اللي طلعوا فيزة امريكا يبتو معاكم هالاوراق؟؟

[نطوووعه]

بنات حق المقابله يبتو وياكم هالمستندات؟
· إثبات العمل
· شهادة راتب
· كشف حساب يوضح وجود أموال كافية تغطي السفر
· جواز سفرك السابق يوضح رحلاتك الدولية السابقة

واللي ودوهم سألوكم عنهم والا لاء؟؟

كل اللي خذوا الفيزا توهم من اهلي ماودوا وياهم شي جذي ولا حتى سألوهم؟!!


ضروري تكفووون مقابلتنا باااجر ان شالله

 

[travel q8]

صباح الخير

مايحتاج ولا شي من اللي قلتي عنهم انا قبل شهر عطوني فيزا وكان وياي وصل البنك وورقة الموعد والورقة اللي فيها
صورتي : ) بس

 

[fat]

عاد تبون الصج انا وايد احاتي هل فيزا لان رفيجتي سوت وعطوها بس ريلها ماعطوه

 

[فجر ا]

على حسب الحايقبلك بس اهم شى وصل البنك وورقه المعامله فيها كل البيانات الفندق وتكاليف السفر على حسابك وبس الله يسهل

 

[مزيان الروح]

ما سألو عنهم
والمقابلة سهالات بإذن الله لا تشيلين هم كلش ​

 

[مزيان الروح]

بنات اللي تعرف فيكم طريقة اضافة الفيزا حق بناتي اللي مضافين بجوازي تقولي جزاها الله خير
انا عندي فيزا بس بسوي لهم شلون الطريقة

 

[كاكاووو]

بنات ممكن توضحون اكثر عن طلباتهم السفاره
شنو تقصدون بوصل البنك ؟؟

أنا اللي اعرفه يبون شهادة راتب وكشف حساب وصورة 5/5