اللي عندهم خبرة بالمقابلات الشخصية حق التوظيف بالبنوك واللي يبون ياخذون فكرة تفضلوا

[كويتية _ بكل فخر]

الله يكون بعونكم بنات فعلا المقابلات صعبة

بس لازم تدعون ربكم يسهلها لكم وتسمون بالرحمن وشجعي نفسج بالكلام الحلو قبل المقابلة وخليج واثقة من نفسج

والله بنات مالي دخل بالبنوك ولا بالمقابلات بس عجبني الموضوع وقريته كله وحبيت أخذ خبرة بكل شي

بس سؤالي الحين أنا دورة سكرتارية وكمبيوتر

ودي أتوظف بالحكومة .. يعني في مقابلات من هالنوع ؟؟؟؟؟

 

[فز1عه]

الحكومه على طول توظيف ماعندهم مقابلات

 

[كويتية _ بكل فخر]

فزاعة يسلمووووووووو

والله يعز الحكومة لو أنها فيها عيوب

بس لا مقابلات ولا كد

 

[^^ROSE^^]

كويتيه حبيبتي الحكومة ماكو مقابلات بس على شهاداتنا ترى المعاش كلش مايسوى
فالاحسن القطاع الخاص

 

[Fa6oM]

حرام عليكم خرعتونيييييي ... انا مااخاف ولما اسوي برزنتيشن ولا اقابل احد عادي ثقه بس من كلامكم شكلي بخوووره وايد ... بس انا مو مفكره اقدم على اي وظيفه ا لا بعد رمضان الياي على ماتخرج هالكورس ابي اريح شوي

 

[الفاتنة]

عساج على القوة ما شاء الله عليج

 

[برنسيسة Q8]

موضوع وااااااايد حلو وقريته كله

اختي رووز يعطيج الف الف عافية على هالموضوع

انتي ذكرتي معاش الثانوية 300 انزين بعد ما تخرجين من دبلوم المعهد راح يحسبون لج زيادة على الراتب

يعني بغيت اعرف معاش الثانوية + دبلوم بمعهد كمبيوتر + خبرة سنتين جم المعاش تقريبن

ومشكووورة والله يجزيج خير

 

[توفيا]

انا باجر عندي اختبار ببنك بوبيان وحدي خايفة مره ثانيه عادوا الاختبار لاني سقطت بالاول ووواسطه عادو الثاني بموت من الخووووووووووووووووووف [

 

[^^ROSE^^]

حرام عليكم خرعتونيييييي ... انا مااخاف ولما اسوي برزنتيشن ولا اقابل احد عادي ثقه بس من كلامكم شكلي بخوووره وايد ... بس انا مو مفكره اقدم على اي وظيفه ا لا بعد رمضان الياي على ماتخرج هالكورس ابي اريح شوي

طبعا الخوف وارد خصوصا اذا اول مقابله بحياتج
بس ان شاء الله تعدي على خير

 

[^^ROSE^^]

عساج على القوة ما شاء الله عليج

الله يقويج حبيبتي وحياج الله

 

[^^ROSE^^]

موضوع وااااااايد حلو وقريته كله

اختي رووز يعطيج الف الف عافية على هالموضوع

انتي ذكرتي معاش الثانوية 300 انزين بعد ما تخرجين من دبلوم المعهد راح يحسبون لج زيادة على الراتب

يعني بغيت اعرف معاش الثانوية + دبلوم بمعهد كمبيوتر + خبرة سنتين جم المعاش تقريبن

ومشكووورة والله يجزيج خير

هلا حبيبتي

بالنسبة لي انا توظفت بالحكومة فمادري عن البنك اذا بيزيدون راتبي مع الشهادة التسع شهور
بس اللي اعرفه انهم مايزيدون اذا كنت مقدمة عالثنوي اظل عالثنوي
بس اذا قدمت وانا عندي هالشهادة اكيد غير بيكون

وبالنسبة لسؤالج عن جم المعاش اذا دبلوم وخبرة سنتين والله ماعندي فكرة
بس يعني الحين مع الزيادات اللي صارت يوصل الراتب للثنوي قريب 800 مع بدلات البنوك

 

[^^ROSE^^]

انا باجر عندي اختبار ببنك بوبيان وحدي خايفة مره ثانيه عادوا الاختبار لاني سقطت بالاول ووواسطه عادو الثاني بموت من الخووووووووووووووووووف [

ها حبوبة بشري عسى قبلوج؟

 

[[ . . Jee Jee . . ]]

بنات شخباركم؟

 

[NeloFaR]

ههههههههههه اي والله شقولهم بعد على هالسؤال التحفة
واليوم من القهر نسيت اسأل الاستاذ عن اجابة الاسئله بس فكرت لكم باجابة شقاقية حدها حق السؤال الاخير اذا يايينا ناس خبرات وكفاءات ليش نوظفج قنعينا؟؟

المهم تقولون التالي بس انتوا رتبوه عاد:

ماراح تقدرون تقيموني وتعقدون مقارنة بيني وبين اصحاب الكفاءات والخبرات الاخرى الا بعد ماتجربوني بمحيط العمل عشان يكون في أساس للمقارنة لان المثابره والاجتهاد والابداع في بيئة العمل تهم أكثر من التحصيل العلمي والشهادة الاكاديمية
وبكل الأحوال البنك يحتاج لنا احنا الأثنين
يحتاج للي شهاداتهم وخبراتهم بسيطة عشان يقومون بالأعمال الأساسية واللي تتناسب مع طبيعة شهاداتهم وخبرتهم البسيطة ومنها يتعلمون ويصعدون السلم من اوله حتى يصيرون بمرتبة اصحاب الخبرات والكفاءات اللي يحتاجهم البنك للقيام بالمهمات الأكبر واللي يطبقون فيها خبراتهم ومهاراتهم اللي تعلموها

شرايكم بهالجواب؟ بذمتكم مو شي؟؟؟ بس الاجابة خذتلها جم ساعه عشان افكر فيها يعني اذا سألوني سؤال صعب بالمقابله بقولهم باجر ارد عليكم بس استشير بنات منتدى كويتيات وارجع هههههههههه

روز على هالاجابة هذي ليش ما تقومين تطقينهم بعد احسن :dddds:

ما يصير تقولين لهم ما تقدرون تقيموني .. هذول ناس شغلتهم ان يقيمونج بس من نظرة وحدة لج .. طريقة قعدتج حركت ايدينج .. نبرة صوتج تكفيهم علشان يقيمونج .. يعني ما يصير يوظفون كل الناس علشان يحطونهم بمحيط العمل و يجربونهم !!! .. صج اجابتج شقاقية ..

انا عن نفسي راح اقول .. اني احب اطور نفسي على طول و اتعلم من غيري و ما راح انتظر سنوات علشان تصير عندي خبرة .. اكيد بطموحي و حرصي على العمل راح اتعلم و تصير عندي خبرة بأقل وقت ممكن ..

 

[NeloFaR]

على فكرة انا قابلوني بالبنك قبل .. بس سألوني عن تخصصي .. و بما اني كنت متدربة ميداني عندهم بس طلبوا مني اقول لهم شغلة ايجابية و شغلة سلبية عن البنك !

و قلت لهم ان الشغلة الايجابية حسن المعاملة و الاهتمام بالعميل و استقباله بالابسامة .. و طبعا الشغلة السلبية اكيد ما راح اغلط على احد فيهم واطلعهم شينين .. قلت لهم ان في بعض الافرع تحتاج جهاز الارقام ( الكيوماتيك ) علشان ينتظم الدور اكثر ..و بس

طبعا استانسوا من الاجابة و قالوا من باااجر راح نركب هالجهاز هذا و مشكورة على الملاحظة المفيدة ..

 

[عروسة الكويت]

شلونكم بنات بلييييييييييز باجر عندي مقابلة بـ بنك ابوظبي توا يديد
وخايفه من الاسئله هل راح تكون بالانجليزي ولا العربي ؟؟ وشنو الاسئله
جم واحد راح يقابلني قطيعه لووووووووول ؟؟؟ ابي اجابات سنعه تكون بالعاميه
هههههه امانه

 

[[المهندسة]]

بنات وين فرع الوطني اللي تقدمون عليه اوراقكم ومقابلاتكم وامتحاناتكم فيه دلوني مكانه بتفصيل ومشكورين

 

[أم عبدالله Q8]

بالديرة يم البنك المركزي شوفي اذا صرتي عالبحر رايحة حق دوار قصر السيف جنج يايه من سوق شرق اخذي الدوار يسار بعدين اول لفة يمين يصير البنك يسارج

 

[[المهندسة]]

مشكوره ام عبدالله

بس قصدج قريب من المسجد الكبير؟

الموظف قالي يم سوق المباركيه هذا اهو نفسه ولا لا؟

 

[om 3bod]

واي بنات خرعتوووني امبي انا باجر عندي مقابله في البنك الوطني دقووو علي وقالولي اني نجحت بالاختباااار انا كنت مستانسه ويووم قررررريت واي اخترعت ياريتني ماقرييييت قوولي لي شقووول شتكلم امبي معني نجحت في اختبار الانجليزي بس انا انجليزيتي لج عليهااا شسوووي شقووول وااااي اذا سئلوني بالانجلش مادري شبخربط