اللي سمعوا قصتي مع حبيببي اللي احبه سنين, وتركني ووتزوج, تبون تعرفون اخر التطورات؟؟؟!

[ديانا سبنسر]

الطيور على اشكالها تقع انسيه والله يعوضج باللي احسن منه

 

[عيون ظبيانية]

الله يعوض عليج بالأحسن منهم إن شاء الله

 

[مظلومة حيل]

كل واحد يكلم وحدة اعرفي انة مستحيل يتزوجها بس يجذب عليها

بس بصراحه هذي حقيرة و الله يصبر قلبج

 

[أم@الحلوين]

هالاشكال ما عليهم حسوف

مالت عليه وعليها والخبيثون للخبيثات

احذر عدوك مره واحذر صديقك الف مره

والله يرزقج بالزوج الصالح اللي يسعدج ويهنيج يارب

 

[أحبه موت]

واااااي ياربي شالزمن الاقشر الي الصديقة تطعن صديقتها وتخونها
شوفي ياعمري شفتي ليش الله ماكتبلج نصيب معاه!!
لأن بإختصار الطيبون للطيبات والخبيثون للخبيثات واهمه الاثنين لايقين على بعض واهو مايستاهل ظفرج اصلا
حمدي ربج الف مرة ان الله ماكتبلج نصيب مع انسان واطي وخاين وعينه زايغه يقولج احبج طل ابعينه يحبج لو فيه خير ماحط عينه على رفيجتج وفوق كل هذا تزوجها
خليهم ربج يمهل ولايهمل وراح تشوفين فيهم يوم مالا داعي انتي اتحرين اخباره
كل شي راح اييلج لي عندج وربج راح يوريج فيهم
هذيلي ما عليهم حسوف بلعنتهم اهم الاثنين اذا بتحسفين تحسفي على وقتي وايامج الي ضيعيتها على ناس ماتستاهل
الله يوفقج وويرزقج بالزوج الصالح الي يحطلج الشمس يإيد والقمر بإيد وينسيج طوايفة وطوايف أهله بعد

 

[تعويذه الحب]

بصراااااااحه امركم غريب !!!!!!!

انا بوضحلج شغله حبيبتي اول شي شنو يعني ( باقت حبيبتي ) شنو اهي بايقه منج تنوره ولاساعه ولا قطعه ذهب

حبيبتي هذي احاسيس ومشاااااعر ما تنباق وبعدين فكري شوي شنو الانسانه فيها ميزات اللي خلت حبيبج ينساج ويتزوجهااا !!!

وبعدين بصرااااحه انا قريت موضوعج من الاول وفي اشياء ما اقتنعت فيها والقصد مو اني اجذبج اقصد من ناحيه حبيبج

اول شي حبيبج كان متبع معاجح سياسة التطفيش بس انتي تميتي متمسكه فيه بدليل ان كان يكلم امه ويخليج تسمعين رايها فيج

يعني اي بنت عندها كرامه وعزه نفس بتسمع هالحجي بتقوله وبصراحه لابوك لابواهلك شنو بتذلني على هالحب بس حبيبتي اهو

مشاها عليج بينلج ان امه مو راضيه واهو بريء ماله ذنب وبنفس الوقت انتي ما عزيتي نفسج ورخصيتيها بدليل انج تحملتي الاهانه

من امه شنو يعني لما تسمعين الام تقول هذي طايحه بجبد اهلها ومستواها المادي عادي وهذي اكبر منك وتتحملين وما فهمتي المغزا

من الاول شلون طافت عليج هالحركات بدال ما تعزين نفسج رخصتيها.

لصبي كان يضيع وقت معاج ووقت حلو وبس بس عمره ما فكر ياخذج لانج ما رزيتي نفسج وما عززتيها بالعكس رخصتيها

وتمسكج فيه فسره اهو على اساس انج صج طايحه بجبد نفسج ولا شلون وحده تتحمل كل هالحجي عشان واحد تحبه مو معقوله

بس رفيجتج لعبتهاا صح شكلها تعلمت من غلطاتج بدليل انها تقولج عشان منو ذابحه نفسج عشااان هذاا !!!!!!!!!!!

يعني رفيجتج مارخصت روحها وعلى فكره الريياييل عموما يحبون المرا اللي عندها كرامه وقويه وهالموضوع متكلمين فيه مليون

مره يا بنااااااااات لا تضعفون جدام الريال الزم ما عليج كرامتج ولو بتقرون كل المراضيع بتشوفون ان المرا اللي شايله ريلها

على راسهاااااا شوفوا شمسوي فيهاااااااا

عموما حبيبتي لا دعلين عليهم لان الدعوه ترد لصاحبهااا

الله يهنيهم ويوفقج ويرزقج بولد الحلال

 

[شنوووفه]

الله يصبر قلبج واااي علشاان جذي انا مااعترف بشي اسمه صداااقه
موفقه حبيبتي

 

[dectora 7elwa]

اهو احقر منها
اهي ما واجهتج بس اهو مثل عايج

 

[آم آحمدو]

الله يعوضج بلي احسن منه ياااااارب


وتجوفين حوبتج برفيجتج يارب لان شوفي اهي شنو قايلتله عنج

 

[ترانيم انثى]

الله يكون بعونج يارب..

 

[dubai girl]

شكلها داهيه قدرت تيبه

خل يولون الخبيثون للخبيثات

خطافة الرياييل ><

حسبي الله عليهم وربي يعوضج بلي احسن منه

وانتي اقطعي علاقتج فيها الخاينه

 

[!الجادل الصعب!]

شلون ..!

رفيجة عمرج تتزوج وماتعزمج ؟

بعدين شلون تعرف عليها .. يعني هم الاثنين ما يستاآهلون معرفتج فيهم ..

آقطعيهم من حيآتج وخليهم يولون ..

 

[KHAD3]

ياعيني عليك
والله شي يموووووووووووت قهر

الله يعوضك

 

[غلا ستايل]

صج حقيرة
ما ادري شلون فكر
لا تحرين عمرج انزين ما عزمتج على عرسها هذا واهي اعز رفيجه ما ادري شنو
ولا كل شي صار سكتي بعيدعنج

 

[دبدوبه شيك]

تدرين آنا اول مره قريت قصتج بجيت عورتي قلبي ودعيتلج من قلب انج تنسين حبه لاكن الصراحه صدمني الحجي اللي قلتيه معقوله في ناس جذيه ,بس تدرين مبين عليج طيبه حيل عشان جذي ربي كشفهم علي حقيقتهم جدامج ,صدقيني لو طالعين الامر من زاوية إن الله يحبلج الخير لان انكشفوا وبين معدنهم جان تهون عليج المصيبه لان مافي احد يستاهل دموعج ابد ابد غير امج وابوج واخوانج .

 

[من دن إلى دن]

لا حول ولا قوة إلا بالله العلي العظيم

اللهم إرحم قلبها وقلب كل من مر بنفس هالظروف







إختي


إشفيج الله يحبج

وخلاج تشوفين بعينج





ودايم قولي لنفسج

(( إلي عنده الله شنو ما عنده ))

كل شيء عنده


أصلاً لا تدعين ولا شيء

واضبي على الشكر وقولي الحمد لله
الله حابج والله اختي
دايما قولي الحمد لله إلي عرفني شنو هالناس
وعرفت آنة شنو وإشكثر آنة غير عنهم

حبي نفسج مو تحطمينها
بالعكس ترفعي عن سفاهة الناس وخيانتهم وسلبياتهم


والله بيعوضج

يمكن الكلام صعب عليج

بس صدقيني الله يحبج








إشفيج الدنيا حلوة وبخير


الدنيا فيها ناس وايد زينين

بس إحنا وإنتي بعد ما صادفتيهم

قولي حق نفسج أكيد في شيء أحلى من كل هذا

آنة لو منج بقرأ هالرد وما عاد أدخل الموضوع مرة ثانية






جددي عاطفتج لله وحدة لا شريك له ..

كلنا ننسى الله بلحظات حلوة بحياتنا

وندخل بصدمات وتجارب صعبة ونذكر الله حزتها ..

إنتي جددي هالعلاقة مع الله سبحانه

كلميه كل يوم حاجيه صلي ركعتين واشكي لربج شنو صار بحياتج

وشنو إلي تعبتي منه

وحتى لو ما عليج صلاة سولفي مع الله ناجيه

وإنتي بالدرب بالسيارة بدارج بأي مكان

قولي يارب انت تشوفني وتسمعني

وانت حاس فيني وقادر تغير حالي

وقادر تعوضني لأن كل شيء بأمرك وقدرتك




خلج راضية بكل شيء صارلج بحياتج

القبول والرضا شيء مهم أختي والله

جددي ذكر الله على لسانج بالتسبيحات والاستغفار

أصلاً لمن تبين تسولفين عنه أو عنها أو أول ما تذكرينهم

قولي استغفر الله العلي العظيم الذي رحمني

والحمد لله على نعمتك ورحمتك فيني يارب







جددي حبج لنفسج لأشباهج لشكلج لإيدج لكل شيء فيج

جددي حبج لأمج لأبوج لأخوانج خواتج لأهلج

جددي حبج لغرفتج لبيتكم للمكان إلي تحبينه ودايم تروحين له

كلمي الأماكن قولي لها إنج ولهانة عليها

وأن كل شيء حسيتيه بهالأماكن

بتغيرينه للأحسن للأفضل

للجميل للمفرح

للبكاء ،، ولكن

بكاء شفاء من أي تعب






الدنيا بخير أختي ورحمة الله ظهرت لكِ الحمد لله

وألف ألف مبرووووك والله إني فرحانة إن الله كشفلك الغيبيات والأسرار

وما خفاه أقرب الناس لج .... إشفيج إصحي خلاص فنيتووووووو

الدنيا حلوة وإنتي حلوة وقربج من كل شيء حلو بيخليج أحلى وأحلى






الحب الصادق من الله راح إيي ولا تفكرين بالحب

الحب بيركض لج وبييلج وبيقول :

آاااااه ويني عن هالقلب الحلو

وهالمشاعر الحلوة وهالجمال وهالإنسانية



خليج إنتي الوفية والوحيدة عاااادي ولا يفرق عندج شيء

لو ملأت الدنيا خيانة وغدر وإنكسارات وسلبيات من حولنا

يكفينا أن الوفاء فينا والصدق والبناء والإيجابية شيء منا وبداخلنا





تدرين إنتي شنو محتاجة














إنتي محتاجة ألحين ألحين ألحين

لشور عجيب ،، وإنج تتوضين

وترشين على جسمج ماي ورد

وتتنشفين وتلبسين بجامة حلوة

أحلى بجامة عندج



وتشبين ذاك البخور الطيب ،،

وإن ما عندج بخور إشموع حتى لو مو معطرة

وتلبسين ثوب الصلاة وتاخذين القرءان معاج وتفرشين السجادة

وتصلين ركعتين لوجه الله شكر وحمد

وتقرين من المصحف فاتحة الكتاب والمعوذات

حتى لو حافظتهم هم إقريهم من المصحف

خلي إعيونج تشوف كلام الله إشلون مكتوب وإشلون أن الآيات

لها تأثير عجيب للعين ومسكة المصحف لها هيبة عجيبة

تخيلي إنتي ماسكة معجزة من الله سبحانة وتعالى

مسكيها بهيبة وحذر واقري المعوذات ،،

وبعد بتزيدين ما تيسر من القرءان

خير على خير وبركة من الله سبحانة

ومن تخلصين خلج على قعدتج واستغفري الله كثري ما تقدرين

وسجدي حمد وشكر على هالنعمة وهالأمان وهالرحمة


وأول ما تخلصين





طيران







على طول غسلي ملابسج

نظفي دارج غيري منها

نزلي حدر قعدي مع أمج وأبوج


حضني أمج حضني أي أحد موجود في بيتكم

إختج أخوج

خدامتكم أي أحد ،،

تحسين إن في يوم من الأيام

أخلص وأعطاج من قلبه


وصدقيني بتشعرين بالسعادة









وذكريني بالخير


ولا تنسين دعوة من قلبج

لإوخيتج .. شيخة


آنة إختج ومعاج وحاسة فيج

واااايد مو إشوية صدقيني


وأي شيء تبين من إعيوني

راسليني على الخاص بأي شيء أي شيء

حتى إن كنتي بتبشريني إنج فرحانة

يالله فرحينا


وفرحي كل من عرف وكان عارف قصتج

إن الحمد لله إنتي سعيدة










أجمل المنى لكل من يقرأ كلماتي

هالكلام لصاحبة الموضوع

ولكم خواتي

ولي أيضاً


جميعنا نحتاج لهذا الأمل


لا تبخلون على نفسكم بالفرح




أسألكم الدعاء

إدعولي خواتي



الله يفرج عليكم وعلينا يارب

 

[english muffin]

ماعرف شاقول لج الصراحة

ادري منقهرة ماعرف شلون اخفف عليج
يارررب الله يوقفج وتاخذين الي احسن منه بألف مرة
والطيور على اشكالها تقع

 

[من دن إلى دن]

أب


أب



لكل الحلوين إلي يقرون هالقصة

 

[ريتااجي]

حسبي الله عليهم

صج حقيرة بعد مأخذته وتطلع وتروح وتجي معاج

ولاكأن صاير شي

ربي يعينج حبيبتي وياخذ حقج منها

 

[منيرة خالد]

لا حول ولا قوة الا بالله

مع اني ما احب سوالف الحب - والزواج اللي يدوم اهو زواج الاهل


لكن ما اقول الا الله يصبرج واطوي هالصفحه من حياتج وابدي من جديد والله يوفقج