اللي عندها نصيحه من تجربتها ....تقولها قربت عمليتي الانابيب

[درابيل وحليب]

رفع

 

[زوجة حبيبي]

انا بقولج تجارب شخصيه ونصائح اطباء بلجيكا


حبيبتي الاطباء في بلجيكا ينصحون بان تمارسين حياتج عادي تدرون ان بعد الترجيع يقولون لج بس خليج منسدحة لمده ساعه بس

ويقولون الحركة زينه لانها توصل الدم للرحم والراحة الزايده مو زينه


المهم

تجارب شخصيه


والله رفيجاتي حملو والله كانو يمارسون حياتهم طبيعي صلاة عاديه وحتى الطبخ والله كانو يطبخون وكانو يتسبحون ونتقهوى مع بعض ولا كانها مسويه ترجيع وماشاءالله تبارك الرحمن تمم الله عليهم وحملو والفال لنا اجمعيييييييييييين


وعلى فكرة ترا سبحان الله الاجنه مدتها التصاقها بالرحم او ثلث ساعه من الترجيع يعني هالاسبوعين ما منهم فايدة وسالت الدكتور ليش تنطرونا اسبوعين قال نطركم مو عشان الراحة عشان موعد الدورة

يعني اهم شي اول ثلث ساعه


واسال المولى العزيز القدير الرزاق الوهاب ان يهبني ويهبكم ويهب كل محروم بالذريه الصالحة


دعواتكم لي

 

[ام يوسف القمر]

خليها على الله ولا تفكرين
وعيشي حياتك طبيعية ويارب يكتبلك ان شالله بالتؤام

 

[@@@ام حمووودي@@@]

ياااااااااااااااااااااارب يرزق الجميع ويرزقني ويرزقج يا شمخانيه ......

 

[أغصان]

ماقصرتوا بنات وخصوصا حبيباتي me وحبية زوجها
عسى ربي يرزقكم ويرزق كل محروم يا ارحم الراحمين

 

[شمخانيه]

انا سويتها و انا الحين حامل و بالتاسع و ما بقى شيء و يولدوني

اول شيء انا رديت نمن العمليه سبحت عادي ماله شغل السبوح و يكون بعلمج لما صعدوني الغرفه عقب ترجيع الاجنه كنت حدي محصوره ما تحملت فرحت الحمام عادي

Emanova​

q8ya-barby19 ​

ياربي يتمم لكم علي خير وتولدون بالسلامه
:klhfl:

مشكورين علي النصايح​

 

[شمخانيه]

["]@@ام حمووودي@@@
ياربي مثل اللي بالصوره:gathering:

نيبال الايمان
الله يرزقك بالذريه....شنو سويتي
أغصان
اول مره بتسوين العملية

مشكورين علي الدعاء
فتكات بنت كيداهم
بريق امل
أحلى عيون
زوجة حبيبي
يارب ارزقني بطفل
درابيل وحليب
?Me[/COLOR]​

 

[q8ya-barby19]

الله يجزاج خير يا مي على الافاده

 

[ام_مرام]

عادي حبيبتي توضي احنا نقصد السبوح مو الوضوء

اي حبيبتي ... قالوا لي انه العمليه كأنج نايمه مع زوجج ... يعني لازم تتسبحين عشان تطهرين و تقدرين تصلين
ولا عادي نتوضأ من غير سبوح ؟؟
و مشكوره يالغاليه

 

[أغصان]

اي حبيبتي ... قالوا لي انه العمليه كأنج نايمه مع زوجج ... يعني لازم تتسبحين عشان تطهرين و تقدرين تصلين
ولا عادي نتوضأ من غير سبوح ؟؟
و مشكوره يالغاليه

هلا حبيبتي اي فهمت عليج
لا ما يجب علينا نغتسل لأن هذا مو جنابه وهذا جواب لشيخ في موقع اجابه لوحده تسأل نفس السؤال

سؤال في الطهاره بعد عملية طفل الانابيب

بسم الله الرحمن الرحيم
السلام عليكم ورحمة الله وبركاته
أخي بالله
ما الحكم الشرعي في امرأة أجريت لها زراعة طفل أنابيب ( أي وضعوا البويضة الملقحة في داخل الرحم ) والطبيب منعها من الاستحمام خوفا على الجنين ، فهل تتوضأ وتؤدي الفرائض أم يحرم عليها ذلك ويجب عليها الغسل ؟؟
وجزاك الله خيرا وجعل عملكم هذا خالصاً لوجهه تعالى وفي ميزان حسناتكم ونفع بكم الإسلام والمسلمين .

جواب السؤال :

يجب عليها أن تتوضأ للصلاة ، فإن وجب عليها الغسل بسبب الحيض أو الجنابة فإنها تغتسل ما عدا الموضع الذي منعها الطبيب ، فإن كان لا يسمح لها الاغتسال مطلقا وكان هناك ضرر على الحمل فإنها تتيمم لرفع الحدث الأكبر ، فإن سمح لها الطبيب بالاغتسال وجب عليها الاغتسال فورا 0 والله أعلم 0



يعني بس نتوضى للصلاة مو نغتسل
عسى ربي يرزقنا يارب

 

[زوجة حبيبي]

الله يجزااااج خير على التوضيه

في ميزان اعماااالج غصووون ولا يحرمنا لحظة الحمل والولادة والامومه اللهم اميييييييييييين

 

[ام_مرام]

اغصان مشكوره يا قلبي
اول مره اعرف هالمعلومه
انا دايم اول ما اجي من الدكتور اتسبح عشان الصلاه
فإن سمح لها الطبيب بالاغتسال وجب عليها الاغتسال فورا 0 والله أعلم 0
انا متأكده ان سألت الدكتور راح يقول لي تسبحي عادي ما فيها شي !!
زين ممكن تقولين لي اسم الشيخ المفتي
و جزاج الله خير

 

[أغصان]

زوجة حبيبها
اللهم آمين اللهم يسمع منج يارب

حبيبتي ام مرام
الشيخ يقصد اهني الاغتسال من الجنابه لو حدث جماع بعد العمليه
والشيخ المفتي اسمه د. عادل مبارك المطيرات
وهذا منتدى الفتاوى الشرعيه اللي لقيت فيه السؤال
http://ftawa.ws/fw/showthread.php?t=18333

تصدقين ان حتى السونار سألت فيه
قلت يمكن يبيله اغتسال بعد بس الحمدلله
عسى ربي ييسر لنا علاجنا ويرزقنا اللهم آميين

 

[شمخانيه]

اليوم وحده اسمعها تقول للي معاها ان الطبيبه حذرتها من الخضروات الورقيه
منو سمعت بهذا ؟؟؟؟؟؟؟؟
اهي عمليتها معايا

 

[@ دهن العود @]

شمخانيه وين بتسوينها ومتى ؟؟؟

انا تونى باديه

ردى على عالخاص بليييييييييز

 

[al7nooona]

الله يسهل عليج ياااااااااااااارب ويفرحج بحمالج ان شاءالله

والله يسهل امووورنا كلنا ويرزقنا بالذرية الصالحة المعافاة ان شاءالله

 

[شمخانيه]

دهن العود
ما اعرف شنو علي الخاص
علميني شنو اسوى

 

[شمخانيه]

افشلت عملىتى
والله علىه العوض

 

[أثير الورد]

ما قصرتى

 

[ام شيخ العربان]

الله يرزقج ياشمخانيه ويعوضج انشاءالله ياااااااااااارب
والله اني كنت ادعيلج من كل قلبي ومن خلصنا الدوامات ودايم ادخل قسم تاخر الانجاب ابي اسمع عنج خبر
يالله قولي الحمدالله على كل حال والله يعوضج ببنيتج
شخبار ام حمودي شصار معاها