اللي شاافته بأي نصر الريااضي أو أي محل رياااضي ...ضروري تدخل

[™ S ά R ά B ●]

السلام عليكم..

شلونكم .. شخبااركـــم ..!


بنات عندي ولدي فيه نقص أوكسجين والحمدالله مااثر ع المخ بس عنده ضعف بجهة اليمين وحده من ريله لما يمشي يكون ع أصابيعه وأيده اليمين كله مثنيه وقليل ماينزلها ..

وأللحين قااعد يااخذ علاج طبيعي بــ الحكومه وبـــ الخاااص والحمدالله ع كل حاال ..

وآنا قااعده افتر ع الموااقع الأجنبيه عن العظام والعلاج الطبيعي شفت جوتي (وأنتم بكرامه) وااايد عجبني ..

علمـــاً الحكومه سوت حق ولدي مثل الجوتي حق ريله وهم نفس اللفه حق ايده وقااعده أحطهم له بليل لأنه واايد يتضايق منهم وأهو قااعد ..

فقلت لييش مااشتريه شي يقعد فيهم فجذي شفت هذولي وياريت ياا بناات اللي شاافته بنصر الريااضي أو أي محل ريااضي تقولي ضرووري مابي أتعنا وأرووح وبعدين ماأحصلهم

هذا حق الريل



وهذا الثاني




وهذا حق الأيد



وهذا الثاني




:bye22:​

 

[كويتيه ذربه]

مادري سالي محل شول بالسالميه يم مستشفى المواساة
او صيدليه الغانم او العيسى مو متاكده بس يمكن عندهم لان جذي اشياء تلقين عندهم
وصيدليات المستشفيات الخاصه
واتوقع يقولون الرازي عندهم صيدليه تبيع اغراض بس مادري اي صوب
وفي صيدليات بالديره تلقينهم عندهم كل هالاغراض انا مره خذيت حق القدم بس من زمان ماذكر وين
واذا مر علي باي وقت نفسه ان شاءالله ابلغج


ومايشوف شر ان شاءالله


وسامحيني كان ودي افيدج وين بالضبط بس هذيل كل الاماكن اللي مروا علي

 

[بنتq8]

لللللللللللللللرقع

 

[noor al3yoon]

رد : اللي شاافته بأي نصر الريااضي أو أي محل رياااضي ...ضروري تدخل

الله يشافيه لج يارب ويخليه لج

مااعرف رفع

 

[Coffee-Girl]

الله يشافيه لج يارب حبيبتي

 

[Miss-Madry]

خلي تآجره تطلبه لج اظمن ،،

ماشفته بنصر توني رايحتله ،،

يمكن تلقين بصيدليات وماكن تجهيز المستشفى

والله يشافي ولدج ويعافيه وتفرحين فيه معرس

بوسيليآه>> اموت بليهآال

 

[أم@الحلوين]

رفع

 

[*ماي الورد*]

رد : اللي شاافته بأي نصر الريااضي أو أي محل رياااضي ...ضروري تدخل

دقي على عيادة د مساعد السعيد او روحيلهم وساليهم وين تحصلينه

 

[غلاى رغد]

رد : اللي شاافته بأي نصر الريااضي أو أي محل رياااضي ...ضروري تدخل

للرفع

 

[sho-sho_93]

حبيتي الله يشافيه هذا يسوونه له تفصال بمركز الاطراف الصناعيه

 

[الحنــونــة]

والله حبيبتي ماعرف
بس شوووفي مركز العيسى عندهم اشياء طبية مثل جذي
قبل لاتروووحين لهم دقي عليهم احسن
انا شااايفة عندهم شغلات جذي
مركز العيسى مووجود بالديرة
واتوقع بالسالمية لهم اكثر من فرع
عندهم مفااارش طبية كل شغلهم طبي
جربي يمكن تلاقين الشغلات الرجووول واليدين عندهم
ومايشوووف شر والله يشافيه
اذا حصلتيه راااسليني بالخاص

 

[$ نواره $]

رد : اللي شاافته بأي نصر الريااضي أو أي محل رياااضي ...ضروري تدخل

مرحبا شلونج اختي ولدج نفس حالت ولدي بالضبط بس انا قبل لايمشي رحت وعالجته بالشيك ووصفولي جوتي طبي من هناك بس جواتيهم عجيبه والحمدالله مشي ولدي ومشيته حلوه بس ايده كلش موشي مايستخدمها المهم قطعت الجوتي شهرين صغرو عليه اختربت مشيته صار يعري وايد تضايقت حيل وقعد ادور جواتي طبيه عند شول والصيدليات ماحصل نفس اللي عندي وكانت رفيجتي رايحه الشيك ويابتلي قياسه صرت البسه حتى بالحضانه . الدكتوره نصحتني بالجوتي طول اليوم من الصبح لي الليل والجوتي بوت ومن داخل مرتفع وافضل شي اللي يكون خيوط مااحس اللي تنبينهم عملي ما احسه مريح . حبيبتي وايي استفسار انا حاضره.

 

[$ نواره $]

رد : اللي شاافته بأي نصر الريااضي أو أي محل رياااضي ...ضروري تدخل

الشغلات هذي استبعد تكون بالنصر اتوقع تلاقينها باماكن معدات طبيه مثل مركز طب العائله بالمهلب فوق واذا ماعندهم يطلبولج من النت بس تكلفه الشحن وايد غاليه كنت ابي حق ولدي نفس الجبيره حق الايد تكون اسفنج مريحه نفس نظام الدس الرياضي بس تمسك الابهام عشان ماينحني لي داخل قيمتها 6 دنانير رخيصه وتكلفت الشحن 35 واجمعيهم .قاع ادورها وليما الحين مالقيتها قبل كانت عندي بس صارت صغيره عليه حبيبي خاطري اتواصل معاج عن عيالنا تفيديني وافيدج يمكن في شي انا مااعرفه او انتي ماتعرفينه يفيد عيالنا.

 

[ماكنتوشه بنفسجيه 12]

رد : اللي شاافته بأي نصر الريااضي أو أي محل رياااضي ...ضروري تدخل

اب اب اب اب

سبحان الله وبحمده

سبحان الله العظيم

 

[۩۩ الجـــــود ۩۩]

ان شاء الله تحصلينهم

شوفى اى محل يكون للاطراف الصناعيه تحصلين عندهم هالشغلات

قبل قالى الدكتور علشان ولدى

 

[dalyooh]

تحصلين مثله بالشركه الطبيه المتحده