اللي عندها غساله اوتوماتك تدخل

[دلع حياتي]

باشتري غساله اوتوماتك وابغى نصيحتكم وايش مزاياه واحسن ماركه وحجمها انا من عادتي اغسل ملابسي وملابس زوجي وولدي كلن لوحده:ada:

 

[أغلى حبيبه]

احسن شي ال جي

وحجمهاا خمسه او سبعه كيلووو

 

[رومانسية حالمه]

عندي غساله من ناشيونال تنشف 80 بالميه وشريت نشافه اطلع الملابس من الغساله رطبه واحطها بالنشافه
في مكان تحطين فيه الكومفورت ومكان تحطين فيه الكلوركس ومكان حق الاريال

 

[إستبرق]

عندي ال جي 7 كيلو وماشاءالله تبارك الرحمن تهببل فيها برامج وايد للابيض والملون وغسول يدوي وبعد برامج
وانصحج فيها

 

[الانوار]

انصحج بغسالة اسمها ويرلبول صراحة اكثر من روعة

 

[Eng/thumbelina]

والله آنا الصراحة عندي فريجيدير هي عادية بس الحين تون خذيت سامسنج بعد يومين توصل أجربها وأقولج بس وايد فيها برامج وأهم شي إنج تقدرين تتحكمين في عدد مرات الشطف يعني تقدرين تخلينها تشطف لما 5 مرات يعني تكونين واثقة ان الملابس طاهرة

 

[تولين]

انا خذيت وحده مادري شسمها يمكن اللي قالت عنها الاخت ولبرون اذا ماني غلطان .. يومين و احترقت .. هههههههههه
لا و بدلوها لي ليش عليها كفالة و الا القاها مستعمله قالوا احنا حاطين صابون نجربها لج . و الا اشوف بقايا شعر آدمي .وووعع داخل شكثر
دقيت قلت اخذوهاا و ردووولي فلووووسي .. خذيتها من يوريكا . طبعا عابلواا فيني و عطوني كوبوونج بس استفدت منه شريت تنافتيف للبيت من غلاية و ماكرويف و هالامور ...



و خذيت بعدها ال جي .. صارلها سنة يمكن عندي مااشتكي منها كلش .. فانصحج فيها من بعد هالقصة

 

[الشيخه فطامي]

خوااتي للغسالات الاتوماتيك صج لازم نحط صابون معاه ماي يعني نذوب الصابون بالماي عساس ماتبقع الملابس
عندي الاسود او الفوط او الشراشف اذا طلعتهم كلا بقع صابون معنه ماحط وااايد ؟ّّ!!

 

[صباح الخيرفي كل الأوقات]

انا شريت فرجيدير .....ما انصحش فيها
وبعدها شريت ال جي الذكيه روووووووووووووووووووووعه وعجيبه
والحين سامعه انهم نزلوا وحده تغسل الملابس على الجاف وناااااااااااااسه
توكلي على الله واشتريلش وحده بلا وساخه الخدامات
بس انصحش تشترين معاها نشافه افضللش تطلع الملابس روووووووووووووووعه وناعمه حيييييييييييل

 

[حساسه]

غسالتي سامسونق حلوه ماشاء الله بس بصراحه انا ماافهم في الغسالات

 

[الشيخه فطامي]

؟؟ بنااات جاوبوني بخصوص الصااابون بليييز

 

[الفراشة_البيضاء]

خوااتي للغسالات الاتوماتيك صج لازم نحط صابون معاه ماي يعني نذوب الصابون بالماي عساس ماتبقع الملابس
عندي الاسود او الفوط او الشراشف اذا طلعتهم كلا بقع صابون معنه ماحط وااايد ؟ّّ!!

حبوبه لاتستخدمين الصابون العادي مع الشراشف والملابس الغامجه كلللللللللش عشان لاتبقع . لازم تستعملين صابون سائل خاص حق الملابس شغل عدل مدل وتحطينه بالغساله الاوتوماتك عادي جنه العيد ومرسوم عليه اشكثر تحطين (ياحبي للقرقه والشرح )
ان شاء الله اكون فدتج

 

[الفراشة_البيضاء]

اي ونسيت اقول ان غسالتي الحلوه (بوش) الكبيره من يوريكا تشيل 8 كيلو اقدر اغسل كفر كنج سايز و تنشف 80%
نظام ديجيتال يعني فيها شاشه صغيره تتحكمين فالوقت والقوه التنشيف وغسيل سريع ولا عادي
وفيها تحكم بالالوان ودرجة حرارة ماي الغسيل ... احلى شي فيها ان اذا خلصت تسوي تيت تيت (يعني خلصت)
لما اطلعين الملابس

 

[Eng/thumbelina]

حبيبتي انا توني خذيت غسالة سامسونج من يوريكا وجربتها وايد عجبتني الكترونية فيها برنامج للقطن والملابس المخلوطة والجينز والصوف وغسيل يدوي والملابس الغامجة وملابس الاطفال وغسلة سريعة وبرنامج للملابس اللي تنغسل بشكل يومي وغير جذي فيا برناج شطف وعصر بعدد مرات انت تختارينها لغاية 5 مرات وكل برنامج تختارينه تقدرين تتحكمين بالحرارة وعدد مرات الشطف وعدد دورات العصر وغير جذي فيها نظام الفضة لتعقيم الملابس وفيها برنامج مكثف للملابس اللي تكون وايد وصخة وتعطيج الوقت اللي راح تستغرقه حق الغسلة وبعد نسيت فيها تنقية الملابس بالبخار نفس ال جي تقريبا موصفاتها بس هذي زيادة تشطف 5 مرات ال جي حدها مرتين
وبالنسبة حق الاخت اللي سالت عن الصابون حق الملابس الغامجة استعملي صابون سائل ولازم شوية لان راح يرغي وايد والموظف قالي يستحسن تذوبينه بماي لان الصابون السائل يكون ثقيل اما الملابس الفاتحة استعمليلها اريال الاخضر لان هو خاص حق الغسالات اللي تعبا من الامام

 

[- اميرة الغلا-]

​

انا سمعت اكثر شي يمدحون ماركة ال جي
يقلون وايد تحمل وقويه وماتخرب صراحه انصحج فيها

 

[حساسه]

اهلي عندهم ويربول 10 كيلو يغسلون فيها الشراشف والبطانيات ماشاء الله بس لان عليها شغل الويل فبعد خمس سنين عاده تبدا تعجز وتخرب
وغيروها بنفس النوعية لانها عاجبه الوالده

اما انا عندي سامسونق صغيرونه حلوه

 

[سارة_kw]

احسن شيء l.g اخذيها وانتي مغمضه مريحه جدا اخذي 7 كيلو الدوران 1400 دورة بالدقيقه والتنشيف انتي اللي اتحددين الفترة

 

[كوارين]

انا الي عندي ناشونال

اول ما تزوجت مريحتني حيييييييييييل
والحين الخدامة مرتاحة ومستانسة منها
حطي الملابس فيها والصابون وبس
لمن تصفر شيلي الملابس تلاقينهم ناشفين بدرجة 70 ال 80 %

 

[أم منورة]

ويلر بول عجيبه لانها ايطاليه من الغانم وفيها بعد برنامج الغسيل اليدوي وايد حلو حتى العبي والملافع احطهم فيها

 

[بيـــــــادر]

العيب الوحيد للغسالات الاتوماتيك الصااااااااااااااااااااااااااابون

ياكثر ماتستهلك الصابون

يعني اعطيك مثال انا وعيالي بمافينا الخدامه سبعه

وفي خلال اسبوع نخلص الصابون اللي يجي اثنين ونص كيلو


اول كنت اهاوش خدامتي اقول انتي شتيوووووين في الصابون


بس من عطيت اختي خدامتي لمدة اسبوعين


هههههههههههههههههههههه واشتغلت انا شفت بعيوووووووووووني كله من الغساله


ماادري يمكن علشان حريصه اكثر من اللازم كل شي بروحه ينغسل


سوري قرقت واجد بس شسوي حبيت اشرح لك بالتفصيل>>>>اقول ارتاحي بس



يوووووووووووووووه نسيت

بس صراحه اشتري الغساله وارتاااااااااااااااااحي وخاصة اذا ماعندك خدامه

انا عندي الغساله والنشاف على البخار من جد ارررررررررررتحت حتى ساعات بعض الغسيل مايحتاج كوي تحسين وانتي تطلعينه انك طابخته خخخخخخخخخخخ من الحراره والتعقيم اللي جاه

وطلعت الحوش لنشر الملابس نسيتهاااااااااااا وارتحت

وبس سلامتك