اللي صار بفعل فاعل ومخططين لكل شي من آلى .... !

[*كيفي*]

السلام عليكم ورحمة الله وبركاته .. ~



آول شي هذا قضاء وقدر ولازم نآمن ان لكل انسان يوم يموت فيه ..
ربي كاتب هالشي والله يرحمهم ويغفرلهم يارب ..
ويصبر اهاليهم ~.


قسم بالله تآثرت حيل بكل الي صار .. وقعدت ابجي على الجهال والعجايز والحمل والحريم وكل اللي صار

ثاني شي الجرايد كل يوم كلام مره زوجته الاولى هي المتهمه
والمره الثانيه براءه ..!!!

انا اعتقد مافي مره بالدنيا تقدر تسوي كل هذا وبعدين قريتوا الحوار كامل ..
البنت حتى لو كبت البنزين ع الخيمه معقوله بتحترق بهالسرعه واللي نجوا ينعدون ع الاصابع
والشي الوحيد اللي يثبت هالقضيه ضد الزوجه [ نصره ] شريط محطة البنزين
مو يقولون عبت بطلين بنزين اوكي وين الشريط اللي يثبت ...!!!!!!!!!!!!!!!

بنااااااات والله العظيم انا مو معاها والله يعلم اني كنت ضدها حيييل بس من قريت الحوارات والجرايد
وشفت التلفزيون الصراحه شي ماينصدق .. وخلاني افكر الف مره قبل لا اتكلم ..!!!

القضيه فيها ((( إن )))

وبعدين الجيب الابيض مركون على باب الخيمه ..!!! شنو السبب بس حشره ولا الحريقه متكتكين لها عدل ..!!

يقولون التماس كهربا ويقولون فعل فاعل .. ْ ويقولون العامل مال الكهرباا دش عليهم 3 مرات يصلحها ..!
يآربي شلون صارت ..

والله وحده هو اللي يعلم ومع الايام بنعرف منو سبب هالحريقه وانا اقول ان السبب مدروس عدل ومضبطين كل شي
من الى .... !!!

 

[آبـلـہ نـونـو]

الله أعلم ,,

لآ حول و لآ قوة إلآ بالله ,,

حسبي الله و نعم الوكيل على من كآن السبب ,,

 

[*كيفي*]

اي والله
الله اعلم ..
الايام بتثبت كل شي
شكرا ع المرور ..

 

[! بــدويه وآآيــد !]

:~















حسبي الله على كل من له إيد بالســآلفه

















:~

 

[مقهورة ذي قار]

حبيبتي بس اهيه اعترفت بكل شي

 

[*كيفي*]

المره حالتها النفسيه اكس مركبينها تهمة قتل اكثر من 47 ..!!!
شلون تبونها تتكلم ولا تعترف ولا تقول الصج ..
اعتقد حالتها ماتسمح لها تقول حرف واحد صح ..!

 

[*كيفي*]

والله اني مو معاها بس ياربي الاحداث تثبت انها مو هي ..!!

الايام بتثبت كل شي ..

والله ان الفاعل يستاهل يحرقونه ويعدمونه قدام الاهالي كلها ..
بس اللي اشوفه وقريته وحللت كل الجرايد من كثر ماقريت مو هي ..!!
السالفه متكتكين لها عدل .. وفعل فاعل اكيد .. !!!

الايام جايه وبنعرف الخبر الاكيد

 

[غيدآء]

ياربي لطفك

 

[sara999]

تصدقين مادري ليش انا حاسه نفسج
في تخطيط
ومادري ليش قلبي قارصني على خوات المعرس
من كلام البنات والا انا حتى مالي قرايب بالجهرا

بس من كلام البنات وحده تقول ان اخته الي مزوجيته كل شي علىى حساب الاخت
بس عشان تقهر الزوجه الاولي
يعني الي تسوي هالسوات ما تسوي اكبر بعد؟

 

[كيوت_25]

يا ربي ترحمنا و الله اعلم

 

[منورة الكويتية]

انا ماصدق كلام الجرايد لانه متناقض
كل يوم حجي وكل يوم سالفه غير الثانية
عموما حسبي الله على الي كان السبب اي كاان

 

[*كيفي*]

--------------------------------------------------------------------------------

تصدقين مادري ليش انا حاسه نفسج
في تخطيط
ومادري ليش قلبي قارصني على خوات المعرس
من كلام البنات والا انا حتى مالي قرايب بالجهرا

بس من كلام البنات وحده تقول ان اخته الي مزوجيته كل شي علىى حساب الاخت
بس عشان تقهر الزوجه الاولي
يعني الي تسوي هالسوات ما تسوي اكبر بعد؟

اي والله صدقتي وانا اشوف جذي بعد ..!!
وينهم خوات المعرس ماصار فيهم شي ..؟؟؟؟؟؟؟
وبعدين زوجته اللي مركبينها التهمه قالت ماتوا لي حبايب ..؟!!!
رفيجاتها جاراتها ..؟!! مو معقوووووووووووووله

 

[*كيفي*]

بنت جابر _ منورة الكويت _ كيوت 25

تسلمون ع المرور

 

[أم مشموش]

اشلون لهيا اعترفت وقالت انا وفي ناس يقولو نشمينه ريحت بانزين والله العالم ان شاءالله ماطول الحقيقه والجاني سواء كانت اهيا ولا خوات المعرس انشاءالله ياخذ جزاه هذي فيها أرواح ناس مو لعبه

 

[SaD FaCe]

شلونج كيفي شخبارج لج وحشه

صح كلامج .. مع الايام ان شاءالله بينكشف الفاعل ايا كان ..

 

[حمام شاقني فنه]

نوعيه خام الخيمه سريع الاشتعال
وهي كبت البانزين فكملت السالفه
حتى في فيديو مادري اذا شفتو وروناا اشلون هالخيام نوعيتها تحترق بسرعه بلمح البصر يمكن 3 دقايق والخيمه كلها رايحه
وهي اعترفت وانتهى الموضوع !!

اش له الحيره !!!!!!!

 

[miss_lymoona]

الله يعلم اذا اهي بريئه ومظلومه الله ينصرها

 

[*كيفي*]

نوعيه خام الخيمه سريع الاشتعال
وهي كبت البانزين فكملت السالفه
حتى في فيديو مادري اذا شفتو وروناا اشلون هالخيام نوعيتها تحترق بسرعه بلمح البصر يمكن 3 دقايق والخيمه كلها رايحه
وهي اعترفت وانتهى الموضوع !!

اش له الحيره !!!!!!!

شفت الفيديو في 40 ثانيه احترقت الخيمه ..
بس كل شي ضدها .. ومع الايام بنعرف كل شي . .
ومهما كان الفاعل يستاهل الاعدام .. !

حيـآج الله

 

[0(مـــســـ(مطير)ــــــك)0]

اتوقع وجود الجيب عند مدخل الخيمه ضروري .. عشان اذا مره بتدخل راح تفتح باب الخيمه فراح يبينون .. فلازم في شي بغطي الحريم اللي داخل عن اللي برا بشارع لا الخيمه عالشارع حاطينها ...

بعدين زوجته الاولى مستحيل بتقول ماتوا لي حبايب ( رفيجاتها ) وغيره ... لو حبايبها جان ماحضروا العرس عليها .. خوش حبايب يحضرون عرس زوجي علي !!!!

انا ماتهمها ولا اتهم احد وبالعكس تكسر خاااااااااطري ومتعاطفه معاها لانها صغيره وطايشه وحيييييييييييل مصدومه من اللي صار وحياااتها خااايسه من تزوجته .. اصلا لاجيناتهم تسمح لهم يتزوجون ولا اخلاقهم ولا عمرها يسمح لها تتزوج 18 سنه جاااااااااااااهل ومن تزوجته وهو يكوفن فيها عقدها هالمجرم ...

بس فوق هذا ماولازم انا نتهم الناس لاهي ولاخواته ولاخواتها ولاهم يحزنون الله اعلم .. ثم القضاه بيحكمون ..


ومشكوووووره ..

 

[آبـلـہ نـونـو]

الله يعلم اذا اهي بريئه ومظلومه الله ينصرها

شلووووووووون مظلووووووووووومـة و اهي عترررفت .. ؟؟؟؟؟؟؟؟؟؟؟؟؟؟؟؟؟

حسبي الله و نعم الوكيل ,, حسبي الله و نعم الوكيل ..

لآ حول و لآ قوة إلآ بالله ..