اللي عندها اخوان تدخل ( موضوع نقاش )

[bal8es]

الي اعرفه ان بالشرع الاخو ماله وصايه على خواته اذا غاب الاب تنتقل للعم او اليد بس الاخو ماله وصايه وفي وجودهم

 

[كول تكره سكول]

الام والابو هم الي لهم دخل فيني ,, اخواني مالهم شغل فيني

 

[الفدعى]

لازم للأخو تكون له كلمه على اخته سواء ان اكبر منها او اصغر

 

[((البرنسيسا))]

أمي وأبوي هم إلي لهم السلطة وأخوي ماله أي حق يسأل وين رايحه ولا شنو سويتي


بس الإحترام موجود بينا وأنا أشوف من الغلط يصير الأخو وصي على إخته دام إنه الأم والأبو


موجودين لأن السلطة بالأول والأخير لهم

 

[لعنبؤؤكـ مغلآكـ]

لا .. / الام والاب هم اللي مفروض لهم سلطه ع الاثنين اما الولد لااا لان مع الايام راح تنقلب عكسيه ع البنت والام


خلاص الام عايشه والاب عايش خلاص الولد ماله داعي يتدخل .. :: .. يمكن الولد بكره يماشي ناس متخلفين ومعقدين يجي يعقدنا معاه ليش لازم التفكير يكون واحد // الولد له مسوؤليته والبنت كذالك والراي الاول والاخير للأب والام اما الولد ماله الحق ابدا انه يتحكم

مع الايام راح يكبر وراح يتفح عقله وراح يفرض رايه حتى على امه لانكم مشيتوهـ ع هـ المبدأ


وهذا رايي

تقبلي مروووي

 

[sweet.sanfoora]

البنت حالها حال الولد ما تفرق عنه بشي
وفي شغلة اكرهها لما ام تقولي اي صبي عادي خلسيتانس < لما يكلم بنات الناس او يغازلهم او حتن يغلط معاهم
ترضين على بنات الناس وما ترضين على نفسج قمة التناااقض

الاثنين بنت وولد لازم يتربوون ع الفضيلة والاحترام

وبثث

 

[زين ودلال]

اذا الابو موجود الاخو ماله شغللللللللللللللل انا اخذ راي امي وابوي اخواني مالهم شي بطلعتي وبروحتي وبشكلي بس طبعا كل شي بحدووووود

بس هذا ما يمنع ان الاحترام يكون موجود وتعدينه ريال لان مردج راح تحتاجين اخوج بيوم من الايام سواء كان اكبر منج ولا اصغر لان الصغير راح يكبر

 

[جوانا2011]

بسم الله الرحمن الرحيم
يسعدني ان اكون اول وحدة ترد
حبيبتي هالموضوع انا قبل كان رايي ان مافي فرق بينهم ومو من العدل ان نخلي الولد له سلطة على اخته سواء اصغر او اكبر منه بس بزمنا الحين بصراحة 99% من البنات محتاجين ضبط وشدة واذا خليتي اخوها يتدخل هالشي فيع منه فايدتين منها تعودين ولدج ع الرجولة وان يغار على خواته ومايرضى لهم الغلط ومنها تضبطين بنتج وتحس ان في وراها أهل وتظل هاذي وجهه نظر ومو شرط ان اكون انا الصح

:ggdw::ggdw::ggdw:
الله ينور عليك راي سليم

 

[PuPa^^SWeeT]

مو بس اعلم بنتي انها تحترم كلمة اخووها


اعلم ولدي ( انشالله اذا يبته قولو اميين ) انه خواتك لازم تعطف عليهم و اتحن عليهم و توقف وياهم


يعني اخليييهم ماسكيين ايد بعض مايفترقوون انشالله


بس البنت فعلا لازم تسمع كلام اخووها ( واخووها يرحمها و يخليها بعد اتعيش مو بس يفرض قوته )

 

[wesh jaah]

اقتباس:
المشاركة الأصلية كتبت بواسطة المرتاحة
والله انا ما عندي اني افضل البنت على الولد او العكس

كل واحد فيهم له وصيه على الثاني.. احنا نربيهم على مبدأ ان الغلط يعني غلط و الصح يعني صح بغض النظر عن جنسهم.. و اللي يشوف الغلط الواجب منه انه ينصح اخته او الاخت تنصح اخوها

لازم يتربون على ان كل واحد يحترم الثاني و يقدر الثاني و يخاف على الثاني و الكل يحاول يقووم الثاني اذا شاف الغلط منه بغض النظر عن كونه ولد او بنت

مافي احد فيهم له افضليه على الثاني لكونه ذكر او لكونها انثى

احنا الوالد و الوالده ربونا على جذي وان شا الله انا اربي عيالي جذي

و مشكوره حبيبتي على الموضوع

معاها
وحلو يكون احترام حق الاخوان سواء كان اكبر منها او اصغر منها

يعني لا اهو يتحكم فيها ولا اهيها تتحكم فيه

عن تربيتي الله يخلي لي ابوي اهو اللي يسال واخواني
حياتي احبهم واحترمهم بس اهم الله يهديهم اب فتره مراهقة لازم طولت لسان
الله يهديهم ان شاء الله

 

[شذى2007]

براااي احس مو حلوووه اصغر منها ويتحكم له سلــــــــــطه لالا ماترضى البنت بالشي هذا الاب واذا ماكاااان الام اما الاخو اذا شاااف شي ممكن
شنو لازم نكسر شووكتها لا حرااام مو للدرجه

 

[kuwait_queen82]

ايي وبزيد على كلامي ..
بنات الوقت ما تبـي احد شديد عليها لااانه اللى تبيه تسويه فالاحسـن نصداقهااا عشـان نوثق فينااا ونعرف كل اللى تفكر فيـه
وماتروح لاصحاب السوووووووووء وعاد انتي تعرفيـن شنو شلون ممكن يأثرون عليها ..

الطيب والليـن احسـن مع شويه مراقبه من غير اهانه ولا صراخ ولا تقليل من شأن البنت

:rerrerek:نفس الراي

 

[ShaGRa NoiSya]

البنت مو محتاجه احد يكسر شوكتها عشان ماتتمادى لان البنت لو تبي شي تسويه (( اكسر للبنت ضلع يطلع لها سبع ))

البنت محتاجه الحنان والاهتمام

انا بربي عيالي مثل ما اهلي ربوني ان الاخو يكون صديق حق اخته وقريب منها حيل ومابينهم حدود
مافيها شي لو انه عاملها مثل ما يعامل حبيبته ودلعها هذي اخته وشرفه وعرضه اولى انه يعاملها بأهتمام وحنان و يطلع معاها
اصلا هني بتحس البنت ان لها ظهر ولي غلطت ( ماكو انسان مايغلط ) ما تخاف من احد وبتحتمي بأخوانها لان في بنات يغلطون ويستمرون بغلطهم لان تخاف تعلم اهلها ويكسرونها ويذبحونها (( مادري ليش لازم البنت بمجتمعنا تكون ملاك ))

سواء كان الولد اكبر او اصغر من الاخت ماله حق يحاسبها دام امها وابوها موجوديين بس ينصحها ويوجها

انا قليل ما اشوف شباب يطلعون مع خواتهم واذا طلعوا معاهم فا يكونون مغصوبين ومالهم مزاج ومنفسيين ويطلعون الطلعه من جبد خواتهم

واغلب البنات الي اخوانهم صكه ومعقدين والله مايدرون عن خواتهم لو تسألينه اختك جم عمرها ولا وين تدرس بيقولج شدراني ولا يمكن كذا او كذا !!!
اغلبهم هياته 24 ساعه بره البيت ولا يدري عن اخته شعندها وماعندها ولا محتاجه شي ولما تطلب منه شي او يوديها مكان يتعذر وماله خلق وتعبان وكل شي فييه ويوم ما وحده من الي يكلمهم تقوله بس تعال يرووح ركض ويسحب على اخته ولي غلطت اخته يا لعن والدينها وكسرها ليييش وينك عنها من اول ولا الحين صرت اخوها؟

للأسف هذا الواقع واغلب العووايل يقوون الريال على اخته لين ما تحس انه مالها ظهر

 

[عيون منوعه]

صبااح الخير حووووبي ~

اول شي حآبة ابدي فيه علآقة البنت بالولد (( الاخوان ))
لآزم يكون فيه احترام و مودة
و مو مشكلة لو قعدت آسال اخوي و اسولف معاه لكن من غير لا اتعدى اللاين الاحمر و ادخل بخصوصياته

و آما علاقة الولد بالبنت (( الاخوان ))

لازم يكون فيه احترام و مودة و هذا شي طبيعي لازم يصير !!
و مو من حق الولد ان يتعدى بحقوق اخته و يدخل بخصوصياتها
و حتى لو بغياب الاب ,, الام راح تكون موجودة و تفرض رايها على بنتهآآ
لأن مو من حق الولد ان يحقق مع اخته لأن مثل ماذكرت لو كان في احترام و مودة ماراح يفكر بأشيااء مو زينه عن اخته =)

و هم بعد الاخو له دوور كبير في غياب الاب و البنت راح تجبرها الايام انها ترج لاخوها و تاخذ رايه
يعني لازم يكون فيه علاقة حلووة بين الاخوان عشان تكون فيه حياه حلووة =)

​

 

[تذكر خافقي رمحك]

من حق الولد يحاجي اخته
عشان مانجرده من رجولته وانخليه ديوث
بس بحدود طبعا
مو ان يحاسبها عالطلعة والدخلة
ويصارخ عليها ويطقها سواء اغلطت او ما اغلطت على ابو ان صبي

 

[مطيريه ماركه]

آخوي مو عدوّي
طبيعي له ولية علي آحترمه وآخذ بـ رآيه
آنآ آشوف آلبنت آللي تعلي صوتهآ على آخوهآ ومآترد له آلشور
مآتربت آسمحولي
من نآحية شرعية : آلرجآل قوآمون على آلنّسآء
ومن نآحية آلتقآليد عيب آلمرة تطلع عن شور ريآجيلهآ
مو معنى هذآ آنّي محبوسة
وآلله آسوي كل شي آبيه سيآرة وسقت عند آبوي سفر ومحد يردني وآحنآ آلبنآت آللي نشور وين نبي نسآفر
آلمسآلة مسآلة آحترآم لـ آلرجل شنو فآيدة آلآخوآن في آلبيت آذآ مآلهم ولية على خوآتهم ؟
آنآ آشوف آكثر مصآيب آلمجتمع حآليآ آن آلبنت مآ ترد لآ على آخو ولآ آبو
وآلبنت لآ بغوآ يسبونهآ قآلوآ مآعليهآ وآلي يردعهآ هذي مصيبة آلمصيبآت
شخصيآً آحسب حسآب آبوي وآخوآني آكثر من زوجـي

 

[ريآنة آلعود ~]

لا عآدي مافيها شي اذا الاخو فرض رايه على أخته أو منعهآ من شي

لا هذا رجآل ويعرف كل شي امآ أحنا في البيت ما ندري عن شي

ومن حق الاخو يمنع يفرض رايه يسوي أي شي

وهذا كل مصلحه لاخته


ومثآل


أنا أمي عمرها بالاربعينآت وأخوانها با30 للحين وليومك هذا تسمع كلام أخوانها الاصغار اذا قالو لا لا

والله يخليلي لي أخواني عزوتي ويخليكم لاخوآنكم​

 

[فاقده ابوهاااا]

انا الوحيده بين اخواني الشباب واكيد لهم كلمه على حسب تربية الوالد على الله يرحمه ولي يومكم هذا متزوجه وعندي عيال بس للحين لهم كلمه علي من ناحيه اللبس او اي شي ثاني .. والاخو اكيد لازم يكون الوصي على اخته بس طبعا من بعد عين الابو

 

[mf6nt el3lat]

عن نفسي ما أحس في فرق عادي يعني مايهمني بس حلوووو الاحترام والاهتمام بالعكس انا بقولج تجربتي
قبل كنت ما احترم اخوي الكبيرحتى ما بينا فرق بالعمر كبير بس دايما اطنشه واحقره واضغطه الخ .. الخ
احس بعدين صار يتحكم فيني ويدقر فيني ما يحترمني كلششششششش
بس بعدين بديت احترمه واطيعه وجذي يعني والله صار حييل معاي ويسولف معاي ومايسالني عن شي ويعتمد علي احسس حيل تغير المهم
انا من راي انه السالفه مو سالفة تربية وتفريق لا اذا كان الاسلوب حلو بين الاخوان راح يحترمووون بعض ويحبووون بعض يعني احنا مانفرض على البنت تحترم اخوها لا نخلي هالشيء يجي منها والولد كذلك ؟؟


يعطيج العافيه​

 

[Strawberry]

انا مو متـزوجـه ..
بس اكلمج عن تربيه امي وابوي لنـا .
انا اخواني ما يتحكمون فيـني ابداا .. لانه الراي الاول والاخيـر لابوي عسى الله يطول بعمـره ..

بس دايم يقولنا ابوي انه لازم نحترم اخوااانه لانهم ظهر لنـا بالمستقبل ولا تدقرووونهم واسمعي كلامهم .. وتحقرونهم ونزلون من قدرهم .. لانه على قوله ( اذا صكـت فيج الدنيـأ مالج الا اخوانج )

وبعد دايم يقول لاخواني اللى اصغررررر منـي لاترفعون صوتكم على اختكم الكبيـره ..

اتفق معاااج حبيبتي

انا وحده اعاني من اخوي وتدخله بحياتي وهل شي يحرجني مع صديقاتي يعني اكلم رفيجتي بالتلفون يقولي تحاجين منو وليش وشحقه والبنيه عل خط هذا سلوك صحيح ؟

ادري انه بالنهايه يبي مصلحتي بس كل شي له حدود بالنهايه انا انسانه لي حريتي الشخصيه مو اي احد يدخل لو كان في موضوع خاص بيني وبين رفيجتي عادي يعني يدش غرفتي واله يعرف ؟

اتمنى احد يجاوبني وشاكرتلكم :eh_s(17):​