اللي سوو اشعه الصبغه ... اشعه ملونه .. Hsg تعالو

[A6AYEF]

السلام عليكم يا بنات ...

انا بصراحه صارلي سنه و آنا ابي احمل بس الله مو كاتب لي مع العلم ان عندي ياهل من قبل ..
و زوجي ولله الحمد وضعه سليم ...

بس يوم راجعت الدكتوره قالت لي عن هالاشعه .. ف ارجو منكم يا بنات تقولون لي تنوروني اذا تعوّر ..
و اذا في منها نتيجه ... فيدوني الله يخليكم ... راسي بينفجر من كثر ما احاتي ..

و اللي سوت خل تقول لي وين سوتها و بكم ؟؟

و لكم كل الشكر على المرور ...​

 

[أمونة الحلوة]

شوفي حياتي انا سويتها بمستشفى السلام سعرها 60 بدون بنج وانا سويتها مع بنج 100

ماتعور ولا شي ماتحسين بشي كلش وماشا ءالله في ناس وايد من عقب اشعة الصبغه احملو على طول

ربي يرزقج بالذريه الصالحه يارب

 

[Hello_kitty]

انه سويتها بالسلام ونفس تجربة اموووووووونه بالضبط

ما تشووووووفين شرررررررر

 

[بقايا الليل]

الله يرزقج من خيره ويرزق كل محرومه ....

 

[البيداء_77]

انا سويتها بالصباح تأذي شويه بس لا بد منها وما انصحج تسوينها بالبنج لانه ما تسوى السالفه

 

[foozia_87]

انا سويتها يا قلبي فيها عوار مثل مقص الدوره بس لمدة اقل من دقيقه والله بعدها كل شي عادي ولاعليج شي وتفيدج هل اشعه واااااااااااااايد موشويه وان شاء الله ما عليج شر

 

[زنوبة الحلوة]

حبيبتي انا ماعندي فكرة عن هالاشعة
بس توكلي على الله ولاتحاتين

وانا ماعتقد انها تعور عادي حالها حال السونار والله العالم

سألي الدكتورة تفيدج اكثر

وانشالله البنات يفيدونج بعد وانشالله ماعليج الا العافة

 

[ملح مكتت]

انا سويتها بالصباااح بجييييت من الخووف وصراخ وعفييسة اخرتها ماكو شي عوارها عادييييي نفس .... بالجمااع ماتعووور

 

[فوفه]

حبيبتي آنا سويتها بمستشفى السلام بدون بنج ، ألم بسيط لمدة دقايق نفس الم الدوره

وبنفس الوقت يقولج الدكتور اذا انابيبج مفتوحه ولا مسكره ، واذا مسكره راح تنفتح من هالاشعه بس لا تحاتين وانشاءالله سهاله

 

[بمبرة]

:klhfl:حياتي آنا سويتها في دار البراء كلينك
في الجابرية كلمة روعة شوية عليهم
وآنا كاتبه تجربتي تحت موضوع ناسية اسمه بس تلقينه في نفس القسم

 

[q8ya1986]

اذا عندج انابيب فالوب مصكرة او فيها التصاقات رح تعورج

انا عووووووووورتني وايد وايد اذبحتني ترا انا مو دلوعه بس والله تعور لأن فيني التصاقات وانسداد !!

اذا مافيج شي انشالله ماتعور !

سويتها بمستشفى دار الشفا ب 60 دينار

 

[زيتووونه]

أنا قبل اسبوع سويتها في مستشفى الولادة ومافيها أي شي
راح يعطونج الصبغة تشربينها مثل الماي بس شوي طعمها مر وبعدين يدخلونج بجهاز ما فيه أي شي بس لازم وانتي بالجهاز يعطونج ابرة شوي فيها حرارة مو وايد مدة الأشعة يمكن ربع ساعة أو أقل
توكلي على الله وسويها وانشالله مافيها إلا كل خير

 

[زيتووونه]

على فكرة ترى سويتها ببلاش و أي مستشفى حكومي يسوونها ببلاش بس أنا غلطت أنا سويتها بالاميري مو الولادة

 

[ضيم الليالي]

انا سويتها بعد عند دار البراء كلينيك ولاني خوافه سويتها تحت التخدير.. حتى الدكتورة تضجك علي بس من كثر خوفي ماقدرت اتحمل
معاملتهم حلوه والنتيجة تطلع بنفس الوقت

طيعيني سويها ولاتحاتين

 

[A6AYEF]

اشكركم على التفاعل ... و على الاقل تطمنت ...الله يريح بالكم ويرزقني الذريه وياكم ...

 

[شوشو_75]

شوفي يا اختي ... اول شي ليش قالوا لج سوي اشعه ملونه ؟؟
انا سويتها في دار الشفاء .. فيها عوار خفيف بس ما يستدعي البنج ..
سويتها عند د. اسامه صالحه .. قالي نبي نعرف في شي مسكر الأنابيب ولا
عنق الرحم ولا المبايض .. يعني توضح لو الله لا يقول يكون في شي
بس تقلب الجبد .. تحسين بلوعه من الصبغه .. عادي
وبعدين عاد قام يفنتق على راسي .. لما عرضتها على دكتور ثاني
قالي .. زينه ومافي اي شي وقام يشرح لي .. يعني طمني
هذاك الدكتور بالشفاء خرعني وقالي فيه مني انسداد ولازم عملية نشيل القناة هذي
لانها خربانه ومادري شنو .. سوى لي فيلم رعب .. بس الحمدلله ما سمعت كلامه
بس انتي سويها ..وعقب عرضيها على كذا دكتور لا تسمعين كلام الدكاترة بعضهم بس يبون يربحون

 

[دمثة]

الله يستر انا عندي موعد اسويهااا ودكتور احمد الشاذلي اراجع عندي بس قال لازم نشوف

 

[دمثة]

سؤال بو سمحتي اشلون الاشعه تصير وطريقتهاااا لاني خايفه بعرف طريقتهااا الجهاز

 

[حنون المزيون]

أنا سويتها الشهر اللي طاف سويتها على يوميييين ( يافرحتي )

بالأول قعد الطبيب يعابل فيني على أساس ينفتح عندي الرحم ما تبطل من الخرعه عقب ما دفعت لهم 60 دينار بس كان يعور لأنه يحاول يفتح عندي الرحم ..
عقب ردوا لي فلوسي وقالوا تعالي باجر نسوي لج بنج وندخلج ورحت سويتها ولا حسيت بشيء بس ما زالت عندي ألم خفيف من تحت والسبه الدكتور أول مره لمن حاول يفتح عندي العنق
والحمد لله على كل حال
سويتها بالشفا ب150 دينار مع الغرفه والعشا

 

[دمثة]

رحت اليوم الموعد الاشعه وصراخ وعفيسة وبجي ومابي وابي ويالله واخرتهاااا من الخوف طلعت وماسويت شي والله كنت نادمة اني ماسويتهااا بس خفت خفت