اللي عندهم خبرة بالمقابلات الشخصية حق التوظيف بالبنوك واللي يبون ياخذون فكرة تفضلوا

[noonoo]

بنات بعد شوي عندي اختبار حق بنك بوبيان ومادري الاختبار بشنو حدييي خايفه:eh_s(2):

 

[^^ROSE^^]

حبيبتي اذا قصدج اختبار مو مقابله
انا الاختبار اللي خذيته بالتجاري عبارة عن اسئله بالانجليزي كلها اختياري 100 سؤال وعندج نص ساعه تحلينهم
وسهليييييين اسئله بالقواعد والكلمات جذي
وهم جم سؤال رياضيات حتى لو تشيرين مو مشكله
ترى اللي يهم المقابله مو الامتحان

 

[^^ROSE^^]

بنات يبت لكم شوية معلومات يديدة للمقابله بعد تنفعكم
اذا سألوكم مثلا انتي بيتج بمحافظة العاصمة وبنوديج فرع بالجهراء تقبلين؟
لا تقولين اي ارضى وعادي ترى يعرفون انج تقصين عليهم
قولي البنك لما يطلب مني مهمة واني اداوم بالجهرا اكيد ماراح امانع لكن ما اعتقد بنك عريق وكبير بمكانة البنك الفلاني اللي هو اللي انتي مقدمة فيه
ان يطلب من موظفة ساكنه بالعاصمة انها تقعد 5 الفجر عشان توصل الدوام 7 الصبح وتؤدي الشغل بنفس الكفاءة اللي يؤديها الموظف اللي يكون بيته قريب من هالفرع وهم الوقت ماراح يسمح اني ارجع البيت بين الشفتين خصوصا اذا صار في ضغط عمل وتأخير بالانصراف
فأدائي ماراح يكون بالمستوى اللي بيكون عليه لو كنت اداوم بفرع اقرب لبيتي
وقتها راح اروح الدوام مرتاحة وأأدي واجباتي على اكمل وجه وبكفاءة عاليه
لكن بكل الأحوال اللي يطلبه مني البنك لابد اني أأديه

عرفتوا جذي جاوبوا عشان بعد مايصير اجابتج تكون اي او لأ لازم تهذرين عليهم شوي

 

[MISS^^CHANEL]

خخخخخخخخخخخخخخخ

انا مقدمه بالوطني 4 مرات وبالتجاري 3 مرات وبالخليج 3 مرات
ومصمممممممممه الا يوضفوني مو كيفهم


ومحد دق علي الا اول مره الوطني قالو سوري ماكو وظائف شاغره

والخليج دزولي ايميل قالو ماعندج خبره واحنا طلباتنا خبره

بس يا انا يا اهم

مع اني حلوهالحمدلله وشهادتي بنوك وتقديري جيد جدا

 

[MISS^^CHANEL]

بنات بعد شوي عندي اختبار حق بنك بوبيان ومادري الاختبار بشنو حدييي خايفه:eh_s(2):

حبوبه طمنينا شسويتي بالمقابله

وبنك بوبيان اسلامي اعتقد صح ؟

وهل انتي وحجبه ولا سفور لاني سمعت انهم مايقبلون اللي مو محجبات :ssssso:


ياريت تنورينا ومشكوره

 

[^^ROSE^^]

وييي مس شانيل 4 مرات و 3 مرات صج انج شقردية ماشاء الله عليج
انا من اول مرة وحاشني احباط خخخخخخخخخخ

 

[^^ROSE^^]

انا شكلي بشيل شلايلي واوراقي وبقدم على باقي البنوك احتياط
لان املي بأن يقبلوني التجاري 5% و 95% ماراح يقبلوني<<<<قمة التفاؤل

 

[MISS^^CHANEL]

انا شكلي بشيل شلايلي واوراقي وبقدم على باقي البنوك احتياط
لان املي بأن يقبلوني التجاري 5% و 95% ماراح يقبلوني<<<<قمة التفاؤل

ويييييييييييييييييييييييييييييييه
لو انا منج جان ماخليت بنك اصور كل اوراقي فوتو كوبي ومن الساعه 8 مجابله البنوك اقدم حقهم كلهم دفعه وحده
لووووووووووووووول

 

[^^ROSE^^]

الظاهر بسوي جذي
للحين مادقوا حق المقابله الثانية اف منبطة جبدي

 

[^^ROSE^^]

ها وينكم بنات ماكو تفاعل هاليومين شاركونا

 

[sa7ab]

انا اليوم كان عندي مقابله مع بنك بوبيان

واهوا اسلامي صح بس موظفين سفور عادي خربوطه البنك

الله يستر

زهقت من قعدت البيت وابي اتوظف

بس ان شاءالله مايقطوني فروع .... الاخت واثقه ان بيوظفونها ... لوووول

 

[MISS^^CHANEL]

انزين روز شصار مادقو ؟؟
الله كريم ان شالله

سمعي رفيجيت تقول ان شركه الخليج للتامين بسرعه تقبل ليش ماتجربين تر التامين اونس دوامنهم ومعاشهم زين ومن ال9 -3 مادري من 8-3

 

[^^ROSE^^]

سحاب ليلحين في مجال تقديم على وظايف ببوبيان ولا سكروا باب التوظيف؟
وشلون مقابلتهم؟

مس شانيل
جم معاشات الثنوي بهالشركة؟ لان اللي مشجعني على البنك معاشاتهم زينه وبسرعه ترتفعين اذا تشتغلين من قلب انا ماعندي مانع اشتغل عادي شفتين

والبنك للحين مادقوا حق المقابله الثانية مو قلت لكم هببت

 

[Zaina1982]

هاااي روووز
بس بغيت اسألج الحين المقابلة سووها معاج بالعربي والانجليزي .. لان اجاباتج اللي حاطتها بالعربي .. بس بغيت اعرف تكلمتي انجليزي والا عربي

 

[sa7ab]

روز انا دقوا غلي اعادة الهيكله وعندهم قدمت وعندهم امتحنت

 

[^^ROSE^^]

بنات انصحكم بكتاب اسمه:
الإجابات الرائعه لأسئلة مقابلات التوظيف الصعبة
تلقونه بالعربي بمكتبة جرير
واسمه بالانجليزي للمثقفات طبعا ههههه:
Great Answers To Tough Interview Questions

صراحة هالكتاب روعه وفيه تقريبا كل الاسئله اللي ممكن تيي بالمقابلات مو بس للبنوك لا لكل المجالات
وحتى اذا كنتي تاركة وظيفة وبتروحين مكان ثاني في اسئله ممكن تييلج وتربكج بتلقين اجاباتهم بهالكتاب
صج لايطوفكم وانا ان شاء الله بحاول الخص الاسئله والاجوبة المهمة واكتبها لكم

 

[^^ROSE^^]

هاااي روووز
بس بغيت اسألج الحين المقابلة سووها معاج بالعربي والانجليزي .. لان اجاباتج اللي حاطتها بالعربي .. بس بغيت اعرف تكلمتي انجليزي والا عربي

هلا حبيبتي
المقابله بالعربي ماسألوني ولا شي انجليزي
بس اتوقع المقابله الثانية يكلموني انجليزي لاني كاتبة بطلب التوظيف اني ممتازة بالانجليزي محادثة وكتابة وقراءة فيمكن يجيكون على لغتي ويمكن لأ

 

[^^ROSE^^]

روز انا دقوا غلي اعادة الهيكله وعندهم قدمت وعندهم امتحنت

انا وايد اسمع عن اعادة الهيكلة هذولي مو اللي تابعين حق انفو سنتر؟
وشلون اذا بقدم للبنك دايركت مايصير؟

 

[^^ROSE^^]

مثل ما وعدتكم بنات بكتب لكم اهم الاسئله والاجوبة من الكتاب اللي عندي واتمنى تفيدكم
واذا في سؤال ماكتبته قولولي احتمال يكون موجود بالكتاب احطه لكم

طبعا الاسئله والاجوبة باللغه العربيه الفصحى
انتوا عاد كوتوها<<<<يعني سووها بالكويتي هههههههه

ماهي خطط عملك المستقبلية؟ او اين تود ان تكون بعد 5 سنوات من الآن؟

"تقتصر خططي المهنية على المضي قدما ولكي أحقق ذلك يجب ان أوجد سبيلا لطاقاتي وخبراتي لخوض المجالات التي يتطلبها سوق العمل ومن ثم أتمنى في خلال عدة سنوات أن اصير محترفا متفهما لظروف الشركة والعمل وعالما بمواطن التحديات الكبرى وبالتالي الفرص عندئذٍ تكون اهدافي المستقبلية قد تحددت بدقة"
لاتقولون اشوف نفسي بالادارة لان بتفتحين على نفسج بيبان ويمكن تخورينه بيسألونج شنو تعريفج للادارة؟ وماهي مهام المدير ومسؤولياته؟ ومديره في اي مجال...


هل بإمكانك تلقي التعليمات دون الشعور بالحرج؟

"نعم يمكنني تلقي التعليمات والقيام بما هو اكثر من ذلك اذ يمكنني ايضا قبول النقد البناء دون اي شعور بالحرج واذا ارتكبت خطأما فسيقوم آخر بوضعي على الطريق الصحيح مجددا وأعلم انه اذا كان من المتوقع ازدهاري ونجاحي بالشركة فينبغي علي أولا اثبات جدارتي في الادارة"


ماهي طبيعة الوظيفة التي تثير اهتمامك؟

"انني مهتم بأي وظيفه تمكنني من كشف بواطن العمل داخليا وخارجيا واتاحة الفرصة لي للنضج حينما أثبت جدارتي سواء بالسلم المهني أو الاداري"


هل يمكنك العمل في ظل الضغوط؟

"نعم وانا اجد فيها الاثارة عادة ولكنني أؤمن بالتخطيط والادارة الجيدة للوقت من اجل الحد من المواعيد النهائية المثيرة للذعر في نطاق مسؤوليتي"


هل تفضل العمل مع الاخرين او لوحدك؟

"انني سعيد تماما بالعمل وحدي عند الضرورة فلا احتاج كثيرا الى دعم ثابت ولكني افضل العمل في جماعه فالكثير جدا من العمل ينجز عندما يتعاون الناس"

ان شاء الله تستفيدون من الاسئله واي استفسار انا حاضرة

 

[fashion girl]

اول شي ثاانكيو على الموضوع ..

وثاني شي .. انا مره سويت مقابله في بنك ..

ومعلومة لازم تنجحين بالامتحان علشان تروحين للمرحلة الثانيه وهي المقابله الشخصيه ..

الصراحة المكان في رعب من اول ما تددخلين لكن لازم تتمالكين نفسج .. وتهدين اعصابج علشان تجاوبين وانتي مرتاحة ..

وإلي يكون موجودين بالمقابله مدراء الافرع .. وكانت الاسئله انتي وين تسكنين ؟ ولي اخترتينا احنا بالذات ؟ وهل رحتي الفرع إلي في منطقتكم ؟ وشنو مميزاته ؟ وشنو إلي شد انتباهج من اول ما دخلتيله ؟ وشلون معاملتهم لج ؟ وفي حال انه وضفناج مكان بعيد عاادي ؟

وهل تتعاملين معاهم ولا لا ؟

وانا كاتبه اني اعرف انجليزي .. قالولي تكلمي عن نفسج بالانجليزي اسمج هواياتج من وين متخرجة ؟

وانا ماخذه دورات زيادة على شهادتي فقالولي تكلمي عن الدورات إلي انتي ماخذتها ؟

اهم شي إلي تبي تقدم في بنوك تكون لغتها الانجليزية جيدة جدا" .. وتكون عندها دورات .. لانه اهمه يحبون هالسوالف ..