اللي عندها اخوان تدخل ( موضوع نقاش )

[Miss Cherry]

السلام عليكم

في نقاش صار بيني وبين وحده على طريقة التربية واحنا امهات اهي لها راي وانا لي راي مختلف فقلت اسأل هني اشوف رايكم

هل الاخو له وصاية على اخته حتى لو انه اصغر منها .. يعني كونه صبي يعطيه هذا حق انه يتحكم باخته يسألها وين راحت ووين جت ويقدر يمنعها من شي

وهل واجب على البنت تحترم اخوها حتى لو انه اصغر منها بس لانه صبي يعطيه هذا صلاحيات اكثر منها

انا ماتكلم عن موضوع يوصل للشرف بس فيه ناس عندهم فكرة انه الولد لازم نقويه على البنت ونعطيه امتيازات اكثر .. اكيد مروا عليكم حالات او ناس جذي

تأمنون انه تربية البنت غير تربية الصبي .. والبنت لازم نكسر شوكتها عشان ما تتمدا ؟


انا هالموضوع دار بنقاش بيني وبين وحده ماراح اقول شنو رايي .. بس بعرف هل طريقتي بالتربية غلط او لا

انا ليما الحين متمسكه برايي ومقتنعه فيه وهي تشوفيني غلطانه وانا اشوفها غلطانه

ويمكن اقول الموقف اللي شفته من رفيجتي خلاني افج حلجي واهي عيالها مراهقين يعني بالمتوسط والثانوي

 

[أضعف بطة]

بسم الله الرحمن الرحيم
يسعدني ان اكون اول وحدة ترد
حبيبتي هالموضوع انا قبل كان رايي ان مافي فرق بينهم ومو من العدل ان نخلي الولد له سلطة على اخته سواء اصغر او اكبر منه بس بزمنا الحين بصراحة 99% من البنات محتاجين ضبط وشدة واذا خليتي اخوها يتدخل هالشي فيع منه فايدتين منها تعودين ولدج ع الرجولة وان يغار على خواته ومايرضى لهم الغلط ومنها تضبطين بنتج وتحس ان في وراها أهل وتظل هاذي وجهه نظر ومو شرط ان اكون انا الصح

 

[الحسن الرقيق]

انا مو متـزوجـه ..
بس اكلمج عن تربيه امي وابوي لنـا .
انا اخواني ما يتحكمون فيـني ابداا .. لانه الراي الاول والاخيـر لابوي عسى الله يطول بعمـره ..

بس دايم يقولنا ابوي انه لازم نحترم اخوااانه لانهم ظهر لنـا بالمستقبل ولا تدقرووونهم واسمعي كلامهم .. وتحقرونهم ونزلون من قدرهم .. لانه على قوله ( اذا صكـت فيج الدنيـأ مالج الا اخوانج )

وبعد دايم يقول لاخواني اللى اصغررررر منـي لاترفعون صوتكم على اختكم الكبيـره ..

 

[الحسن الرقيق]

ايي وبزيد على كلامي ..
بنات الوقت ما تبـي احد شديد عليها لااانه اللى تبيه تسويه فالاحسـن نصداقهااا عشـان نوثق فينااا ونعرف كل اللى تفكر فيـه
وماتروح لاصحاب السوووووووووء وعاد انتي تعرفيـن شنو شلون ممكن يأثرون عليها ..

الطيب والليـن احسـن مع شويه مراقبه من غير اهانه ولا صراخ ولا تقليل من شأن البنت

 

[a7la-elbanat]

بالعكس حلو الاخوان يشيلون بعض مو يتأمرون ضد بعض وهذا ايي من طريقة تربيتج لهم
الولد له صلاحيات معينه وطريقة تربيه شوي مختلفه بس هذا مايعطيه الافضليه على البنت والبنت تكسرين شوكتها على قولتج عشان تربينها صح
لأ اثنينهم من ناحية التربية الاخلاقيه والقيم والدين نفس الشي الصلاحيات الثانيه ترجع حق ولي امرها اذا كان موجود اما بغيابه فانتي اللي تنوبين عنه الا بالامور اللي تتطلب وجود محرم فاخوها اولى

اما اذا غابت سلطة الام والاب اهني ايي دوره كأخ مسؤوول
بالنهايه الرسول الكريم يقول: كلكم راع وكلكم مسؤول عن رعيته

انا برايي ان ماتعطي الام ولدها كل الصلاحيات الا بحدود العقل والمنطق اولا لانهم اخوان ثانيا عشان ماتشب الغيره بينهم وشمعنا وليش وشحقه بتسمعها وايد
فالعدل بينهم مطلوب بكل شي


وسلامتج

 

[VET-Nour]

يآ كرهي للأخوآن , :/
غثيثييين ويييع مااحبهم ,
انا رايي ان الكبير اهو الي له صلاحيات اكثر d: ,
و البنت اذكى من الصبي , و اهي الي تقوم بالبيت ,
و اهي اححسن من الصبي بمليون مره

,,
يعططيج آلعآفيه​

 

[دريم ويب]

انا بصراحه مع مقوووولة اجدادنااااا واهلنااا

(( البنت بالدح والولد بالمدح))

واي عاااااادي ان البنت تاااخذ شووور اخوهااا قبل كل شي من بعد ابوهااا

 

[انصاريه قمره]

ما احب افرق شنو امجد الصبي وامدح فيه واصعده السماا
وبنتي اجعم فيهاا والعن ابو سلافهااا مو حراااام ؟؟

 

[قطوووة]

انا لو عندي بنت وولد بربيهم ان كل واحد مسؤول عن نفسه بس مايمنع يكون في احترام بس مو تسلط

 

[نور مغليها]

انا عندي اخو عمره 17 رآيح لـ 18 سسنه وهالفتره حيل صعبه ( المراهقه ) فـ تربيتهم له غير صح انه مدلع
بس دآيم يقولون له إنت رجآل وانت كبير ودير بآلك ع خوآآتك وانتبه لهم ..
مع إنه اصغر مني بكثييير ... بس لازم يحسسونه برجوولته .. وإنه رجال وكبير علشآن ما يحس بنقص ويروح لأشياء ثانييه

 

[ام ميميتو]

حبيبتي مو وصايه بمعنى وصايه يعني انا الحين عندي ولد واذا صار عندي بنتي بربيها مثل ما اربي اخوها بس الاخو لازم اخاف على اخته واذا غلطت انبها و هي نفس الشي بس مو معناته هو يعلمها انا اقولها مالج شغل هذا ريال شايل عيبه لاني اكره هالجمله البنت والولد يتربون نفس التربيه و اثنينهم اخافون على بعض بهالحاله البنت مارح تحس انه اخواها فارض شخصيته عليها و يتحكم فيها ان شاءالله تتقبلين رايي

 

[احبك ليش؟]

انا اخوي حيل صغير بالروضه فا مستحيل ايي اليوم الي يتحكم فيني بس انا مو معا الاخو الي يتحكم باخته بس بحاله وحده معاه لما يكون الابو مو موجود او اذا شاف شي غلط بس انا ضده ضده ضده

 

[المرتاحة]

والله انا ما عندي اني افضل البنت على الولد او العكس

كل واحد فيهم له وصيه على الثاني.. احنا نربيهم على مبدأ ان الغلط يعني غلط و الصح يعني صح بغض النظر عن جنسهم.. و اللي يشوف الغلط الواجب منه انه ينصح اخته او الاخت تنصح اخوها

لازم يتربون على ان كل واحد يحترم الثاني و يقدر الثاني و يخاف على الثاني و الكل يحاول يقووم الثاني اذا شاف الغلط منه بغض النظر عن كونه ولد او بنت

مافي احد فيهم له افضليه على الثاني لكونه ذكر او لكونها انثى

احنا الوالد و الوالده ربونا على جذي وان شا الله انا اربي عيالي جذي

و مشكوره حبيبتي على الموضوع

 

[عروس مطيريه]

اكلمج عن تربيه امي وابوي لنـا .
انا اخواني ما يتحكمون فيـني ابداا .. لانه الراي الاول والاخيـر ماما عسى الله يطول بعمـرها ..
و خواني تااااااج راسي ع طووول فوووق راسي اهم و امي​

 

[cute lulu]

لا لازم تساوين بينهم لان اذا فرقتي يمكن البنت تكره اخوها وتغار منا وبعدين موحلوه بحقها اذا كان اصغر منها يسالها وين رايحة ومن وين ياية لا لازم يحترمها وانا شخصيا ما احبب الي يفرقوون بين البنت وولد لان مالا داعي

 

[عادت ذكرياتي]

هالشي يبيله تفصيل من وجهة نظري

بس خوش نقاش

 

[noody a&a]

موضوع الاحترام لازم الاحترام متبادل بين الاخوان سواء بنات او صبيان صغار وكبار

الاحترام ماله علاقه بالعمر

اما مسالة تحكم الولد بالبنت لأ ماأيد خصوصا بوجود الاب

ومقولة اكسر شوكت البنت

بالعكس أنا أشوف اللي جذي البنت تقوى

يعني الاحظ وايد بنات اهلهم يضغطون عليهم ويحكرونهم واخوانهم يتحكمون فيهم

والبنات يصيرون أقوى وأجرأء حتى يتجهون للغلط

 

[G!RLooNa]

لا طبعا مو مع هالشي كللللش حتى لو اخوها اكبر منها هم ما يعطيه حق ان يفرض رايه عليها و يتأمر و يمنعها مدام امها وابوها عايشين ماله كلمه عليها و هالمره اصغر منها و يحاسبها هذا اللي ناقص بعد

و الحمدالله ماعندنا بالبيت هالعقد كلنا نفس الشي الصغير والكبير انا اكبر من اختي بسنه وجم شهر واكبر من اخوي ب 12 سنه ومالي كلمه عليهم امي وابوي اهما الوحيدين اللي لهم حق يتحكمون باللي نسويه و يفرضون رايهم ومتأكده لو عندي اخو اكبر مني جان نفس الشي صار لان امي وابوي مو جذي نوعهم

 

[ScarletteO'Hara]

لا ما أايد ان الاخو يتحكم بأخته!
شنو دور الام و الابو عيل يخلفون و بس؟
و شنو ميزة الولد على البنت عشان اخليه يتحكم بأخته بكل حرية؟
لا حياتي هالكلام ما يمشي
محد يتدخل بقرارات احد ما دام الام و الابو موجودين
في حالة عدم وجود الابو ممكن
غير جذي محد له افضلية على احد لانهم بالنهاية كلهم اخوان متساوين جدامي

 

[^^نـــواره^^]

والله انا ما عندي اني افضل البنت على الولد او العكس

كل واحد فيهم له وصيه على الثاني.. احنا نربيهم على مبدأ ان الغلط يعني غلط و الصح يعني صح بغض النظر عن جنسهم.. و اللي يشوف الغلط الواجب منه انه ينصح اخته او الاخت تنصح اخوها

لازم يتربون على ان كل واحد يحترم الثاني و يقدر الثاني و يخاف على الثاني و الكل يحاول يقووم الثاني اذا شاف الغلط منه بغض النظر عن كونه ولد او بنت

مافي احد فيهم له افضليه على الثاني لكونه ذكر او لكونها انثى

احنا الوالد و الوالده ربونا على جذي وان شا الله انا اربي عيالي جذي

و مشكوره حبيبتي على الموضوع

معاااااااها مليون%

وموبس الاخوان

لازم اعود عيالي انهم يتقبلون النصيحة من اي احد