اللي شرت اراضي بعمان ياريت تساعدني

[حوراء الكويت]

السلام عليكم

شلونكم بنات وشخباركم انشالله بخير

قبل فتره قريت اعلان حق وحده من شركات العقار بالكويت حاطين قسائم سكنية بعمان على 2500 دينار كويتي انا شفت ان السعر وايد رخيص يعني كانه مو واقعي فياريت اللي شرت اراضي بعمان تفيدني هل السعر هاذا عادي ولا مبالغ فيه من ناحية انه حيل رخيص؟؟؟ وهل تأيدين الشراء بعمان؟؟؟ وشنو الاجراءات اللي لازم اسويها علشان اضمن حقي وما انغش من الشركة؟؟؟


ومشكورين ويعطيكم العافية

 

[منيرة خالد]

السلام عليكم / اختي حوارء الكويت

بالنسبة لعمان انا شاريه ارض بمنطقة السويق تقريبا بـ 5000 دينار قبل سنتين - وحاولت ابيعها بس ابي رأس المال ما لقيت احد يشتريها ابدا يعني المنطقة فيها مشاريع بس بطيئة والظاهر المشاريع اللي بعمان ما تتنفذ بسرعه يعني تشترين الارض وتطيح بجبدج سنين ، والاسعار اللي عند الشركات الكويتية فيها نصب ( الارض اللي شريتها ما تسوي 2000 دينار )

وتقبلي تحياتي

 

[&شوارفسكيه&]

ما انصحج كلش
لان قبل فتره اخوي يفكر في هالمشروع
وبعد ما سال قال كلش مو مال تجاره
بس سمعت من كذا وحده تمدح بس ما ادري

احسه فاشل
انتي سالي وشوفي اللي عندهم خبره
وان شاء الله البنات في هالمنتدى يفيدونج

 

[nmda]

لرفع لعيونك

 

[مذوبتهم]

مانصحج اختي

لان وايد ناس من عندنا في البحرين شرو اراضي من عمان 5000 دينار واخر شي طاحو في جبودهم

وبعضهم انضحك عليهم وراحت افلوسهم في بعدي عن هذا الشي

ولج كل الود

 

[حوراء الكويت]

مشكورين حبيباتي وما قصرتو والله يجعله بميزان اعمالكم انشالله