اللي عندها اي استشارة قانونية تدخل وانشالله بتلاقي حل

[بنت الأصايل]

حبيبتي بنت الاصايل صج انا محتاجه وقعدت ادور قبل فتره على احد بامنتدى يفيدنا بهالسوالف لان جد محتاره انا راح احط مشكلتي اهني عشان البنات يستيفيدون وبنفس الوقت راح اسال كذا السؤال واتمنى انه مايضايقج هالشي لان جد على الله ثم عليج...حبيبتي انا تزوجت بالمحكمه الجعفريه كون زوجي ينتمي للمذهب السني بس لان عمري كان صغير وتم زواجنا بالمحكمه الجعفريه...ويبت منه بنت وولد وتطلقت بعد زواجنا بخمس سنين وتموا اليهال ماطالبته بعده ولا نفقه متعه....بعد فتره طلبت منه نفقه الاولاد قرروا نفقه الاولاد175 دينار فقط ماطالبت بزياده ولا شي وكون معاشه 700دينار كويتي المهم ان بعد فتره بورقه الحضانه ان للابو ورفع علي دعوا وللاسف ماقدرت اثبت ان هو يشرب ولا شي وغير جدير بتربيه اليهال المهم خذا مني البنت والولد البنت 7 والولد 6 انا ماتزوجت بعد فتره طلاقي هو تزوج وعنده يهال...حاليا اقدر ارفع دعوا متعه؟؟؟؟ اخذ اليهال من 22/5/2008 وماشفتهم الا 3 مرات ولما ادق مايرد رحت المخفر ماسوولي شي اللهم كلمه الظابط وبس....عندي ورقه اثبات ((يتعهد الاب من تمكين رؤيه الصغيرين ايام العطل الرسميه والخميس والجمعه والسبت)) وبنفس الوقت اذا انا مااقدر اسوق سياره عندي حاله خاصه قاعده اتعالج فيها ابيه هو اييبهم وهو ياخذهم وهوا امعاند قلت امري ل الله انا اروح اخذهم وهم يعاند بهالحاله شنو موقفي؟؟؟ بالنسبه للبيت لي نسبه معاه؟؟؟ حق شي؟؟؟؟ لو طلعله بيت؟؟؟ ويمكن بعد فتره يتخيرون الاولاد في حاله رجوعهم لي وطلع له بيت اقدر اسكن او لي نسبه شي؟؟؟؟ ومرته اشلون يقدر يدخل اسمها؟؟؟ او انا اروح الاسكان وادخل اسمي في حال رجعه حضانه اليهال لي؟؟؟؟ ابي اعرف.....المؤخر انا صارلي سنتين اطالب فيه والحمدالله حكم اول درجه معاي وسوا استئناف وهم معاي ربحتها الحين بالتمييز شنو موقفي اخسرها ولا اربحها بكون حكم اول درجه واستئناف معاي بس الاخ يبي يثبت باي طريقه ان انا مااستحق المؤخر سالفه اعناد وحاليا بالتمييز صارلها اكثر من سنه؟؟؟ بعد التمييزاذا رفضت الدعوى اوكي معاي بس اذا انقبلت شنو راح يصير شنو اقدر اسوي لان طولت وايد واول قضيه لي يصير فيها تمييز وماعرف فيه شي؟؟؟؟ ابيج اتفيديني اختي وجزاج الله الف خير لان جد تعبت ابي اعرف استمر معاه محاكم وقضايا ولا اجابل مستقبلي وشهادتي ماني عارفه وانا توني اصغيره 22 عمري وماابي اخسر لا مستقبلي ولا اعيالي...اتمنى انج اتفيديني... والله ايسر لج امورج ويوفقج انشالله

سامحيني اختي بالتاخر بالرد عليج لظروف

شوفي اختي العزيزة اولا احب اوضح معلومة المذهب الجعفري ماعندهم نفقة متعه بس عندهم نفقة عدة فقط
وبالنسبة للرؤية تروحين لقاضي التنفيذ وتسوين اثبات حالة بالمخفر انه مايرضى يخليج تشوفين عيالج وتشتكين لقاضي التنفيذ

وبالنسبة للبيت اذا لج نسبة معاه بالبيت ترفعين دعوى وتطالبين بحصتج بالبيت
واذا رجعلك حكم الحضانة وقدرتي تثبتين ان غير جدير بحضانة الاولاد ترفعين دعوى حضانة وبعدها ماتكسبينها يحق لج تطلبين كل شي
ومادام مدخل اسم زوجته الثانية مايرجعلها البيت الا اذا كان مكتوب اسمها بالوثيقة
وبالنسبة للمؤخر خلاص اصبح الحكم نهائي روحي اخذي المؤخر خلاص دام معاج حكم استئناف

اختي استمري بالاثنين روحي افتحي ملف تنفيذ بحكم الاستئناف ونفذي عليه ​

 

[بنت الأصايل]

السلام عليكم و رحمة الله و بركاته\يعطيج ربي العافيه
بغيت اسأل
اذا انا و ريلي بناخذ قرض الحكومه و نشتري بيت
في شي ممكن نسويه عشان طليقته ما تسكن معانا ؟؟ يعني ما يكون لها حق سكن مع انها حاضنه لولده ؟؟


و اذا شرينا بيت من فلوووسنااا بدون لا ناخذ قرض الحكومه هم يكون لها حق السكن معانا.؟؟

اختي العزيزة بكل اختصار اذا بتشترون بيت مالها حق عندكم طليقته ​

 

[بنت الأصايل]

للرفع

 

[بنت الأصايل]

للرفع

 

[بنت الأصايل]

بنات اللي راسلوني على الخاص كلكم رديت عليكم

 

[الكروان]

سلام عليكم اختي انا ماخذه مبلغ حق زوجي اقصد طليقي في الوقت الحالي قرض من التسهيلات بس باسمي وطبعا غير المبالغ المهم لما طالبته قالي مالج ش عندي بكون ان هالمبالغ باسمي المهم عندي منه ورقه وصل امانه واهوا موقع على بياض توقيعه ورقمه المدني وبصمته هل هالوصل راح يفيدني وكيف الاجراء القائم عليه واذا ما دفع شنو عواقبه شكرا جزيلا

 

[قد الحب]

تسلمين اخت بنت الاصايل على البادره الطيبه بس حبيت اعرف انتي محاميه

انا طالبه جامعيه ادرس قانون واذا احتجت شي بستشيرج اوك

 

[بنت الأصايل]

تسلمين اخت بنت الاصايل على البادره الطيبه بس حبيت اعرف انتي محاميه

انا طالبه جامعيه ادرس قانون واذا احتجت شي بستشيرج اوك

هلا وغلا اختي العزيزة انا مومحامية صديقتي هي المحامية ومحامية كبيرة وفاهمه ماشالله عليها شاطرة وصار لها سنين بالمهنه ولها شهادات كثيرة

ولكن اذا عندج اي استشارة قانونية لا تترددين انا بالخدمة

 

[بنت الأصايل]

سلام عليكم اختي انا ماخذه مبلغ حق زوجي اقصد طليقي في الوقت الحالي قرض من التسهيلات بس باسمي وطبعا غير المبالغ المهم لما طالبته قالي مالج ش عندي بكون ان هالمبالغ باسمي المهم عندي منه ورقه وصل امانه واهوا موقع على بياض توقيعه ورقمه المدني وبصمته هل هالوصل راح يفيدني وكيف الاجراء القائم عليه واذا ما دفع شنو عواقبه شكرا جزيلا

اختي العزيزة ان شاء الله اليوم او باجر بالكثير برد عليج

شكرا لك على صبرك

 

[بنت الأصايل]

سلام عليكم اختي انا ماخذه مبلغ حق زوجي اقصد طليقي في الوقت الحالي قرض من التسهيلات بس باسمي وطبعا غير المبالغ المهم لما طالبته قالي مالج ش عندي بكون ان هالمبالغ باسمي المهم عندي منه ورقه وصل امانه واهوا موقع على بياض توقيعه ورقمه المدني وبصمته هل هالوصل راح يفيدني وكيف الاجراء القائم عليه واذا ما دفع شنو عواقبه شكرا جزيلا

بالنسبة للوصل يفيدج تحطين فيه المبلغ اللي تبينه منه اما بالنسبة لمبالغ القرض اللي صرفتيها عليه فلك الحق ترفعين دعوى تطلبين منه المبالغ اللي صرفتيها

والمحكمة راح تصدقج لوجود مانع ادبي وقت الزواج كان يمنعج من اثبات دفعك كل هذه المبالغ له

 

[الكروان]

مشكوره يا اختي العزيزه والله يوفقج يااااااااااارب والله دعيت لج من كل قلبي

 

[بنت الأصايل]

مشكوره يا اختي العزيزه والله يوفقج يااااااااااارب والله دعيت لج من كل قلبي

العفو عزيزتي وهذا اقل شي ممكن اقدمه لكم يابنات المنتدى

 

[ScarletteO'Hara]

تسلمين حبيبتي على ردج للاستشارات, انا و لله الحمد ما عندي اي مشاكل قانونية بس حبيت احييج على جهودج


:tek:

 

[بنت الأصايل]

تسلمين حبيبتي على ردج للاستشارات, انا و لله الحمد ما عندي اي مشاكل قانونية بس حبيت احييج على جهودج


:tek:

الله يبعد عنج المشاكل يااااااااااارب ويتمم عليج

واشكر مرورك الكريم يالغلااااا

 

[y7lok_7loho]

مشكوووووووووورة ع الموووووووضع

 

[كريستال ليدي]

تسلمين اخت بنت الاصايل على البادره الطيبه

 

[بنت الأصايل]

مشكوووووووووورة ع الموووووووضع

العفو اختي العزيزة واشكر مرورك الكريم

 

[بنت الأصايل]

تسلمين اخت بنت الاصايل على البادره الطيبه

العفو اختي العزيزة واشكر مرورك وتعطيرك لصفحتي

 

[puppet]

انا مشتكية على شركة كنت اشتغل عندهم ومو راضين يعطوني رواتبي المتأخرة ولا مستحقاتي

رحت الشؤون وما قدروا يحلونها لأن الطرف الثاني كتب مذكرة وقال ما لها شي عندي

الحين تحولت محكمة وراح اراجع المحكمة بعد كم يوم ، عندي كشف حساب من البنك يفيد بتأخر صرف الرواتب شهربشهر وورق يثبت ضياع جواز سفري من الشركة

بصراحة ما قدرت اوكل محامي لأانه بياكل نص فلوسي ، هل لازم اسوي مذكرة ولا عادي اقدر اجمع الورق اللي يثبت حقي واروح اعطيه للقاضي وخلاص ؟

علما بأن اصل المشكلة اني طلعت يدون استقالة تطبيقا للمادة 57 انه يحق للعامل ان يترك العمل بدون اعلان مع استحقاقه المكافأة في الاحوال التاية : أ- إذا لم يلزم صاحب العمل ببنود العقد وأحكام هذا القانون

وهو كان يحجز على جوازي وما كان يعطيني راتبي كل شهر كان يتأخر وايد علي وما خذيت راتب بدل اجازة السنة اللي طافت

 

[دموع السحاب]

اختي العزيزة بكل اختصار اذا بتشترون بيت مالها حق عندكم طليقته ​

معقوله..؟؟

وايد قالو لنا ان طليقته مو متزوجه يكون لها حق السكن !!!