اللي عمرها 30 سنة فما فوق،، خلاص ... القطاار طافها..!!

[نهى الأحمد]

على فكرة انا عمري 32 single وبرجي العذراء بعد !!!!؟ :eh_s(10): اتوقعين منه؟؟
وباختياري ما تزوجت للحين لأني ابحث عن الافضل ،، سمعت كلام واايد لكن لا يمكن اعرض حياتي
ومستقبلي للدمار لمجرد اني خايفة من سالفه القطار اللي ممكن يفوت،،
قطاري انا اختاره وانا احجز عليه بنفسي ،،
تحياتي​

مشكوره يا الغلا على المرور
وعلى ردج
والله يزرقج بولد الحلال اللي يستاهلج

 

[بناتي سكر نباتي]

والله انا اشوف لاطافها قطار ولا شي هذا نصيب .........وبصراحه انا ضد انهم يشبهون الزواج بالقطار واركبيه لايطوفج

موشرط ..كل شي بحكمه من الله سواء صار زواج او لا ........والله يرزق الجميع بالصالحين

 

[زهرة البنفسج22]

لا هذي مسأله نصيب
ومافي وحده ماتنخطب
انا وحده تصيرلي ملكه جمال طول وبياض وبيبي فيس تبارك الرحمن ماجاها نصيبها الا يوم وصل عمرها 31زوجها جنه من ال سعود من جماله وماشالله مهندس ومدلعها وبالعكس كان يبي وحده مقاربه لعمره يقول ابي وحده قريبه من تفكيري

ووحده ثانيه هم تصيرلي والله والله بطططططه وزادت بالمتن من اليأس بس وجهها جميل تبارك الرحمن واحسن واحد خطبها يوم دشت 30 ماشالله ولد عايله معرووووووووووووفه ماشالله الشبكه اللي تهبل والمهر الراهي الله يهنيها

وهم في سالفه وحده عمرها 32 والله موذاك الجمال وجهها عادي جدا تو ولد خالتي خطبها وردته ولد خالتي مافيه شي بس البنت استخارت وماتصرقعت وايمانها بالنصيب كبير

فا يابنات لاتتوقعون ان الوحده يوصل عمرها 30 وعمرها ما انخطبت لا اكيد تنخطب الا ما قل وندر واذا ربي كاتبلها نصيب اكيد بتاخذه

نفس وحده عمرها بحياتها ما نخطبت بنت الحلال موووووحلوه كلش وصل عمرها 43 تزوجت على مره بس اله عوضها برجال مدلعها وعادل حييييل

الله يوفق جميع بنات المسلمين ويرزقرجال اللي يتمنونه امييييييييييييييييييييييييييييييييييييييييييييييييين

 

[قوطي نيدو]

الزواج قسمه و نصيب

 

[ساندريلا]

اكيد لا كل شي قسمه ونصيب
ممكن تلقين وحده جميله وخلوقه ومع ذلك مو متزوجه والله لمن اشوفهم استغرب والعكس تلاقين بنت لا اخلاق ولا جمال متزوجه
كل شي قسمه ونصيب ووايد اعرف بنات تزوجوا على كبر
حبوبه واذا بنسمع حجي الناااااس ماراح نخلص لانهم بيتحجون لي اخر يوم من عمرهم هذا طبع البشر شنسوي

 

[كرستال]

أولا حبيت أشكرج أختي نهى الأحمد على هالموضوع الحلو


وقبل لا أرد أنا قريت ردود كل البنات اللي قبلي وبصراحة كل أرائهم روعه ومشجعة ومريحة


حلو أنج تلقين أحد يتكلم بهالأمور بعقلانية وإيمان أهو سبحان الله هالموضوع بالخصوص ((( قسمة ونصيب )))

بس مشكلة هالناس اللي عقولهم مصدية وفارغة كل محد شافج قالج غريبة كل هالجمال والثقافة والعقل وما تزوجتي

لازم تروحين للشيخ يقرا عليج اكيد فيج نفس ومن هالكلام اللي يضيق الخلق


عن نفسي عمري 31 سنه وراضية بقسمة رب العباد الحمد لله وكلي ثقة بأن ربي راح يرزقني بأحسن خلقة

بس والله اللي دابل كبدي في ناس ما تستاهل ولا تسوى تطنز وتقط نغزات واهي زين لقتلها أحد يتزوجها


خلتيني ابعبر باللي في قلبي وفاض الشعور (لوووووووووووووول ))

 

[أم غمااازه]

كل شي قسمه ونصيب

 

[نهى الأحمد]

مشكورين ماقصرتو يابنات بالردود الغاليه علي

 

[بطاط مهروس]

مشكورة على الموضوع .... اى قطار اى بطيخ كلامج عدل كل واحد ياخذ نصيبة
اذا تزوجت وتطلقت قالوا شوفو فلانة تطلقت ليش تزوجت اصلا ........ واذا ما تزوجت قالوا اشفيها ما تبى تتزوج
والله احنا مساكين كل شى على راسنا ....هههههههههههههههههه

 

[doooora]

الزواج قسمة ونصيب ودج الوحدة تعيش معززه مكرمة عند أهلها ولا متزوجة وملعون خيرها

 

[ام _خلودي]

والله كل شىء قسمه ونصيب

ماله شغل بالعمر

 

[yam_yam]

واااااااااااااي و اللي مايحب القطار يبي يركب طيارة شلون :dddds:


انا بعرف شغله منو اللي حدد ان عمر ال30 عانس خخخخخخخ
يعني اللي توصل لحد ال50 و تنخطب تتسمى عانس
و اللي 25 و محد خطبها مو عانس و لا شنو ؟؟


انا بنات عمي و بنات خالي فوق ال35 و ماتزوجوا و للحينهم يرفضون لان ماجاهم الرجل المناسب و هذا من حقهم شنو يعني يروحون يقطون روحهم على اي احد على بو بنتزوج !!!!!!!!!!!!!!

انا عن نفسي عمري 28 و للحيني انخطب بس بصراحه محد فيهم ارتحت له عقب ماستخرت شنو يعني اموت بالعكس عايشه احلى حياة و مستانسة و امي مو مخليه علي قاصر الله يخليها لي يارب :klhfl:
و اشتغلت و كملت دراستي و عندي مشروعي الخاص و لا احلى عيشة اللهم لك الحمد
و ماحس ان الريال عايقني عن شي بالعكس اقول الله مقسم الارزاق بالدنيا اذا كاتب لي اصير أم بصير لو يصير عمري 60 و لو الله مو كاتب بعد هذي قسمتي


و بعدين تعالوا عطوني حديث شريف أو اية قرأنية تقول انه اللي يصير عمرها 30 عانس ؟؟
هذي الكلمة لا الله سبحانه و لا رسوله قالها المجتمع المتخلف هو اللي حطها
و انا من كنت صغيرة اقول حق البنات الكبار لا تضايقكم هالكلمة بالعكس هذا السن ال33 سن النضوج اللي المراة تكون فيه بكامل انوثتها و جمالها و شي نهائيا مايضايق :tomato2:

بالعكس يوم صرت 28 اقول حق أمي انا بستعد لل30 ههههههههههه بعدل بشرتي و اسنع جسمي عشان اصير احلى و ماخذه الموضوع جداااااااااااااا عادي :dddds:



يعني لاتزوجتي متى تحملين و لا تطلقتي قالوا مو زينه
و لا ماحملتي ليش ماحملتي و لا جبتي بنت قالوا ولد و لا جبتي ولد قالوا بنت و بس هذي حالتنا
لا و اللي يبط جبدي بالعروس لا رحتي قالولج روحي رقصي عشان تنخطبين هههههههههه
و لا لا لا قعدي اخاف يقولون ميته عالعرس
شنو هالتخلف هذا يعني اذا رقصت وايد و لا مارقصت ابي اتزوج :dddds:
بذمتكم هذا تفكير !!!!!!!
انا عن نفسي طول الاسبوع مع زبايني و دراستي من يجي عرس بالعايله اطلع كل الكبت اللي فيني ماقعد على الكرسي و انا خبركم اموت بالطيران , :dddds: ,,,, و لا بحياتي فكرت اني انخطب بعرس بالعكس ضد هالمبدأ انا ابيه هو يشوفني و يختارني مو اهله بس شتسوين تخلف و الله ارقص و ابدع و لا همني ههههههههههه

بس عاد لحد متى بنمشي ورا كلام متخلف من هالمجتمع لازم نغير تفكيرنا

 

[نهى الأحمد]

واااااااااااااي و اللي مايحب القطار يبي يركب طيارة شلون :dddds:


انا بعرف شغله منو اللي حدد ان عمر ال30 عانس خخخخخخخ
يعني اللي توصل لحد ال50 و تنخطب تتسمى عانس
و اللي 25 و محد خطبها مو عانس و لا شنو ؟؟


انا بنات عمي و بنات خالي فوق ال35 و ماتزوجوا و للحينهم يرفضون لان ماجاهم الرجل المناسب و هذا من حقهم شنو يعني يروحون يقطون روحهم على اي احد على بو بنتزوج !!!!!!!!!!!!!!

انا عن نفسي عمري 28 و للحيني انخطب بس بصراحه محد فيهم ارتحت له عقب ماستخرت شنو يعني اموت بالعكس عايشه احلى حياة و مستانسة و امي مو مخليه علي قاصر الله يخليها لي يارب :klhfl:
و اشتغلت و كملت دراستي و عندي مشروعي الخاص و لا احلى عيشة اللهم لك الحمد
و ماحس ان الريال عايقني عن شي بالعكس اقول الله مقسم الارزاق بالدنيا اذا كاتب لي اصير أم بصير لو يصير عمري 60 و لو الله مو كاتب بعد هذي قسمتي


و بعدين تعالوا عطوني حديث شريف أو اية قرأنية تقول انه اللي يصير عمرها 30 عانس ؟؟
هذي الكلمة لا الله سبحانه و لا رسوله قالها المجتمع المتخلف هو اللي حطها
و انا من كنت صغيرة اقول حق البنات الكبار لا تضايقكم هالكلمة بالعكس هذا السن ال33 سن النضوج اللي المراة تكون فيه بكامل انوثتها و جمالها و شي نهائيا مايضايق :tomato2:

بالعكس يوم صرت 28 اقول حق أمي انا بستعد لل30 ههههههههههه بعدل بشرتي و اسنع جسمي عشان اصير احلى و ماخذه الموضوع جداااااااااااااا عادي :dddds:



يعني لاتزوجتي متى تحملين و لا تطلقتي قالوا مو زينه
و لا ماحملتي ليش ماحملتي و لا جبتي بنت قالوا ولد و لا جبتي ولد قالوا بنت و بس هذي حالتنا
لا و اللي يبط جبدي بالعروس لا رحتي قالولج روحي رقصي عشان تنخطبين هههههههههه
و لا لا لا قعدي اخاف يقولون ميته عالعرس
شنو هالتخلف هذا يعني اذا رقصت وايد و لا مارقصت ابي اتزوج :dddds:
بذمتكم هذا تفكير !!!!!!!
انا عن نفسي طول الاسبوع مع زبايني و دراستي من يجي عرس بالعايله اطلع كل الكبت اللي فيني ماقعد على الكرسي و انا خبركم اموت بالطيران , :dddds: ,,,, و لا بحياتي فكرت اني انخطب بعرس بالعكس ضد هالمبدأ انا ابيه هو يشوفني و يختارني مو اهله بس شتسوين تخلف و الله ارقص و ابدع و لا همني ههههههههههه

بس عاد لحد متى بنمشي ورا كلام متخلف من هالمجتمع لازم نغير تفكيرنا

مشكووره حبيبتي لرأيج اللي أسعدني

 

[احلام روحي]

ماقول الا يادبلة الخطوووووووووووووبة عقبالنا كلنا ههههههههههههههه


يارب الله يرزق كل بنت مسلمة بالزوج الصالح اللي يكون عون لها ع الدين والدنيا اميييييييييييين يارب

 

[نهى الأحمد]

ماقول الا يادبلة الخطوووووووووووووبة عقبالنا كلنا ههههههههههههههه


يارب الله يرزق كل بنت مسلمة بالزوج الصالح اللي يكون عون لها ع الدين والدنيا اميييييييييييين يارب

ان شاءالله حبيبتي
الله يسمع منج

 

[@سيدة نفسي@]

على سبيل المثال
انا عمري 31 سنة
لكن انا راضيه بقسمتي ونصيبي
الحمدلله

حبيبتي نهى عليج بالاستغفار وبشكل يومي والله أعرف وحدة عمرها 32 وكل من كان يعتقد انها ماراح تتزوج خلاص وانه راحت عليها بس اهي مايأست والزمت الاستغفار شهرين متتابعين وكانت تستغفر باليوم 3 آلاف مرة أوأكثر ........

وهذي اهي متزوجة وعندها 3 يهال ماشاءالله عليها ......... الله يرزقج بالزوج الصالح والذرية الصالحة ويقر عينج فيهم .....

 

[alb7ranya17]

حق البنات المو متزوجات انا اقولكم الزواج قسمه ونصيب اولا وثاني شي انا متزوجه ولايعه جبدي هههه يعني لا تفكرون تتزوجون بسرعه مثلي ( مطفوقه ) وعالعمر احب اقولكم لا سلامتكم انا حماي توه متزوج وحده بالاربعينات وشحلاتهم جنهم مراهقين والله يوفق الجميع

 

[softlady]

كل شي قسمه ونصيب والله سبحانه ما يمنع شي الا خيره ويدفع شر عن البنت حتى لو تأخر زواجها

 

[همس النور]

كل اللي انقال صحيح
والزواج قسمة ونصيب ومو شرط عمر محدد للزواج اللي تستعيل وتاخذ قرار الزواج من غير
ما تفكر عدل مدل استغرب منها واندهش بعد ليش لأن هذا عمر مويوم ويبيله تفكيييييييير من جميع النواحي
من اخلاق ومن حمولة ومن سكن ومن مادة وايد شغلات وهذا اللي ماخرني انا بعد بس ما تهون علي نفسي
واقط عمري من غير ما ادرس الموضوع عدل وكل شي عند الله
والله يكتبلي النصيب الزين انشالله ويوفقني يارب

 

[بتبوتااا]

كل شي قسمه ونصـــــــيب والي له نصيب بياخذه ان شاء الله سواء واهو صغير ولا كبير