اللي سوت تجميل للمنطقة الحساسه من بره

[رشيديه نعومه]

بنات انا حدي عليميه بهالسالفه بس عندي سؤال

ابي اورد المنطقه بس مو عارفه شلون ؟؟

ياريت ما تبخلون علي ..

 

[ابلة رسم كتكوته]

اااااااي يعور
اشوه اني اولد قيصريه

 

[القانونيه]

حبيبتى اذا ناويه على العمليه روحى دكتور احمد الشاذلى مستشفى السلام يسويها ووايد شاطر

 

[المشتاقة للجنة]

انا اذكر سويت تجميلي عقب ولادتي صج شكله غير شحلاته وتسكرت حيل بس مؤلم وسويتها في مستشفى السلام صج يذبح يعور يالله طاب العوار بعد 20 يوم
بس ناويه اسوي تجميلي بعد ولادتي بعدين لان النتيجه بالنهايه حلوه وشي سوي وتوكلي على الله
وانا رفيجتي هم سوت تجميلي من غير ولاده صج عورها بس حيل كيف زوجها مايفارقها كله مقابلها_03ba:

السلام عليكم بس ما ذكرتي اي دكتوره سوتلج بالسلام ورفيجتج عفيه قوليلي وين سوتها عفيه قوليلي
:krkrkr::krkrkr:

 

[om faisal]

السلام
اتمنى انه البنات استفادوا من الموضوع واتمنى اني افدتكم
وحبيت ارد على اللي تقول ما يهمها ابو الشباب
لييش ما يهمج حبوبه وله تبين رجلج يشوف غيرج يا بالحلال وله بالحرام الله يبعدنا ويبعد رياجيلكم عنها
قريت قصه مره عن وحده زوجها كان يخربط مع وحده من بنات الدول العربيه
ومع مرور الوقت المره قالت له انا بدي اسافر لعند اولادي ما عندهن حدا
وسالها قالها انتي عندج عيال قالت له ليش يعني غريبه
وصار هالسؤال بخاطره
وعقب ما طلع منها دق عليها وسالها قال انا بخاطري سؤال بس منحرج
قالت له اسال عادي
قال انتي اشلون عندج عيال وانتي ؟؟؟ ( يعني يقصد جنج بنت بيوت )
وانا زوجتي جذيه ؟؟؟؟؟ اشلوووون
قالت يعني زوجتك ما بتعمل عمليه تجميل بعد الولاده
استغرب الرجال لانه الرياجيل ما يعرفون هاذي السوالف
لانه هاذي السوالف سوالف حريم
المهم الزبده
انه المره لازم تحافظ على زوجها ومافيها شئ اذا اهتمت بنفسها بالحلال وعند مره يعني دكتوره
وأثر هذي العمليه عليها وعلى زوجها للاحسن
واحس حتى المشاكل تقل بين الزوجين اذا المره كانت تجابله بروحها المرحه وباهتمامها بنفسها
والله يخلي كل زوجين لبعض ولا يفرقهم انشاء الله

 

[كرز أخضر]

تعبنا واحنا نعابل بعمرنا... كل شي فينا اخترب بسبة هالرجال..والعيال..ونتحمل الالم والعمليات ونخاطر بعمرنا عشان نرضيهم..قطيعه ياهالرياييل مايتغير فيهم شي

 

[عز النفس يغنيني]

انا مو متزوجه بس صج بنات الله يعين المرأه من الم الدوره لي الحمل والولاده وبعدين تعب تربيه هالعيال و بو الشباب مو

عاجبه وتسوي عمليات وحالتها حاله بس عشانه


يعطيج العافيه

 

[om faisal]

بنات اللي عندها تجارب تذكرها علشان نستفيد

 

[سنتر الزين]

بنات لي الحين ما وصلنا لنتيجه اول شي خل وحده منا تستفسر عن التفخ عند دكتورة تجميل وترد لنا خبر... ثاني شي انا بروح هالايام دكتورة نسا بالهادي خياطها فلته وبستفسر منها وارد لكم خبر باذن الله

 

[سنتر الزين]

طبعا استفسر عن التجميل الخارجي لان الداخلي اكيد كل من يسويه

 

[om faisal]

انا الحين حامل بالشهر الثاني
ورحت سالت رشمي عن التجميل الخارجي وقالت لي هذي لازم عمليه بروحها ومو مع الولاده
وقالت انها تعور :krkrkr:

 

[سنتر الزين]

انصج ام فيصل بعد الولاده بثلاث شهور تسوينها تضبط 100%

 

[om faisal]

اي بس عاد وين اروح اسويها هني مربط الفرس
اروح حق دكتور نسا ولا تجميل

وانا اعتقد تجميل لان خارجي

 

[لووودس]

بنات عندي سؤال يعني لو سويت هالعمليه اقدر اختار شكل معين للمنطقه ولا انا وحظي قصدي الشكل الخارجي ؟؟

 

[كويتيه78]

اي في تجميل لشكل المهبل من بره يسويها دكتور احمد الشاذلي بمستشفى لسلام وبصراحه راواني صور لقبل وبعد شي عجيب طبعا العمليه باليزر ماكو لاشق ولاخياط بس يتغير شكل المهبل ويسويها ب500 دينار بس بصراحه شي

 

[كويتيه78]

البنات التجميل للشكل الخارجي مو داخلي يعني شكله من بره

 

[فرحه عمر]

حبيبتي التجميل الخارجي عباره عن شغله بسيطه لا بنج ولا يحزنون اذا كان قصدج عن الترهل ففي طريقتين
الاولى ابره فيلرز تتفخ الشفايف اللي بره
او اذا مسويه شفط دهون يرجعه من الدهون على الشفايف اللي بره بابره مثل تفخ الشفايف العاديه
لكن اذا قصدج على الشفرات هذي تختلف من وحده للثانيه بس يعتمد التجميل على حسب لانها منطقه حساسه وممكن ينعدم الاحساس فيها بعد العمليه

وانا بعد ودي اسوي الاولى

 

[فرحه عمر]

بنات عندي سؤال يعني لو سويت هالعمليه اقدر اختار شكل معين للمنطقه ولا انا وحظي قصدي الشكل الخارجي ؟؟

هههههههههههههههههههههههههههههههه
لا اختي تدخلين يانصيب عليها !!! شنو انتي وحظج؟؟

 

[AL 3la]

توني ادري انهم يسون تجميل حق هالمكان @@

 

[avara]

جراحه التجديد المهبلي

جراحه التجديد المهبلي

هناك نوع آخر من جراحات التجميل آخذ في الانتشار—وهي جراحة التجديد المهبلي. ويستلزم هذا النوع من الجراحة تضييق المهبل ومنطقة العجان التي غالبا ما تتمدد أثناء الولادة الطبيعيه ومن تكرارها اكثر من مره. ويزعم بعض الأطباء أن هذا النوع من الجراحة يزيد من المتعة الجنسية للطرفين

وتعتبر معدلات الخصوبة والولادات في الشرق الأوسط من أعلى المعدلات في العالم مما يؤدي لحالات كثيرة من السلس البولي وهبوط الرحم وتمزق أربطة العانة. إن عمليات تصليح التمزقات وهبوط الرحم كثيراً ما تؤدي إلى مفاجأة سعيدة تكمن في الحياة الجنسية الممتعة التي تلاحظها الأم بعد العملية حيث تقول ” بدأت أشعر وكأنني حديثة الزواج بعد العملية التي كنت أصلاً قد أجريتها لمنع تدلي الرحم وتضييق الجدران الداخلية للمهبل. لقد بدأت ألاحظ الفرق منذ أول ممارسة جنسية مع زوجي”.
بعد الولادات المتكررة تتمدد جدران وعضلات المهبل ومع التقدم بالعمر يقل حجم القضيب المنتصب للرجل بسبب نقص إفراز التيستوستيرون. إن تضييق المهبل يضفي متعة جنسية جديدة للزوجين. لا تنفع تمارين الحوض مع التوسع الناجم عن الولادات المتعددة أو التهدل الناجم عن الولادات المتعسرة التي تؤثر كثيراً على عضلات الحوض وجدار المهبل مما يفقد الشعور بالمتعة بالنسبة للمرأة وكذلك لدى الزوج الذي يبدأ بالتذمر من عدم إحساسه بنفس المتعة السابقة.
العملية ليست جديدة فهي من العمليات التي يجريها جراحو النساء والولادة منذ سنوات كثيرة لإصلاح التلف في عضلات الحوض بسبب الولادة، ولكن تم تحوير العملية وطريقة إجرائها لتلبية رغبات النساء الكثيرات في العودة لوضع المهبل الطبيعي قبل الولادات للتمتع بحياة زوجية أفضل أو بعد الطلاق وقبل الزواج مرة أخرى وبعضهن يطلبن العملية ويرضين التعرض للتخدير ودفع تكاليف العملية رغبة في الحفاظ على الزوج الحالي وضمان تماسك البيت واستمرار الحياة الزوجية دون منغصات. . لقد تقدمت الطرق لإجراء العملية لدرجة أنها أصبحت تجرى كعمليات اليوم الواحد وتخرج المريضة في نفس اليوم ويمكن أن تمارس جميع الأنشطة العادية ما عدا ممارسة الجنس حيث تتطلب العملية اجتناب الجماع لمدة ستة أسابيع على الأقل