اللي عندهم قطوه ابي خبرتها ومساعدتها

[cute-q8cat]

السلام عليكم..
اليوم لقينا قطوه صغيييييييييييييييييييييييره حيل حيل صغنونه.. قاطها هندي بالزباله لأن عيونها متفوخه واهيا مريضه :0bee2e8d89:

خذاها زوجي و وداها بيطري وعطاه دوا حق عيونها وأكل اسمه (fancy feast)

ويبناها البيت وسبحناها بشامبو لأن حدها وصخه...

والحين ملحفتها بكنبل عن البرد ونامت مسكينه.

بس الله يعافيكم من خلال خبرتكم شنو تننصحوني أعطيها؟ اي نوع من الحليب؟ وأحط معاه بسكوت؟
وشنو أحسن بيطري عشان اوديها للتطعيم ؟؟

وشلون انشف جسمها بعد السباحه؟ لأن جسمها كله ماي؟!!
واللي عندها معلومه مفيده تقدر تفيدني فيها لا تقصر علي

مشكورين حبايبي

 

[أسرار الطبيعة]

رد: اللي عندهم قطوه ابي خبرتها ومساعدتها..

والله أقشعر بدني
عسى الله يأجرك أنت وزوجك حبيبتي
ويكتب لكم الأجر الجزيل في هالشهر الفضيل
اللهم بارك ، عسى الله يكثر أمثالك شرووق

 

[attractive_girl]

رد: اللي عندهم قطوه ابي خبرتها ومساعدتها..

هلا اختى shrooooq ربنا يجزيكي خير انشالله بالنسبه للاكل فيه اكل فى الجمعيات whiskas فيه لحم او دجاج انواع كثيرة و لا تعطيها حليييييييييب ابدا ابدا لانه بيسبب لهم اسهال و بياعبهم عشان صغيير لسه وبالنسبه فيه شامبو مخصوص ليهم او اى شامبو مش مشكله و تنشفية الاول بالمنشفه و بعدين بالاسشوار الاول راح يخاف بس بعدين يتعود على السشوار...بالنسبه للبيطري انا بودي القط بنتاعي عند مستشفى الدهماء و لازم تهتمين فيه و بتطعيماته عشان ما يمرض منك..وجعله الله فى ميزان حسانتك انشالله

 

[بنت عبدالغني شربت]

رد: اللي عندهم قطوه ابي خبرتها ومساعدتها..

جزاج الله الف خير بميزان حسناتج ان شاء الله بس اهم شي انه الطبيب اكد لكم انه ما فيها مرض يضركم باذن الله جم عمرها تقريبا يعني كبيره صغيره علشان اقولج عن طريقة الاكل بس الحين اهم شي البسكوت الي بقسم الحيوانات مال القطاوه هذا اهم شي حق القطوه جزاج الله خير

 

[sHa6o0ra]

رد: اللي عندهم قطوه ابي خبرتها ومساعدتها..

لله يخليج حقها ويخليها حقج :001:

لاتعطينها حليب لان بيسويلها اسهال
مره شفت حليب بمركز سلطان حق القطاوه بس مادري عنه زين ولا لا

لي سبحتيها سبحيها بجونسن ونشفيها بالسشوار راح تخاف بالبدايه بعدين يصير عادي

وديها الطبيب يفحص عليها ويشوف مافيها امراض ولا شي ويقرض اظافرها وينظف اذونها ويمكن يقرع ذيلها او كل جسمها ا احسن عشان تتاكدين ان مافيها وصخ ولا امراض وخل يعطيها التطعيمات ويعطيها فيتامينات وزيت الحوت عشان مايحت شعرها وتتلفكم

الله يجزيكم خير فيها

 

[cute-q8cat]

رد: اللي عندهم قطوه ابي خبرتها ومساعدتها..

مشكورييييييييييييييييييين حبايبي على الشعور الطيب.. وماقصرتوا,,
ومشكوريييييييييييييييين على المساعده..
بس القطوه واااايد تعبانه!!
المغرب كانت وايد أحسن من الحين!؟؟؟
لحين بس منسدحه ما تحرك؟؟ وذبحها الإسهال.. و موقادره تاكل ولا تشرب حتى ماي!
الساعه 9 بنوديها البيطري بنشوف شفيها؟
شكلها بتموت المسكينه

 

[cramela]

رد: اللي عندهم قطوه ابي خبرتها ومساعدتها..

ما اعتقد احد بيفيدج كثري

شوفي عطيها حليب خالي الدسم علشان شعرها ما يطيح وايد حتي لو ما كانت شيرازيه وتري بيخف الاسهال واذا كان عمرها اقل من شهرين لازم تعطينها حليب بودر موجود بالبيطري ومميته تشترينها واذا سبحتيها نشفي شعرها بالسشوار احسن وخليها بالمطبخ او في مكان بعيد عن المكيف واذا كان عمرها 5 اشهر او اكثر عطيها اكل جاف احسن يعني البسكت مالهم انا احب اللي لونه اصفر وبين فتره وفتره سبحيها مو كل يوم يعني لا خليها كل اسبوعين او اكثر لان حرام برد ومكيف والشامبو في شامبو في مركز سلطان حق القطط لانها بعد ما راح تسبحيينها راح تلحس عمرها فحرام تحطين بحلجها كيماويات واي شئ ترااني حاضره خبره تفتح العينيين تري انا بسوالف الحيوانات واذا انتي حامل او شاكه خليها بعيد عنج شوي ولا تدخلينها بيتكم اللا اذا قالت لج الطبيبه ان ما فيها شيء وديها حق مستشفي الدهماء عند الدكتوره جونيته وقولي لها ان وحده دازتني عليج للاسف اذا تبين اقول لج اسمي علي الخاص لانها رفيجتي من كثر ما كنت اروح لها والله ياجرج يا رب انتي وريلج الطيوب نفس ريلي ما فيهم قلب حق الحيوانات يموتون عليهم

 

[cute-q8cat]

رد: اللي عندهم قطوه ابي خبرتها ومساعدتها..

القطوه ماتت

 

[ملكة الفن]

رد: اللي عندهم قطوه ابي خبرتها ومساعدتها..

امبية
و الله كسرت خاطري
حرام
الله يجزاج خير على السويتيه فيها انتي و ريلج
الصراحة انا ما ادري شلون بتحمل اذا ماتت احد قطاوتي لاني حيل متعلقة فيهم و صارو عندي سنة كاملة
و عظم الله اجرج
و ترى كله في ميزان حسناتج

 

[BlueGirl]

رد: اللي عندهم قطوه ابي خبرتها ومساعدتها..

يزاج الله الف خير انتي و زوجج والله انتو نادرين لأن قله من الناس اللي تعطف على الحيوان
بس نصيحة لج عوديها على أكل البيت لأنها اذا تعودت على معلبات أكل القطط ماراح تاكل غيرة .. قطوي قصته نفس قصة قطوتكم كان صغير و بالشارع لكن غلطتي عودته على معلبات و اكل جاف و كبر عليه ماقام ياكل غيره كلش كلش ..
القطط حيوانات لاحمه عطيها لحوم دياي و لحم و سمج بدون عظم و عادي تحطين قليل من الخضره بين فترة و الثانيه لأنها تنظف المعدة من الفرو اللي تبلعة بالغلط
الممنوعات:
البطاط و البصل و الثوم و الطماط و الحلويات والمشروم و البهارات بأنواعها <-- هذا كله سام ديري بالج

الحليب يبيعون حليب البودره مال القطاوة الصغار بمركز سلطان و بمحلات مستلزمات الحيوانات بسوق الحمام
و اذا ما لقيتيه عطيها حليب خالي الدسم

نشفيها بالمنشفه و حطيها ببقعة شمس بالبيت عشان تتدفى ... ما انصحج بالسشوار
اذا قطوتج مالها نوع (محليه) راح تستانسين معاها وايد لأن هاقطاوة ذكيه و مناعتها قويه قليل ما تصاب بالامراض و تلعب وايد و تميزكم عن غيركم و أنظف بوااااااااايد من القطاوة الشيرازيين عشان فروهم القصير

بيطرة الدهماء كل دكاترتهم زينين حق القطاوة و أسعارهم مناسبه لأنه تابع للحكومه

 

[احلا_ريومة]

رد: اللي عندهم قطوه ابي خبرتها ومساعدتها..


الله يجعله بميزان حسناتكم يا رب ويرحمها

 

[وردة-الكويت]

رد: اللي عندهم قطوه ابي خبرتها ومساعدتها..

الله ياجرج يارب