي السنقولير ولا يختج ماينخلط مع الحليب اقري التعليمات بعد وحتي الدكتور هذا حيييل شاطر يقول مايجيب نتيجه مع السوائل لاااااازم روب

وسلامتكم

 

[أم لطووف]

السلام عليكم..
حبيت أطمنكم بنات ربي لك الحمد خفت كحة ولدي وايد..
بس شوفو مستشفياتنا الحكومه الحمد لله والشكر شلون خرطي..
عندي موعد حق مركز غنيمه للخدج حق عيالي..ووريت الدكتوره صدر ولدي ولما فحصته قالتلي صدره "زي الفل" قلتلها قبل فتره اختنق وشلناه بالاساف للاميري قالتي لاء مافيهوش حاجه .. والولد يكحكح وغشمه مسدود..
المهم..
رديت اليوم ومن باجر حتى كنت صايمه ..قاعده أبدل هدومه وجني أشوف "دم" بخشمه ..يمه أحس قلبي وقف ناديت على أبوي قالي لا عادي يمكن خشمه وصخ..ياربي ماصبرت ناديت أمي جان تقولي لاء هذا "دم"..وبسرعه بسرعه خذيناه وطرنا فيه للدكتور خالد..وكان في ناس قبلنا وأذن المغرب قلت لامي دخلي معاه وأنا بصلي وأيي..
والله يا بنات بس دخلت على الدكتور ..جان يقول أخوي هذي أمه ..جان يطالعني الدكتور ويقولي الدكتوره بمركز غنيمه شقالتلج.."صدره زي الفل" صح .. قلتله إي ..جان يقول"صــدره زي الزفـــت" الولد شعره ويدخل المستشفى وصدره حيل تعبانه وبذمتج إذا صار فيه شي لان ماينغفل عنه أبدا ..
أنا قلبي طاح فبطني وبجوه أبد شوي وتنزل..
غيرلي طريقة الكمام صار 4 مرات في اليوم لمدة 5 أيام .. وعطاني قرشتين دوا (كلارينت+دكسول) الاول مدة 7 أيام كل 12 ساعه..والثاني مرتين في اليوم مر الصبح ومره بالليل..
وربي لك الحمد الحين وايد خف صدره حبيبي..بس المشكله................"بلشت الكحه بإخته"
والحين ماشيه على نفس العلاج حقها وربي يشافيها إن شاء الله..​