اللي شفته ما ينسكت عنه يااااحافظ

[فوفو22]

يوم الثلاثا الموافق 22-2-2011

<<<<يوم ما ينسي يوم نزول المنحه بالحسابات:ggdw:


كنت مع صديقاتي نتعشى بمطعم لانوتر اللي بالافنيوز ....

والمطعم اللي جدامي فيه 6حريم تكانه قاعدين على طاوله ووحده منهم بحضنها ياهل بو 3 سنوات

يتعشون والفلبينيه واقفه على راسهم وعينها طايره على صحونهم وهم طايحين سوالف وضحك مع بعض



*ما قالوا لها قعدي تعشي.....او استريحي بكرسي بدال وقفتج

*ولا طلبوا لها عشا.....

*ولا تركوها تتمشى او تتعشى بمكان ثاني

الرحمه يا بنات بهالبشر ....تراهم نفس تشتهي وتجوع ...ممكن يحسدونكم او ينظلونكم لو جوعتوهم

او حتى حرمتوهم من نعمه


ترى اذا هي معاج بالسوق او بمكان عام .....عامليها نفس عيالج بالضبط

<<<تعتمدت احط الموضوع بهالقسم لانه الخدم يرافقون المتزوجات ورواد هالقسم متزوجات

فوفو

 

[بيتي بوب بس كويتيه]

امبيه حرام
انا معاي خدامتي أوكلها قبل لا انا افكر اكل في ناس ما تفكر

 

[دلوعة روحي]

واااااااااااااااي فوفو يا كثر ما اشوف هالموقف جدامي

يعني اذا حضرة المعزبة مو ناوية تعشيها

خل تخليها بالبيت تاكل بكرامتها المسكينة

هم بني ادم

الله يهدي بعض الناس

مشكورة عالموضوع فوفو

 

[وردة-الكويت]

والله حرام اعوذ بلله من ناس نافي قلوبهم رحمه ارحم ترحم شهلقلوب الي نافيها رحمه

بس اختي موضوعج مكانه مو اهني

 

[nicesara90]

رد : اللي شفته ما ينسكت عنه يااااحافظ

ما يصير شزي

 

[مر الايام]

اي والله صاجه ياقلبي اهي نفس تشتهي نفس مااحنا نشتهي والرفق فيهم ضروري على الأقل لو مخلينها تقعد على الكرسي وطالبين لها عشاء ارحم من وقفتها فوق روسهم وايد في نماين جذي عبالهم الخدم حيوانات ... الله المستعان.

 

[سوسن1980]

رد : اللي شفته ما ينسكت عنه يااااحافظ

دايم اعطيها مع عيالي الحمدلله ماتهنى بلقمتي وهي ماكلت

 

[لورا 2]

رد : اللي شفته ما ينسكت عنه يااااحافظ

صاجه والله هم اهم بشر مثلنا لازم نراعيهم

والرسول صلى الله عليه وسلم كان ياكل مع خادمه


بس ليش ماعطيتيها من وجبتج دام كسرت خاطرج

:080402ask_prv::080402ask_prv: ​

 

[iLLuMinaTion]

ما يصير جذي

 

[ام عمر11]

والله هالخدم ما يبين بعينهم صح لازم تكون ماسكين العصا بالنص وما نرخي ولا نش

 

[DooLy88]

حمدلله والشكر
لانهم موسنعات ومايعرفون شي
خلي الحسد على صوب

هاذي نفس باجر يتحاسبون عليها

قهروني

 

[هاديهـ&مطيعهـ]

ليش ماخذينها خلي يخلونها بالبيت اذا البنت بحضن أمها شالفايدة من وقفتها بس حسره عالفاضي

 

[][°•سـζـآيب•°][]

رد : اللي شفته ما ينسكت عنه يااااحافظ

لا حول ولا قوة الا بالله

 

[انثى استثناء]

و الله يافوفو

انا قبل فترة كنت بسوريا بمطعم و لا نشوف انا زوجي هذيك العوايل قاعدين على طاوله وحدة مبين طالعين عزومه و معاهم مبينه
خدامه شكلها اندنوسية و هذاك البس ملبسينها يعني مرتب و الله وقاعدة معاهم على نفس الطاوله و تاكل معاهم و اهما لو شايفه شلون

الرقي حقتهم صج ناس ذربه تعطي الحقوق و مافي فرق .....


و الله انا الي ردت تقول احسن و ماينعطون ويه اقول خافي ربج بس لا ربج يقلب النعمه

 

[بحر الذكريات]

لا حول ولا قوة الا بالله

 

[نـعـومـه]

رد : اللي شفته ما ينسكت عنه يااااحافظ

ترا مرات الواحد ينسى وموقصده هالشي

بس صح حرام اخس الشي بموضوع الاكل ان شاءالله لي يبت خدامه اكون عادله لانه صج كلشي ينحسب بالذمه

وموحلوه اكل واشبع اكل وغيري يوعان ومشتهي اكلي اوووووف شعور بايخ

 

[miss_jamsheer]

اي امبيه انا وريلي لما نشوف هالمنظر نشمئز كلش مااحب هالحركه حرام انا ماعندي شغاله بس اذا بطلب بالبيت وشغالت خالتي اتقولي بطلب معاج امبيه مااخذ منها فلوس اذا عندي احس كلش الموقف بايخ هذي روح تشتهي مثلنا حرام والله

 

[ام الدرر]

ذكرتيني بموقف
وحدة من بنات بابا جابر ياعله بالجنة ان شاءالله
كنا بجوني روكيت ودخلت معاها بناتها والخدامة قعدت هي على طاولة والخدامة على طاولة يمهم
وشوي دخل السايق وقعد مع الخدامة على نفس الطاولة طلبت الله يحفظها ووصت على الطاولة الثانية اييبون لهم اللي يبون
والله لوما الحيا جان حبيت راسها
صج من خلف ما مات
الدنيا نماين يا فوفو والرك على التربية
في ناس شايفة خير
وفي ناس شايفة نفسها


​

 

[الأميرة جوري]

جزاج الله خير ,,,

فعلا حرام شالفرق بينا اهى بشر مثل ما احنا بشر لولا الفقررررررما شفنا ولا وحده متغربه عن اهلها ...الرحححححمه يا ناس..

 

[Daleela]

انا يدتي حبيبتي اول ما نتغدى تقعد وتسأل عطيتو السايق عاد اتحرش فيها اقولها حشى ريلج لووول

وهم لمن اخذ شغالتي اسألها اي مطعم تبين بالنهايه اهمه بشر