اللي شفته ما ينسكت عنه يااااحافظ

[BiiShOoO]

حرااام الله بيحاسبهم شلون ياكلون و اهيا واقفه ؟

 

[ام الوردة]

صااااااااااجه

مرة كنا طالعين انا وزوجي واليهال وماخذين الخدامة ويانا

عقب رحنا مطعم امبيييييييه لوتشوفين نظرة النااااس لناااااااااا يعني اي شي يايبة الخدامة المطعم

ولاااااااااااااااهموني بالطقاق دام ان عند ربي انا مو مسوية شي غلط مالي شغل فيهم

 

[kuwaitya_zoGaa]

مره شفت عايلتين ماشاء الله عليهم
كانو لبنانيين وكنا قاعدين قبالهم انا وريلي
وكان مطعم لوتوتر مال مرينا
كانو مقعدين خدامتين معاهم ويابو الاكل لهم وكلو وشبعو وقامو مسكو البهال ويراكضون ويلعبون معاهم
مع انهم فلبينيات !!!
ماقالو فقاره والا ماعندنا ؟؟؟

 

[ديور88]

عاد اتصدقون انا عندي خدامتي كلما طلبت اكل
الا اعطيها منه
<< طبعا بالغصب
اقولها اخذي ويالله تاخذه

سوت فيني موقف حلفت بعدها مااقولها تاخذ


مرات اطلب ويبقى الاكل لي باجر وتقطه بالزباله
اما اترجاها تاكل نو نو نو معصي ماتستاااااااهل

 

[جروح ودموع]

صح كلامج والله حرام وانا الحمدلله حتى بالبيت لما نطلب من المطعم نحسب الحسابها معانا ونطلب لها

 

[انصاريه قمره]

صج قلووب سوده ما فيها رحمه اليهود ارحم منهم
اليوم ابسط مثال بستي سنتر كنا طالبيت انا وريلي والطاوله اللي جدامنا وحده وزوجهااا وعيالها والشغاله ورب الكعبه طالبين واهي واقفه تطالعهم انزين حرام قولولها تروح تقعد خوو اليوم مو زحمه والطاولات ووايد ومو من غلات الوجبه ترا اقصاها دينار ونص بس قلوب سوده ما فيهمذره الرحمه

 

[classicyah]

حرآم و الله ،

نحـن مآ عندنآ يهآل بالبيت ،

بس مرآت نآخذ ويآنآ الخدآمه ، و انمشيهآ ويآنآ اذآ طلعنآ ،

و نفس الشي اذآ رحنآ المطعم نطلب لهآ ويآنآ

و كل مآ نشتري من برع نآخذ لهآ نفسنآ . .

لأن صدق حرآم يغمضون . .

 

[العفاسيه]

يمكن الخدامه ماتبي تاكل ان بعض الظن اثم

 

[om MaRyooM]

معقولة ؟ ؟


مسكينة والله


بس عشان لانظلمهم يمكن ماكلة المرة

 

[متغليه لعيونه]

الله يعطيك العافيه

 

[صادقة بكلمتي]

حتى لو طالعه من البيت وماكلة شدعوة ليش يخلونها واقفه والله لو شنو اخليها تقعد على كرسي شنو حارس شخصي اهي للمهمات الخاصه لوووووووووووول والله انا اعمل مثل قدوتي حبيبي المصطفى سيدنا محمد علية افضل الصلاة والسلام اللي عمره ما قال اوف لخادم عنده او اهانه ويبديه على نفسه بالاكل وانا نفس الشي مع انه خدامتي مو مسلمه وعيااااااارة درجه اوللاى وان شرينالها نشتري اللي اهي تختاره وان خذته للبيت وما عجبها وقطته من وراي اقول حسبي الله ونعم الوكيل والله بحاسبها انا شسوي بعد على حسن النصيحة والتنبيه والله احطلها الغدا قبل لا احط لناااااااااااا والله مع انهاااااااااااا ملوعه جبدي ولها سوالف الله الكافي بس بصبر شسوي بعد

 

[روعة خيال]

آنا مستحييييل آخذ خدامتي معاي لان حتى شوفتها للسوق بحد ذاتها تكسر الخاطر

و انا من النوع اللي اتمشى بالاسبوع ثلاث اربع مرات فـ ليش اكسر بخاطرها تقعد تطالع بالهدوم و الجناط و مو قادره عليهم

انا اللي بخير و نعمه لمن اشوف جنطه يزوووغ قلبي عليها بس مو قادره اشتريها شلون اللي حتى لقمة العيش صعبه عليها

اصلا ريلي اذا بنروح نتغدى برا يقولي لا تاخذين خدامتج لان ما احب الخدم بينا و احنا نتغدا او خليها تنطر برا

فأخليها بالبيت صج اتعب مع عيالي بس ع الاقل ما تشوفنا ناكل و اهي تطالع فينا نو وي

تقعد منها تجابل غرفتي و منها تاخذ راحتها لي بغت تاكل او تنام كيفها

 

[دفاء]

لا حول ولا قوة الا بالله

 

[رفيعة الشآآن]

الرحمة بالقلوب

وهذيل مالهم قلب

 

[سكوتي بذوقي]

نفس وتشتهي حرام اللي يسوونه

 

[miss swan]

انا خدامتي اخليها تاكل تخلص
وانا اوكل اعيالي بعدين اخليها تمسكهم واكل براحتي
واذا خلصنا طلبنا حق بنتي برد اشتريلها اهي بعد مااخليها
حتا لو مااكلت انا
استغفرالله بس هم اشك في نفسي
انشالله مااكون مقصره

وعلى في ناس حتا الثلاجه يقفلونها عنها​

 

[Tame]

امبيه قلبي عورني ماحب جذي
يقهروني هالناس والله اهلنا من نفس اكلنا نحط له وقبل لاناكل بعد واذا نطلع معانا على نفس الطاوله ونفس الاكل او تختار اللي تبي حرام هاي نفس كله الا وجبه
اهو صح لازم مانرخي عليهم ولانظلمهم حرام الله يحاسبنا

 

[قمر2009]

ايه والله ارحموا من في الارض يرحمكم من في السماء

 

[اميره1980]

الموضوع قديم بس حبيت اني اشارك فيه
ترا هالناس اللي تقولين عنهم قله و لله الحمد
اغلب الاماكن او المطاعم اللي نروح لها اشوف المعزبات مقعدين خدامتهم على طاولة بروحها و تاكل و طالبين لها احسن الاكل و انا شخصيا ما عندي خدامة بس لمن اطلع مع اختي و نروح مطعم حتى لو كان غالي تطلب لها على كيف الخدامة و نخليها تختار الطبق اللي مشتهيته و المشروب و الحلو و اذا تبي تشتري شي من السوق اختي تشتري لها على حسابها الشخصي طبعا بالحدود المعقولة

 

[دلوعة باباتــي]

والله حرام ترا بشر حالها حالنا
والله يعورون القلب حرام في ناس اعوذ بالله ما يقدرون انها بشر حالها حالنا