اللي عندها خبرة بعطور الفواحات!!تدش وتفيدنا.

[AL REMAS]

السلام
انا احب اعطر بيتي بالبخور واكثر شي استخدم عود اجمل ومبخر اجمل والرصاصي ومبخر سيد جنيد
بس العيال تنتنك صدورهم من البخور وحتى انا حايشتني حساسية على كبر
الله المستعان
فقررت اغير
ابي استخدم الفواحة
وابي خبرتكم بالعطور الخفيفة الباردة اللي تدوخ وما تسبب حساسية
انتظر مشاركات سنعات المنتدى
وشكرا

 

[نعنـــاعهـ]

حبيبتي في محل فوق بالطابق الثالث بالمهلب محل شموع عنده فواحات اتجنن رريحتهاااا،،

وعندج بودي شوب في فواحه اسمها فواحة المسك رووووووعهـ

وعندهم فواحات واااجد واتجنن ،،،واسالي محلات العطور عن الزيوت العطريه ،،

واذا رحتي للسعوديه ^_^ روحي محل نكتار وزهور الريف عندهم اشيا فضيعه ،،،

وخصوصا نكتار عندهم فواحه اسمها ((مخلط ازهار))وربي بنت خالتى شقتها تقول تفوووووح لين الشارع وريحتها اتجنن مخلوطه بالازهار المنعشه،،

اتمنى انى فدتج يالغلا والبنات بعد مايقصروون ،،

اختج،،

نعناعهـ

 

[هيونة الحبوبة]

في الخلطة الفضية عند الشايع وفي خلطات يبيعها بيت وايد فضيعة إذا تبون اعطيكم الرقم في الرسائل الخاصة.

 

[عجزت القى اسم]

والله انا عندي من بودي شوب وايد حلوين وجربت شي ما توقعتة طلعت الريحة خياليه حطيت ماي بالفواحة وجم نقطة من مال بودي شوب وحطيت شوي من مسك او دهن عود مادري شسمة والله حطيتها بالدار ونسيت اني حاطة فواحة والريحة تطلع فضيييييعة جربي دهن العود وهالاشياء ومسك اللي عندج خليهم مع ماي

 

[@الياسمين@]

والله انا اّخذ من بودي شوب , تروفاليو,
وهذاك اليوم خذيت من ماكس جربتها وايد حلوه وخفيفه

 

[AL REMAS]

مشكورين بنات
انا ابي ريحة خفيفة وناعمة وباردة
تدرون من يدش الشتا تشتغل الحساسية والربو
وما ابي اتعب العيال بالعطور القوية

 

[۩۩ الجـــــود ۩۩]

زهــــــــــور الريف عندهم فواحات روووووووووووعه

لكن للاسف مو موجود بالكويت بالسعوديه انا استخدمها وما تاثر على عيالى

 

[SILVER ROSE]

عندج بودي شوب اي تو زد سنتر بوينت

 

[مولاتي سميه]

جزاج الله خير

بنات اللي يذكرون محلات خل يذكرولنه شياخذون بالظبط ماعليكم امر

انا عندي المسك مال بودي شوب بس خفييييييييييييييييف

وشريت الفراوله ماعجبني يعور الراس وحتى زوجي ماعجباه

 

[رفرف]

من تروفاليو عندهم حلوين انا ماخذة السينمون والفراولة والفانيلا وماذكر شنو بعد ..

سنتربوينت عندهم بعد شكثر انا ادوخ كثر ما اشم فما اذكر شاخذ بالضبط بس عندهم وايد وايد انواع طبي وتخيري

بودي شوب طبعا ..

وحتى بو100 اخذ منه اللي على كوكونت ريحتها تهبل ..

وطبعا خففيهم بماي علشان لا اتنك سدوركم وما تقمت

 

[jo-jo]

عندج زهور الريف كامليا وقرين تى جناااااااااااااااااااااااااااااان راح تدعين لى انا ابخر غرفتى وبدين احد عطر اكوا كم الرصاصى الوردي وارش علي الديباج والاثاث وراس السرير وبعدها احط الفواحه كامليا او بودي شوب البيضاء جنان ريحه حلوه حتى زوجى يقول ريحت الغرفه حلوه حيل تدوخه :eh_s(7):جربيها وادعيلى

 

[AL REMAS]

بارك الله فيكم ما قصرتوا
كفيتوا ووفيتوا

 

[الدانه77]

عندج زهور الريف بالسعوديه وايد حلوه عطوراتهم اذارحتي هناك عمره او عندج احد

هناك وصيهم ايبولج وهمن اهني سنتر بوينت حلوين هذا اللي جربتهم

 

[رقي]

في اوشنك من بودي شوب
ولافندر بكل مكان عجيب

 

[صديقة د. شريفه]

احلى الزيوت العطريه اهي اللي موجوده في البودي شوب ، طبعا اتلاحظون ان في زيوت عطريه لون زجاجتها عاتمه يعني سوده لانه هذي فعلا طريقة حفظ بعض أنواع الزيوت ، وبعضها الاخر لون الزجاجه شفافه عادي بحسب طبيعتها وهذا الصح ، انا أحب من بدي شوب انواع وايد منها:
الصندل ، روز ، أكوا ، تاباكو فلاور (عجيب) ، لافيندر طبعا حق الاسترخاء ، وطبعا اكزوتيك ، ساعات أخلطهم ويا بعض يهبلون ، اللي يمرون يم مكتبي دايما يسألون عن الريحه الحلوه ، وبعضهم اييبون قلم وورقه عشان يسجلون اساميهم

 

[rettah]

بناات ... علي جم يبيعون الزيوت العطريه في البودي شوب ؟؟؟ وريحتهم تدوم ولا بسرعه تروح ؟

 

[AL REMAS]

مشكورين
اسعدني مروركم

 

[atooma]

اختى بالصيف كانت رايحه الخبر تقول زهور الريف بيفتح الكويت اذا مو غلطانه يا بالكوت او الافنيوز

 

[هديل المنامة]

خواتي
زهور الريف بالسعودية في وين بالضبط .؟؟؟

وشنو تقصدون بالفواحات ، عفوا ما ني كويتية للاسف فما أفهم على لهجتم وساموحوني !!

 

[AL REMAS]

خواتي
زهور الريف بالسعودية في وين بالضبط .؟؟؟

وشنو تقصدون بالفواحات ، عفوا ما ني كويتية للاسف فما أفهم على لهجتم وساموحوني !!

هلا هديل المنامة
الفواحة مثل المبخر بس انواع
في تجي علىفخار او صيني وتحتها شمعة تحطين قطرات من دهن عود فوقها وتفوح بالبيت
مثل هذي

وفي على كهربا تخلطين العطر مع ماي وتشغلينها ويفوح العطر
اكيد عندكم منها بس يمكن تسمونها غير
اسالي لنا عن اسمها عندكم علشان اذا رحنا البحرين ما نتوهق واحنا نسال عن عطور الفواحات